17. des. 2017 - 14:50Kristján Þórður Snæbjarnarson

Kjarabarátta flugvirkja og úrskurðir kjararáðs

Nú eru flugvirkjar sem starfa hjá Icelandair komnir í verkfall til þess að sækja sér launahækkun enda með lausa kjarasamninga. Krafa sem sett hefur verið fram er á reiki en nefnd hefur verið hækkun upp á 20% á einu ári. 

Það er hjákátlegt að fylgjast með ráðherrum ríkisstjórnarinnar og fulltrúum Samtaka atvinnulífsins koma fram og vara við því að þessi hópur fái launahækkun sem er svo rífleg og ef þeir fái hækkunina þá muni allt fara á hliðina. Það er ekki langt síðan að kjararáð úrskurðaði að alþingismenn og fleiri hópar í efsta lagi þjóðarinnar skuli hækka um 45% og það á einu bretti, á einum degi, sumir þeirra fengu launahækkun afturvirkt!

Það er þessum aðilum verulega til minnkunar að koma núna fram og vara við því að almennt launafólk megi ekki fá svona miklar hækkanir, sem er innan við helmingur af þeirra eigin launahækkun, því þá fari allt á hliðina. Þeir ættu hreinlega að skammast sín að vera ekki búnir að bregðast við kröfum almennings um að alþingismenn fylgi sömu línu og aðrir því geri þeir það ekki muni aðrir sækja sér samanburð í þeirra launahækkun. Miðstjórn RSÍ sem og trúnaðarmannaráðstefnur síðustu tveggja ára hafa varað við þessari stöðu án þess að Alþingi hafi hlustað. 

Það er því réttast að Alþingi og ríkisstjórnin líti í eigin barm og átti sig á því að þeirra er ábyrgðin.

Kristján Þórður Snæbjarnarson

Formaður Rafiðnaðarsambands Íslands



13.feb. 2012 - 18:00 Kristján Þórður Snæbjarnarson

Eru óverðtryggð lán raunhæfur kostur?

Umræðan í þjóðfélaginu um vaxtakjör og tegund lána hafa verið í hámæli síðustu mánuði/ár. Hvort við ættum að vera með verðtryggð lán, óverðtryggð lán eða eins og við höfðum fyrir hrun Myntkörfulán. Það hefur sýnt sig að myntkörfulán henta Íslendingum mjög illa vegna þeirra gríðarlegu sveiflna sem verða á gengi íslensku krónunnar. Hins vegar þá hefur umræðan um verðtryggð og óverðtryggð lán verið mikil að undanförnu og þá er almennt talað um að við þyrftum að losna við verðtrygginguna. Verkalýðshreyfingin hefur yfirleitt talað fyrir því að verðtryggingin sé „nauðsynleg“ þó eru að sjálfsögðu ekki allir sammála um það.
05.jan. 2012 - 09:00 Kristján Þórður Snæbjarnarson

Lýðræðið

Á Alþingi liggur frumvarp til laga um breytingu á lögum nr. 129/1997 en það eru lögin um skyldutryggingu lífeyrisréttinda og starfsemi lífeyrissjóða. Frumvarpið er lagt fram af Pétri Blöndal og fjallar í megin atriðum um að gera sjóðfélögum kleyft að kjósa stjórnarmenn beinu kjöri á ársfundi sjóðsins. Í dag er svokallað fulltrúalýðræði en þá eru fulltrúar kjörnir á breiðum vettvangi til að sækja ársfundi og greiða atkvæði m.a. um stjórnarkjör. Hjá Rafiðnaðarsambandi Íslands er sá háttur hafður á að aðalfundum aðildarfélaga RSÍ eru fulltrúar kjörnir til setu á ársfundi Stafa lífeyrissjóðs. Aðalfundirnir eru opnir öllum félagsmönnum viðkomandi félags, fundarboð eru send á alla félagsmenn viðkomandi félags og honum boðið að mæta á aðalfundinn. Hvert félag hefur ákveðinn fjölda sæta á ársfundi Stafa og fer það alfarið eftir því hvaða réttindi félagsmenn viðkomandi félags hafa öðlast það árið.

Kristján Þórður Snæbjarnarson
Kristján Þórður er giftur þriggja barna faðir, búsettur í Reykjavík en á rætur að rekja til Vestfjarða sem og til Keflavíkur. Mikill áhugamaður um félagsmál, er ekki bundinn neinum stjórnmálaflokki.
 
Formaður RSÍ frá maí 2011.
Netfang: kristjan@rafis.is
 
Námsferill
Rafeindavirkjun, Iðnskólinn í Reykjavík, 2001
Rafiðnfræðingur, Háskólinn í Reykjavík, 2008
Rekstrariðnfræðingur, Háskólinn í Reykjavík, 2010
 
Starfsferill

Alcan á Íslandi, ISAL, 2000 – 2001
Hátækni, 2002
Alcan á Íslandi, 2002 - 2011
Rafiðnaðarsamband Íslands 2011 – dagsins í dag
 
Félagsstörf
Trúnaðarmaður 2004-2011
Trúnaðarráð Félags Rafeindavirkja 2005-2008
Formaður Félags Rafeindavirkja 2008-2011
Miðstjórnarmaður Rafiðnaðarsambands Íslands frá 2008
Formaður Rafiðnaðarsambands Íslands frá maí 2011 til dagsins í dag
Þórhallur Heimisson
Þórhallur Heimisson - 19.12.2017
Rómantísk og áfengislaus jól og áramót
Hannes Hólmsteinn Gissurarson
Hannes Hólmsteinn Gissurarson - 27.12.2017
Koestler og bæjarstjórnarkosningar
Hannes Hólmsteinn Gissurarson
Hannes Hólmsteinn Gissurarson - 30.12.2017
Koestler og tilvistarspekingarnir
Börkur Gunnarsson
Börkur Gunnarsson - 02.1.2018
Konan talar upp úr svefni
Vilhjálmur Birgisson
Vilhjálmur Birgisson - 05.1.2018
Tvöföldun Vesturlandsvegar við Kjalarnes
Hannes Hólmsteinn Gissurarson
Hannes Hólmsteinn Gissurarson - 06.1.2018
Bókabrennur
Davíð Már Kristinsson
Davíð Már Kristinsson - 11.1.2018
Ísland hefur leik á EM í Króatíu
Hannes Hólmsteinn Gissurarson
Hannes Hólmsteinn Gissurarson - 13.1.2018
Trump, Long og Jónas frá Hriflu
Fleiri pressupennar