Pressan - Björgvin G. Sigurðsson

Dýrir dráttarvextir

Thu, 25 Mar 2010 11:30:26 GMT

Í gær svaraði Gyfli Magnússon ráðherra efnhags- og viðskiptamála fyrirspurn minni um hvað 4% lækkun dráttarvaxta, sem ákveðin var með lögum frá Alþingi 18. desember 2008, hefði sparað skuldurum í kostnað. Svarið var sláandi hátt; 27 milljarða króna. Þar af eiga fyrirtækin 90% af þeim vanskilum en heimilin 10%. Því hefur þessi lækkun dráttarvaxtaálagsins um 4%, úr 11% í 7%, skilað skuldugustu heimilum landsins um 2,7 milljörðum króna í lægri kostnað. Einnig kom fram í svari Gylfa að vanskil í bankakerfinu námu í janúar 673 milljörðum króna, þar er hlutur fyrirtækja 90 prósent og heimila 10 prósent einsog áður sagði.

Framtíðarmódel félagshyggjuaflanna

Fri, 19 Mar 2010 17:19:39 GMT

Framboðslistar fyrir sveitarstjórnarkosningarnar í vor taka nú á sig mynd um land allt. Fyrir áratug og rúmlega það runnu ölf vinstri og félaghyggjuaflanna mikið til saman í hin ýmsu framboð; Reykjavíkurlistinn, Fjarðalistinn, Árborgarlistinn og Húsavíkurlistinn eru fáein dæmi um það. Sú deigla markaði upprot vinstri miðjunnar úr A-flokkum, Kvennalista og Þjóðvaka yfir í Samfylkingu og Vinstri græn.

Ísland eitt kjördæmi

Tue, 16 Mar 2010 14:00:00 GMT

Í dag lögðum við 19 þingmenn úr öllum flokkum nema Sjálfstæðisflokknum fram frumvarp til stjórnskipunarlaga um að Ísland allt verði gert að einu kjördæmi. Undirritaður er 1.flutningsmaður málsins sem unnið hefur verið að í nokkra mánuði. Þetta er í þriðja sinn sem slíkt mál er flutt en það gerði fyrstu Héðinn Valdimarsson árið 1927.

400 milljarðar í nýfjárfestingar

Wed, 03 Mar 2010 15:20:24 GMT

Í dag gerði ég að umtalsefni undir liðnum störf þingsins þau fjölmörgu verkefni í orkunýtingu sem nú eru að nálgast framkvæmdastig. Gangi þau eftir hefur það veruleg áhrif á atvinnustigið sem hækkar hratt og örugglega og aukið innstreymi gjaldeyris í landið.

Landsvirkjun og umframorkan

Mon, 01 Mar 2010 11:10:00 GMT

Nýfjárfestingar í orkuvinnslu skipta sköpum til þess að koma atvinnulífinu aftur af stað. Gangi áætlanir eftir um að framkvæmdir við álver í Helguvík og gagnaver á Vallarheiðinni verði komnar á fullt í vor hefur það mikil áhrif á atvinnustigið í mannvirkjagerðinni og langt út fyrir það.

Orkan og endurreisnin

Mon, 01 Feb 2010 19:00:00 GMT

Fjöldi tækifæra blasir nú við okkur í hagkvæmri nýtingu endurnýjanlegra orkulinda Íslands. Ákvörðun umhverfisráðherra um að Suðvesturlína fari ekki í sameiginlegt mat á umhverfisáhrifum markar þáttaskil við uppbygging atvinnutækifæra á Suðurnesjum og orkunýtingu á svæðinu. Með henni er óvissunni eytt um horfur í stærstu uppbyggingarverkefnum sem áætlanir eru uppi um.

Breikkun Suðurlandsvegar í útboð

Wed, 20 Jan 2010 14:10:00 GMT

Átta mánaða útboðsbann í vegagerð er senn á enda einsog fram kom að loknum ríkisstjórnarfundi í gær. Kristján Möller ,samgönguráðherra, kynnti þar áform sín um að bjóða út tvöföldun Suðurlandsvegar um Sandskeið, verk sem kostar einn og hálfan milljarð króna og hefur verið unnið að síðustu misseri. Ráðherra segir að verið sé að skoða hvort unnt sé að koma þessum verkefnum í útboð sem fyrst og stefnt er að því að hefja framkvæmdir við tvöföldun Suðurlandsvegar í maí.

Skynsemi við breikkun Suðurlandsvegar

Tue, 15 Dec 2009 09:30:00 GMT

Nú nýverið var ákveðið að bjóða út fyrsta áfanga breikkunar og tvöföldunar Suðurlandsvegar. Um er að ræða vegkaflann á milli Lögbergsbrekku og Draugahlíðarbrekku austan við Litlu kaffistofuna sem 2+2 veg. Vestari kaflinn tengist núverandi þriggja akreina vegi um Lögbergsbrekku og að austan tengist hann núverandi 2+1 vegi um Svínahraun. Gerð útboðsgagna er langt komin en auglýsa þarf verkið á Evrópska efnahagssvæðinu. Það er mikill áfangi eftir margra ára baráttu fjölda fólks fyrir bættu umferðaröryggi á Suðurlandsvegi með aðskilnaði akreina á veginum.

Græna stóriðjan

Fri, 06 Nov 2009 12:56:55 GMT

Í vikunni vöktu garðyrkjubændur athygli á versnandi stöðu garðyrkjunnar, sem stundum er nefnd gjaldeyrissparandi hollustugrein. Á þeim 20 árum sem garðyrkjan hefur verið stunduð árið um kring hefur hún margfaldast að burðum þannig að nú starfa á annað þúsund manns við greinina, hún veltir milljörðum, sparar háar fjárhæðir í heilbrigðiskerfið og eykur hirslur gjaldeyris umtalsvert þar sem ekki þarf að flytja góðmetið inn frá útlöndum. Nú kreppir að vegna hækkandi raforkuverðs en greinin bókstaflega grundvallas á aðgangi að raforku á hóflegu verði.

Orkunýting og endurreisn

Thu, 22 Oct 2009 13:55:31 GMT

Skynsamleg og sjálfbær orkunýting er forsenda og aflvél endurreisnar samfélagsins. Endurnýjanlegar orkulindir eru sóknarfæri okkar og sérstaða sem þjóðar til þess fá hingað nauðsynlega erlenda fjárfestingu. Slíkar fjárfestingar geta breytt samdrætti í vaxtarskeið og unnið gegn atvinnuleysi og framkvæmdafalli í byggingariðnaði og orkugeira.

Vefurinn mikli og lygin lífseiga

Tue, 29 Sep 2009 14:31:32 GMT

Kostulegt er hvað hægt er að spinna sömu ósannindarulluna aftur og aftur til þess að gera fólk tortryggilegt. Því hefur ítrekað verið haldið fram af pólitískum andstæðingum mínum að ég hafi lokað vef mínum eftir bankahrunið til að „fela“ greinar um bankana og útrásina.

Stærsti lærdómurinn

Mon, 28 Sep 2009 08:23:28 GMT

Pólitíski veruleikinn eftir fall bankanna var kaldur. Frá hruni krónunnar í mars og fram að falli bankanna hafði fasteignamarkaðurinn frosið, atvinnuleysi aukist, verðbólgan jókst stjórnlaust vegna gengiskreppunnar og höfuðstóll lána hækkaði jafnt og þétt.

Aðalvandinn er enn óleystur

Sat, 26 Sep 2009 08:42:26 GMT

Hlutur stjórnvalda og eftirlitsstofnana í aðdraganda gengishruns og bankafalls er meðal þess sem helst má læra af þegar litið er til baka.

Lærdómar að liðnu ári

Fri, 25 Sep 2009 09:37:39 GMT

Nú er rétt um ár liðið frá því að gengi krónunnar hrundi og íslensku bankarnir féllu. Viðburðaríkara ár hefur líklega ekkert okkar lifað og mun varla lifa. Þetta hefur verið ár óvissu, ótta, undrunar, oft hneykslunar og reiði. Sú örlagasaga verður seint sögð með fullnægjandi hætti, en ég hyggst í þremur greinum reifa hluta atburðarásarinnar eins og hún blasir við af mínum sjónarhóli sem viðskiptaráðherra í rúmt ár fyrir hrun krónunnar og fall bankanna.

Níð í skjóli nafnleysis – hver er ábyrgur?

Sun, 06 Sep 2009 12:55:12 GMT

Eftirminnilegasti kúrs sem ég tók á háskólaárum mínum í heimspeki og sögu var málstofa Þorsteins Gylfasonar um réttlætið. Þorsteinn heitinn var þau misserinn á kafi í rannsóknum á kenningum um réttlæti og setti sem frægt varð sína eigin. Þorsteinn meðal annars að mesta ranglæti sem til væri sé að gagnvart nokkurri manneskju væri rógburður. Að bera á manneskju rangar sakir til þess að rægja hana, draga úr og laska mannorð viðkomandi með ósannindum og ófrægingum hverskonar. Ekki væri til meira óréttlæti en mannorðsníð og rógburður hverskonar.

Sundurlyndisfjandinn og Sjálfstæðisflokkur

Wed, 12 Aug 2009 15:09:05 GMT

Þegar Reykjavíkurlistinn vann sögulegan sigur í borginni árið 1994 hrikti í fyrsta sinn í hálfa öld fyrir alvöru í stoðum valdakerfis Sjálfstæðisflokksins. Hægri sinnaði íhaldsflokkurinn sem hafði miskunnarlaust deilt og drottnað missti miðstöð valda sinna og helsta stolt; meirihlutann í Reykjavík. Samstaða vinstri manna í einni breiðfylkingu var veruleiki sem kostaði íhaldið völdin.

Bandalagið, byggðirnar og finnska fordæmið

Tue, 14 Jul 2009 16:12:21 GMT

Nú styttist í að ein af sögulegri atkvæðagreiðslum þingsögunnar fari fram: Atvæðagreiðslan um hvort sækja skuli um aðild að Evrópusambandinu. Gangi hún fram markar umsóknin upphaf nýrra tíma á Íslandi eftir þá mikla erfiðleika sem fylgdu hruni samfélagsgerðar haftalítillar markaðshyggju og græðgi. Umsókn um aðild að ESB er tákn um nýja tíma, líflína út í heim. Sáttargjörð við samfélag þjóðanna og stórt skerf í þá átt að byggja upp samfélag sem hvílir á traustum undirstöðum öflugs gjaldmiðils, afnámi verðtryggingar og stöðugu aðgengi að lánsfé á hóflegum kjörum.

Sögulegur dagur á Alþingi - dýrkeypt bið á enda

Thu, 28 May 2009 14:58:37 GMT

Dagurinn 28. maí er sögulegur dagur á Alþingi. Þá ræðum við í fyrsta sinn tillögu til þingsályktunar um aðildarumsókn að Evrópusambandinu. Með þessum hætti er stærsta einstaka hagsmunamáli þjóðarinnar vísað til þings og þjóðar til úrlausnar. Það er að mínu mati besta og sanngjarnasta leiðin og sú lýðræðislegasta til þess að leiða málið til lykta. Mál sem þrasað og þráttað hefur verið um lengi. Enginn botn kemst í þá umræðu fyrr en sótt er um aðild og síðan kosið um niðurstöðuna í þjóðaratkvæðagreiðslu.

Alþingi og Evrópumálin

Thu, 07 May 2009 11:19:41 GMT

Rétt eftir kosningar lagði ég það til í grein hér á Pressunni að Alþingi hefði síðasta orðið um aðildarumsókn að Evrópusambandinu. Þingið afgreiddi tillögu ríkisstjórnarinnar um að sótt verði um aðild að bandalaginu á ákveðnum forsendum. Þetta er að mínu mati lýðræðislegasta og eðlilegasta leiðin að þessu umfangsmikla máli. Þá má snúa því við og spyrja hvort einhvern tímann kæmi í rauninni til greina í raun að sækja um aðild án þess að þingið fjallaði um málið? Talandi um virðingu og stöðu Alþingis á meðal þjóðarinnar.

Vinstra vor

Mon, 27 Apr 2009 12:30:23 GMT

Árangur jafnaðarmanna og félagshyggjufólks í kosningunum á laugardag markar mörg tímamót. Sjálfstæðisflokkur er lítill og einangraður jaðarflokkur lengst til hægri eftir mikið tap. Framsókn nær vopnum sínum og aldrei áður hefur stuðningur við aðildarumsókn að ESB verið jafn afgerandi.

Það verður kosið um krónu og Evru

Thu, 16 Apr 2009 14:31:46 GMT

Aðildarumsókn að Evrópusambandinu er ekki lausn á öllum okkar vanda en það er engin lausn til lengri tíma án aðkomu ESB og umsóknar um aðild. Styrking gengis og trúverðugleiki í samfélagi þjóðanna skipta sköpum í endurreisninni og því er kosið um þetta gríðarlega mikilvæga mál í vor. Stærstu mistök síðustu stjórnar var að skjóta þessu stærsta hagsmunamáli þjóðarinnar á frest. Því fór sem fór. Það mun ekki gerst aftur. En kjósendur hafa um það síðasta orðið eftir rúma viku.

Það verður ekkert hik á Helguvík

Tue, 14 Apr 2009 13:17:00 GMT

Allt bendir til þess að í dag eða á morgun afgreiði Alþingi fjárfestingasamning um álver í Helguvík. Hann samdi Össur Skarphéðinsson, iðnaðarráðherra, og Katrín Júlíusdóttir, formaður iðnaðarnefndar og þingmaður Samfylkingar, leiddi úr nefnd til þingsins. Fyrir liggur að Vinstri grænir standa ekki að málinu en aðrir flokkar á þingi styðja málið og mun það því fram ganga.

Réttlæti í auðlindanýtingu

Mon, 06 Apr 2009 13:14:49 GMT

Frjáls framsal veiðiheimilda og leiga á óveiddum afla markar upphafið að einu mesta óréttlæti Íslandssögunnar. Ekki einungis að sáru óréttlæti heldur upphafið að því samfélagi sem hér varð til og féll með braki og brestum í fyrra. Kerfið sem stýrir fiskveiðum sniðgekk að mestu jafnræði og sanngirni enda hefur íslenska ríkið fengið á sig þungan dóm frá Mannréttindanefnd Sameinuðu þjóðanna. Veð í óveiddum fiski og brask með heimildirnar eru inntakið í óréttlætinu og skilur nú við greinina hrikalega skuldsetta eftir verslun og viðskipti með veiðiheimildir í tvo áratugi.

Sókndjarfur samgönguráðherra

Fri, 03 Apr 2009 12:21:39 GMT

Bein útsending nefndarfunda Alþingis með ráðherra er góð nýbreytni. Þarna gefst löggjafarvaldinu færi á að spyrja framkvæmdavaldið milliliðalaust um hvaðeina sem málaflokkum viðkomandi ráðherra tengist fyrir sjónum allrar þjóðarinnar.

Vandinn við verðtrygginguna

Thu, 02 Apr 2009 16:00:44 GMT

Félagi Karl V. Matthíasson, sem nú er tímabundið utan hreyfingar jafnaðarmanna, var með fína umræðu í gær í þinginu í gær um verðtrygginguna. Gegn henni hefur hann barist lengi enda maður réttsýnn og sanngjarn. Í umræðunni, sem Karl beindi til Steingríms J. fjármálaráðherra, kom margt athyglisvert í ljós. Þó ekki færu allir framsögumenn djúpt í fögur fyrirheit um afnám verðtryggingar.

Messíasarkomplexar og markaðshyggja

Mon, 30 Mar 2009 13:39:31 GMT

Landsfundahelgin var dramatísk og viðburðarík. Ný forysta í báðum flokkum. Allt öndvegisfólk sem ég óska innilega til hamingju með afgerandi kjör. Það á við um formenn og varaformenn bæði Samfylkingar og Sjálfstæðisflokks. Öll unnu þau sannfærandi sigra. Þó enginn komist nálægt Jóhönnu í einstakri stöðu hennar og verðskuldaðri.

Svein og Seðlabankinn

Fri, 27 Mar 2009 15:04:51 GMT

Markaðsviðtal Björns Inga við Svein Harald Öygard, settan Seðlabankastjóra, í gær var einkar fróðlegt og gott. Svein kom með yfirveguðum hætti að öllum grundvallaratriðum stöðunnar hér og Björn Ingi gaf honum svigrúm til þess að fara ígrundað yfir gang mála við þessar óvenjulegu aðstæður.

Réttlætismál að lögum

Thu, 26 Mar 2009 13:38:32 GMT

Fyrir nokkrum misserum stilltu Neytendasamtökin upp þremur málum sem brýnustu baráttumálum samtakanna fyrir auknum neytendarétti á Íslandi. Það voru að sett yrðu lög um ábyrgðarmenn, lög um innheimtur og lög um greiðsluaðlögun sem tæki til veðlána. Nú eftir áralanga baráttu eru öll þessi þrjú stóru neytendamál að verða eða orðin að lögum.

Leiðin til Brussel

Mon, 23 Mar 2009 13:21:24 GMT

Samstundis og umsóknaraðild kemur fram eru Íslendingar í samningsstöðu gagnvart ESB um aðkomu sambandsins að gengismálum landsins. Þetta er lykilatriði í öllum aðdraganda kosninganna og marka skýr skil í framtíð stjórnmálanna. Þjóðin stendur á krossgötum í peningamálum. Flest bendir til þess að leiðin til Brussel verði valin.

Vinstra megin við miðju

Thu, 19 Mar 2009 00:01:00 GMT

Kristinn H. Gunnarsson flutti einkar áhugavert frumvarp á Alþingi í vikunni um kosningalög. Þar leggur hann til að flokkar geti myndað bandalög með sjálfstæðum listum en öll atkvæði þeirra yrðu talin saman sem um einn flokk væri að ræða. Þetta mál styð ég heils hugar og tel að geti orðið til þess að mynda fyrir hverjar kosningar skýra valkosti um stjórnarmyndun.

Saga úr stjórnmálunum

Wed, 18 Mar 2009 08:01:43 GMT

Í andrúmslofti líðandi vetrar hefur tortryggni átt greiðan aðgang að almenningi og margar sögur hafa komist á kreik um þátttakendur í opinberu lífi. Sumar voru settar af stað með kerfisbundnum hætti til þess að gera nafngreint fólk tortryggilegt. Ein saga af slíkum rógburði. Um helgina hringdi í mig vandaður maður og sagði mér að kosningasmalar Sjálfstæðisflokksins hefðu sótt hann heim. Reynt að fá hann til að kjósa í prófkjöri hjá Flokknum en hann sagði nei, hann styddi Björgvin og Samfylkinguna og kysi ekki hjá öðrum.

Evran er forsenda stöðugleika

Thu, 12 Mar 2009 12:08:50 GMT

Lausn á gjaldmiðilsvandanum er forsenda uppbyggingar og stöðugleika í samfélaginu. Hrun á yfirspenntri krónunni,drifinni áfram af hávaxtamun á milli gjaldmiðla, markaði upphaf þeirra miklu erfiðleika sem við eigum nú í. Bankakreppa geysar um heiminn allan. Bankar falla í Bretlandi, Bandaríkjunum og um Evrópu alla en það sem dýpkar okkar erfiðleika er sú kreppa sem krónan er í.

Jóhanna og jafnaðarstefnan

Tue, 10 Mar 2009 12:30:45 GMT

Í dramatískum aðdraganda sögulegra kosninga neyðist Ingibjörg Sólrún til þess að draga sig í hlé tímabundið frá stjórnmálum vegna erfiðra veikinda. Áður hafði hún í félagi við Össur og Jóhönnu stofnað til minni hlutastjórnar vinstri flokkanna og þannig dregið skýra línu fyrir framtíðina. Það er mikil eftirsjá af Ingibjörgu en hún mun finna fjölina aftur á vettvangi stjórnmálanna þegar hún er búin að jafna sig á veikindum sínum.

Köllum inn kvótann

Thu, 05 Mar 2009 13:59:45 GMT

Ríkisstjórnin sem tekur við eftir kosningar verður og ber að vinda ofan af þessu kerfi. Kalla inn kvótann með skynsömum hætti og afnema óréttlætið í eitt skipti fyrir öll.

Pólitík og persónukjör

Tue, 03 Mar 2009 11:58:34 GMT

Frumvarp þingflokksformanna allra flokka nema Sjálfstæðisflokks um persónukjör samhliða þingkosningum sætir tíðindum. Verulega varð ég hissa á því að sjálfstæðsmenn skyldu einangra flokk sinn í enn einu stórmálinu sem til mikilla framfara horfir í landinu. Fjarvera þeirra á þessu umbóta máli í lýðræðisátt eru mistök hjá þeim. Komi þeir þó altént fram með betri hugmyndir um aukið val fólks í stað flokkaveldisins.

Bein kosning forsætisráðherra

Sat, 28 Feb 2009 09:20:06 GMT

Bein kosning framkvæmdavaldsins er að mínu mati ein af þeim breytingum sem við eigum að ráðast í á okkar stjórnskipulagi. Í vikunni lagði ég fram í félagi við þau Kristinn H. Gunnarsson, Gunnar Svavarsson, Ágúst Ólaf Ágústsson, Katrínu Júlíusdóttir og Einar Má Sigurðarson tillögu til þingsályktunar um það. Þar segir að Alþingi álykti að fela endurskoðunarnefnd stjórnarskrár Íslands að vinna frumvarp til stjórnarskipunarlaga um að forsætisráðherra verði kosinn beinni kosningu og þannig fenginn fullur aðskilnaður löggjafarvalds og framkvæmdarvalds.