11. apr. 2017 - 19:51Börkur Gunnarsson

Konan var að keppa í útvarpinu

Þegar konan mín hringdi áðan sagði ég hratt:

Ég er að keyra og er að fara á fund, ég get ekki talað við þig núna.

„Ok,“ sagði hún og talaði jafn hratt og ég.

Ég þarf líka að rjúka í hljóðverið til að keppa í spurningakeppni fjölmiðla á Bylgjunni,

og skellti á.

Já, sorrý, ég var búinn að gleyma því. Ég legg bílnum einhverstaðar og hlusta á þig ást...

En hún var löngu búin að skella á. Ég lagði þá bara bílnum uppá vegakanti og sendi henni sms um að ég væri að hlusta. Eftir að hafa hlustað á óþolandi lög eftir alla verstu söngvara heimsins í þrjú korter fékk ég sms frá henni:

Þetta var ekki í beinni, keppnin var tekin upp og verður send út um páskana.

Og núna veit ég hvernig keppnin fór og var að hugsa um að segja frá því. Eru ekki einhver lög sem vernda svona uppljóstrara eins og mig?

02.jún. 2017 - 10:54 Börkur Gunnarsson

Grét allan fundinn

Reyniði að sitja fimm tíma Velferðarráðsfund, þarsem eru mjög þung mál til umfjöllunar, með sandkorn undir augnlokinu. Maður fer fjórum sinnum af fundinum og inná klósettið til að reyna að ná hrottanum sem er að pynta mann undan augnlokinu en tekst ekki.

23.maí 2017 - 16:24 Börkur Gunnarsson

Stærðin skiptir máli

Mér skilst að Toblerone sé selt í fimm kílóa stykkjum í Costco og sem gamall sykursjúklingur að þá fékk ég kikk við hugmyndina. Mér fannst nefnilega alltaf lítið Toblerone lítils virði og gaf mér ekkert kikk en stórt Toblerone var ógeðslega gott.

11.maí 2017 - 21:06 Börkur Gunnarsson

Tekinn af lífi í kommentakerfi DV

Þannig fékk ég yfir mig gusuna á kommentakerfi DV fyrir að hafa setið nokkra nefndarfundi hjá borginni:

09.maí 2017 - 10:24 Börkur Gunnarsson

Vöfflur á nokkra þúsundkalla

Útaf umræðu um nokkurra þúsund króna vöfflur þá vildi ég segja frá því að við Linda notum vanalega sunnudagana til að rölta um bæinn og endum á því að fá okkur smásnarl einhverstaðar. Um daginn langaði okkur í fiskisúpu og rokkaði verðið á stöðunum frá 1600 krónum og uppí 3500 krónur. Algengast var um 3000 krónur. Mér finnst bara ekkert að þessu.

05.maí 2017 - 14:56 Börkur Gunnarsson

Við erum óskaplegt drasl

Ég hef stundum gaman að því að gera lítið úr sjálfum mér og lítið úr minni þjóð og kalla okkur allt saman drasl. En prótestant-lúter taugin í mér gerir mig samt stoltan af því að vinnuþátttaka á Íslandi er sú langmesta í heimi. 87% af Íslendingum er á vinnumarkaði, einungis Sviss kemst með tærnar þar sem við erum með hælana en þeir eru í 81%.

26.apr. 2017 - 13:07 Börkur Gunnarsson

Ég þarf að finna nýjar götur

Ég var stoppaður af lögreglunni í morgun og beðinn um að koma úr bílnum og blása í eitthvað rör. Lögreglan bara að sinna starfi sínu. Fannst þetta samt frekar óþægilegt að standa þarna úti á göti og þrjú hundruð bílar keyrðu framhjá og horfðu á mig undir lögreglurannsókn.

25.apr. 2017 - 11:04 Börkur Gunnarsson

Einbýlishús eða ekki einbýlishús?

Stundum vill ég stærri íbúð, jafnvel stórt einbýlishús. Stærri íbúð myndi leiða til þess að ég heyrði eitthvað annað en í þvottavélinni þegar hún er að vinna. Hún öskrar á hápunktum sínum og þótt hún sé lokuð inni á klósetti og handklæðum troðið niður við þröskuldinn þá nær maður ekki að eiga samtal á meðan þessu stendur.

05.apr. 2017 - 14:20 Börkur Gunnarsson

Ég myrði bara í undantekningartilvikum

Ég þurfti að fá útprentuð gögn frá Velferðarsviði Rvk. fyrir fund á morgun.
Þessvegna sendi ég e-meil þangað í gær.
Þegar ég kom í hádeginu var starfsmaðurinn tregur til.

24.mar. 2017 - 14:23 Börkur Gunnarsson

Skelfilega PC í hjartanu eftir reynsluna í Afghanistan og Írak

Var á landsþingi Sambands sveitarfélaga. Forsíðan á bæklingi samtakanna var af fallegri fjölskyldu að ganga á götu en þar sem konan var einum meter fyrir aftan kallinn í göngutúrnum þá gat ég ekki annað en hugsað til þess tíma þegar ég var í Írak og Afganistan þar sem skylda konunnar var að vera einum meter fyrir aftan kallinn þegar þau gengu þá fékk ég hughrif sem ljósmyndarinn ætlaði væntanlega ekki að skapa.

20.mar. 2017 - 18:47 Börkur Gunnarsson

Horfi frekar á köttinn minn en Gunnar Nelson

Nennti ekki að kíkja á leik Gunnars Nelson.Fólk að buffa hvort annað, not interesting.En alltaf þegar kötturinn minn lendir í vandræðum í hverfinu og ég er á svölunum þá er ég alveg á mörkunum með að æpa hvatningarorð til læðunnar minnar:

17.mar. 2017 - 14:06 Börkur Gunnarsson

Þarf að spyrja konuna út í þennan náunga

Ég veit ekki hvaða ófríði, sjúki síkópat er þarna á myndinni með Lindu minni, en hann var víst með henni í Fréttum vikunnar hjá Harmageddon bræðrum í morgun.
Fór nú víst vel á með þeim.

15.mar. 2017 - 13:09 Börkur Gunnarsson

Eins og að þrá konu sem hatar mann

Eftir að ég byrjaði heilbrigða lífið að þá hef ég ekki fundið fyrir annarri eins ást einsog á fransbrauði. Ég hugsa um brauðið á hverjum degi. Fallegt og hvítt. Mjög óhollt en það lúkkar vel. Hvað er það? Einsog að elska og þrá konu sem hatar mann og vill manni bara illt.

11.mar. 2017 - 20:49 Börkur Gunnarsson

Pyntaður til að horfa á Júrovisjón

Konan mín var að pynta mig til að horfa á Júróvisjón, ég er ekki aðdáandi en hafði frétt af því á fésbók að einhver Svala ætti sigurinn vísan. En svo flutti bara Gréta Salóme helvíti fínt lag þarna í byrjun.

07.mar. 2017 - 18:00 Börkur Gunnarsson

Það er ekkert frábært að vera alltaf edrú

Þegar maður var fullur þá var maður on top of the world og heyrði klapp frá aðdáendum allstaðar að og maður var bara skrefi frá því að skrifa stórkostlega hluti og vera elskaður af allri þjóðinni. Þegar maður er edrú og þarf aksjúallí að skrifa og vinna og maður veit að það eru tíu þúsund skref í það að vera klappaður upp, ef það gerist einhverntímann, þá finnur maður sterkt hvað það er glatað að vera edrú.

03.mar. 2017 - 17:37 Börkur Gunnarsson