19. maí 2017 - 18:00Arnaldur Máni Finnsson

Umbreytingavorin

Stundum finnst manni eins og vorið sé ekki árstíð sem hægt sé að ræða í fleirtölu. Það er bara eitt vor og það er einhvernveginn eilíft. Það er í hausnum á manni. Umhleypingarnar á mörkum veturs og sumars, ár frá ári, falla inní þetta stóra vor sem er umbreytingatíminn sjálfur. Vorið er meira svona hugarástand. Það er afstaða til lífsins. Það er realísk bjartsýni. Eða það þykir mér, enda þykist ég vera vormaður. Vormenn Íslands hafa einhvernveginn alltaf talað til mín.

Kannski er það eitthvað sem við getum kallað ósköp íslenskt að taka vorinu með sérlega jákvæðum hætti. Þó allt fram streymi með sama hætti og fyrr. Það er ekki það að sá sem þetta skrifar sé snertur af sauðburðarmaníu eða önnur árstíðabundin verk séu að riðla skipulagi daganna, en þó verð ég að viðurkenna að einhvern veginn hefur þessi árstíð þau áhrif að maður óttast ekki um afdrif verkefnanna með sama hætti og í skammdeginu þegar ekki sér fyrir endann á vetrinum. Vorið er einhverskonar tími sem felur í sér upphafspunkt, jafnvel á langvinnustu verkefnum. Maður fyllist nýjum krafti og hefur trú á því að allt fari vel, hvað sem verða vill. Og svo kemur vor aftur að loknu sumri; þessar umhleypingar sem ryðja leið þeim persónueinkennum sem eru til í langhlaupið. Þessu í manni sem ætlar að dansa í snjónum til að sírenurnar í hýðunum nái ekki að svæfa mann með teppunum sínum. Ef svo má segja.

Umhleypingar er orð sem við getum notað til að lýsa veðrinu sem og þjóðlífinu sjálfu svona almennt á upplýsingaöld. Það er alltaf eitthverjar umhleypingar í gangi sem segir okkur kannski mest eitthvað um samtímann, hvaða árstíð sem mætir okkur á dagatalinu. Samtíminn hefur verið glaptur í rafrænar hallir náttúrulausrar sítengingar og í útlöndum er alltaf stríð. Eina leiðin til að aftengja sig er að jarðtengja sig með því að sökkva sér í árstíðina. Verst bara að eiga í vandræðum með að skilgreina sig þessa dagana; er vor eða sumar? Vorið í ár er alveg klassíkst gæti maður sagt; það er umhleypingasamt, en um leið þá er sérstakur upptaktur í því. Svona 2017-taktur. Kannski eru það allir þessir viðburðir, þessi lokun á vetrinum sem við verðum svo vör við í daglega lífinu, verkefni vetrarins eru að klárast. Þessi furðulegi vetur sem var, við þurfum ekki að undrast dyntina í honum lengur.

Það er kannski hrokafullt að hugsa það þannig, en maður þakkar fyrir það að náttúran sé enn sá rammi sem hefur hvað mest áhrif á okkur hérna fyrir austan. Kannski er svo víðar en umbreyting náttúrunnar hefur einhver óljós áhrif á sálarlífið. Vonir kvikna. Fyrirheit um náðuga daga láta á sér kræla. Ekki spyrja mig af hverju, því verkefnin og annirnar minnka ekki. Við bara nálgumst þau öðruvísi. Ég held að það sé svo með mig að mér fari betur að strengja mín heit á vorin, því áramótaheitin... ...tja. Þau eru eiginlega til þess fallin fyrst og fremst að maður þrauki fram á vor. Með eitthvað markmið í gegnum myrkrið. Með því að setja tóninn á vorin getur maður miklu frekar látið sumarið endast alveg út árið í hausnum á sér og skoðað hvað sem maður tekur sér fyrir hendur með þessari sérstöku vorafstöðu til hlutanna. Það er nefnilega samtakamáttur líka í vorinu, svona málfræðilega. Og það höfðar til ólíkra þátta í manni, laðar fram sólríka eiginleika sem fela sig allajafna á veturna. Maður þarf á því að halda að vera óeigingjarn eins og vorið, markalaus og flæðandi, en um leið reiðubúinn í allt þetta óvænta sem íslensk sumur bjóða uppá. Ekki plana of mikið.

Umhleypingar og umbreytingar; kannski eru þetta ekki nógu jákvæð orð í íslenskri sjálfsvitund – og um leið er hálf fáránlegt að tala „enn“ eins og sú vitund sé til. Það er kannski stóra umhleypingin sem dvelur á bakvið skynjun okkar sem enn tölum þetta tungumál. Sumarið 2017 er kannski fyrsta sumarið þar sem við erum meðvituð um að á landinu eru ekki bara 300.000 manns sem tala íslensku heldur að á landinu okkar eru kannski 500.000 einstaklingar á hverjum tíma og megnið af þeim bara að ferðast, skoða og skemmta sér. Á þessu skemmtiferðaskipi úti í miðju Atlantshafinu erum ekki bara við heldur einhverskonar alþjóðlegt samfélag þar sem allt þarf að standa í stað. Vera til sýnis. Skrýtið. En um að gera að mæta því með réttum gleraugum því tími umbreytingarinnar er mikilvægasti tíminn. Teinrétt afstaða inniheldur góðan slaka. Aðlögumst vorinu.

Greinin er leiðari Austurlands.




28.jún. 2017 - 20:43 Elín Ósk Arnarsdóttir

Ekki dæma bókina af kápunni

Ég fer oft á bókasafnið, enda mikill lestrarhestur, og rölti um í leit af góðri bók. Þrátt fyrir að vera meðvituð um að kápan segi ekki allt hefur hún mikil áhrif á val mitt. Ég leita frekar í bók með nýlega, snyrtilega og glansandi kápu en gamla skruddu sem er alveg einlit með gyllta stafi. En ætti ég ekki að gefa bókunum með óheillandi kápur séns? Einhverjar þeirra gætu verið algjörir gullmolar sem ég fer á mis við ef ég læt kápur stýra vali mínu á bókum. Og þetta á við um svo margt fleira en bara bækur.

27.jún. 2017 - 15:13 Vilhjálmur Birgisson

Kjararáð hefur lagt línurnar

Það er morgunljóst að fjölmargir af okkar félagsmönnum eru agndofa og æfir af reiði yfir þeirri ákvörðun kjararáðs að hækka enn og aftur þá sem heyra undir kjararáð um allt að 300 þúsund á mánuði með afturvirkni sem nær í sumum tilfellum allt að eitt og hálft ár aftur í tímann.
27.jún. 2017 - 10:09 Þórhallur Heimisson

SKÁLHOLTSSKÓLI 45 ÁRA – Hvert stefnir í Skálholti?

Á þessu ári verða liðin 45 ár síðan Skálholtsskóli hinn nýji hóf starfsemi sína undir forystu sr.Heimis Steinssonar og Dóru Þórhallsdóttur. Að baki skólans stóð Skálholtsskólafélagið undir forysti herra Sigirbjörns Einarssonar biskups. Sterkar stoðir voru settar undir skólann með lögum um Skálholtsskóla árið 1976. Eftir kraftmikið frumkvöðlastarf fluttu þau hjónin til Þingvalla árið 1981. Skólastarfsemi var hætt við skólann árið 1992 og nú er Skálholtsskóli rekinn sem kirkjulegt menningarsetur.
27.jún. 2017 - 09:38 Björgvin G. Sigurðsson

Í kröppum krónudansi

Mikil og hröð styrking krónunnar hefur grafið undan útflutningsgreinum okkar og skyndilega eru blikur á lofti í ferðaþjónustunni. Gengisbreytingarnar koma harkalega niður á greininni sem á sama tíma hefur verið í fordæmislausum uppbyggingarfasa, til að mæta auknum gestakomum til landsins.
26.jún. 2017 - 20:30 Eyjan/Kristinn H. Gunnarsson

Kvótakerfið veldur hörðum stéttaátökum

Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn útgerðarinnar gera sér grein fyrir stöðunni og keppast við að bera lofi á kerfið og vara við öllum hugmyndum um breytingar. 
26.jún. 2017 - 14:55 Kristinn H. Gunnarsson

Gengishækkun krónunnar er kjarabót fyrir almenning

Undanfarnar vikur hafa hellst yfir landsmenn grátstafir forsvarsmanna í sjávarútvegi og ferðaþjónustu. Það er engu líkara en að hækkandi gengi íslensku krónunnar sé stórfellt efnahagslegt vandamál sem sé við það gera út af við afkomu fyrirtækjanna. Þannig hefur til dæmis framkvæmdastjóri LÍÚ sagt berum orðum að til greina komi að flytja fiskvinnslu til útlanda og forystumenn ferðaþjónustunna bera sig enn verr   yfir því óréttlæti stjórnvalda að ætla þeim að greiða sama virðisaukaskatt og almennt gildir í landinu.
26.jún. 2017 - 13:36 Þórhallur Heimisson

Ertu réttlaus í þinni sambúð?

Eins og margir hafa án efa tekið eftir, þá höfum við í Breiðholtskirkju boðið upp á svokallaðann „Drop – In brúðkaupsdag“ þar sem fólki gefst tækifæri til að gifta sig með litlum fyrirvara og engum tilkostnaði, en með þeim hátíðleik sem slíku tilefni tilheyrir. Ástæðurnar eru ýmsar, en ein af þeim stærstu er þó sú, að við viljum auðvelda fólki sem er í sambúð að ganga í hjónaband, með þeim réttindum og skyldum sem því fylgir. Þetta viljum við gera til að auka öryggi allra á heimilinu. Margir átti sig nefnilega ekki á því að sömu réttindi gilda ekki á milli fólks sem er í sambúð og hinna sem eru í hjónabandi.
24.jún. 2017 - 19:24 Hannes Hólmsteinn Gissurarson

Auðjöfur af íslenskum ættum

Eftir nokkurt grúsk komst ég að því, að þessi danski auðjöfur var íslenskur að langfeðgatali.

20.jún. 2017 - 09:36 Brynjar Nielsson

Blaðabarnið gleymir

Alltaf jafn fróðlegt og upplýsandi að lesa umfjöllun prentmiðla um störf og mætingar alþingismanna í nefndum alþingis. Nýlega las ég að ég hafi verið með fullkomna mætingu í efnahags- og viðskiptanefnd en mætingin slægleg í stórnskipunar- og eftirlitsnefnd síðustu vikur þingsins. En blaðabarnið var auðvitað búið að gleyma því að helst mátti ég ekki sjást á svæðinu þegar málefni Ólafs í Samskipum var til meðferðar í nefndinni og alls ekki þegar Landsréttarmálið bar á góma.
18.jún. 2017 - 16:46 Sigurður G. Guðjónsson

Glórulaus hugmynd hjá forsetanum

Föstudaginn 26. september 1986 ritaði Svala Thorlacíus hrl. grein í Morgunblaðið um síendurtekin kynferðisafbrot gagnvart börnum. Hæstaréttarlögmaðurinn spurði í niðurlagi greinarinnar ,,Hvað er til ráða ? " Þar kemur fram að lögmaðurinn vildi beita vönun á grundvelli laga nr. 16/1938 um að heimila í viðeigandi tilfellum aðgerðir á fólki, er koma í veg fyrir, að það auki kyn sitt. Lög þessi voru felld að mestu úr gildi með lögum nr. 25/1975, en endanlega með lögum nr. 41/ 2010 til að fullnægja skuldbindingum ríkisins gagnvart Sameinuðu þjóðunum um réttindi fatlaðra.
17.jún. 2017 - 22:37 Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45. Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.
17.jún. 2017 - 17:11 Brynjar Nielsson

Reiði og hefnd

Reiði og hefnd er mannleg tilfinning og mjög skiljanleg, ekki síst hjá þeim sem brotið er gegn. Fyrr á öldum var reiðin og hefndin allsráðandi þegar mönnum varð á eða gerðust brotlegir. Ef hinn brotlegi varð ekki að gjalda með lífi sínu á kvalarfullan eða niðurlægjandi hátt varð refsingin að minnsta kosti þannig að lífið yrði óbærilegt. Stundum er þetta tímabil nefnt Myrkar miðaldir.


17.jún. 2017 - 12:19 Þórhallur Heimisson

Independence day - free from Icelandic

Myself var í útilegu þar sem ég hitti Icelandik máuntenírs og æfði vel ensku því engin talaði íslensku þarna úti í tourist land nema ég og mávurinn. Nú þegar við höldum upp á 17. júní, Independence day, er þá ekki beisiklí kominn tíme á að droppa þessari óld fasíón íslensku alltúgether and make peopel free for real?
17.jún. 2017 - 10:27 Hannes Hólmsteinn Gissurarson

Kammerherrann fær fyrir kampavíni

Seðlabankinn virðist ekkert geta fengið af þessu mikla fé. Hann tapar mörgum tugum milljarða.
15.jún. 2017 - 13:21 Vilhjálmur Birgisson

Einn maður stjórnar lífeyrissjóði sem er jafn stór og allir íslensku sjóðirnir til samans

Hugsið ykkur að einn maður að nafni Steve Edmundson stýrir 35 milljarða dala lífeyrissjóði fyrir opinbera starfsmenn í Nevada í Bandaríkjunum. Takið eftir að miðað við gengi Bandaríkjadollarans í gær er þessi lífeyrissjóður sem þessi eini maður stjórnar jafn stór og allt lífeyriskerfið okkar eða um 3500 milljarðar íslenskrar króna. Það kemur líka fram í þessari frétt að árslaun Steve eru rétt rúmir 127 þúsund dalir, eða sem nemur 1,1 milljón á mánuði.
14.jún. 2017 - 10:42 Vilhjálmur Birgisson

Þetta rugl sem er í kringum lífeyrissjóðina

Ég er ekki í neinum vafa um að nú verður að skoða þetta rugl sem er í kringum lífeyrissjóðina en það kostar um eða yfir 10 milljarða að reka lífeyriskerfið á ári. Hér er til dæmis verið að greiða framkvæmdastjóra Framtakssjóðs Íslands 20 milljóna mætingarbónus fyrir það eitt að hafa náð að vinna fyrir sjóðinn í 3 ár! Í þessu samhengi er mikilvægt að átta sig á því að það eru íslensku lífeyrissjóðirnir sem eiga uppundir 70% í Framtakssjóði Íslands.
11.jún. 2017 - 10:11 Hannes Hólmsteinn Gissurarson

Átakanleg saga kvenhetju

Er ekki samlíðunin uppspretta hins æðsta söngs? Samlíðunin með þeim Ástu Sóllilju og Yeonmi Park á jörðinni?
09.jún. 2017 - 09:16 Sara Pálsdóttir

Réttur leigutaka gagnvart leigusala

Um réttarsamband leigutaka og leigusala gilda húsaleigulög nr. 36/1994. Samkvæmt lögunum má að jafnaði ekki mæla fyrir um lakari rétt til handa leigjanda en þar er mælt fyrir um. Tryggast er að hafa leigusamning skriflegan og skulu breytingar á samningi einnig vera skriflegar.
09.jún. 2017 - 09:10 Kristinn Karl Brynjarsson

Borgarlínan er aukaverkefni!!

Undanfarin misseri hefur fátt annað en svokölluð borgarlína komist að í umræðunni um samgöngumál á höfuðborgarsvæðinu. Borgarlínan sé metnaðarfullt verkefni sem að ráðast verði í vegna þess að annars þurfi að ráðast í svo miklar fjárfestingar í vegna fjölgunar íbúa á höfuðborgarsvæðinu næstu ár og áratugi.
09.jún. 2017 - 07:00 Indíana Ása Hreinsdóttir

Enn eitt hryðjuverkið

Reglulega heyrum við fréttir af skelfilegum fjöldamorðum þar sem saklaust fólk, á röngum stað á röngum tíma, er myrt með köldu blóði. Á nokkrum vikum hafa þrjú mannskæð hryðjuverk verið framin í Bretlandi einu. Ekki það að hryðjuverkamenn séu að beina sjónum sínum eitthvað frekar að landinu því samkvæmt virtum sérfræðingi í hryðjuverkaógn, sem rætt var við í New York Times í vikunni, eru mannskæðu hryðjuverkin sem við lesum um aðeins toppurinn af ísjakanum af öllum þeim tilraunum sem hryðjuverkamennirnir reyna að framkvæma.
08.jún. 2017 - 13:10 Kristjon Kormakur Guðjonsson

Ég biðst afsökunar

Í morgun fjallaði dv.is um líkamsárás og manndrápsmál sem átti sér stað í Mosfellsdal í gærkvöldi. Fyrir mistök birti ég nafn konu, Andreu Kristínar Unnarsdóttur, sem var ekki á staðnum. Nafnbirtingin var byggð á heimildum sem ég taldi öruggar en voru það ekki.
08.jún. 2017 - 12:45 Jón Steinar Gunnlaugsson

Hugsanalögregla

Sagt hefur verið frá því í fréttum að svonefnd úrskurðarnefnd lögmanna hafi gert mér að sæta áminningu. Atvik málsins eru öll hin kostulegustu og þykir mér nauðsynlegt að skýra þau nokkrum orðum.
07.jún. 2017 - 00:32 Hannes Hólmsteinn Gissurarson

Hæg voru heimatök

Ef til vill datt einhverjum í hug annað íslenskt spakmæli, Illur fengur illa forgengur, þegar sænska fjármálaeftirlitið lokaði HQ banka árið 2010 vegna alls kyns fjárglæfra.
06.jún. 2017 - 13:44 Vilhjálmur Birgisson

Blóðtaka í atvinnulífi okkar Akurnesinga

Vissulega er það jákvætt skref að boðið verður upp á rútuferðir, en því miður eru alltof margir sem ekki munu hafa tök á að þiggja vinnu í Reykjavík og ástæðan er einföld, vinnudagurinn lengist um 2 tíma án þess að starfsmenn muni fá greitt fyrir ferðatímann. Einnig gengur það ekki upp hjá mörgum að þiggja starf í Reykjavík, sérstaklega fyrir þá sem eru með börn í leik- eða grunnskóla.
06.jún. 2017 - 10:44 Þórhallur Heimisson

Námskeið um íslam og átökin við vesturlönd í sögu og samtíð þann 12. júní

Námskeið um íslam og átökin við vesturlönd í sögu og samtíð þann 12. júní í safnaðarheimili Neskirikju. Leiðbeinandi er sr. Þórhallur Heimisson, prestur og trúarbragðafræðingur, sem haldið hefur fjölmörg námskeið og ritað bækur og greinar um þetta málefni sem brennur á öllum. Hann hefur einnig ferðast með hópa vítt og breytt um hinn íslamska heim, allt frá Ístanbúl og Jerúsalem til Indlands.
05.jún. 2017 - 07:00 Akureyri vikublað

Halldór: „Þú, sama hver þú ert, átt að hafa rödd“

Ég hef heyrt oftar en einu sinni að Píratar séu borgarflokkur, að Píratar nenni ekki upp fyrir Elliðaárdalinn, að Píratar rati ekki út úr Reykjavík. Það er allt fjarri sanni. Á Norðurlandi eystra er starfandi Píratafélag, PáNA, sem hefur staðið fyrir nær vikulegum fundum síðustu mánuði þar sem rætt er um allt á milli himins og jarðar. 
04.jún. 2017 - 10:24 Hannes Hólmsteinn Gissurarson

Skipan Landsréttar

Sigríður Andersen dómsmálaráðherra hefur farið skynsamlega og röggsamlega að.
03.jún. 2017 - 14:30 Hannes Hólmsteinn Gissurarson

Sagt í Seoul

Mér var falið að andmæla eða öllu heldur bregðast við þremur fyrirlestrum um kóreska efnahagsundrið, þegar ég sótti á dögunum ráðstefnu í Seoul.
02.jún. 2017 - 16:26 Jón Steinar Gunnlaugsson

Lögfræðingar á villigötum

Það er auðvitað æskilegt að lögfræðimenntað fólk tjái sig um álitaefni sem upp koma á vettvangi þjóðmálanna, þar sem reynir á lögskýringar og hugsanlegt lögmæti athafna stjórnvalda. Þegar þessu er sinnt er afar þýðingarmikið að lögfræðingarnir rugli ekki saman lögfræðinni sinni og þeim huglægu sjónarmiðum sem þeir kunna að hafa til þess máls sem til meðferðar er.


02.jún. 2017 - 10:54 Börkur Gunnarsson

Grét allan fundinn

Reyniði að sitja fimm tíma Velferðarráðsfund, þarsem eru mjög þung mál til umfjöllunar, með sandkorn undir augnlokinu. Maður fer fjórum sinnum af fundinum og inná klósettið til að reyna að ná hrottanum sem er að pynta mann undan augnlokinu en tekst ekki. 
02.jún. 2017 - 07:00 Indíana Ása Hreinsdóttir

Íslenska keppnisskapið

Í ár eru tíu ár frá hinu fræga 2007 – árinu þegar trú okkar á að hamingjuna væri að finna í stórum flatskjáum, glansandi eldhúsinnréttingu og sverustu gerð af Range Rover náði hámarki. Ári villtra drauma og takmarkalauss aðgangs að lánsfé. Árinu þegar keppnin um að eiga mest náði hátindi sínum.
01.jún. 2017 - 12:58 Vilhjálmur Birgisson

Er það lögbrot að lækka verð til heimila og fyrirtækja?

Ég tek svo sannarlega undir þessi sjónarmið hjá Viðari Garðarsyni að stjórnvöld verði að marka sér skýra eigendastefnu fyrir Landsvirkjun. Ég skora á fólk að horfa á myndbrotin sem koma fram með þessum pistli frá aðalfundi Landsvirkjunar, en í þeim kemur fram hjá forstjóra Landsvirkjunar að á síðustu 7 árum hafi Landsvirkjun átt eftir 200 milljarða og takið eftir, þá hefur allur rekstrarkostnaður fyrirtækisins verið greiddur, allur!
01.jún. 2017 - 10:40 Hannes Hólmsteinn Gissurarson

Frjálshyggja á Íslandi á 19. og 20. öld

Þar ræði ég um Jón Sigurðsson, Arnljót Ólafsson, Jón Þorláksson, Benjamín Eiríksson, Ólaf Björnsson og Ragnar Árnason, en einnig um Þráin Eggertsson, Birgi Þór Runólfsson, Ásgeir Jónsson, Vilhjálm Egilsson og Tryggva Þór Herbertsson og fleiri …
31.maí 2017 - 14:15 Þórhallur Heimisson

Hvítasunna og heilagur andi Guðs

Hvítasunna er samkvæmt kristinni hefð hátíð heilags anda Guðs. Um anda Guðs er víða fjallað í Biblíunni. Í Gamla testamentinu kallast andi Guðs “Ruah” á hebresku eða “Ruah Elohim”. Ruah Elohim er andi Guðs í heiminum, skaparinn að störfum innan sköpunar sinnar. Andinn er eins og armleggur Drottins segir gjarnan í Gamla testamentinu, eða hönd Drottins, tákn fyrir kraft Guðs og návist. Ruah getur bæði þýtt vindur, andi og andardráttur og þannig er andinn eins og andardráttur Drottins. Hann blæs lífi í fólk og fénað. Andinn opinberar líka hver vilji Guðs er, blæs spámönnum kjark í brjóst og vekur trú. Um leið eflir hann visku og speki og sá sem í Gamla testamentinu lætur anda Guðs leiðbeina sér er á réttum vegi. Samtímis er andi Guðs tákn fyrir mildi hans og blíðan kærleika.
31.maí 2017 - 14:14 Jón Óðinn Waage

Eftir lifir minningin um yndislegan dreng

Ég var þjálfari hjá ungmennafélaginu Samherja í Eyjafjarðarsveit. Eitt af því sem ég gerði þar var að sækja krakka á leikskólann þar í Eyjafjaraðrsveit, fara með þau á æfingu á íþróttavöllinn eða í íþróttahúsið og skila þeim svo aftur á leikskólann. Sá árgangur sem ég var lengst með var 2004 árgangurinn. Ég byrjaði með þau þegar þau voru 4 ára og var með þau í fimm ár.
29.maí 2017 - 11:23 Vilhjálmur Birgisson

Hvaða mál eru brýnni fyrir hagsmuni almennings og skuldsettra heimila?

Ruglið í kringum hækkun á neysluvísitölunni heldur áfram. Í dag er 12 mánaða verðbólgan 1,7% en án húsnæðisliðar er hún neikvæð sem nemur 2,6%. Sem sagt, enn og aftur er það hækkun á fasteignaverði og leigu sem knýr verðbólguna áfram og enn og aftur horfa ráðamenn og þingmenn aðgerðalausir á þessa staðreynd.
28.maí 2017 - 16:20 Elín Ósk Arnarsdóttir

Costco hefur kosti

Það hefur ekki farið fram hjá neinum Íslendingi að Costco er búið að opna og hefja söluna. Undanfarnar vikur er búið að fjalla mikið um opnunina á þessu bandaríska fyrirtæki en lágt verð hefur verið í brennideplinum. Við erum orðin vön á því að allar vörur séu rándýrar og fari bara hækkandi með hverju árinu. Þess vegna verða margir spenntir þegar svona verslunarkeðja kemur til landsins.

26.maí 2017 - 07:00 Björgvin G. Sigurðsson

Hin nýja miðja

Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar.
25.maí 2017 - 07:00 Indíana Ása Hreinsdóttir

Um fjallageitur og samfélagsmiðlamont

Það virðast allir vera í útlöndum, vera nýkomnir heim eða á leiðinni í spennandi utanlandsferð. Það er líka fátt jafn notalegt og að sitja með kokteil á sundlaugarbakka nærri suðrænni strönd, og eftir sólarlandaferðina sem undirrituð fór í upphafi árs hefur hugurinn dvalið við drauma um næsta ferðalag. Um helgina prófaði ég hins vegar svolítið allt annað – fjallgöngu – og fetaði þar með í fótspor annars hvers landsmanns sem virðist vera uppi á hálendi Íslands ef hann er á annað borð staddur á landinu.
24.maí 2017 - 12:00 Kristinn Rúnar Kristinsson

Mjög takmörkuð öryggisgæsla á Rammstein tónleikunum

Mér, rétt eins og öllum Íslendingum brá mikið við að heyra af hryðjuverkaárásunum í Manchester á mánudagskvöld. Þetta er svo nálægt okkur og fjölmargir heimsótt borgina, þ.m.t. ég sjálfur nokkrum sinnum. Virkilega óhugnaleg árás sem sýnir illsku í heiminum blákalt. Það sem ég hugsaði strax voru Rammstein tónleikarnir sem ég sótti á laugardaginn, ekki nema u.þ.b. 1600 km frá Manchester-borg.
24.maí 2017 - 11:48 Brynjar Nielsson

Vitleysan grasserar áfram þrátt fyrir rannsóknir sem sýna annað

Heilbrigðiskerfið er ónýtt, ójöfnuður meiri en annars staðar og kjör launþega verri. Spilling grasserar og einkarekstur og nýfrjálshyggja er allt að drepa.
24.maí 2017 - 08:42 Þórhallur Heimisson

Uppstigningardagur

Uppstigningardagur dregur heiti sitt af þeim atburði sem frá er greint í fyrsta kafla Postulasögunnar, þar sem segir frá því að Jesús hafi fjörtíu dögum eftir upprisuna verið uppnuminn til himins fyrir augliti lærisveina sinna. Og er þeir störðu til himins á eftir honum, þá stóðu allt í einu hjá hjá þeim tveir menn í hvítum klæðum, og sögðu:
23.maí 2017 - 16:24 Börkur Gunnarsson

Stærðin skiptir máli

Mér skilst að Toblerone sé selt í fimm kílóa stykkjum í Costco og sem gamall sykursjúklingur að þá fékk ég kikk við hugmyndina. Mér fannst nefnilega alltaf lítið Toblerone lítils virði og gaf mér ekkert kikk en stórt Toblerone var ógeðslega gott.
23.maí 2017 - 13:08 Vilhjálmur Birgisson

Stjórnvöld eiga að vera á tánum en ekki hnjánum

Þetta eru nú meiri snillingarnir hjá Samtökum fyrirtækja í sjávarútvegi en nú kallast það ábyrg byggðastefna hjá HB Granda að stúta fjöreggi okkar Skagamanna í atvinnumálum á einni nóttu. Að hugsa sér að sjávargreifarnir reyni að réttlæta það að það fyrirkomulag sem við erum með við stjórnun fiskveiða sé búið að leggja að velli þriðju stærstu verstöð landsins á nokkrum árum er ótrúlegt og jafnvel ósvífið.
22.maí 2017 - 13:26 Guðrún Margrét Guðmundsdóttir

Vandræðalega bekkjarpartýið!

Mesta hrekkjusvíni skólans er boðið í bekkjarpartý, enda er hann aðal-, og skólinn að miklu leyti undir yfirráðum fjölskyldu hans.Hann er fyrsta flokks búllý og hefur hrellt bekkjarsystkinin um nokkurn tíma, talað illa um þau, hótað þeim, skilið út undan, meira að segja löngu áður en hann byrjaði í bekknum. Þessi bekkur hefur nefnilega um árabil farið í taugarnar á fjölskyldu hrekkjusvínsins og lengi verið undir sérstakri smásjá.
22.maí 2017 - 08:34 Elín Ósk Arnarsdóttir

Hvít sem mjólk

Við sækjumst eftir því sem við höfum ekki. Íslendingar almennt elska sól og að verða sólbrúnir. Á meðan fólk sem er dökkt á hörund finnst ótrúlega heillandi ad vera hvítur. Frekar kaldhæðnislegt, ekki satt?
21.maí 2017 - 18:00 Akureyri vikublað

Samskipti

Mér verður oft hugleikið þetta orð – samskipti. Í þá gömlu góðu þurfti að senda bréf eða taka upp símtól til að vera í samskiptum utan heimilis. Maður jafnvel beið fram yfir kvöldmat með að hringja á milli landshluta því það var þó ódýrara. Í dag er ekkert vandamál að hafa samskipti við fólk um allan heim, og það á sömu sekúndu og maður finnur þörf fyrir að heyra í einhverjum.
20.maí 2017 - 12:57 Hannes Hólmsteinn Gissurarson

Einangrað eins og Norður-Kórea?

Það var því ómaksins vert að fara í öndverðum maí 2017 út á Kóreuskaga og kynna sér helstu ástæður þess, að Norður-Kórea er einangruð.
19.maí 2017 - 07:00 Indíana Ása Hreinsdóttir

Mikilvæg fyrirmynd

„Það er erfitt að rifja þetta upp en ég vil minna á að við eigum ekki að dæma fólk eða stimpla það þótt það sé öðruvísi,“ segir Matthías Rögnvaldsson, framkvæmdastjóri og forseti bæjarstjórnar Akureyrar, sem prýðir forsíðu blaðsins að þessu sinni. Ástæða þess að ég bað Matthías um forsíðuviðtal er hversu áberandi í atvinnulífinu og bæjarpólitíkinni hann hefur verið síðustu árin.

Híbýli fasteignasala KOSTANDI
Davíð Már Kristinsson
Davíð Már Kristinsson - 17.6.2017
Úrslitaleikur á móti Úkraínu
Sigurður G. Guðjónsson
Sigurður G. Guðjónsson - 18.6.2017
Glórulaus hugmynd hjá forsetanum
Brynjar Nielsson
Brynjar Nielsson - 17.6.2017
Reiði og hefnd
Brynjar Nielsson
Brynjar Nielsson - 20.6.2017
Blaðabarnið gleymir
Hannes Hólmsteinn Gissurarson
Hannes Hólmsteinn Gissurarson - 17.6.2017
Kammerherrann fær fyrir kampavíni
Þórhallur Heimisson
Þórhallur Heimisson - 17.6.2017
Independence day - free from Icelandic
Hannes Hólmsteinn Gissurarson
Hannes Hólmsteinn Gissurarson - 24.6.2017
Auðjöfur af íslenskum ættum
Björgvin G. Sigurðsson
Björgvin G. Sigurðsson - 27.6.2017
Í kröppum krónudansi
Þórhallur Heimisson
Þórhallur Heimisson - 26.6.2017
Ertu réttlaus í þinni sambúð?
Kristinn H. Gunnarsson
Kristinn H. Gunnarsson - 26.6.2017
Gengishækkun krónunnar er kjarabót fyrir almenning
Vilhjálmur Birgisson
Vilhjálmur Birgisson - 27.6.2017
Kjararáð hefur lagt línurnar
Elín Ósk Arnarsdóttir
Elín Ósk Arnarsdóttir - 28.6.2017
Ekki dæma bókina af kápunni
Eyjan/Kristinn H. Gunnarsson
Eyjan/Kristinn H. Gunnarsson - 26.6.2017
Kvótakerfið veldur hörðum stéttaátökum
Fleiri pressupennar
Tapasbarinn: Lamb í lakkrís
(9-30) Gæludýr: Fleischeslust - júní