17. jún. 2012 - 18:00Vilhjálmur Steinarsson

Lífið í atvinnumennskunni: Hörður Axel Vilhjálmsson

Hörður Axel Vilhjálmsson er íþróttamaður sem allir íþróttamenn geta tekið sér til fyrimyndar og lært af. Hann er fastamaður í íslenska landsliðinu í körfubolta og spilar á næstu leiktíð í efstu deild í Þýskalandi, sem er mjög sterk deild.

Hörður hefur lent í mótlæti á sínum ferli þar sem hann fór mjög ungur út að reyna fyrir sér í atvinnumennsku en þurfti að koma aftur heim. Hann hefur bætt sig á ári hverju, þökk sé metnaði og sjálfsaga og er hvergi nærri hættur. Hann tók sér tíma til að svara nokkrum spurningum um lífið í atvinnumennskunni.

Hver Hörður Axel Vilhjálmsson?

Hörður Axel er mjög margt. En í þessu samhengi er hann mjög metnaðarfullur íþróttarmaður sem ýtir flestu öðru til hliðar til þess að ná árangri í íþróttinni sinni. Er semsagt körfuboltamaður sem spilar í Þýskalandi.

Hvernig er dæmigerður dagur hjá þér í atvinnumennskunni?

Ég vakna um 8:30 fæ mér góðan morgunmat. Er mættur upp í hús um 9:30 tek mér tíma í að hita mig upp, ná extra skotum og svo byrjar official æfing klukkan 10 og er til 12. Eftir það fer ég yfirleitt eitthvað með Hafdísi konunni minni í hádegismat og við finnum okkur svo eitthvað að gera. Svo er æfing aftur frá 18-20. Ég reyni að mæta fyrr til að gera mig til og gera smá auka. Er síðan yfirleitt alltaf seinastur út úr salnum líka, sem ég hef alltaf talið mikilvægt fyrir mig þ.e.a.s að vera seinastur af öllum út úr salnum. Eftir æfingu er svo bara kvöldmatur, síðan farið til liðsfélagana eða þeir til okkar. Förum svo alltaf að sofa í kringum 12 leytið svo ég fái alltaf að minnsta kosti 8 tíma svefn.

Leggur þú mikið uppúr aukaæfingum eins og styrktar- og snerpuþjálfun?

Ég legg allt upp úr aukaæfingum. Þannig hef ég náð forskoti á þá sem voru fyrir framan mig eða á svipuðu getustigi og þannig mun ég halda áfram að reyna að ná þeim sem eru enn fyrir framan mig. Ég hef yfirleitt lyft mikið og lagt mikið upp úr hoppþjálfun (plyometrics). Þannig ég verð að segja að ég leggi gríðarlega vinnu og stolt í það að vera alltaf í topp formi.

Hugsar þú mikið um mataræðið? Ef svo, hversu mikil áhrif hefur það á þig?

Ég hugsa mikið um mataræði en samt ekki eins og ég gerði. Ég var farinn út í miklar öfgar í mataræði og var stöðvaður af, af liðinu úti. Þannig ég hugsa alltaf út í það sem ég set ofan í mig en ég er hættur að skrá niður fæðuna og hitaeiningar, slumpa bara. Ég reyni t.d. að láta hvítan sykur vera, og reyna að borða eins mikið af flóknum kolvetnum og ég get til þess að hafa orku í allar þær æfingar sem eru fyrir höndum.

Notar þú fæðubótarefni til þess að hámarka árangur í þinni íþrótt? Ef svo, hvað?

Það fer mikið eftir því hvað kallast fæðubót. Ég nota glútamín, multivitamin, magnesíum og kalsíum, svo er ég með próteindrykki sem ég fæ mér við og við. Þá prótein drykki sem innihalda mikið kolvetni. Ég tel þetta samsvara vel þeirri næringu sem ég þarfnast og er meðvitaður um það sem ég þarf að borða til þess að halda mér gangandi.

Setur þú þér markmið?

Ég set mér markmið um allt tengt körfubolta. Ég mætti samt vera duglegri við að setja mér markmið með eitthvað annað í leiðarljósi en körfubolta.

Ég tel markmiðssetningu eina mikilvægustu leiðunum að árangri. Með því að skrifa niður markmið og leiðina til að ná þeim, þá hefuru alltaf eitthvað til að miða þig við hvort þú sért á áætlun til áfangarstaðar eða ekki.

Hver er furðulegasti liðsfélaginn/mótherjinn sem þú hefur spilað á móti?

Ætli það sé ekki Þröstur Leó Jóhannsson. Alveg ótrúlegt eintak, maður veit aldrei hverju hann tekur upp á hvorki inná vellinum né utan hans. Samt hef ég spilað með honum í einhver  6 ár. Nóg af sögum til af þeim manni.

Hver eru þín ráð til ungra íþróttamanna sem vilja ná langt í sinni grein?

Ef þú leggur meira á þig en allir aðrir, muntu verða betri en þeir á eitthverjum tímapunkti. Sama hversu mikið betri þeir eru í dag.

Meðan ég er í tölvunni að svara þessum spurningum, er einhver einhverstaðar í heiminum að æfa sig til þess að verða betri en ég og reyna að ná forskoti á mig. Þessi hugsunarháttur hefur hjálpað mér gífurlega.

Hvar eigum við eftir að sjá Hörð Axel í nánustu framtíð?

Á hærri stað, á hærra leveli með hverju árinu sem líður.




02.júl. 2012 - 07:00 Vilhjálmur Steinarsson

Ofþjálfun: Hvað er of mikið?

Sumir kannast kannski við þetta ferli. Þú byrjar á nýju æfingakerfi og ætlar að sigra heiminn á núll einni, æfir eins og skepna og vilt helst ekki taka þér frídag því þú heldur að það eyðileggi bætingarnar þínar. Eftir 6-8 vikur þá ferðu að finna fyrir einkennum sem þú hefur ekki fundið fyrir áður.

15.jún. 2012 - 20:00 Vilhjálmur Steinarsson

Mótaðu kviðvöðvana á réttan hátt!

Án alls vafa, þá eru sýnilegir kviðvöðvar eitt það allra eftirsóttasta í líkamsræktarbransanum. Í 90% tilvika þegar ég fer með kúnnunum mínum yfir þeirra markmið, þá þá leiðast umræðurnar í þessa áttina: „Ég vil missa kviðfituna og fá sixpakk“.

19.maí 2012 - 11:58 Vilhjálmur Steinarsson

6 verstu mistökin

Svona árangur næst ekki með því að hamast einungis í hundruðum kviðæfinga á dag! Að gera æfingu sem einangrar einn vöðva í einu, eins to t.d. tvíhöfðakreppur (bicep curls) mun ekki skila þér miklu. Þær Ef þú vilt byggja upp almennilegan vöðvamassa og hafa fitubrennsluna í botni á meðan, þá þarftu að framkvæma stórar æfingar sem örva marga vöðva og vöðvahópa í einu ásamt því auðvitað að nota sem mesta orku á sama tíma.
30.apr. 2012 - 10:00 Vilhjálmur Steinarsson

3 æfingar fyrir hraðari efnaskipti og aukna fitubrennslu!

Undanfarið höfum við hér á Heilsupressunni mikið nefnt og rætt stórar fjölliða (full body exercises) æfingar sem hjálpa til við að hraða efnaskiptum og auka fitubrennlsu. Teljum við þetta mun betri kost þegar verið er að byggja upp vöðvamassa og brenna burt lýsi og öðrum óþarfa.

09.apr. 2012 - 12:20 Vilhjálmur Steinarsson

10 leiðir til þess að bæta matarvenjur! Án allra öfga og skyndilausna!

Ég lendi daglega í því að leiðbeina einstaklingum með mataræðið. Ég er enginn næringarfræðingur en ég hef lesið mikið tengt næringu og heilbrigðum lífstíl. Ég er algjörlega á móti skyndilausnum, öfgum og öllu því sem líkamsræktarbransinn gengur því miður of mikið út á.

25.mar. 2012 - 11:30 Vilhjálmur Steinarsson

Æfingatæki í líkamsræktarstöðvum: Góð eða slæm?

Oft er mikið rætt um notkunargildi þessara stóru föstu æfingatækja í líkamsræktarstöðvum. Þær umræður fara líklega oftast fram á milli þjálfara sem gera sér grein fyrir mikilvægi tækjanna. Að sjálfsögðu eru skiptar skoðanir á mikilvægi þeirra og auðvitað er ekki hægt að setja öll tæki undir sama hatt og segja að þau séu léleg.

20.mar. 2012 - 15:30 Vilhjálmur Steinarsson

Krefjandi æfing: Láttu reyna á þessa í dag!

Hér fyrir neðan er frábær æfing sem vinnur með allan líkamann í einu. Þegar þú ert að æfa er nauðsynlegt að prófa nýja og skemmtilega hluti.

28.feb. 2012 - 10:00 Vilhjálmur Steinarsson

Sleppir þú oft æfingum? Hver er afsökunin?

Ég fæ stundum fyrispurnir frá fólki sem er að sækjast eftir einkaþjálfun eða fjarþjálfun hjá mér, en það hefur engan tíma til að æfa sökum vinnu, skóla eða öðrum ástæðum. Margar ástæður geta spilað þar inn í en eitt er víst að einstaklingurinn er ekki tilbúinn að setja sjálfan sig í fyrsta sæti. Jú fyrsta skrefið er komið, það er búið að hafa samband við þjálfara, en hvað svo? 
 

19.feb. 2012 - 16:30 Vilhjálmur Steinarsson

Hvar er þessi kúlurass?

Stelpur eiga það til í að sækjast í kúlurassinn fræga og halda að með því að liggja í gömlu góðu Jane Fonda æfingunum, á fjórum fótum, framkvæmandi hundruðir endurtekninga að kúlurassinn láti sjá sig. Íþróttamenn hafa einnig mjög gott af því að þróa góða rassvöðva, þar sem þeir spila stórt hlutverk í sprettum og hoppum.

Vilhjálmur Steinarsson
Aðsend grein
Aðsend grein - 03.9.2014
Mannorðsmorðingi að störfum
Sigurður G. Guðjónsson
Sigurður G. Guðjónsson - 08.9.2014
Hið ritstjórnarlega sjálfstæði
Ragnar H. Hall
Ragnar H. Hall - 15.9.2014
Jón Steinar og Kjarninn
Hannes Hólmsteinn Gissurarson
Hannes Hólmsteinn Gissurarson - 13.9.2014
Feysknir innviðir?
Jón Steinar Gunnlaugsson
Jón Steinar Gunnlaugsson - 16.9.2014
Óheppinn hæstaréttarlögmaður
Hannes Hólmsteinn Gissurarson
Hannes Hólmsteinn Gissurarson - 15.9.2014
Svíþjóð: Vinstri menn sigruðu ekki
Hannes Hólmsteinn Gissurarson
Hannes Hólmsteinn Gissurarson - 04.9.2014
Skoðunarferð til Macau
Brynjar Nielsson
Brynjar Nielsson - 09.9.2014
Við hvað eru blaðamenn DV hræddir?
Brynjar Nielsson
Brynjar Nielsson - 04.9.2014
Málefnaleg gagnrýni
Hannes Hólmsteinn Gissurarson
Hannes Hólmsteinn Gissurarson - 11.9.2014
Skjól eða gildra?
Þórhallur Heimisson
Þórhallur Heimisson - 03.9.2014
Kristin talnaspeki: Tölurnar 6 og 666
Fleiri pressupennar