29. nóv. 2011 - 13:30Aðsend grein

Örn Bárður: Hugsum stórt en lítum lágt

Örn Bárður Jónsson.

Örn Bárður Jónsson.

Opið bréf til alþingismanna

Ein frumgáfa mannsins er að greina, flokka og skipa niður. Þroskað þjóðfélag forgangsraðar með siðfræðilegum, heimspekilegum og trúarlegum rökum sem takast á við efnahagsleg rök.

Á vefsíðu MBL 12. ágúst s.l. var fjallað um niðurskurð Landspítalans og haft eftir Birni Zoëga forstjóra:

Landspítalinn þolir ekki áframhaldandi niðurskurð án þess að eitthvað láti undan í þjónustunni [. . .] Það er komið nóg! [lbr. mín] Spítalinn mun þurfa að skera niður þjónustu og hætta að veita vissa þjónustu ef haldið verður áfram á þessari braut,“ segir Björn og sendir baráttukveðjur til starfsfólks spítalans.

Þetta var djarfmannlega mælt. Hins vegar hefur forstjórinn kynnt frekari niðurskurð, nú á sviði líknarþjónustu. Tillaga hans felur í sér 50 milljón króna niðurskurð sem leiðir til skertrar þjónustu við deyjandi sjúklinga á líknardeildum. Á Landakoti hefur lengi verið stunduð gæðaþróun í þjónustu við aldraða sjúklinga við dauðans dyr. Nú stendur til að sundra því starfi. Þegar er búið að grafa undan deildinni með óvissunni og þrautþjálfað starfsfólk þar hefur áhyggjur af afdrifum deildarinnar. Með þessu fólki býr auður sem ekki verður byggður upp á skömmum tíma á öðrum stað.

Forgangsröðun, siðferði, fagmennska

Í niðurskurði í heilbrigðisþjónustu undanfarin þrjú ár hefur ríkt þögn um hugtakið forgangsröðun. Um miðjan tíunda áratug síðustu aldar – eftir 7 mögur ár – lét heilbrigðisráðherra, Ingibjörg Pálmadóttir, vinna skýrslu um forgangsröðun. Verkið unnu fulltrúar allra stjórnmálaflokka með aðkomu fagfólks, stjórnenda og heimspekinga. Um skýrsluna varð alger samstaða og var hún samþykkt sem þingsályktunartillaga Alþingis. Skýrslan verður því að teljast það viðmið sem Alþingi, ríkisstjórn og fagaðilar verða að hafa til hliðsjónar þegar grípa þarf til niðurskurðar á fjárlögum. Það heyrir fortíðinni til að fela fagfólki að bera ábyrgð á forgangsröðun, sem auk þess er unnin bak við tjöldin. Í staðinn eru lögð til grundvallar siðferðileg viðmið og verklagsreglur. Þegar kemur til forgangsröðunar ber að fylgja opnu og lýðræðislegu ferli og er það ótvíræð skylda Alþingis að forgangsraða meðvitað en taka hvorki umræðulaust við tillögum frá pólitískum ráðherra né einstökum embættismönnum.

Í skýrslunni um forgangsröðun í heilbrigðisþjónustu var líknarþjónustu raðað í annan forgangsflokk af fjórum. Sé það trú alþingisþingmanna að fyrirhuguð lokun líknardeildarinnar á Landakoti sé réttlætanleg, er rétt að færa líknarþjónustu í fjórða forgangsflokk með fegrunaraðgerðum og taka út ákvæðið um sérstaka vernd fyrir aldraða sjúklinga.

Minnkandi þjónusta við aldraða

Hollvinasamtök líknardeilda voru stofnuð 26. október s.l. Eru stofnfélagar nær 600. Almenningi er ekki sama um þessa þjónustu. Lokun á Landakoti og sameining á einn stað í Kópavogi þykir ekki ígrunduð. Þangað á að færa þrjú af níu rúmum líknardeildarinnar á Landakoti og kosta til 80 milljónum, sem gert er ráð fyrir að Oddfellowreglan greiði af gjafmildi sinni. Í þessu sambandi má spyrja:  Gerir Oddfellowreglan sér grein fyrir að með fyrirhugaðri breytingu eru verið að minnka þjónustu við aldraða og draga regluna inn í umdeilt pólitískt og siðferðilegt mál?

Talað er um að koma sjúklingum fyrir á hjúkrunarheimilum. Það verður ekki útgjaldalaust og því óvíst um sparnað, þótt endurbæturnar í Kópavogi yrðu greiddar af Oddfellowreglunni. En peningaleg rök ein gilda ekki. Tilfinnigar, siðferði, heiður og hollusta við grunngildi skipta máli þegar ákvarðanir eru teknar um viðkvæma líknarþjónustu.

Virðing þjóðar og reisn

Ein þekktasta saga vestrænnar menningar er sagan um Miskunnsama Samverjann. Sagan segir frá manni sem liggur hjálparlaus við veginn. Fram hjá ganga ýmsir sem kæra sig kollótta. Sá sem sinnir manninum er Samverji, útlendingur, sem ekki naut virðingar. Sagan fjallar um skeytingarleysi annars vegar og hins vegar hjálpsemi manns sem minnst er vegna kærleika hans. Mannleg neyð var honum ekki óviðkomandi þótt hann væri valdalaus og án stéttar eða stöðu.

Aldraðir sjúklingar hrópa ekki á strætum og torgum en þurfa málsvara og verndara. Aldraðir sjúklingar eiga að fá þjónustu þar sem borin er virðing fyrir reisn manneskjunnar til síðasta dags. Talað er um „að búa öldruðum áhyggjulaust ævikvöld.“ Deyjandi fólk á ekki að þurfa að hafa áhyggjur af því hvort það fær viðeigandi og faglega þjónustu. Deyjandi sjúklingar, eiga að geta treyst samfélaginu, samfélagi sem þeir byggðu upp með kröftum sínum.

„Heiðra skaltu föður þinn og móður.“

Fjórða boðorðið vísar ekki aðeins til hlýðni barna við foreldra heldur á boðorðið að tryggja, að sérhver kynslóð virði aðra. Ef hinir ungu virða ekki hina eldri, verða hinir ungu ekki virtir þegar þeir eldast. Boðorðið vísar til virðingar og umönnunar í víðum skilningi og hefur sérstöðu með því að vísa til fjölskyldutengsla. Boðorðið á að tryggja reisn og vernd sérhverrar manneskju til hinstu stundar.

Nú er komið nóg! Göngum ekki framhjá varnarlausum hópi aldraðra við dauðans dyr. Ég skora á þingmenn að tryggja áframhaldandi rekstur líknardeildarinnar á Landakoti, efla líknardeildir – en ekki veikja –  og standa vörð um fagleg og siðferðileg vinnubrögð.
Aldraðir eiga að geta tekið undir orð japanska skáldsins Tsuchiya Fumiaki:

Loksins þegar kvölda tekur róast hjarta mitt
og úr áttunum fjórum heyri ég vorið nálgast.

Virðing Íslendinga verður ekki mæld í hagtölum heldur í því, hvernig við önnumst þau sem þurfa á hjálp að halda.

Hugsum stórt en lítum lágt. Gleymum ekki vorum minnstu bræðrum og systrum.

Örn Bárður Jónsson,
formaður Hollvinasamtaka líknardeilda




(1-10) Bogfimisetrið jólaborði des 2016
(1-10) hestar og menn des 2016
Svanhvít - Mottur
05.des. 2016 - 07:00 Austurland

Kúnstin að segja nei

Það eru forréttindi að búa í smábæ en að sama skapi fylgir því mikil ábyrgð.  Smægð samfélagssins gerir íbúum kleift að vera kunnug hvort öðru og aðstoða á marga vegu. Uppáhaldshátíðin mín á Seyðisfirði er 17. júní, þá safnast saman góður hópur fólks og allir eru í rólegheitunum að njóta þeirra viðburða sem eru í boði.
04.des. 2016 - 18:00 Akureyri vikublað

Listin að eltihrella

Fyrir nokkrum árum völdu Íslendingar fallegasta orðið í íslenskri tungu og mátti senda inn uppástungur sem ég og gerði, að sjálfsögðu. Ég sendi inn orðið „eltihrellir“. Svona eftir á að hyggja er líklegt að ég hafi misskilið leikinn.

04.des. 2016 - 18:00 Þorgeir Arason

Að gera sér dagamun

Nú er aðventan hafin og biðin mikla eftir hátíðinni sem er í vændum. Þá munum við sennilega öll vilja, þegar hátíðin kemur loks, gera okkur dagamun. Mig langar aðeins að fá okkur til að hugsa um hvað þetta orðtak þýðir, að gera sér dagamun!
27.nóv. 2016 - 07:00 Akureyri vikublað

Fyrirgefðu að ég þekkti þig ekki

Ég glími við ákveðið vandamál sem ég er fyrst núna á síðustu misserum að læra að viðurkenna.Ég þekki ekki fólk.Þetta er tvíþætt vandamál.Ég á erfitt með að muna nöfn og rugla þeim auðveldlega saman, líka nöfnum sem eru í raun ekkert lík heldur eiga kannski bara eitt hljóð sameiginlegt, eins og Gunnar Jónsson og Jón Haskelsson, og hjálpar tenging við störf eða aldur í raun ekki neitt.Hinn þátturinn er sá að útlit hjálpar ekki heldur til því ég á erfitt með að þekkja andlit. Það er eins og ég einfaldlega sjái ekki muninn á fólki eins vel og aðrir.
25.nóv. 2016 - 07:00 Akureyri vikublað

Umferðarslys og farsímanotkun

Komið hefur fram í fjölmiðlum að tólf manns hafi látist í umferðinni hér á landi, það sem af er þessu ári (20. sept.), eða næstum jafn margir og allt síðasta ár, þar af hafa tvö banaslys orðið hér á Norðurlandi. Þar með hafa 68 einstaklingar látist í umferðinni frá árinu 2011, eða sl. fimm ár. Þetta eru óhugnanlegar tölur, sem hljóta að vekja til umhugsunar og gefa til kynna, hvert stefnir í þessum málum.

20.nóv. 2016 - 07:00 Akureyri vikublað

Rúðuþurrkur

Það tók mig langan tíma að hætta að hafa áhyggjur af áliti annarra. Sem óharðnaður unglingur og langt fram á háskólaárin var ég upptekin af því hvað öðrum fannst um það sem ég gerði, sagði og hverju ég klæddist.
18.nóv. 2016 - 16:00 Austurland

Skemmtiganga á suðurleið

„Það var 24. október að ég lagði af stað heiman frá mér til Reykjavíkur. Klukkan eitt um morguninn lagði ég af stað frá heimili mínu Sjónarhól í Dýrafirði. Bærinn er í miðri sveit norðantil við fjörðinn. Þegar ég kom að bæ þeim er heitir Lækjarás fékk ég mig fluttan yfir fjörðinn. Veðrið var gott og fagurt, ofurlitla morgungolu lagði niður dalinn. Þegar komið var á miðjan fjörðinn sáum við skipið „Gullfoss“ sem ég ætlaði með koma inn fjörðinn.“
18.nóv. 2016 - 07:00 Aðsend grein

Vondir vegir að ferðamannastöðum

Nú á haustdögum komu út tvær forvitnilegar skýrslur á vegum ríkisstofnana sem fjalla um málefni Vestfjarða og Vestfirðinga sem hvorir tveggja hafa verið mér hugleiknir lengi. Önnur skýrslan ber heitið Aðgerðaráætlun fyrir Vestfirði og kom til umfjöllunar á fjórðungsþingi Vestfirðinga nú í haust. Skýrsla þessi sem unnin var af nefnd á vegum forsætisráðuneytisins tekur til ýmissa þátta sem varða hagsmuni Vestfirðinga og er hægt að taka heilshugar undir flest sem í henni stendur.
17.nóv. 2016 - 14:14 Aðsend grein

Opið bréf til Jóns Ásgeirs Jóhannessonar

Sæll Jón Ásgeir! Las í fjölmiðlum nýlega vitnisburð þinn þess efnis að þú sért orðinn “bugaður maður” eftir öll þessi réttarhöld undanfarin ár, það er skiljanlegt það er erfitt að sitja undir ofsóknum yfirvalda árum saman eins og þú segir sjálfur frá.  

17.nóv. 2016 - 13:43 Aðsend grein

Örbirgð, einsemd, einelti

Áhrifamikil sýning í Félagsheimilinu á Blönduósi í gærkvöld, einleikurinn Gísli á Uppsölum. Frábær og hnitmiðaður flutningur, góðar umræður eftir sýninguna um örlög þessa einstaklings Gísla á Uppsölum, sem lenti í einelti strax í barnaskóla, missti af ástinni, fannst hann ekki geta brugðist móður sinni, lifði í vernduðu umhverfi allt sitt líf, lét hverjum degi nægja sína þjáningu, og lifði alla ævi í einsemd án nokkurra lífsgæða.
13.nóv. 2016 - 07:00 Akureyri vikublað

„Hözzlið“

Þið vitið; ein manneskja sér aðra manneskju. Finnst hún áhugaverð eða myndarleg. Jafnvel það sem við köllum heit. Manneskja A sér manneskju B. Reynir að senda einhver skilaboð um „HÆ, ÉG HEF ÁHUGA Á ÞÉR“. Oftar en ekki hunsar manneskja B skilaboðin því að maður á víst að „play hard to get“. Óskrifuð regla í samfélaginu.

11.nóv. 2016 - 20:00 Aðsend grein

Sonur minn er með ADHD og mótþróaröskun

Ég er stolt ung móðir 11 ára drengs með ADHD og Mótþróaröskun (ODD) Hann er í alla staði frábær, glaður og kátur strákur. Hann getur líka orðið óstjórnarlega reiður og sár og langrækinn. Hann er strákur sem vill eiga vini, hann er strákur sem á vini, stundum. Hann er strákur sem aðrir krakkar hafa ekki alltaf þolinmæði fyrir.
08.nóv. 2016 - 07:00 Akureyri vikublað

Fréttir að norðan

Katrín Árnadóttir. Mér líður pínu eins og þeim sem eyðileggur leikinn, þeim sem bendir á hið augljósa, enda ný í starfi og ný á Íslandi eftir 15 ára útlegð. Í starfi mínu sem forstöðumaður markaðs- og kynningarsviðs Háskólans á Akureyri hef ég undanfarna mánuði upplifað ýmislegt. Við sóttum um að taka að okkur kennslu í lögreglufræðum, fengum það og hófum kennslu – allt á undraverðum tíma. Þjóðverjinn myndi klóra sér í höfðinu. Við héldum m.a. 400 manna ráðstefnu um læsi og tókum á móti tæplega 700 nýnemum. Svo mældum við fjölgun nemenda í kennarafræði og hjúkrunarfræði. Bíddu nú við, sagði hún fjölgun? Eitthvað jákvætt? = ekki fréttnæmt.
05.nóv. 2016 - 07:00 Akureyri vikublað

Þriffélagi óskast!

Anna María Þórhallsdóttir kennari.

Mér leiðast þrif!

Ég græt tímann sem fer í venjuleg heimilisþrif og fæ hjartsláttartruflanir af óþoli þegar komið er að stórtækum þrifaðgerðum eins og að taka eldhússkápana eða klórþvo baðherbergið með tannbursta. Þrif vekja líka með mér verkkvíða sem skapast þegar ég hef hummað ástandið fram af mér helst til lengi.
04.nóv. 2016 - 17:07 Aðsend grein

Vegna fréttar Morgunblaðsins

„Íslend­ing­ar eru lang­hæst­ir í notk­un örv­andi lyfja eins og rítalíns og skyldra lyfja. Við notuðum hlut­falls­lega 260% meira af þeim en Sví­ar sem komu næst­ir. Árið 2013 var Ísland í fyrsta skipti, sam­kvæmt nor­rænni heil­brigðistöl­fræði (Nomesco), komið í efsta sæti í notk­un verkjalyfja á Norður­lönd­um. Þá er Ísland orðið hæst í notk­un verkjalyfja, örv­andi lyfja, svefn­lyfja og ró­andi lyfja, ró­andi og kvíðastill­andi lyfja og floga­veik­i­lyfja sem öll eru ávana­bind­andi.“

01.nóv. 2016 - 10:23 Aðsend grein

Fæðingarorlof og óréttlæti stjórnvalda

Eins og eflaust hefur ekki farið framhjá neinum ákváðu stjórnvöld nýlega að hækka hámarksgreiðslur úr fæðingarorlofssjóði úr 370 þúsund í 500 þúsund krónur. Hækkunin tók gildi 15. október síðastliðinn. Þessi hækkun er langþráð og ber að fagna enda hafa kjör foreldra í fæðingarorlofi verið knöpp frá hruni.
31.okt. 2016 - 10:37 Aðsend grein

Tæknin, kennari og vinnuveitandi

Í síðustu viku sat ég á ráðstefnuna ,, Hagnýt notkun upplýsingatækni í skólum“ í Háskólanum á Akureyri sem var í samvinnu við Þekkingu. Ráðstefnan var auglýst með þessu móti. ,,Í samvinnu við Þekkingu er þér boðið til ráðstefnu um hagnýta notkun upplýsingatækni í skólastarfi þar sem meðal annars verður farið um Office 365, OneNote for Classroom, Minecraft, Microsoft Innovative Educator verkefnið, Microsoft Classroom og margt, margt fleira. Þá munum við fá að heyra reynslusögur frá skólum sem þegar nota Office 365.“ Allt hljómar þetta vel og ekki síður spennandi að fá innsýn í hagnýta notkun upplýsingatækninnar og áfram heldur auglýsingin. ,,Upplýsingatækni vegur sífellt þyngra í skólastarfi og er nú sem aldrei fyrr mikilvægt fyrir skólastjórnendur og kennara að vera með puttann á púlsinum og fylgjast með því hvernig tæknin getur hjálpað til við að gera skólastarfið bæði skemmtilegra og léttara." Áhugavert í alla staði og ég sé ekki eftir að hafa setið þarna í rúma tvo og hálfa tíma.

29.okt. 2016 - 11:00 Austurland

Austurland – Menningarland

Fyrir komandi kosningar hefur mikið verið fjallað um mikilvæga málaflokka eins og heilbrigðismál, kjaramál og vaxtamál (þó ekki nóg). Hins vegar hefur minna verið fjallað um þá málaflokka sem gerð eru sérstök skil í þessu blaði, mennta- og menningarmál. Þó er þar um að ræða hluti sem mynda grunn að flestu öðru.
29.okt. 2016 - 10:00 Akureyri vikublað

Málefni ráða stjórnarþátttöku Viðreisnar

Fyrir nokkrum dögum settu Píratar fram þá hugmynd að fimm flokkar myndu leggja drög að stjórnarsáttmála fyrir kosningar. Hugmyndin er frumleg og virkar kannski vel fyrir þá flokka sem hafa unnið saman á Alþingi í nokkur ár.
29.okt. 2016 - 09:00 Austurland

Baráttan um að jafna tækifærin

Ég hef aðeins kynnst menntakerfinu á mínum 22 árum. Ég lauk grunnskóla, kláraði stúdentspróf, er í fjarnámi frá HA og kenni íþróttir í grunnskóla. Ég þekki ekki allt sem er að en ég veit að víða er pottur brotinn. Við getum og eigum að huga miklu betur að menntakerfinu okkar; sama á hvaða stigi. Sálfræði- og geðheilbrigðisþjónusta í grunn- og framhaldsskólum er til skammar. Sjálfsvígstíðni ungra karlmanna er óhuganlega há á Íslandi og við verðum að taka á geðrænum vandamálum ungs fólks strax í upphafi. Það gerum við m.a. með betra aðgengi að sálfræðiþjónustu í skólunum okkar.
29.okt. 2016 - 08:00 Akureyri vikublað

Aðförin að Sigmundi Davíð

Sjaldan eða aldrei hefur verið ráðist eins óvægilega að nokkrum stjórnmálamanni og Sigmundi Davíð Gunnlaugssyni að tilefnislausu. Rógburðurinn hefur komið úr ýmsum áttum og jafnvel frá hans flokksfólki. Maðurinn hefur ekkert saknæmt gert, hvorki dæmdur, eða með kæru á sér.
29.okt. 2016 - 07:00 Austurland

Áframhaldandi uppbygging mennta og menningar

Fyrir rúmri viku síðan var ég viðstödd þá gleðilegu stund, þegar viljayfirlýsing um áframhald samstarfs um undirbúning og fjármögnun menningarhúss á Egilsstöðum var undirrituð. Illugi Gunnarsson, mennta- og menningarmálaráðherra kom fljúgandi að sunnan eldsnemma á sunnudagsmorgni með samninginn glóðvolgan og á flugvellinum á Egilsstöðum undirrituðu menningarmálaráðherrann og Björn Ingimarsson, bæjarstjóri Fljótsdalshéraðs viljayfirlýsinguna. Þetta var ánægjuleg stund fyrir alla viðstadda, ekki síst þá sem eiga sinn drjúga þátt í að þessu markmiði var loks náð.
28.okt. 2016 - 20:00 Austurland

24 ástæður fyrir Bjartri Framtíð

Það eru að skella á kosningar til Alþingis Íslendinga !   Undirritaður vill hvetja ykkur öll til að kjósa og taka afstöðu. Til þess er gott að skoða stefnu og fólkval Bjartrar Framtíðar og vil ég reyna að svara hér í þessari grein hvers vegna þú ættir að merkja X við A ?  Fyrir því tel ég að vel athuguðu máli yfir 24 ástæður; 
28.okt. 2016 - 20:00 Austurland

Píratar og menntamál á Austurlandi


28.okt. 2016 - 19:00 Reykjanes

Tryggjum Oddnýju örugga kosningu

Oddný G. Harðardóttir hefur sýnt það með störfum sínum að þar fer vandaður stjórnmálamaður sem í tali og framkomu setur mál sitt fram af festu og án upphrópana, sjaldgæfur eiginleiki meðal stjórnmálamanna nú á tímum.
28.okt. 2016 - 18:00 Reykjanes

Nýtt deiliskipulag?

Misskiptingin hjá okkur eykst. Samkvæmt Hagstofunni á efnaðasti hluti samfélagsins, tíundi hluti þjóðarinnar, jafn mikið og tveir þriðju hluti hennar. Sem sagt: 10% ráða yfir um 60% þess er við flokkum sem eignir. Helmingur greiddra launa, um 714 milljaðar af rúmum 1.400 milljörðum króna, ganga til tveggja efstu tekjuhópanna af tíu hópum.
28.okt. 2016 - 18:00 Akureyri vikublað

Náttúruvernd og landbúnaður

Það er gott að sjá að fyrir komandi alþingiskosningar virðast flestir flokkar setja umhverfismál á stefnuskrá sína. Það sem áður þótti sérviska Vinstri grænna er sem betur fer að verða almenn skoðun, þ.e. að náttúran eigi að njóta vafans. Náttúruvernd hefur þó ekki fengið þá athygli sem henni ber í þessari kosningabaráttu – þó að mörg málefni brenni á okkur eru loftslagsbreytingar stærsta ógn samtímans og samfélagsins. Það skiptir ekki höfuðmáli í stóra samhenginu hvar nýr landspítali rís ef súrnun sjávar og ofsaveður eyðileggja lífsskilyrði á Íslandi, og heiminum öllum, innan fárra kynslóða.
28.okt. 2016 - 17:00 Reykjanes

Blekkingar kvótahafa

Það er ekkert öryggi í núverandi kerfi, nema fyrir kvótahafana. Heilu byggðarlögin hafa nánast lagst í eyði vegna tilfærslna á kvóta. Uppboð á veiðiheimildum þar sem ALLIR geta boðið í veiðiheimildirnar, tryggir öllum byggðarlögum jafnan aðgang að fiskimiðunum.
28.okt. 2016 - 17:00 Austurland

Eitt samfélag fyrir alla!

Við í Flokki fólksins erum nýtt stjórnmálaafl, sem berst af hugsjón fyrir þá sem hafa orðið fyrir órlettlæti, mismunum, lögleysu og fátækt. Við ætlum að vinna gegn spillingu  hvers konar. Afnema skatt á fátækt, 300 þús lágmark á alla eftir skatt, Öryrkja, Eldriborgara og verkafólk og gerum það eins fljótt og auðið er, við bíðum ekki til 2018.
28.okt. 2016 - 16:00 Akureyri vikublað

Allt nám skiptir máli - Hvort sem það er innan menntastofnana eða á vinnumarkaði

Við í Viðreisn viljum byggja upp samfélag þar sem einstaklingar vilja og geta nýtt hæfileika sína til fulls. Saga mín er eins og margra annarra, ég fékk tækifæri og hafði val. Að loknu grunnskólanámi lá leið mín í Flensborgarskóla í Hafnarfirði, 18 ára var ég staðráðin í hætta námi mínu þar. Faðir minn var ekki á sama máli og hvatti mig til þess finna aðra leið í námi sem hentaði mér betur. Iðnskólinn í Hafnarfirði varð fyrir valinu, ég lauk námi í tækniteiknun þaðan og eignaðist mitt fyrsta barn. Með stuðningi fjölskyldunnar tókst mér síðan að ljúka stúdentsprófi frá Flensborgarskóla. Ég var lánsöm að hafa hvatningu og stuðning frá mínum nánustu. Þau gáfu mér tækifæri, ég hafði val í lífinu og nýtti það til fulls og er enn í námi 42 ára gömul. Við lærum svo lengi sem við lifum.


Aðsendar greinar
Hér birtast aðsendar greinar og yfirlýsingar sem tengjast efni því sem birtist á Pressunni. Netfang: pressan@pressan.is
Smári Pálmarsson
Smári Pálmarsson - 29.11.2016
Ef lögreglan starfaði eftir sama verklagi og MAST
Vilhjálmur Birgisson
Vilhjálmur Birgisson - 28.11.2016
Hrós dagsins
Hannes Hólmsteinn Gissurarson
Hannes Hólmsteinn Gissurarson - 28.11.2016
Orðaskipti við Gauta B. Eggertsson á Facebook
Brynjar Nielsson
Brynjar Nielsson - 30.11.2016
Hættum þessari 3ja hjóls umræðu
Kristinn Karl Brynjarsson
Kristinn Karl Brynjarsson - 29.11.2016
PowerPointkynning á sýndarsamráði
Indíana Ása Hreinsdóttir
Indíana Ása Hreinsdóttir - 01.12.2016
Á toppi fæðukeðjunnar
Kristinn Rúnar Kristinsson
Kristinn Rúnar Kristinsson - 30.11.2016
Raflostmeðferð er mjög vanmetin
Vestfirðir
Vestfirðir - 02.12.2016
Landsbyggðarskattur útgerðarmannanna
Hannes Hólmsteinn Gissurarson
Hannes Hólmsteinn Gissurarson - 03.12.2016
Blekkingarleikur Heaths
Sigurður Jónsson
Sigurður Jónsson - 03.12.2016
Úrbætur í vegakerfinu eitt af forgangsmálunum
Akureyri vikublað
Akureyri vikublað - 04.12.2016
Listin að eltihrella
Þorgeir Arason
Þorgeir Arason - 04.12.2016
Að gera sér dagamun
Austurland
Austurland - 05.12.2016
Kúnstin að segja nei
Arnaldur Máni Finnsson
Arnaldur Máni Finnsson - 04.12.2016
Þegar öllu er snúið á hvolf
Fleiri pressupennar