16. júl. 2017 - 17:36Kristinn Karl Brynjarsson

Rógburður þingmanns

Á dögunum skrifaði Guðjón S. Brjánsson þingmaður Samfylkingar grein í Fréttablaðið og /eða visir.is. Það er að sjálfsögðu lítið fréttnæmt við það að þingmaður skrifi grein í blöð og netmiðla.  Það heyrir hins vegar góðu heilli til undantekninga, að greinarnar séu jafn uppfullar af rangfærslum og rógi í garð þeirra sem greinin um fjallar.

Í greininni skrifar Guðjón um fimm einstaklinga, sem gáfust upp á því að bíða eftir liðskiptiaðgerðum á einhverju þeirra þriggja sjúkrahúsa hérlendis er samninga hafa við Sjúkratryggingar Íslands.

Þar skrifar Guðjón  meðal annars:

Draumaferð fyrrverandi þingmanns og ráðherra Sjálfstæðisflokksins til Svíþjóðar varð að fjölmiðlaefni fyrir skömmu. Þangað fór hún í fimm manna hópi í liðskiptaaðgerð. Svo vildi til að Klíníkin skipulagði ferðina en þar er forstjóri og aðaleigandi gömul samstarfskona og flokkssystir ferðalangsins. Meðeigendur fyrirtækisins eru úr fjölskyldu forsætisráðherra.

Allir farþegarnir voru af biðlista Klíníkurinnar, enginn hafði verið á bið hjá Landspítala, á Akureyri eða Akranesi. Stofa þessi hefur verið að reyna að brjóta sér leið að opinberum sjóðum til að veita heilbrigðisþjónustu. Sérkennilegt hvernig þetta ber allt að, kannski óheppileg tilviljun í samhengi hlutanna.

Ferðinni lýsti ráðherrann fyrrverandi af tilfinningamóð í viðtölum. Hámarki sælunnar virtist náð þegar rennt var í hlað spítalans góða og henni tjáð að þetta væri einkarekið sjúkrahús sem að eigin sögn kom algjörlega flatt upp á hana. Allt voru þetta mikil undur og dásemdin ein.

Ferðin var farin á grundvelli EES-tilskipunar um heilbrigðisþjónustu yfir landamæri. Hún rakti himinlifandi í viðtölum að ríkið greiddi allan kostnað. Um þessar ferðir gilda ákvæði reglugerðar nr. 484/2016 sem Sjúkratryggingar Íslands framfylgja skv. settum skilyrðum.“

Það er vissulega rétt hjá Guðjóni að Klíníkin eða yfirlæknir hennar kom að skipulagi ferðarinnar, eftir að fimmmenningarnir leituðu á náðir hans eftir að hafa verið ótæpilega lengi á biðlista eftir liðskiptiaðgerð, hér á landi hjá einu af ofangreindum sjúkrahúsum. Það er nefnilega þannig að það er ekki sjálfsagður hlutur að fólk rífi sig upp og leggi í ferðir til útlanda í læknisaðgerðir á eigin vegum.  Jafnvel þó viðkomandi sé fyrrverandi þingmaður og ráðherra.

Það er nefnilega frumskilyrði fyrir því að EES-tilskipunin sé virk, að viðkomandi hafi verið á biðlista, eftir aðgerð hjá einhverri af þeim stofnunum hérlendis sem Sjúkratryggingar Íslands hafa gert samning við um framkvæmd þessara aðgerða.  Ef að það skilyrði er ekki uppfyllt þá greiða Sjúkratryggingar Íslands ekki fyrir aðgerð sem framkvæmd er erlendis, ásamt því að greiða ferðakostnað og kostnað við uppihald.

Það er því afar sérstakt, svo ekki sé sterkara að orði kveðið, að íslenskt einkarekin sjúkrastofnun fái ekki samning hjá Sjúkratryggingum Íslands vegna liðskiptiaðgerða, jafnvel þó eingöngu væri um að ræða aðgerðir á fólki sem að beðið hafi lengur en 3 mánuði eftir aðgerð.  Jafnvel þó það væri ekki nema bara til þess að spara skattgreiðendum aukakostnaðinn vegna uppihalds og ferða.  En að meðaltali er hver aðgerð sem framkvæmd er á grundvelli þessarar tilskipunnar 700.000 krónum dýrari, en sama aðgerð framkvæmd á íslenskri sjúkrastofnun.

Það er  beinlínis fráleitt að Guðjón haldi þvi fram að fimmmenningarnir hafi ekki verið á biðlista hjá einhverju af þessum þremur sjúkrahúsum.  Hafi hann hins vegar rétt fyrir sér varðandi það mál, þá hefur einhver lekið í hann upplýsingum úr sjúkraskrá sem er bannað samkvæmt lögum.  Breytir þar engu um þó Guðjón sé þingmaður og hafi verið forstjóri sjúkrahússins á Akranesi.

En Guðjón gæti þá kannski svarað því, hvers vegna sjúkrahúsin þrjú gátu ekki nýtt alla þá fjármuni sem settir voru í það árið 2016, að ná þessum biðlistum niður.  Eins hlýtur Guðjón að upplýsa með hvaða hætti hann komst yfir upplýsingar þess efnis að viðkomandi einstaklingar hafi hvergi verið á biðlista hjá sjúkrahúsunum þremur. Að öðrum kosti hlýtur Guðjón að taka þessa grein sína til baka og biðja alla hlutaðeigandi afsökunnar á þessu upphlaupi sínu og rógi.

Tengsl ráðherrans fyrrverandi við eigendur og stjórnendur Klíníkurnar skipta nefnilega engu máli í þessu samhengi, en hafa þó þann tilgang að þyrla upp pólitísku ryki um háalvarlegt mál.  Enda ekkert grín að hér sé fullfrískt og kraftmikið fólk, tugum ef ekki hundruðum saman á verkjalyfjum svo mánuðum eða árum skiptir á meðan beðið er eftir því að komast í aðgerð. Það kostar bæði þá sem í því lenda og skattgreiðendur alla mikla fjármuni. Svo ekki sé talað um þjáningar þeirra sem bíða.

  Heilbrigðiskerfið á nefnilega að vera rekið á forsendum þeirra sem þangað þurfa að leita, en ekki þeirra sem að þar starfa.




17.nóv. 2017 - 15:08 Hannes Hólmsteinn Gissurarson

Ég fresta skýrslunni: Hvers vegna?

Hvað svo sem missagt er í þessum fræðum, er skylt að hafa það, sem sannara reynist.
16.nóv. 2017 - 10:53 Jón Steinar Gunnlaugsson

Málinu drepið á dreif

Í síðustu viku kom Helgi Seljan fréttamaður á RÚV að máli við mig og óskaði eftir viðtali um nýútkomna bók mína „Með lognið í fangið“ og málssókn Benedikts Bogasonar hæstaréttardómara á hendur mér. Benedikt byggir málssókn sína á því að ég hafi meitt æru hans með því að nota í bókinni orðið „dómsmorð“ um dóm hans og þriggja annarra dómara í febrúar 2012 þar sem gamall vinur minn, heiðursmaðurinn Baldur Guðlaugsson, var dæmdur í tveggja ára fangelsi fyrir innherjasvik. Krefst Benedikt ómerkingar ummæla minna um þetta og 2ja milljón króna bóta.
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
11.nóv. 2017 - 09:46 Hannes Hólmsteinn Gissurarson

Banki í glerhúsi

En voru ráðamenn Danske Bank ekki í glerhúsi, þegar þeir grýttu Íslendinga?
08.nóv. 2017 - 16:51 Kristinn Karl Brynjarsson

Óábyrg fjármálastjórn er ávísun á aukna skuldasöfnun.- Líka í góðæri.

Það slær auðvitað rammskökku við að á toppi hagsveiflu sem staðið hefur yfir nokkur ár að skuldir borgarinnar fari hækkandi í takt við auknar tekjur borgarsjóðs.
07.nóv. 2017 - 07:48 Hannes Hólmsteinn Gissurarson

100 ár – 100 milljónir

Í dag, 7. nóvember 2017, eru heil öld liðin frá byltingu bolsévíka, eins og kommúnistar kölluðu sig í Rússlandi.
05.nóv. 2017 - 07:43 Hannes Hólmsteinn Gissurarson

Voldugur Íslandsvinur

Í grúski mínu rakst ég heldur óvænt á þriðja Íslandsvininn. Hann er enginn annar en William Gladstone.
04.nóv. 2017 - 17:45 Sigurður Jónsson

Átta karlar og tvær konur þingmenn Suðurkjördæmis

Niðurstaða Alþingiskosninganna 28.október liggur nú fyrir. Hafi einhver búist við að úrslitin myndu leiða til ákveðinnar niðurstöðu um næstu ríkisstjórn varð það ekki raunin. Átta flokkar eiga fulltrúa á þingi og það liggur fyrir að stjórnarmyndun getur reynst snúin. 
04.nóv. 2017 - 09:14 Kristinn H. Gunnarsson

Sundrung á hægri væng stjórnmálanna

Úrslit alþingiskosninganna um síðustu helgi eru um margt athyglisvert. Ekkert lát er á upplausninni á stjórnmálasviðinu sem fylgdi hruninu 2008. Augljóst er að verulega djúp gjá er milli kjósenda og stjórnmálaflokkanna. 
03.nóv. 2017 - 12:50 Kristinn Karl Brynjarsson

Valkvæð vanþekking í spuna prófessors

Í hádegisfréttum Bylgjunnar er vitnað í Facebookfærslu Svans Krístjánssonar prófessors í
stjórnmálafræði við Háskóla Íslands.

01.nóv. 2017 - 14:59 Davíð Már Kristinsson

Vinstri hægri snú

Þá er þessum kosningum lokið og eftir stendur val þjóðarinnar og það ber að virða. Ég heyrði því fleygt í dag hvort það verði nokkuð búið að mynda nýja stjórn áður en jólin koma og jafnvel líka ekki fyrr en nýtt ár gengur í garð

01.nóv. 2017 - 11:58 Kristinn Karl Brynjarsson

Lifi Fjórflokkurinn!!

Líklegra en ekki að þessi mögulega sex flokka stjórn sem kynnt var til sögunnar á Vísi í gær verði stjórn stöðugra og dragtískra málamyndanna, kattasmölun komist aftur í tísku, ríkisstjórn stóraukinna ríkisútgjalda sem að mestu færu í gæluverkefni til að halda friðinn og þá minna eftir til að styrka innviði, velferðar og menntamál, ríkisstjórn hærri skatta og ríkisstjórn lítilla efnda.
31.okt. 2017 - 11:50 Þórhallur Heimisson

Allra heilagra og Allra sálna messa

Þann 1. og 2. nóvember heldur kirkjan upp á tvær af sínum stærstu hátíðum, allra heilagra og allra sálna messu.
31.okt. 2017 - 11:35 Vilhjálmur Birgisson

Hvað munu Framsóknarmenn gera?

Hugsið ykkur í hvaða stöðu Framsóknarflokkurinn er, en eins og allir sjá þá er hann í þeirri stöðu að erfitt verður að mynda ríkisstjórn á Íslandi án þeirra aðkomu.
29.okt. 2017 - 07:50 Hannes Hólmsteinn Gissurarson

Stjórnmálamenn munu huga að baklandinu

Nú keppast hinir „óháðu“ álitsgjafar RÚV og sumra annarra fjölmiðla við að reyna að lesa vinstri stjórn út úr niðurstöðum kosninganna. Þeir gleyma því, að stjórnmálamenn þurfa alltaf að huga að baklandinu.
28.okt. 2017 - 10:59 Hannes Hólmsteinn Gissurarson

Undur framfaranna

„Heimurinn mun ekki farast fyrir skort á undrum, heldur aðeins fyrir skort á undrun,“ sagði breski rithöfundurinn Chesterton.
26.okt. 2017 - 16:11 Björgvin G. Sigurðsson

Lækkum fjöllin til að dalirnir blómstri

Félagslegt réttlæti hefur verið eitt helsta viðfangsefni stjórnmálamanna og stjórnmálaheimspekinga allt frá því að stórvirki gríska heimspekingsins Platóns, Ríkið, leit dagsins ljós á tímum forn Grikkjanna. Þá markaði bók bandaríska stjórnspekingsins Johns Rawls, Kenning um réttlæti, ný þáttaskil í stjórnmálaumræðum síðari tíma um réttlæti á meðal þjóða og milli þeirra þegar hún kom út í byrjun áttunda áratugarins. Kjarninn í kenningu Rawls er sá að hverskonar ójöfnuður sé einungis réttlætanlegur verði hann til þess að bæta kjör þeirra sem verst eru settir. Þetta er róttæk sáttmálakenning um að ríkisvaldinu skuli beitt til þess að bæta kjör og aðstæður þeirra sem minna mega sín og draga þannig sem mest má vera úr ójöfnuði. Á þessum forsendum sé réttlætanlegt að færa fjármuni frá þeim efnameiri til hinna efnaminni í nafni réttlætisins.
25.okt. 2017 - 10:09 Þórhallur Heimisson

Lögbrjóturinn Kristur

Eitt af því sem einkenndi starfsaðferðir Jesú frá Nasaret öðru fremur var það, að hann kenndi í dæmisögum. Með dæmisögunni vildi hann að fá fólk til að skilja boðskap sinn og tókst það ótrúlega vel. Í sögunum dró hann upp mynd af aðstæðum sem áheyrendur þekktu úr sínu eigin lífi og gátu samsamað sig með. Þetta voru sögur af venjulegu fólki í venjulegum aðstæðum, saumakonum, ferðalöngum, bændum og foreldrum . Þannig opnuðust augu fólks fyrir því sem hann var að segja þeim. Áheyrendur bæði skildi hann og vissi hvað hann var að fara. Þetta átti bæði við þá sem fylgdu honum og hina, andstæðinga hans, sem sátu um hann. Þeim sendi hann sterk skilaboð með dæmisögum sínum sem þeir reiddust yfir, og skömmuðust sín fyrir, því sögurnar afhjúpupu svo vel skoðanir þeirra.
24.okt. 2017 - 19:06 Kristinn Karl Brynjarsson

Að þeir fái mest sem helst þurfa

Það er í rauninni alveg einboðið að þeir flokkar sem lofa 100 þús. frítekjumarki eða algjöru afnámi frítekjumarks á allar tekjur ellilífeyrisþega eru dæmdir til að svíkja það loforð eða í besta falli varpa því yfir á næstu ríkisstjórn að þurfa taka frítekjumarkið niður aftur eða koma því aftur á.
Það er þó lyginni líkast að kosningabaráttan virðist eiga að ganga út á það að það séu bara aldraðir sem fái greiðslur í almannatryggingakerfinu. Öryrkjar hafa þar algerlega gleymst. 
23.okt. 2017 - 14:27 Ingrid Kuhlman

Að endurbyggja traust

Árið 2006 kom út bókin The Speed of Trust eftir Stephen M. R. Covey en þar fer hann í saumana á traustinu, á hvaða stoðum það stendur, hvernig má viðhalda því og endurheimta það hafi það glatast. Góð samskipti verða ekki grundvölluð nema á styrkum stoðum trausts. Við getum ekki keypt traust né kennt það heldur þurfum við að ávinna okkur það með orðum okkar og gjörðum.
23.okt. 2017 - 14:17 Kristinn Karl Brynjarsson

Blekkingaleikur um skattbyrði

Formaður og stofnandi Sósíalstaflokksins, sem reyndar er ekki í framboði í komandi kosningum útaf sotlu, fer nú mikinn á Facebook og boðar þá djúphugsuðu niðurstöðu sína að þrátt fyrir tekjuskattslækkanir frá 2013 þá hafi tekjuskattar á almenning og þá sér í lagi láglaunafólk hækkað.
23.okt. 2017 - 09:36 Hannes Hólmsteinn Gissurarson

Johan Norberg í dag kl. fimm

Sænski sagnfræðingurinn og sjónvarpsmaðurinn Norberg telur í nýrri bók, Framförum, að stóru fréttirnar séu ekki alltaf sagðar,
23.okt. 2017 - 07:00 Akureyri vikublað

Ást í verki

Við sýnum ást okkar í verki á misjafnan hátt. Ég er til dæmis alveg ótrúlega sjálfhverf og geri mér vel grein fyrir því, að það er ekki alltaf auðvelt að sjá hvenær ég er að sýna ást í verki. Stundum er það dulbúið í snyrtivörukaupum fyrir sjálfa mig, því þegar mér líður vel, líður manninum mínum vel. Ég er yfirleitt skapbetri þegar ég er í endorfínvímu eftir eyðslu. 
22.okt. 2017 - 07:00 Indíana Ása Hreinsdóttir

#églíka

Í vikunni sáum við svart á hvítu hversu gífurlega umfangsmikil kynferðisáreitni og/eða -ofbeldi er gagnvart konum. Í herferð þar sem konur, sem hafa einhvern tímann orðið fyrir áreitni eða ofbeldi, settu stöðufærsluna #metoo á samfélagsmiðla kom sú ógnvekjandi staðreynd í ljós að næstum allar konur hafa upplifað kynferðislega áreitni eða ofbeldi, og jafnvel iðulega allt frá barnæsku.
21.okt. 2017 - 15:34 Hannes Hólmsteinn Gissurarson

Response to frequent questions by foreign journalists

Here are some of my responses to foreign journalists who are curious about the situation in Iceland:
21.okt. 2017 - 08:18 Hannes Hólmsteinn Gissurarson

Ísland og Púertó Ríkó

Sem betur fer ákváðu Íslendingar að slá skjaldborg um landið og leggja ekki meiri skuldbindingar á ríkissjóð en hann réði við.
21.okt. 2017 - 07:00 Kristinn H. Gunnarsson

Aðskilnaður stjórnmála og viðskipta

Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. 
20.okt. 2017 - 11:00 Sigurður Jónsson

Hagsmunamál eldri borgara voru ekki ofarlega á forgangslistanum hjá Katrínu og Vinstri grænum

Nú styttist í það að landsmenn gangi að kjörborðinu og velji sér þingmenn til að sitja á Alþingi. Athyglisvert er að fylgjast með málflutningi Katrínar Jakobsdóttur formanns VG. Loforðin flæða úr munni hennar
18.okt. 2017 - 13:29 Brynjar Nielsson

Einfaldur sannleikur setur allt á annan endann

Öll kosningabarátta vinstri flokkanna snýst um að koma höggi á einstaka frambjóðendur Sjálfstæðisflokksins í stað þess að ræða framtíðina og hvað má læra af fortíðinni. Nú þegar öllum er að verða ljóst að þetta blessaða lögbann er ekkert á vegum Sjálfstæðisflokksins eða formanns hans er endurspilað gamalt lag um að formaðurinn sé í engum tengslum við almenning vegna þess að hann hafi komið úr viðskiptalífinu og hafi átt í viðskiptum með 50 milljónir. Nú hneykslast þetta sama fólk yfir því að ég skuli segja að þessi upphæð sé ekki fjarri því sem margir eigi í íslensku samfélagi. Það er eins og einfaldur sannleikur geti sett allt á annan endann í íslensku samfélagi. Sannleikurinn gerir okkur frjáls sagði einhver fyrir löngu síðan.
17.okt. 2017 - 14:24 Börkur Gunnarsson

Missti af þessum látum á Stundinni

Missti af þessum látum á Stundinni í gær þarsem ég var bara að fylgjast með fréttum frá Möltu. En hvaða rugl er það að sýslumaðurinn sé að ryðjast þangað inn og setja lögbann, hverskonar stjórnsýsla er það?
16.okt. 2017 - 13:00 Gunnlaugur Jónsson

Við hvaða tölu innflytjenda verður þú rasisti?

Bara daginn áður hrósuðu margir grein Guðmundar Steingrímssonar um einelti í stjórnmálum. Ekki af hálfu þingmanna, heldur þeirra sem eru utan þings. Einelti er algengt. Eitt helsta einkennið er það að fólk tekur þátt í því til að verða ekki fyrir því sjálft. Það bendir á aðra, saklausa, til að beina frá sér athygli og sleggjudómum.
16.okt. 2017 - 10:45 Brynjar Nielsson

Er gott að fá borgarstjórnarflokkana í ríkisstjórn?

Stærstu hagsmunamál reykvíkinga nú um stundir eru húsnæðismál og samgöngumál. Varla er ágreiningur um að þessi mál eru í lamasessi í borginni. Miðað við skoðanakannanir má ætla að kjósendur líti svo á að Sjálfstæðisflokkurinn beri mesta ábyrgð á því. Það er mikill misskilningur.
14.okt. 2017 - 17:30 Hannes Hólmsteinn Gissurarson

Þriðja stærsta gjaldþrotið?

Hvað gengur fólki til að dreifa ýkjusögum um land sitt og þjóð?
13.okt. 2017 - 11:24 Vilhjálmur Birgisson

Samfélagsbanki fyrir íslenskan almenning

Algjörlega sammála því að við erum í dauðafæri til að breyta fjármálakerfinu þannig að það sé í þágu almennings en ekki til þess að neytendur og heimili séu blóðmjólkuð af kerfinu í formi okurvaxta, verðtryggingar og himinhárra þjónustugjalda.
11.okt. 2017 - 18:22 Brynjar Nielsson

Bagalegt að Samfylkingin sé enn í henglum

Mörgum finnst sérstakt að á Íslandi, öfugt við öll önnur lýðræðisríki, skuli róttækur sósíalistaflokkur hafa tæplega þriðjungs fylgi þjóðarinnar og það á sama tíma og kaupmáttur almennings hefur vaxið um tugi prósenta á fáum árum. Ekki er skýringa að leita í því að þessi flokkur og forverar hans hafi staðið sig vel í ríkisstjórn þá sjaldan þeir hafi verið í þeim. Enn síður er það vegna þess að þeir sem hafa stjórnað síðustu ár hafi ekki staðið sig vel. Eina skýringin er sú að hinir vinstriflokkarnir eru í rusli. Kemur kannski ekki á óvart með Piratana en það er bagalegt að Samfylkingin, sem átti að verða frjálslyndur krataflokkur, skuli vera enn í henglum
10.okt. 2017 - 11:08 Vilhjálmur Birgisson

Þessu er ég ekki búinn að gleyma!

Í umræðum um komandi Alþingiskosningar í ríkissjónvarpinu á sunnudagskvöld spurði Þorvaldur frá Alþýðufylkingunni Katrínu Jakobsdóttur formann Vinstri grænna um af hverju kjósendur ættu að treysta þeim í ljósi þátttöku þeirra í ríkisstjórninni á árunum 2009 til 2013.
09.okt. 2017 - 14:59 Brynjar Nielsson

Blekkingin er algjör

Til eru flokkar á Íslandi sem lofa að auka útgjöld ríkisins um nokkur hundruð milljarða á næstu árum.
08.okt. 2017 - 07:00 Sigurður Jónsson

Kosningarnar snúast um upplausn eða stöðugleika

Landsmenn ganga að nýju að kjörborðinu laugardaginn 28.október n.k. til að kjósa fulltrúa á Alþingi Íslendinga. Það bjóst varla nokkur maður við því síðasta haust að við þyrftum aftur að mæta til að kjósa svo stuttu seinna. Nú þegar aðeins fáir dagar eru til kosninga ríkir algjört upplausnarástand.
07.okt. 2017 - 18:00 Aðsend grein

Skilyrðislaus ást

Alfa Jóhannsdóttir Við vinkonurnar vorum að ræða það um daginn, hver við myndum vilja vera ef við mættum vera hver sem er í einn sólarhring. Einhver sagðist vilja vera Donald Trump bara til að skilja hvernig hann hugsar og önnur sagðist vilja vera Kylie Jenner í einn dag.
07.okt. 2017 - 12:46 Hannes Hólmsteinn Gissurarson

Voru bankarnir gjaldþrota?


Bankahrunið 2008 var vissulega stórt. En óþarfi er að gera meira úr því en efni standa til.
07.okt. 2017 - 08:56

Stundarbilun

Stundin er fréttamiðill sem einbeitir sér að rannsóknarblaðamennsku. Metnaður eigenda og starfsmanna er að kafa ofan í álitamál samtímans og færa lesendum bestu fáanlegu upplýsingar. Til þess þurfa blaðamenn Stundarinnar að vera ódeigir og þora að fletta ofan af upplýsingum og staðreyndum sem verið er að leyna til þess að afvegaleiða almenning.
02.okt. 2017 - 10:24 Bryndís Schram

Ástarjátning

Gjörningurinn hófst um leið og dyrnar lukust upp og gestir gengu hljóðlega inn í dimman salinn.Við áttum í vændum ferð til tíu landa– sem stóð þó svo örstutt, rétt eins og ein kennslustund í lífsleikni – innan við klukkutíma.
01.okt. 2017 - 16:30 Arnaldur Máni Finnsson

Skjótt skipast veður

Því er oft haldið fram að hverju innihaldi hæfi ákveðið form best - en auðvitað fer það eftir aðstæðum hverju sinni hversu afstæð sú hugsun verður. Við viljum ekki „rangt form“ á ögurstundu - heitan drykk í þrúgandi gufubaði eða álíka. Þið skiljið.
01.okt. 2017 - 10:04 Hannes Hólmsteinn Gissurarson

Blefken er víða

Eichengreen kveður aðalheimildarmann sinn um Ísland vera Sigrúnu Davíðsdóttur.
01.okt. 2017 - 10:02 Hannes Hólmsteinn Gissurarson

David D. Friedman

Talar Friedman á málstofu, sem lagadeild, hagfræðideild og sagnfræði- og heimspekideild Háskóla Íslands halda saman á mánudag kl. fjögur í stofu 202 í Odda.
01.okt. 2017 - 07:00 Björgvin G. Sigurðsson

Uppnám og óvissa korteri fyrir kosningar

Upplausnarástand íslenskra stjórnmála áratuginn eftir hrun nær nýjum hæðum í aðdraganda skyndikosninganna í lok október. Nýtt framboð fyrrverandi formanns Framsóknarflokksins setur hægri vænginn í uppnám og er líklegt til að hafa veruleg áhrif á úrslit kosninga. Takist Sigmundi Davíð og félögum að fá öflugt fólk til liðs við sig getur flokkur hans orðið skæður keppinautur bæði Sjálfstæðisflokksins og Flokks fólksins, auk þess að sundra framsóknarmönnum kljúfa flokkinn í tvennt.
30.sep. 2017 - 07:00 Indíana Ása Hreinsdóttir

Samfélagið er okkar

Argaþrasið í samfélaginu nær nú nýjum og áður óþekktum hæðum. Óvæntar kosningar nálgast óðfluga og skoðanaglatt fólk fær sína útrás á kaffistofum og/eða samskiptamiðlum. Nú skal segja sína skoðun og meira að segja umræðuefni sem við vonuðumst til að þurfa aldrei að ræða aftur, Icesave, er komið í orðræðuna.
27.sep. 2017 - 11:43 Vilhjálmur Birgisson

Það þarf bara að bæta við tveimur orðum

Jæja, ofbeldið gegn íslenskum heimilum og almenningi heldur áfram af fullum þunga og þetta ofbeldi er með fullri vitneskju þeirra sem starfa á Alþingi. Ég hef í mörg ár fjallað um það að það er ekki bara að við íslendingar séum nánast eina þjóðin í heiminum sem þarf að þola það að skuldir almennings og heimila séu verðtryggðar heldur þurfum við líka að þola það að verðbólgan hér á landi er mæld með öðrum hætti en í þeim löndum sem við viljum bera okkur saman við en hér er ég að tala um að við erum með svokallaðan húsnæðislið inni í mælingunni á hækkun á neysluvísitölunni.
26.sep. 2017 - 16:31 Brynjar Nielsson

Verður maður að stóla á Sigmund Davíð?

Ég sé að Píratar og Samfylkingin eru nú að reyna að slá öll fyrri met í populisma. Þekkt er að lýðskrum af þessu tagi getur gagnast til skemmri tíma en allir svona flokkar þurrkast samt út fljótt. Það ferli er þegar hafið hjá þessum tveim flokkum.
25.sep. 2017 - 13:11 Dísa Bjarnadóttir

Ég ætla að lifa geðhvörfin af

Það átti sér langan aðdraganda að ég ákvað að fara upp á Landspítala að leita læknishjálpar. Ég var búin að reyna að ráða við þetta sjálf, með hjálp góðs geðlæknis en þarna var ég búin að spila rassinn úr buxunum. Eyða pening sem ég átti ekki. Fara með skólafélögum í ferðalag þar sem ég misnotaði vini mína með glannagangi, yfirgang og ólátum. Félagar mínir og vinir hringdu í mömmu mína, sem kom með minni bestu vinkonu að ná í mig. Þegar ég kom heim og átti að hvíla mig gat ég það ekki. Það er ekki hægt að segja manneskju í geðhæð að slappa nú bara af. Eins og það er ekki hægt að segja manneskju sem er veik af þunglyndi eða kvíða að fara út að skokka eða horfa á sólina til að líða betur.

Birta - DV: 17.nóv
Hannes Hólmsteinn Gissurarson
Hannes Hólmsteinn Gissurarson - 05.11.2017
Voldugur Íslandsvinur
Hannes Hólmsteinn Gissurarson
Hannes Hólmsteinn Gissurarson - 07.11.2017
100 ár – 100 milljónir
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Kristinn H. Gunnarsson
Kristinn H. Gunnarsson - 04.11.2017
Sundrung á hægri væng stjórnmálanna
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Fleiri pressupennar
(15-2) Húðfegrun: Gelísprautun - nóv/des
(1-) Gæludýr.is: Flutingar - nóv