10. nóv. 2016 - 13:11Indíana Ása Hreinsdóttir

Vondi trúðurinn sigraði

Jarðarbúar vöknuðu við vondan draum á miðvikudagsmorgun þegar ljóst var að viðskiptajöfurinn og raunveruleikastjarnan Donald Trump yrði 45. forseti Bandaríkjanna. „Besti flokkur“ Kanans sigraði en ekki fyrir tilstuðlan slagorðsins „allskonar fyrir aumingja“ heldur með rasisma, karlrembu og almenna mannvonsku að vopni. Vondi trúðurinn sigraði.

Pólitískir greinendur telja flest atkvæði Trumps koma frá ómenntuðum kjósendum sem hafa fengið nóg af vonleysinu og þrá breytingar. Ljóst er að fjölmiðlar bera einnig ábyrgð. Raunveruleikastjarna með risastóran (ekki djúpan) persónuleika sækist eftir valdamesta embætti heims er draumur í dós fyrir vefmiðla sem byggja afkomu sína á músarsmellum. Uppskriftin er einföld; því rosalegri fyrirsagnir, því fleiri smellir.

Hillary Clinton var hársbreidd frá því að komast í sögubækurnar sem fyrsta konan til að gegna þessu valdamesta embætti. Slagurinn sem hún neyddist til að taka varð skrípaleikur. Fjölmiðlar leyfðu mótframbjóðanda hennar að vaða uppi með bull í hatursherferð. Auk þess varð Hillary að þola ótrúlegar dylgjur í gegnum alla baráttuna. Hún þótti ekki hafa rétt útlit (lesist; kynfæri) fyrir embættið og var sögð of veikburða (lesist; kvenkyns) fyrir Hvíta húsið þegar hún fékk aðsvif á fundi, sem síðar var útskýrt með ofnæmi.

Fjölmiðlar eiga að starfa fyrir kjósendur með málefnalegum fréttaflutningi. Þeir eiga að spyrja réttu spurninganna og skilja hismið frá kjarnanum fyrir almenning. Hlutverk þeirra er ekki að hræra upp í kollinum á okkur með tilgangs- og innihaldslausum fréttum sem einungis eru skrifaðar í þeim tilgangi að fá músarsmell. Með græðgi þeirra að leiðarljósi varð þetta útkoman.



16.mar. 2017 - 12:35 Indíana Ása Hreinsdóttir

Tímaþjófurinn Facebook

Þeir gerast ekki verri tímaþjófarnir en Facebook. Sjálf á ég til að hanga á samskiptasíðunni í einhverri óskiljanlegri leiðslu, skrollandi upp og niður, njósnandi um hinn og þennan, „lækandi“ færslur og myndir eins og mér sé borgað fyrir það, sér í lagi þegar ég þyrfti sérstaklega að vera dugleg að vinna. Aldrei horfi ég til dæmis á fleiri fyndin eða krúttleg myndbönd af kisum eða smábörnum eins og þegar ég er undir álagi í vinnunni.
09.mar. 2017 - 16:09 Indíana Ása Hreinsdóttir

Um tröllkalla og tröllkonur

„Umræðan gat orðið erfið og ég veit að strákarnir mínir fengu stundum að heyra það,“ segir Dalvíkingurinn Svanfríður Inga Jónasdóttir sem prýðir forsíðu blaðsins að þessu sinni. Svanfríður lét ung til sín taka á þingi á tímum þegar fáar konur voru í pólitík. Hún sat einnig sem bæjarstjóri Dalvíkurbyggðar um árabil og segir frá því í viðtalinu hvernig synir hennar guldu fyrir að móðir þeirra léti að sér kveða í bæjarpólitíkinni.
06.mar. 2017 - 07:00 Indíana Ása Hreinsdóttir

Lífið úti á landi

Það er öðruvísi að búa úti á landi en í borginni. Ekki betra eða verra. Bara öðruvísi. Hér er takturinn hægari og líkur á að sitja fastur í umferðarteppu litlar og því meiri tími sem hægt er að nýta í eitthvað skemmtilegt.

25.feb. 2017 - 07:00 Indíana Ása Hreinsdóttir

Vöknum til lífsins

„Lífið er núna,“ segir Guðný Ragnarsdóttir, tveggja barna móðir á Blönduósi, sem prýðir forsíðu blaðsins að þessu sinni. Guðný berst við erfitt krabbamein og þótt hún sé staðráðin í að standa uppi sem sigurvegari viðurkennir hún að dauðinn sé þarna, sýnilegur og ógnvekjandi, en samtímis áminning um lífið og mikilvægi þess að meta það.
17.feb. 2017 - 07:00 Indíana Ása Hreinsdóttir

Taktu afstöðu og dansaðu

Kynbundið ofbeldi er staðreynd. Konur um allan heim veigra sér við því að vera einar á ferð í myrkri af ótta við að á þær sé ráðist. Samkvæmt rannsóknum UN Women er konum í þéttbýli meiri hætta búin hvað það snertir. Því hefur verið ráðist í einfaldar en áhrifaríkar aðgerðir í von um að konur upplifi sig og séu öruggari.
13.feb. 2017 - 07:00 Indíana Ása Hreinsdóttir

Um hvítvín og umhverfissubbur

Umræðan um bætt aðgengi að áfengi hefur ekki farið fram hjá neinum. Ég er á móti boðum og bönnum og tel okkur flest, fullfær um að taka eigin ákvarðanir; þar á meðal hvort og hvenær við kaupum okkur léttvín. Hins vegar skil ég gagnrýni þeirra sem hafa áhyggjur af neikvæðum áhrifum drykkju, sem eru mikil og í sumum tilfellum skelfileg.
04.feb. 2017 - 07:00 Indíana Ása Hreinsdóttir

Heimur á heljarþröm

Atburðir síðustu daga hafa slegið okkur. Morguninn 20. janúar, þegar við teygðum okkur í símann á náttborðinu til að renna yfir það helsta, mætti okkur breytt og öllu skuggalegri heimsmynd en sú sem við höfðum sofnað út frá. Breytingin tók ógnvænlega skamman tíma, þótt líklega hafi fyrirvarinn verið talsverður. Heimsbyggðin var sofandi en er nú að vakna við vondan draum. Fasíska raunveruleikastjarnan Donald Trump er í alvöru sest í stól valdamesta manns heims. Hann ætlar í alvöru að verða fyrstur stjórnmálamanna til að standa við stóru orðin.

21.jan. 2017 - 07:00 Indíana Ása Hreinsdóttir

Plast, plast, plast og meira plast

Talið er að yfir átta tonn af plasti lendi í sjónum á hverju ári og að árið 2050 verði þar meira af plasti en fiski ef ekki verður breyting á. Akureyringar standa sig flestir vel þegar kemur að endurvinnslu. Eins og Íris Eggertsdóttir, búningahönnuður Leikfélags Akureyrar, nefnir í viðtali í blaðinu er maður ótrúlega fljótur að komast upp á lagið með flokkunina. Flest okkar setjum lífræna úrganginn í sér poka og flokkum pappa, fernur, ál og plast. Næsta kynslóð Akureyringa mun vonandi ekki láta sér detta í hug að henda tómri skyrdós í ruslið.

12.jan. 2017 - 16:00 Indíana Ása Hreinsdóttir

Stolt Akureyrar


07.jan. 2017 - 07:00 Indíana Ása Hreinsdóttir

Mótmælum hatrinu

Nýtt ár er hafið og þótt margt gott megi segja um 2016 eru eflaust flestir því fegnastir að það sé liðið og komi aldrei aftur. Síðasta ár var ár átaka, hvort sem var hér heima eða úti í heimi. Stríð, hörmungar, flóttamannastraumur og fjarstæðukenndar forsetakosningar í Bandaríkjunum er það minnisstæðasta fyrir mig sem og ótrúlegt magn flæðandi útlendingahaturs úr öllum áttum.

23.des. 2016 - 07:00 Indíana Ása Hreinsdóttir

Hátíð ljóss og friðar í skugga ófriðar

Ég ætlaði að skrifa hátíðlegan leiðara um jólahátíðina. Eitthvað um þakklæti, kærleika, bernskujól og hinn eina sanna jólaanda. Í þetta sinn ætlaði ég ekki að nefna stríðið í Sýrlandi og hörmungarnar sem stríðshrjáðir verða fyrir.
17.des. 2016 - 07:00 Indíana Ása Hreinsdóttir

Mennskan kvödd í beinni

Það hefur verið þungbært að fylgjast með fréttum síðustu daga þar sem hver hörmungarfréttin tekur við af annarri; milljónir barna vannærðar í Jemen, tugir þúsunda heimilislausir eftir jarðskjálfta í Indónesíu og tugir sem létust í sjálfsvígsárás í Egyptalandi. Og svo er það ástandið í Aleppo í Sýrlandi.

09.des. 2016 - 07:00 Indíana Ása Hreinsdóttir

Svartamyrkur um aðventu

Veðrið virðist ætla að leika við okkur þessa aðventuna og þótt flest okkar kunni að meta milt veðurfar og greiðfarnar götur sakna krakkarnir þess að geta ekki leikið sér í snjónum. Sjálf væri ég alveg til í að fá að klára jólaundirbúninginn án þess að eiga á hættu að detta í hálkunni með fullar hendur af brothættum jólabögglum. Snjórinn er svo meira en velkominn á Þorláksmessu.
01.des. 2016 - 14:05 Indíana Ása Hreinsdóttir

Á toppi fæðukeðjunnar

Samfélagið fór á hvolf eftir umfjöllun Kastljóss um slæman aðbúnað varphænsna Brúneggja. Og skiljanlega. Nútímamaðurinn gerir ótvíræða kröfu um að dýrin, sem ræktuð eru okkur til matar, fái notið á boðlegan hátt þess lífs sem þeim er úthlutað.

26.nóv. 2016 - 07:00 Indíana Ása Hreinsdóttir

Fáfræði sem alsæla

Enn berast daglega fréttir af stríðinu í Sýrlandi. Í fréttum RÚV var haft eftir Geert Cappelaere, svæðisstjóra UNICEF, að síðasta vika hafi verið ömurleg fyrir börn í Sýrlandi. Í stöðugum sprengjuárásum hafi spítalar, skólar og heimili verið skotmörk. Segið mig barnalega en ég hefði aldrei trúað að við stæðum í þessum sporum árið 2016. Mannskepnunni, með allar sínar vísindalegu uppgötvanir og læknisfræðilegu framfarir, virðist ómögulegt að lifa í sátt og samlyndi.
17.nóv. 2016 - 12:41 Indíana Ása Hreinsdóttir

Skaðinn er skeður

Á mánudaginn veitti Donald Trump sitt fyrsta sjónvarpsviðtal eftir sigurinn í forsetakosningunum í Bandaríkjunum. Donald ræddi við Leslie Stahl í fréttaskýringaþættinum 60 mínútur. Nú virðist sem forsetinn Donald Trump verði ekki jafn ófyrirleitinn og samviskulaus og frambjóðandinn Donald Trump en þeir sem vonuðust eftir auðmjúkum og friðelskandi landsföður urðu fyrir vonbrigðum.
03.nóv. 2016 - 10:35 Indíana Ása Hreinsdóttir

Ísland eða Ill-land

Kosningarnar komu og fóru en sáttina, sem átti að fylgja í kjölfarið, er hvergi að finna. Eftir Panama-hneykslið var fólk reitt og krafðist breytinga. Tækifæri til breytinga gafst, þjóðin kaus en enn er fólk reitt. Reiði er orðin „status quo“, hið eðlilega og óbreytta ástand í íslensku samfélagi.

15.okt. 2016 - 07:00 Indíana Ása Hreinsdóttir

Samheldni gegn ofbeldi

Á síðustu árum hefur orðið bylting í umræðu um kynferðisofbeldi. Unga kynslóðin, sem nú er í mennta- og háskóla eða á þeim aldri og einkennist af krafti, hugrekki og þori svo maður stendur opinmynntur eftir, neitar að þegja þegar á henni er brotið og skilar skömminni til þeirra sem eiga hana skilið.

22.sep. 2016 - 10:02 Indíana Ása Hreinsdóttir

Göngum í málið

16.sep. 2016 - 10:55 Indíana Ása Hreinsdóttir

Veröld miðaldra karla

Mikið eiga miðaldra karlar það gott. Síðustu aldir hafa þeir stjórnað fyrirtækjum, löndum og styrjöldum og enn halda þeir sem fastast í stjórnartaumana – fullvissir um eigin yfirburði. Við hin treystum þeim líka best. Glöggt dæmi um það eru niðurstöður úr prófkjöri Sjálfstæðisflokksins í Suðvestur- og Suðurkjördæmi um síðustu helgi þar sem konur – sér í lagi miðaldra konur – guldu afhroð.
08.sep. 2016 - 18:00 Indíana Ása Hreinsdóttir

Glöggt er gests augað


03.sep. 2016 - 12:00 Indíana Ása Hreinsdóttir

Að vera öðruvísi

Nú þegar skólarnir eru byrjaðir finna margar ungar og óþroskaðar sálir fyrir pressu að passa í hópinn – eiga nýjustu tæki og tól, klæðast nýjustu tísku og fá að gera það sem „hinir“ gera. Það er svo sem skiljanlegt að óharnaðar sálir vilji tilheyra og fá þannig staðfestingu á því að maður sé kannski ekkert svona klikkaður líkt og öskrandi hormónaflæðið lætur mann halda.
28.ágú. 2016 - 15:00 Indíana Ása Hreinsdóttir

Óvæntu hlutirnir í lífinu

Stundum tekur lífið óvænta stefnu sem gerir að verkum að tilveran verður ekki eins og við höfðum séð hana fyrir okkur. Það þarf ekki að þýða að hlutirnir séu verri eða betri, þeir bara æxluðust öðruvísi.

24.ágú. 2016 - 15:00 Indíana Ása Hreinsdóttir

Hvorki stórborg né smábær

Oft stend ég sjálfa mig að því að kvarta og kveina yfir þeim örlögum að búa á Akureyri. Þá spyr ég gjarnan hvað ég sé eiginlega að gera hérna í fámenninu, af hverju maður drífi sig ekki suður í fjörið eða jafnvel út fyrir landsteinana í leit að ævintýrum og lífsreynslu.


Indíana Ása Hreinsdóttir
Indíana Ása er ritstjóri Akureyri Vikublaðs, landshlutablaðs Vefpressunnar.
Börkur Gunnarsson
Börkur Gunnarsson - 20.3.2017
Horfi frekar á köttinn minn en Gunnar Nelson
Ingrid Kuhlman
Ingrid Kuhlman - 20.3.2017
Hamingjan eykst með hækkandi aldri
Brynjar Nielsson
Brynjar Nielsson - 22.3.2017
Margar samúðarkveðjur
Hannes Hólmsteinn Gissurarson
Hannes Hólmsteinn Gissurarson - 25.3.2017
Víðtæk spilling?
Hannes Hólmsteinn Gissurarson
Hannes Hólmsteinn Gissurarson - 22.3.2017
Nokkrir fyrirlestrar framundan
Bryndís Schram
Bryndís Schram - 23.3.2017
Hann kom fyrir tæplega sextán árum
Þórhallur Heimisson
Þórhallur Heimisson - 21.3.2017
Jóga - Fimmti hluti
Vilhjálmur Birgisson
Vilhjálmur Birgisson - 27.3.2017
„Sorglegt og dapurt“
Austurland
Austurland - 23.3.2017
Að hafa ekki skoðun
Sigurður Jónsson
Sigurður Jónsson - 25.3.2017
Hverjir eiga lífeyrissjóðina?
Kristinn Karl Brynjarsson
Kristinn Karl Brynjarsson - 20.3.2017
Eftirámótmæli!
Arnaldur Máni Finnsson
Arnaldur Máni Finnsson - 26.3.2017
Að kunna að skammast sín
Kristinn Karl Brynjarsson
Kristinn Karl Brynjarsson - 27.3.2017
Tvöfalda kerfið
Fleiri pressupennar