15. júl. 2017 - 11:53Jón Steinar Gunnlaugsson

Undirheimafólkið

Við Íslendingar teljum okkur búa í lýðræðisríki, þar sem virtar eru vissar grundvallarreglur um réttindi borgaranna og samskipti okkar hvert við annað.

Eitt af því sem við teljum þýðingarmest er að fá að njóta tjáningarfrelsis. Í því felst frelsi til að tjá skoðanir okkar hvert við annað um þau þjóðfélagsmál sem efst eru á baugi hverju sinni. Við vitum að hjá öllum þjóðum greinir menn á um hin margvíslegu málefni. Aðferðin sem við og önnur lýðræðisríki beita er að láta mismunandi skoðanir koma fram og mætast á grundvelli þess málefnis sem til umræðu er. Þetta höfum við talið að sé farsælli leið heldur en valdbeiting sem bannar skoðanir sem falla ekki í kram rétttrúnaðarins.

Mér en nær að halda að á Íslandi nútímans sé vegið með alvarlegum hætti að þessari grunnstoð. Það eru ekki stjórnvöld sem það gera heldur miklu fremur fjölmiðlar og þó allra helst fjölskrúðugur hópur undirheimafólks sem tjáir sig á netmiðlum, oft með athugasemdum við frásagnir fréttaveitna sem þar birta efni. Þetta felst í því að ráðast heiftarlega á þá sem tjá aðrar skoðanir á málefninu en þetta fólk telur hina einu réttu. Verða slíkir þá oft fyrir heiftarlegum persónulegum árásum með alls kyns athugasemdum, sem í reynd koma umræðuefninu ekkert við. Er nú svo komið að margir mætir menn veigra sér við að taka þátt í umræðum um málefni líðandi stundar af ótta við þetta lið rétttrúnaðarins sem veitist persónulega að þeim sem tjá sig.

Nýlega tók ég að mér verk fyrir mann sem hafði verið sviptur málflutningsréttindum með dómi fyrir allmörgum árum. Hann hafði afplánað hina dæmdu refsingu og fengið samkvæmt lögum svonefnda uppreist æru á síðasta ári. Ég fór fyrir hans hönd fyrir dómstóla með ósk hans um að fá fellda niður sviptingu málflutningsréttindanna. Var fallist á þá kröfu í héraði og Hæstarétti eins og lög stóðu til.

Svæsin umfjöllun

Næsta leik áttu nú fjölmiðlar og netsíður. Þar var efst á baugi harðsvíruð gagnrýni á þessa ákvörðun og fjallað mest um brotin sem maðurinn hafði verið dæmdur fyrir og hve svívirðileg þau væru. Jafnframt var opnað fyrir svonefnt athugasemdakerfi og þar birtar athugasemdir lesenda hversu ósmekklegar sem reyndust verða.

Ég ákvað að stíga fram með tvenns konar erindi. Í fyrsta lagi að skýra lagagrundvöllinn fyrir niðurfellingu sviptingarinnar og benda á að í honum fælist sú hugsun að þjóðfélagið vildi gefa dæmdum afbrotamönnum tækifæri til að hefja nýtt líf. Þá hvatti ég til þess að þeir sem liðið hefðu fyrir afbrot mannsins ættu að leita í huga sínum að fyrirgefningu honum til handa. Fyndu þeir hana yrði það þeim sjálfum léttir í lífinu framundan.

Þetta er reyndar boðskapur sem Biblían boðar og kristnir menn kveðast hafa tileinkað sér. Ég vissi svo sem vel að ég væri að „stinga út hausnum“ með því að setja þessar ábendingar fram á opinberum vettvangi. Mér datt samt ekki í hug að ég myndi kalla fram þau viðbrögð sem urðu. Veist var harkalega að mér á vettvangi rétttrúnaðarins. Ég var meðal annars talinn vera sérstakur stuðningsmaður kynferðisbrotamanna og jafnvel barnaníðingur sjálfur!

Svo rammt kvað að þessari opinberu fordæmingu á óverðugri persónu minni, að þess var óskað að ég hætti við að flytja erindi á opnum fundi um alls óskylt viðfangsefni á sviði lögfræðinnar. Skildist mér að það yrði fundarmönnum ofviða að sjá þetta skelfilega óargadýr í ræðustól á fundinum.

Ritskoðun undirheimanna

Eftir að ég tjáði mig um þetta mál opinberlega hafði allmikill fjöldi manna samband við mig og tjáði mér ánægju með það sem ég hefði haft fram að færa. Enginn þeirra hugðist samt láta þau viðhorf í ljósi á opinberum vettvangi. Vissu menn vel að með þeim hætti myndu þeir kalla yfir sig persónulegar árásir sprottnar úr neðanjarðarveröld fordóma og rétttrúnaðar.

Ég skil þau viðhorf vel. Slíkar árásir reyna á þolrif manna, hversu ranglátar sem þær eru, og þá ekki bara viðkomandi sjálfs heldur einnig þeirra sem eru honum nákomnir. Og jafnvel þó að ég sjálfur sé kominn með harðan skráp og hafi upplifað ýmislegt get ég ekki neitað því að það reynir svolítið á mig að verða fyrir svona glórulausum árásum.

Þessir gáfumenn mega hins vegar vel vita að ég mun aldrei láta hótanir um bit úr snákagryfjum þeirra hindra mig í að segja það opinberlega sem ég tel þörf á að segja og snertir þau málefni sem til umfjöllunar koma hverju sinni. Þetta mál er líklega gott dæmi um það ástand sem mætir menn hafa nefnt á síðustu tímum og jafnast á við beina ritskoðun. Veist er harkalega að tjáningarfrelsi þeirra sem setja fram skoðanir sem samrýmast ekki þeim rétttrúnaði og skammhugsun sem tröllríður þjóðfélaginu og margir fjölmiðlar virðast einatt taka undir.

Heggur þar sá er hlífa skyldi, því fjölmiðlar hljóta að byggja tilveru sína á því að frjáls og óheft skoðanaskipti eigi sér stað í þjóðfélagi okkar. En hvers virði eru svo sem þau grunnréttindi þegar í húfi er uppsláttur fyrir morgundaginn um eitthvað sem lýðurinn vill heyra og eykur stundarvinsældirnar?




21.apr. 2018 - 10:44 Hannes Hólmsteinn Gissurarson

Þrjár örlagasögur

Út er komið eftir mig ritið Totalitarianism in Europe: Three Case Studies, Alræði í Evrópu: Þrjár rannsóknir, og kynni ég það á fundi í Háskólatorgi, stofu 101 (Ingjaldsstofu), fimmtudaginn 26. apríl klukkan fimm.
17.apr. 2018 - 11:28 Brynjar Nielsson

Grímulaus pólitík

Enginn skortur er á alls konar alþjóðlegum stofnunum og samtökum sem kenna sig við mannréttindi og hvers kyns góðmennsku. Dæmi um slík fyrirbæri er Evrópuráðið og nefndir þess eins og ECRI og GRECO og svo má auðvitað ekki gleyma ýmsum nefndum Sameinuðu þjóðanna. Margir halda að hér sé um að ræða einhverjar hlutlausar nefndir skipuðu fagfólki, sem geti leiðbeint okkur. Það er mikill misskilningur. Þarna er pólitíkin allsráðandi þótt hún sé sveipuð skikkju hlutleysis, fræða og vísinda.

14.apr. 2018 - 10:57 Hannes Hólmsteinn Gissurarson

Grafir án krossa

Ein magnaðasta bókin, sem sett hefur verið saman um örlög Eistlands á tuttugustu öld, Grafir án krossa, er eftir skáldið Arved Viirlaid.
09.apr. 2018 - 09:20 Brynjar Nielsson

RÚV er tímaskekkja

Í Evrópu eru menn að átta sig á hversu mikil tímaskekkja ríkisreknir ljósvaka- og netmiðlar eru. Og ekki bara timaskekkja heldur fullkomlega óeðlilegt út frá jafnræðis-og samkeppnissjónarmiðum. Eins og oft áður eru Danir fyrstir að rakna úr rotinu.
07.apr. 2018 - 08:18 Hannes Hólmsteinn Gissurarson

Málið okkar

Þegar ég sýndi Milton og Rose Friedman söguslóðir á Íslandi haustið 1984 spurði Rose: „Af hverju takið þið ekki upp ensku? Er það ekki miklu hagkvæmara?“
06.apr. 2018 - 17:51 Vilhjálmur Birgisson

Sjáðu þessi dæmi um græðgisvæðingu!

Já í greinargerð fjármálaáætlunar ríkisstjórnarinnar kemur fram að ríkisstjórnin leggi áherslu á að gott samstarf takist milli stjórnvalda og aðila vinnumarkaðarins til að varðveita efnahagslegan stöðugleika og efla velferð.
06.apr. 2018 - 12:26 Ingibjörg Gunnlaugsdóttir

Skömmin

Ég vaknaði á páskadagsmorgun árið 2018. 42 ára gömul. Það var einhver skrýtinn tilfinning sem bærðist innra með mér, ég gat ekki sett nafn á hana.

05.apr. 2018 - 17:00 Sverrir Björn Þráinsson

Hjónin Laufey og Bjarki losuðu sig við 33 kg á 12 vikum

Hjónin Laufey Sigurðardóttir og BjarkiSigurðsson ákváðu í sameiningu í desembermánuði síðastliðnum að gera sérkærkomna ferð til heilsulandsins.


05.apr. 2018 - 16:00 Brynjar Nielsson

Dröslaði bróður mínum í kirkju

Bróðir minn, þekktur sem "okkar maður", hefur skrifað nokkrar færslur á fésbókina um samveru okkar hér á Spáni. Frásagnir af sundafrekum og kraftgöngum hans og báglegu ástandi mínu eru með öllu ósannar. Okkar maður hefur ekki gengið lengra en til sprúttsalans úti á horni. Gangan tekur hálftíma hjá honum, sem mun vera heimsmet í hægagangi. Náði þó að drösla honum í dag í kirkju en þurfti áður að hafa talsvert fyrir því að fela á honum hornin og halann.


05.apr. 2018 - 15:00 Vilhjálmur Birgisson

Þinn tími sem forseti ASÍ er liðinn!

Var að lesa viðtal við Gylfa Arnbjörnsson, forseta ASÍ, en í þessu viðtali segir hann að innan Alþýðusambandsins standi yfir „persónulegar nornaveiðar“ af hálfu forsvarsmanna ákveðinna aðildarfélaga. Þannig upplifi Gylfi gagnrýni Ragnars Þórs Ingólfssonar, formanns VR, sem persónuníð í sinn garð, ekki sé um málefnaágreining að ræða.
31.mar. 2018 - 09:38 Hannes Hólmsteinn Gissurarson

Hvað segi ég í Las Vegas?

Mánudaginn 2. apríl 2018 flyt ég erindi um íslenska bankahrunið á alþjóðlegri ráðstefnu APEE, Association of Private Enterprise Education, í Las Vegas.
31.mar. 2018 - 09:32 Hannes Hólmsteinn Gissurarson

Heimsókn Øverlands

Er enginn vafi á því, að hið orðsnjalla, einlæga skáld hafði talsverð áhrif í þeim umræðum, sem fram fóru eftir stríð í Noregi og Danmörku og á Íslandi.
29.mar. 2018 - 14:25 Davíð Már Kristinsson

„Heyrðu“

28.mar. 2018 - 23:00 Sverrir Björn Þráinsson

Inga Dís losaði sig við 23 kg á jafnmörgum vikum „Engin boð eða bönn og rútínan er varanleg, ég er þakklát!“

Inga Dís Sigurðardóttir, 34 ára gamall grunnskólakennari ákvað á einum sérstökum tímapunkti að nú væri nóg komið, hún vildi endurheimta andlega og líkamlega heilsu sína og lagði upp í ferðalag til heilsulandsins undir handleiðslu Sverris, Grenningar-og lífsráðgjafa og árangurinn á rétttæpu hálfu ári sannarlega glæsilegur. Hún fór úr 92,5 kg niður í 69,5 kg og hafði loks endurheimt heilsu sína og lífsgleði, sagt skilið við gamla vágesti (vana) og byggt upp rútínuna alveg frá grunni. Inga samþykkti að veita okkur viðtal og innsýn inn í ferðalagið sitt og hún lumar á mörgum góðum ráðum.
27.mar. 2018 - 09:01 Davíð Már Kristinsson

Dymbilvika

Dymbilvikan svokallaða hefst alltaf á pálmasunnudag og lýkur á laugardeginum fyrir páskadag. Dymbilvika heitir einnig öðru nafni efsta vika, þ.e síðasta vikan fyrir páska. Nafnið kyrravika bendir svo á að í þessari viku skyldu menn vera hljóðlátari og hæglátari en nokkru sinni endranær og liggja á bæn
25.mar. 2018 - 23:39 Vilhjálmur Birgisson

Berjumst gegn græðgisvæðingu

Það er morgunljóst að Verkalýðsfélag Akraness, VR, Efling og Framsýn ætla að leggja ofuráherslu í komandi kjarasamningum að ná tökum á hinum tryllta leigumarkaði, enda liggur fyrir að stór hluti ráðstöfunartekna lágtekjufólks fer í að greiða húsaleigu.
25.mar. 2018 - 23:34 Brynjar Nielsson

Lokað fyrir ræðuhöld

Utanríkisráðherra, Guðlaugur Þór, bauð vinum og vandamönnum til veislu í gær í tilefni af fimmtugsafmæli sínu, sem var að vísu fyrir mörgum mánuðum síðan. Mér sýndist þar nær eingöngu mæta vandamenn. Fram komu skemmtikraftar á heimsmælikvarða og fluttar ræður þar sem reynt var eftir fremsta megni að hæla afmælisbarninu. Þegar kom að stjórnarmönnum Fýlupúkafélagsins, sennilega hans einu vinum, að halda ræðu, var skyndilega lokað fyrir frekari ræðuhöld. Menn hafa lagt fram vantrauststillögu á ráðherra af minna tilefni.
19.mar. 2018 - 09:23 Hannes Hólmsteinn Gissurarson

Þrír hugsjónamenn gegn alræði

Nógir urðu til að fræða Íslendinga um alræðisstefnu nasista, ekki síst eftir að þeir biðu ósigur í stríði. En þrír hugsjónamenn tóku að sér að kynna veruleikann að baki áróðri kommúnista.
19.mar. 2018 - 09:21 Hannes Hólmsteinn Gissurarson

Böðullinn drepur alltaf tvisvar


18.mar. 2018 - 15:59 Hannes Hólmsteinn Gissurarson

Hádeisverður í Stellenbosch

Þetta er eflaust ekki endirinn á vist hvítra manna í Suður-Afríku, en þetta gæti verið upphafið að endinum.
16.mar. 2018 - 21:48 Sverrir Björn Þráinsson

Dagný losaði sig við 20 kg á hálfu ári þrátt fyrir bæklun og vefjagigt: „Ég kaus að sjá marklínuna í stað hraðahindrana“

Dagný Leifsdóttir (63) gerði sér kærkomna ferð inn í heilsulandið og hefur náð gríðarlega eftirtektarverðum árangri. Uppskriftin er að hafa markmið og hafa rútínu, vinna með hugann samhliða nýjum venjum sem hún lýsir hér í þessu magnaða viðtali sem Pressan tók við hreint magnaða konu sem sá markmiðin sín, setti öll höft til hliðar en hún á við bæklun í fæti að etja sem hún lifir með ásamt vefjagigt og margskonar áföll fortíðar sem hún ber á bakinu. Hún kaus að horfa á marklínuna í stað þess að horfa á næstu hraðahindrun og má segja að hún Dagný undirstriki sannleika þessa máltækis „hugur ofar raun“ eða „mind over matter“.
14.mar. 2018 - 12:22 Vilhjálmur Birgisson

Stöðugleikasáttmáli alþýðunnar

Í dag eru einungis 292 dagar eða nánar til getið 9 mánuðir þar til kjarasamningar á hinum almenna vinnumarkaði renna út. Það er morgunljóst að landslagið í íslenskri verkalýðshreyfingu hefur gjörbreyst á liðnum misserum og dögum, fyrst með kjöri Ragnars Þórs til formanns VR og núna síðast með kjöri Sólveigar Önnu til formanns Eflingar.

12.mar. 2018 - 14:16 Kristinn Karl Brynjarsson

Jafnasti oddvitinn?

Fyrir nokkrum vikum var haldinn frægur fundur í Höfða. Fundurinn hefði alla jafna ekki komist á spjöld sögunnar nema fyrir þær sakir að á áður en fundurinn hófst var oddvita Sjálfstæðisflokksins í Reykjavík vísað á dyr af oddvita Samfylkingar í Reykjavík, sem í hjáverkum gegnir stöðu borgarstjóra í Reykjavík. Oddviti Sjálfstæðisfloksins var þó í boði eins þeirra sem skipulagði fundinn.
09.mar. 2018 - 15:41 Brynjar Nielsson

Klæðast eins og niðursetningar í þingsal

Staksteinar Moggans hittir oft naglann á höfuðið. Fróðlegt væri að vita hver heldur þar á penna. Hann gerði að umtalsefni í morgun fyrirspurnaæði þeirra stjórnarandstæðinga sem vinna hörðum höndum við að auka traust þingsins með upphrópunum um spillingu, glæpi og óheiðarleika pólitískra andstæðinga sinna og embætttismanna. Magn og eðli fyrirspurna er orðið slíkt að stjórnsýslan er við það að lamast. Benda má fyrirspurnamönnum á að flestar þessar upplýsingar geta menn aflað sjálfir eða gegnum upplýsingaþjónustu þingsins. Svo má einnig benda þeim á að endurgreiðsla vegna aksturs þingmanna eru smápeningar miðað við að halda rándýrum embættismönnum uppteknum í óþarfa snatti. Þar að auki sinna þeir ekki mikilvægum störfum á meðan.

08.mar. 2018 - 10:00 Sverrir Björn Þráinsson

Erlingur losaði sig við 20 kg á jafnmörgum vikum með öfgalausu rútínunni: „Allur pakkinn í einfaldri dagbók daglega, svínvirkar“

Erlingur H. Guðjónsson, 35 ára , mælaumsjón hjá Rarik Austurlandi.

07.mar. 2018 - 12:07 Vilhjálmur Birgisson

Já, það er komið Vor í verkó!

Ég skal fúslega viðurkenna að eftir þessum degi hef ég beðið í mörg ár, degi sem lýtur að því að það eru komnir einstaklingar til valda í tveimur af stærstu stéttarfélögum á Íslandi þau Ragnar Þór og Sólveig Anna sem bæði virðast hafa sömu sýn, áherslur og stefnu í kjara-og réttindamálum verkafólks og við í Verkalýðsfélagi Akraness höfum haft á liðnum árum.
28.feb. 2018 - 15:03 Hannes Hólmsteinn Gissurarson

Af högum mínum: Svar til blaðamanns

Mér finnst þessi spurningaleikur furðulegur. Ég er ekki fyrsti prófessorinn, sem fer í rannsóknarleyfi …
27.feb. 2018 - 15:49 Sara Pálsdóttir

Vita stjórnvöld hvað er barni fyrir bestu?

Í pistli mínum frá 5. febrúar s.l. benti ég á að Ísland hefur hvorki undirritað né fullgilt fjórðu valkvæðu bókunina við barnasáttmála Sameinuðu þjóðanna sem mælir fyrir um rétt einstaklinga til að beina kærum vegna brota á sáttmálanum til barnaréttarnefndar SÞ. Skoraði undirrituð á stjórnvöld til að bæta úr þessu. Það er ánægjulegt að málið skuli nú vera til skoðunar hjá stjórnvöldum.
24.feb. 2018 - 12:17 Hannes Hólmsteinn Gissurarson

Hann kaus frelsið

Þótt heitið sé tuggukennt, er bókin sjálf full af örlagasögum, átakanlegum, en um leið forvitnilegum, svo að lesandinn leggur hana ógjarnan frá sér.
22.feb. 2018 - 16:52 Þórhallur Heimisson

Gyðingdómur í sögu og samtíð - námskeið

En um hvað snýst gyðingdómur? Hvernig hefur gyðingdómur þróast í gegnum aldirnar? Hver eru trúarrit gyðinga? Hvernig hefur saga ofsókna og þjóðarmorðs mótað gyðingdóm? Og hver er staða gyðinga í heiminum í dag? Hvernig tengist svo allt þetta stöðu Ísraels og Palestínu?
22.feb. 2018 - 10:04 Sara Pálsdóttir

Umskurður drengja

Umskurður drengja hefur sterk tengsl við trúarbrögð Gyðinga og Íslam. Drengir um allan heim eru umskornir og er um að ræða rótgróna hefð í mörgum samfélögum. 
19.feb. 2018 - 10:29 Hannes Hólmsteinn Gissurarson

Hugleiðingar á 65 ára afmælinu

En eins og hvalirnir og farfuglarnir kem ég alltaf aftur, þegar vorar. Ég vona, að ég eigi eftir að koma oft heim aftur.
16.feb. 2018 - 13:13 Brynjar Nielsson

Viðkvæmir Píratar

Píratar eru viðkvæmari en aðrir og er gjarnan misboðið ef þeir eru gagnrýndir. Þar sem Pírötum er ógerlegt að tjá einfalda hugsun í stuttu máli sendir borgarfulltrúi þeirra þingmönnum Reykjavíkur langt bréf um ekki neitt. Þar kemur þó fram að hann krefjist afsökunarbeiðni frá utanríkisráðherra vegna þess að með honum á fund borgarfulltrúa og þingmanna Reykjavíkur mætti oddviti sjálfstæðismanna í komandi borgarstjórnarkosningum.
15.feb. 2018 - 20:30 Davíð Már Kristinsson

Spáð í spilin

Deildarkeppnin í Olís deild karla hefur farið ágætlega af stað eftir landsliðspásuna. Línur hafa tekið að skýrast og ég ætla aðeins að rýna í liðið og framhaldið hjá liðunum og mótinu.
12.feb. 2018 - 09:03 Hannes Hólmsteinn Gissurarson

Spurning drottningar

Drottning spurði: „Hvers vegna sá enginn hana fyrir, úr því að hún reyndist svo alvarleg?“
12.feb. 2018 - 08:49 Hannes Hólmsteinn Gissurarson

Hún líka

Mér finnst samt skrýtið, að ég hef hvergi séð á þetta minnst í fræðum íslenskra kvenfrelsissinna
09.feb. 2018 - 14:13 Vilhjálmur Birgisson

Uppgjör í verkalýðshreyfingunni!

Það er morgunljóst að framboð Sólveigar Önnu Jónsdóttur til formanns Eflingar hefur valdið því að skjálftaórói mælist nú vítt og breytt á jarðskjálftamælum hjá sérhagsmunaelítunni.
05.feb. 2018 - 09:15 Sara Pálsdóttir

Ríkari mannréttindavernd barna á Íslandi

Með lögum nr. 19/2013 var barnasáttmáli Sameinuðu þjóðanna lögfestur á Íslandi. Er þetta í annað skipti sem alþjóðlegum mannréttindasáttmála hefur verið veitt beint lagalegt gildi hér á landi, hinn sáttmálinn er mannréttindasáttmáli Evrópu sem var lögfestur árið 1994. Af þessu leiðir að barnasáttmálanum verður beitt hér á landi um hagsmuni og mannréttindi barna með sama hætti og t.d. barnalögum eða öðrum íslenskum lögum.

31.jan. 2018 - 15:44 Lovísa María Emilsdóttir

Æfðu þig í að finna fyrir gleði, þakklæti og hamingju!

31.jan. 2018 - 09:04 Ingrid Kuhlman

Hvenær ertu búinn að aðlagast?

Undanfarin ár hefur mannlífið á Íslandi tekið miklum breytingum og fjölbreytileikinn aukist. Innflytjendum fer sífellt fjölgandi og þeir setja svip sinn á samfélagið. Ástæðurnar fyrir auknum búferlaflutningum fólks eru nokkrar. Ísland er orðið þátttakandi í alþjóðlegu umhverfi þar sem heimurinn er orðin að einu atvinnusvæði. Auk þess hefur straumur flóttamanna aukist vegna stríðsátaka og annarra hörmunga. Margir vita ekki hvernig á að bregðast við þessum breytingum. Flestir vilja taka vel á móti öllum sem flytja hingað til lands en vankunnátta og skortur á skilningi gagnvart ólíku útliti, hegðun, trú og menningu gerir okkur erfitt fyrir.
30.jan. 2018 - 12:01 Sigrún Dóra Jónsdóttir

Til varnar sonum mínum

Árið 1872 settist Bríet Bjarnhéðinsdóttir niður og ritaði um stöðu íslenskra kvenna. Hún barðist fyrir jafnrétti kynjanna og því einu að konur hefðu sama vald og karlar. 
27.jan. 2018 - 05:47 Hannes Hólmsteinn Gissurarson

Andmælti Davíð, en trúði honum samt

Það af hluta­bréf­um sín­um, sem Þor­gerður og maður henn­ar fluttu ekki í einka­hluta­fé­lag sitt, var leyst úr veðbönd­um. Þau seldu það fyr­ir 72,4 millj­ón­ir króna þriðju­dag­inn 30. sept­em­ber 2008 …
25.jan. 2018 - 11:22 Brynjar Nielsson

Þjóðviljinn var hlutlausari en Kjarninn

Óháði og hlutlausi fjölmiðillinn, Kjarninn, er reglulega með fréttaskýringar um aukinn ójöfnuð og misskiptingu í íslensku samfélagi. Í nýjustu fréttaskýringunni kemur fram að virði verðbréfa í eigu Íslendinga hækkuðu um 23 milljarða að nafnvirði á árinu 2016. Þar af hækkuðu bréf ríkustu 10% þjóðarinnar um 21.8 milljarð.
22.jan. 2018 - 14:17 Þórhallur Heimisson

Átökin um landið helga

Þann 12. febrúar næstkomandi mun ég bjóða upp á kvöldnámskeið um Landið helga og átökin um það. Sérstök áhersla verður lögð á nútímann, 20. öldina og til dagsins í dag. Sagan verður rakin frá lokum Fyrri heimsstyrjaldar, dregin verður upp mynd af átakalínum, deiluaðilum og átökum, afskiptum stórveldanna og þróun alþjóðamála sem hafa haft áhrif á þessa sögu. Við munum skoða styrjaldirnar milli Ísraelsmanna og nágranna þeirra, hverjir börðust og hvernig og hvaða áhrif þær hafa haft. Umfram allt verður leitast við að skýra stöðuna eins og hún er á eins hlutlausan máta og hægt er.
20.jan. 2018 - 07:22 Hannes Hólmsteinn Gissurarson

Líftaug landsins

Sagnfræðistofnun Háskóla Íslands hélt málstofu 16. janúar um nýútkomið stórvirki í íslenskri sagnfræði.
18.jan. 2018 - 10:10 Börkur Gunnarsson

Þegar ég verð borgarstjóri

Er á borgarráðsfundi.
17.jan. 2018 - 10:45 Hannes Hólmsteinn Gissurarson

Því var bjargað sem bjargað varð

Davíð Oddsson og félagar hans tveir í Seðlabankanum sáu hætturnar fyrr og skýrar en aðrir og vöruðu við þeim hvað eftir annað í trúnaði í fárra manna hópi.
13.jan. 2018 - 18:19 Hannes Hólmsteinn Gissurarson

Trump, Long og Jónas frá Hriflu

En nú reyna þeir, sem gátu ekki fellt hann í forsetakjöri, að koma á hann höggi með því að segja, að hann sé ekki heill á geðsmunum.
11.jan. 2018 - 20:21 Davíð Már Kristinsson

Ísland hefur leik á EM í Króatíu

Föstudaginn 12 janúar verður flautað til leiks hjá Íslandi á Evrópumótinu í handknattleik sem haldið er í Króatíu.

06.jan. 2018 - 11:40 Hannes Hólmsteinn Gissurarson

Bókabrennur

Til þess að eyða bókum þarf ekki alltaf að brenna þær.

Vilhjálmur Birgisson
Vilhjálmur Birgisson - 06.4.2018
Sjáðu þessi dæmi um græðgisvæðingu!
Brynjar Nielsson
Brynjar Nielsson - 05.4.2018
Dröslaði bróður mínum í kirkju
Hannes Hólmsteinn Gissurarson
Hannes Hólmsteinn Gissurarson - 31.3.2018
Hvað segi ég í Las Vegas?
Sverrir Björn Þráinsson
Sverrir Björn Þráinsson - 05.4.2018
Hjónin Laufey og Bjarki losuðu sig við 33 kg á 12 vikum
Hannes Hólmsteinn Gissurarson
Hannes Hólmsteinn Gissurarson - 31.3.2018
Heimsókn Øverlands
Davíð Már Kristinsson
Davíð Már Kristinsson - 29.3.2018
„Heyrðu“
Vilhjálmur Birgisson
Vilhjálmur Birgisson - 05.4.2018
Þinn tími sem forseti ASÍ er liðinn!
Hannes Hólmsteinn Gissurarson
Hannes Hólmsteinn Gissurarson - 07.4.2018
Málið okkar
Brynjar Nielsson
Brynjar Nielsson - 09.4.2018
RÚV er tímaskekkja
Davíð Már Kristinsson
Davíð Már Kristinsson - 27.3.2018
Dymbilvika
Brynjar Nielsson
Brynjar Nielsson - 17.4.2018
Grímulaus pólitík
Ingibjörg Gunnlaugsdóttir
Ingibjörg Gunnlaugsdóttir - 06.4.2018
Skömmin
Hannes Hólmsteinn Gissurarson
Hannes Hólmsteinn Gissurarson - 14.4.2018
Grafir án krossa
Hannes Hólmsteinn Gissurarson
Hannes Hólmsteinn Gissurarson - 21.4.2018
Þrjár örlagasögur
Fleiri pressupennar
Gæludýr: Mars 2018