01. ágú. 2012 - 11:00Aðsend grein

Opið bréf til hæstvirts velferðarráðherra; Guðbjarts Hannessonar

Ragnheiður Rafnsdóttir

Ragnheiður Rafnsdóttir

Hæstvirtur Velferðarráðherra Guðbjartur Hannesson

Þar sem þú sérð þér ekki fært að svara tölvupóstum sem ég hef skrifað þér undanfarna daga sé ég engin önnur ráð en að skrifa þér opið bréf í fjölmiðlum.

Ég hef áhyggjur af þrem systrum sem teknar voru nauðugar frá móður sinni þann 29. júní sl.  Þess skal getið að systurnar þrjár hafa lengstum búið a íslandi og eru tengsl þeirra við land og þjóð mikil á meðan tengslin við Danmörk eru nánast engin og frændgarður þeirra þar rýr þótt ekki sé meira sagt.  Einnig er það áhyggjuefni sú sundrung sem orðið hefur á systkinahópnum en bróðir þeirra systra býr á íslandi og er það þeim öllum þungbært.  Það er ljóst að mjög mörg mistök hafa átt sér stað í þessu máli ásamt því að mörg lög hafa verið brotin svo og sáttmálar.  Mistökin eru svo börnin  látin gjalda fyrir með lífi sínu.

Forsaga málsins er sú að í tæp þrjú ár hefur íslensk kona barist við að vernda börnin sín fyrir föður þeirra. Eftir skilnað við fyrrverandi eiginmann sinn hefur baráttan  farið fram í Danmörku og á Íslandi. Í Danmörku eru útlendingar litnir hornauga og því miður ekki meðhöndlaðir til jafns á við heimamenn, það hefur þessi fjölskylda reynt á eigin skinni svo um munar. Sem betur fer erum við Íslendingar  betri gestgjafar því eins og við sjáum í fréttum hafa hælisleitendur fengið vin í eyðimörkinni og er þó um fullorðið fólk að ræða í flestum tilfellum.  Tel ég það mjög mikilvægt að fólk sem á um sárt að binda geti hallað höfði sínu að einhverjum og vel sé komið fram við það.

Vistin í Danmörku var ekki góð og fóru þær systur hverja helgi til föður síns og var það kvöl og pína þar sem mikill tími fór í að undirbúa þær undir þá heimsókn þar sem þær vildu ekki fara og grétu mikið. Vikan fór svo í að róa börnin og byggja þær upp þar til að þær fóru aftur í helgarheimsóknina.  Það skal tekið fram að útlit barnanna gjörbreyttist, elsta dóttirin varð upphvít, með svarta bauga undir augum og algjörlega líflaus. Yngsta dóttirin þyngdist um 7 kg á mjög stuttum tíma þar sem hún var höfð „góð“ með sælgæti og kökum.  Þetta líf var ekki eðlilegt líf fyrir börn. Þær systur voru þvingaðar hverja helgi til manns sem var vondur við þær, lokaði þær inni, lokaði þær úti á stigagangi, reif niður um þær í margmenni og hló, sló elstu stelpuna, hélt henni niðri, öskraði á þær, henti hlutum, fékk brjálæðisköst og sagði þeim hveru ömurleg mamma þeirra væri og öll hennar fjölskylda.  Systurnar höfðu oft áður orðið vitni af ofbeldi sem faðir þeirra beitti mömmu þeirra og stóra bróður. Ennfremur urðu  þær systur vitni að því þegar hann réðst á ömmu þeirra sem þær elska heitt.  Eitt sinn við mikil læti bankaði nágranninn upp á en faðirinn opnaði ekki og lét sem engin væri heima.  Hann gerði margt fleira sem af virðingu við börnin ég skrifa ekki í þessu bréfi en þú veist alveg um.

En það var ekkert skjól að fá í Danmörku og eftir að hafa þrisvar leitað til lækna vegna áverka á 7 ára dóttur sinni og legið með henni inni á sjúkrahúsi þar í landi í tæpa viku var móðurinni  gert ljóst m.a. af barnalækni að „svona væri þetta bara í Danmörku, ofbeldisfullir feður væru með forræði yfir börnum sínum og þannig yrði það“.  Læknir sem sendi félagsmálayfirvöldum þar ytra tilkynningar var orðinn óþreyjufullur, hann lýsti því í bréfum að „ofbeldið yrði sífellt verra og verra og að hann væri mjög áhyggjufullur“.  Félagsmálayfirvöld töldu að það væri ekki gott að tala við föðurinn þar sem hann gæti hugsanlega orðið ennþá verri við það. 

Eins og allir góðir foreldrar var hugsun umræddrar konu fyrst og fremst að bjarga börnunum sínum. Og hún gerði sér grein fyrir að í Danmörku ættu þau ekki möguleika. Hún undirbjó brottför í flýti og kom til Íslands þar sem hún var handviss um að hér yrðu börnin hennar  örugg.  Hún framfylgdi íslenskum barnaverndarlögum sem segja:

Í 28. grein. Barnaverndarlaga:

Forsjá barns felur í sér skyldur foreldra til að vernda barn sitt gegn andlegu og líkamlegu ofbeldi og annarri vanvirðandi háttsemi.

Þetta þýðir að ekkert barn á að þurfa að þola ofbeldi eða verða vitni að ofbeldi, allra síst á heimili sínu. Friðhelgi heimilisins nær ekki til ofbeldis.  Allt ofbeldi á heimili þar sem börn eru, er jafnframt ofbeldi gagnvart börnum.

Ef móðirin hefði ekki komið börnunum sínum til Íslands hefði hún í raun verið að brjóta lög.

Á Íslandi var strax haft samband við barnastofu og beðið um hjálp, en þess skal getið að sl tæp þrjú ár er búið að grátbiðja Barnastofu og forstjóra þeirrar stofnunar um aðstoð, hjálp við að vernda börnin, án árangurs.

Þess skal getið að breytingin á börnunum við komuna til Íslands var með ólíkindum, þær í einu orði sagt blómstruðu, það kom líf í augu þeirra og brosin urðu blíð.  Allt lék í lindi og stundaðar  voru sundferðir, fótbolti, skólagarðar, sumarbústaðir, stangveiðar, steinatínsla, gróðursetningar og leikir.  Þangað til að lögmaður föður sá glufu í kerfinu, mistök sem Sýslumaðurinn á Höfn hafði gert árið áður.  Þegar aðfararbeiðni sem átti að falla úr gildi samkvæmt lögum var notuð til að hremma börnin úr fangi mömmu sinnar.  Því ef allt hefði verið eðlilegt og rétt þá hefði verið farið í annað afhendingarmál og það mál hefði móðirin og börnin hennar unnið með öllum þessum nýju gögnum sem nú eru til staðar.  En í stað þess var farið af stað með gjörning sem hefur nú valdið tjóni sem ekki er vitað hvort  úr verður bætt.

Í 4. tl. í 12. gr laga 160/1995 kemur fram að heimilt er að synja um afhendingu barns ef, afhendingin er ekki í samræmi við grundvallarreglur hér á landi um verndun mannréttinda. Með ákvæðinu er átt við að afhending er ekki heimil ef hún brýtur gegn alþjóðasamningum um mannréttindi, sem Ísland er aðili að. Hér eiga við ákvæði 8. gr mannréttindasáttmála Evrópu, nr 62/1994, ákvæði 17. gr. 4. mgr. 23. gr, og 1 mgr. 24.gr. Alþjóðasamnings um stjórnmálaleg og borgaraleg réttindi nr 10/1979. Og svo ákvæðið 8., 9., 18., 19., og 20. samnings sameinuðu þjóðanna um réttindi barns 18/1992.

Áfram var fólk beðið um hjálp, félagsmálafulltrúi Hornafjarðar var grátbeðin um hjálp, nú og svo Barnaverndarnefnd Kópavogsbæjar til að vernda börnin.   Þess skal getið að allt þetta fólk var með myndir af áverkum, áverkavottorð, tilkynningar frá læknum, skýrslu frá barnasjúkrahúsi í Danmörku ásamt sálfræðiskýrslu ákaflega vel og faglega unninni af tveim barnasálfræðingum hér á landi.  Þar sem sálfræðingarnir beinlínist undra sig á því að faðirinn hafi ekki verið gert að afhenda vottorð um geðheilsu sína og voru þær mjög uggandi um hans andlegu heilsu  og hræddar um börnin í hans umsjá miðað við það sem þær höfðu komist að með ýmsum alþjóðlegum prófum sem þær gerðu á börnunum. 

Eins og við vitum hafði líka virtur hæstaréttarlögmaður bent á ýmsar leiðir lagalega sem nota mætti til að kyrrsetja börnin á þeim grundvelli að málið yrði þá skoðað á meðan og ef móðir barnanna væri að fara með rangt mál og hefði í raun falsað öll þau fjölmörgu gögn sem hún hefur undir höndum frá t.d. skólum barnanna, leikskólum, Kvennaathvarfi  í Danmörku, frá félagsráðgjafa ytra, frá nágrönnum,barnalæknum, sálfræðingum,  fleirum og fleirum  þá yrðu börnin send út. Ekki var beðið um langa kyrrsetningu bara að talað væri við börnin og þessi gögn skoðuð. 

Þú vissir allt um málið þar sem afi þeirra systra hafði ítrekað reynt að fá fund með þér, og hitt þig heima hjá þér. Fleira fólk hafði einnig reynt að ná í þig vegna málsins.

Undirmaður þinn í barnaverndarnefnd Kópavogs lét þau orð falla í vitna viðurvist að ef hann og fulltrúar nefndarinnar sæju að aðgerðin þann 29. júní sl. yrði börnunum erfið myndi hann stoppa hana strax og ekkert yrði úr henni.  Þetta sveik umræddur starfsmaður og lét ekki sjá sig. 

En  þér hæstvirtur velferðarráðherra, Barnastofa með barnaverndarnefnd Kópavogs í vasanum varð ekki haggað og því fór sem fór og börnin tekin frá mömmu sinni. Einu manneskjunni sem hefur hugsað um þær allt þeirra líf. Manneskju sem hefur byggt þær upp meðan faðir þeirra hefur rifið niður. Manneskju sem hefur nært anda þeirra og sálir með gleði og góðum siðum, brosi og fallegum orðum. Þú getur rétt ímyndað þér sjokkið sem börnin voru í við þessar aðgerðir og svo settar á fósturheimili sem þær hafa sjálfar sagt frá að hafi verið hræðilegt. Fyrir utan að það var algjörlega ólöglegt þar sem annað foreldrið var á staðnum og með sameiginlega forsjá.  Starfsmaður hjá Kópavogsbæ sem reif börnin úr fangi móður þeirra sagði í viðurvist barnanna að móðir þeirra myndi fá að hitta þær sama dag og aðgerðin var gerð, það var líka svikið og borið við að það yrði svo erfitt afþví að stelpurnar söknuðu mömmu sinnar svo mikið. 

Starfsmenn barnaverndarnefndar í Kópavogi sögðu að fylgst væri með föðurnum úti í Danmörku og börnunum.  Fullvissuðu þau móður barnanna, afa þeirra og fleiri um að allt væri eðlilegt og verið væri að vinna í málinu í Danmörku.  Þegar svo starfsfólki nefndarinnar var ljóst að ekki væri allt með felldu, fór það að sleppa því að svara símtölum, og  vildu svo ekkert meira með málið hafa.  Mistökin urðu sýnileg þessu fólki og í stað þess að taka á þeim, var höfðinu stungið í sandinn og farið í sumarfrí.  Mikið áhyggjuefni verð ég að segja miðað við að við erum að tala um börn, litlar sálir sem geta enga björg sér veitt og treystu á þetta fólk.

Þú og þitt ráðuneyti talið mikið um forsjárdeilu og haldið ekki vatni yfir þeirri deilu.  Ef þið hefðuð kynnt ykkur málin þá hefðuð þið vitað að þetta mál snérist ekki um forsjárdeilu foreldra þar sem þeirri deilu var lokið í janúar sl. í Danmörku.  Þetta mál barnanna snérist eingöngu um ofbeldi gegn þeim.   Ofbeldi sem félagsmálayfirvöld í Danmörku létu sig ekki varða. Sem yfirmanni barnaverndar á landinu bar þér að bregðast við með öðrum hætti en þú kaust að gera.

Langar að vitna í  barnaverndarlög okkar Íslendinga  og legg áherslu á síðustu setninguna í annari grein.

2. gr.
Markmið og lögsaga.
     Markmið laga þessara er að tryggja að börn sem búa við óviðunandi aðstæður eða börn sem stofna heilsu sinni og þroska í hættu fái nauðsynlega aðstoð. Leitast skal við að ná markmiðum laganna með því að styrkja fjölskyldur í uppeldishlutverki sínu og beita úrræðum til verndar einstökum börnum þegar það á við.
     Lögin taka til allra barna sem eru á yfirráðasvæði íslenska ríkisins.

Samkvæmt lögum bar þér að stöðva nauðungarfluttninga þessara litlu íslensku ríkisborgara. Þar sem öll börn á yfirráðasvæði íslenska ríkisins eiga rétt á því að þeim sé bjargað frá ofbeldi og öðrum hremmingum.

Ég vitna í ræðu þína  við ákveðið tilefni hjá Barnaheill 19. nóvember 2010, hæstvirtur Velferðarráðherra, þín eigin orð.

Ábyrgð okkar fullorðnu er mikil og við verðum að standa undir henni. Við megum ekki undir neinum kringumstæðum láta ofbeldi gagnvart börnum viðgangast og verðum að bregðast við ef minnsti grunur vaknar um illa meðferð á börnum af einhverju tagi. 

Mig langar að vita afhverju, undir þessum kringumstæðum valdir þú að standa ekki undir ábyrgðinni?  Það var ekki bara minnsti grunur um ofbeldi eða illa meðferð á þessum systrum, það voru sjúkrahússkýrslur, og áverkavottorð og svo margt, margt fleira.  Lögsagan var ekki í Danmörku því samkvæmt barnaverndarlögum  eiga öll börn rétt á vernd á Íslandi.

Einnig langar mig sem hjúkrunarfræðing sem mun starfa með skólabörnum komandi vetur að vita hvort búið sé að breyta verklagsreglum varðandi tilkynningar um ofbeldi á börnum. Þær virðast skýrar inn á vef Landlæknisembættisins en það er þó umhugsunarvert að ljósmyndir af áverkum, tilkynningar frá læknum, og sjúkrahúsinnlögn sé ekki nægjanlegt og gefi tilefni til viðbragða af hálfu þíns ráðuneytis og barnaverndaryfirvalda.  Umhugsunarefni fyrir heilbrigðisstarfsfólk sem vinna við þessi mál þar sem þeir sem eiga að vinna úr þessum málum virðast ekki traustsins verðir. 

Að lokum langar mig að vita hvort þú ætlar að halda áfram að klóra yfir þessi hörmulegu mistök eða hvort þú ætlar að taka höndum saman með öðrum sem virkilega hafa reynt að hjálpa börnunum eins og t.d. innanríkisráðherra og bjarga börnunum, þessum íslensku ríkisborgurum sem búa við óviðunandi kjör í öðru landi með manni sem hefur beitt þær ofbeldi?  Það er í raun stóra spurningin.

Með virðingu og vinsemd

Ragnheiður Rafnsdóttir hjúkrunarfræðingur

Höfn - 31. júlí 2012




19.feb. 2017 - 18:00 Aðsend grein

Kúldrast í kotbýlum

Í síðasta blaði var ég með eilitla frásögn af upphafsárum byggðar í Hveragerði en hún hverfðist einkum um eitt fyrsta húsið þar í bæ sem nefndist Lindarbrekka. Sagði ég lítillega frá fyrstu húsráðendunum, þeim Guðmundi Einarssyni og Sigríði Guðmundsdóttur, og mun ég nú gera nánari grein fyrir æviferli þeirra sem um margt var dæmigerður fyrir lífsbaráttu alþýðufólks á fyrri hluta síðustu aldar.

 

18.feb. 2017 - 18:00 Aðsend grein

Einelti er samfélagsmein

Einelti er alvarlegt samfélagsmein. Hátt hlutfall þeirra sem á fullorðinsárum glíma við geðræn og félagsleg vandamál eru fórnarlömb eineltis.  Afleiðingar eineltis eru gríðarlega alvarlegar. Til þess að komast í gegnum þá þungbæru reynslu þurfa mörg fórnarlömb eineltis á umfangsmikilli heilbrigðis- og félagsþjónustu að halda til margra ára, með tilheyrandi kostnaði fyrir samfélagið.
17.feb. 2017 - 18:00 Akureyri vikublað

Hin dásamlegu mistök

Ég ólst upp á Þingvallastrætinu á hæðinni fyrir neðan skákfélagið. Ég kíkti stundum upp á laugardagsmorgnum og tók eina og eina skákæfingu með öðrum krökkum en ég varð aldrei sterkur skákmaður. Mig skorti þolinmæðina og einbeitinguna. Athyglisbresturinn þvældist þar fyrir mér eins og annars staðar.
17.feb. 2017 - 18:00 Vesturland

Verkfall sjómanna – til umhugsunar

Ég er ekki á íslenskum kjarasamningi og á því ekki beinna hagsmuna að gæta í sambandi við verkfall sjómanna og því getur enginn sagt að eftirfarandi pistill sé skrifaður í eiginhagsmunaskyni. Ég nýt því þeirra forréttinda, öfugt við marga, að geta sagt það sem ég hugsa án þess að eiga á hættu að missa plássið.

14.feb. 2017 - 07:00 Akureyri vikublað

Algjör gaur

Vinkona mín var að byrja í nýju starfi sem yfirmaður. Hún er eldklár og gengur vel. Við vorum að ræða nýja starfið og hún sagði: það gengur vel og ég er bara algjör gaur. Ég vissi hvað hún var að meina en fékk samt smá sting í hjartað. Algjör gaur? Hún var að meina að það væri ekkert vesen. Hún gæti tekið erfiðar ákvarðanir og svo framvegis. Hún gat gert allt það erfiða án þess að vera miður sín.
12.feb. 2017 - 17:00 Aðsend grein

Örlagarík sjóferð

Mynd af Hvanneyri frá 1912. „En nú kemur að þeim kafla í sögu vinar míns sem mér er sárt að minnast en segi þó sannleikanum samkvæmt. Þegar leið á sláttinn kom skólastjóri auga á það að Jón var ekki meðal allra fremstu sláttumanna. Það var eðlilegt því hann hafði alltaf á sjó verið. En nú fór það svo að skólastjóri fór fram á það að Jón lækkaði kaup sitt dálítið af þeim sökum. Jón neitaði því að sjálfsögðu og sagði upp vinnunni.“
12.feb. 2017 - 07:00 Akureyri vikublað

Brýnt að fjölga leikskólakennurum

Dagur leikskólans var 6. febrúar. Hann er haldinn hátíðlegur í öllum leikskólum landsins en mjög er misjafnt hvað gert er í tilefni dagsins. Margir leikskólar bjóða heim til að kynna starf sitt á meðan aðrir gera sitt lið út af örkinni eða senda efni frá sér á veraldarvefinn, til að kynna sig og starfið.
11.feb. 2017 - 18:00 Akureyri vikublað

Eigum við ekki að tryggja öllum hagkvæmt húsnæði?

Skortur er á hagkvæmu húsnæði til leigu og í búseturétti víða um landið. Íbúðaverð og leiguverð á Akureyri endurspeglar þetta og hefur þotið upp. Almenningur sem ekki heldur á fúlgum fjár á mjög erfitt með að kaupa íbúð og leiguverð er hærra en svo að auðvelt sé að spara fyrir útborgun.
10.feb. 2017 - 10:00 Aðsend grein

Tortola

Heilir og sælir kjósendur góðir. Þið eruð sérlega skemmtilegt fólk. Vitið þið hvað það er sem kosningarétturinn færir ykkur í hendur? Þið gætuð haldið pólitíkusunum í spennitreyju,vegna hugsanlegrar útkomu úr kosningum hverju sinni. Þ.e.a.s. ef ekki væri borðleggjandi í þeirra herbúðum sú staðreynd að kjósendur kjósa alltaf það sama og síðast , á hverju sem veltur. Að loknum kosningum rjúkum við heim  og grenjum þar yfir því að engar breytingar urðu á hinu pólitíska sviði í þessum kosningum. Auðvitað ekki, ég kaus alveg eins og síðast. Stjórnmálamennirnir haga sér nákvæmlega eins og þeim sýnist.
09.feb. 2017 - 13:00 Aðsend grein

Lausn sjómannaverkfallsins, gjörið svo vel

Þegar ríkisstjórn Jóhönnu Sigurðardóttur og Steingríms Sigfússonar afnam einhliða sjómannaafsláttinn svokallaða 2009 eftir að hann hafði gilt nærri hálfa öld þótt ekki væri hann hár varð fjandinn laus og morgunljóst að einn daginn yrði allt í báli. Þegar sjómannaafslátturinn var settur að tilhlutan ríkisstjórnar voru sjómenn eina stétt landsins sem naut fríðinda vegna vinnu fjarri heimili og þótti eðlilegt. Í dag njóta allar stéttir landsins skattfríðinda vegna vinnu fjarri heimili nema sjómenn. Ótrúlegt. Það er náttúrulega fáránlegt og skýtur skökku við að sjómenn skuli þannig látnir sitja á hakanum og það er mikill dónaskapur og mikil valdbeiting gagnvart sjómönnum að slíkt skuli viðgangast.

05.feb. 2017 - 18:00 Akureyri vikublað

Lífsgæði

Hvað er það? Í hverju felast lífsgæði? Svörin eru sennilega eins mörg og svarendurnir. Það sem einn metur sem mikil lífsgæði telur annar sjálfsagðan hlut. Sennilega ræður þar mestu um hvar og hverjum við erum fædd. Mín lífsgæði felast í mörgu. Fyrir utan mat, húsaskjól, hreint loft, vatn og ýmislegt nærtækt, þá tel ég það til minna lífsgæða að starfa í Svalbarðsstrandarhreppi. Það að fá að aka þangað og heim aftur á hverjum virkum degi eru forréttindi sem ég sleppi ekki svo glatt. Þessi kitlandi tilfinning og örlitli spenningur um hvað ég sjái nú nýtt á leiðinni veldur því að ég hef á tilfinningunni að ég sé að fara í frí í hvert sinn sem ég ek yfir um.

04.feb. 2017 - 18:00 Aðsend grein

Mannauðurinn mikilvægi

Það var hlýlegt og notalegt andrúmsloft sem að mætti mér þegar ég kom á vígslu nýrrar hjúkrunardeildar á dvalarheimilinu Lundi á Hellu núna síðastliðinn föstudag. Boð á þessa athöfn var kærkomið eftir annasama viku í þinginu þar sem ég upplifði svo margt í fyrsta sinn. Jómfrúarræða, formennska í utanríkismálanefnd, fyrsti fundur í velferðarnefnd og fyrsta skiptið í forsetastól Alþingis. Það var því gott að fá tækifæri til að fara út úr bænum og samgleðjast heimilisfólkinu á Lundi og þeim öfluga hópi sem staðið hefur að undirbúningi og framkvæmd við nýbygginguna. Og svo þessi dásamlegi söngur. Það er bara eitthvað við karlakóra sem að bræðir hjartað og Karlakór Rangæinga gerði það sannarlega.
03.feb. 2017 - 18:00 Vesturland

Nýr valkostur í sálfræðimeðferð og ráðgjöf fyrir fólk

„Tölum saman“ er nýtt úrræði á vegum Kvíðameðferðarstöðvarinnar og Dags Bjarnasonar geðlæknis sem miðar að því að auka aðgengi almennings, þá sérstaklega fólks á landsbyggðinni, að gagnreyndri sálfræðimeðferð og ráðgjöf.  Um er að ræða fjarþjónustu þar sem viðtal við sálfræðinginn fer fram með öruggum hætti í gegnum myndfundi á internetinu með forritinu Kara connect.
30.jan. 2017 - 07:00 Vestfirðir

Níðst á þeim, sem verst standa

Ríkisstjórn Framsóknarflokksins,sem var að fara frá, ætlaði að koma á svokölluðu starfsgetumati  fyrir öryrkja og hún ætlaði að hækka eftirlaunaaldurinn.Það átti að hækka aldurinn úr 67 árum í 70 ár í áföngum.Starfsgetumat felst í því að falla frá læknisfræðilegu örorkumati og byggja í staðinn örorkumatið á því hvað hver öryrki geti unnið mikið.Ríkisstjórn Framsóknar hvarf frá hvoru tveggja.
28.jan. 2017 - 18:00 Austurland

Hvað er nýsköpun?

Í mínu starfi hér á Austurlandi hefur mér gefist sá heiður að umgangast fjölbreyttan hóp fyrirtækja, einstaklinga og stofnana í þeim tilgangi að vinna með orðið nýsköpun á margvíslegan hátt. Með námskeiðum, keppnum og annarri fræðslu hafa skapast líflegar umræður og það sem er ekki síður mikilvægt, vangaveltur um hvað sé nýsköpun.

24.jan. 2017 - 07:00 Akureyri vikublað

Ekki dreyma annarra drauma

Ég hef skrifað greinar hin síðari ár í Hamingjuhorninu mínu og á þessum tíma ársins er umfjöllunarefnið oft markmiðasetning og leiðir til að takast á við breytingar. Oftar en ekki förum við yfir síðasta ár og metum hvað hefur gengið vel og hvernig líf okkar hefur breyst. Þetta er líka sá tími sem maður skoðar hvaða áskoranir hafa bankað upp á og metur hvernig tekist var á við þessar áskoranir. Persónulega þá skoða ég hvaða lífsverkefni ég hef tekið með mér á milli ára og hvað það er sem ég vil næra á nýju ári.

23.jan. 2017 - 18:00 Akureyri vikublað

Loftgæði

Einstaka sinnum kemur það fyrir að ég sleppi lofti út um bakhlutann á mér. Sárasjaldan (sennilega ágreiningsatriði) gerist það uppi í rúmi. Fyrir það fæ ég ávítur frá betri helmingnum og beittar spurningar um af hverju ég gat ekki leyst þetta loft úr læðingi þegar ég var inni á baðherbergi bara nokkrum mínútum fyrr.

21.jan. 2017 - 17:00 Suðri

Í upphafi árs

Við sérhvert upphaf er við hæfi að staldra við, gera upp liðinn tíma og leggja línur fyrir framtíðina.  Í upphafi árs er hverjum manni hollt að skyggnast með þessum hætti inn í líf sitt og greina hvort ástæða sé til þess að gera breytingar.  Slík skoðun getur snúið að þáttum sem snúa beint að viðkomandi sjálfum, háttsemi gagnvart þeim sem samferða honum eru á lífsgöngunni eða samfélaginu sem hann lifir í.  Þetta er góður tímapunktur til að skoða það hver við erum, hvar við stöndum, hvert við stefnum og hvað við höfum að gefa. Erum við á réttri leið?  Við getum ekki öllum stundum leyft okkur að hugsa um okkur sjálf því við erum hluti af heild, s.s. fjölskyldu, samfélagi, þjóðfélagi eða einhverju þaðan af stærra.  Vissulega verðum við að hugsa vel um okkur sjálf til að geta verið virk innan okkar heildar en væntingar eru gerðar til allra sama hvaða stöðu í samfélaginu þeir gegna.
20.jan. 2017 - 07:00 Aðsend grein

Hvað boðar nýjárs blessuð sól ?

Gaukshöfði í Þjórsárdal Veðurguðirnir eru okkur hliðhollir um þessar mundir. Það yrði ánægjulegt að fá annað eins veðurfar eins og við upplifðum á síðasta ári. En þjóðin býr í landi  sem á ekki vanda til að geta talist hlýindaland. Ekki er allt fengið með mikilli hlýnun. Ástandið í þjóðmálum getur varla annað en talist nokkuð gott ef horft er til ríkispyngjunnar. Mér skilst að hún sé vel haldin. Virðist mér að þar sé um að þakka ytri aðstæðum ekki síður en kænsku stjórnmálamanna. Útlit er fyrir að einhverskonar stífla sé til staðar þegar kemur að ráðstöfun úr pyngjunni, til þeirra málaflokka þar sem þörfin er brýnust.
20.jan. 2017 - 07:00 Aðsend grein

Húsið við Hamarinn

Gamlir Hvergerðingar muna eflaust eftir litlu timburhúsi sem stóð rétt suður af Hamrinum í Hveragerði og nefndist Lindarbrekka. Það var reist sem sumarhýsi af fátækum hjónum um þær mundir sem heimskreppan gerði vart við sig hérlendis árið 1930. Hjónin áttu lögheimili í Hafnarfirði en þau hétu Guðmundur Einarsson og Sigríður Guðmundsdóttir. Börnin voru 11, fædd á árabilinu 1914-1928 en tvö þeirra dóu skömmu eftir fæðingu og einn sonurinn lést af slysförum árið 1931. 
19.jan. 2017 - 11:07 Aðsend grein

9 leiðir til að auka viljastyrkinn fyrir árið 2017

Nýja árið byrjað fyrir alvöru, hátíðin löngu búin og ég búinn að þyngjast um lágmark fimm kíló, örugglega meira og þori ekki enn að stíga á vigtina.  Þetta gerðist eftir að tengdaforeldrar mínir kíktu í heimsókn til mín í Den Haag, tengdapabbi sá til þess að nóg væri til af belgískum bjór og tengdamamma eldaði æðislegar máltíðir og bauð okkur einnig út að borða. Síðan kom ég heim um áramótin þar sem foreldrar mínir fæddu mig eins og ég hafi verið hungurmorða áratugum saman. Þetta allt saman hefur því miður skilið eftir sig augljósa minningu á miðjum líkama mínum.


17.jan. 2017 - 07:00 Austurland

Læra menn aldrei af reynslunni?

Um 1930 ætluðu kappsfullir fjáraflamenn að bæta efnahag sinn og landsmanna með minkaeldi á Íslandi.  Þessar lífverur sem menn bundu vonir sínar við , tolldu illa í haldi og urðu að plágu í íslensku lífríki eins og við þekkjum öll.  Innflutningur á erlendu sauðfé breiddi líka út sjúkdóma sem urðu þjóðinni mjög dýrir við að fást. 
16.jan. 2017 - 18:00 Austurland

Sameiningamálin

Nú í upphafi árs er ástæða til að rýna aðeins stöðu sveitarstjórnarstigsins og horfa aðeins fram á veginn, að svo miklu leyti sem það er hægt í heimi mikilla umbreytinga þar sem takast þarf á við nýjar áskoranir á degi hverjum. Efling sveitarstjórnarstigsins er málefni sem virðist nú komið aftur á verulega hreyfingu og er Innanríkisráðuneytið meðal annars um þessar mundir að efna til funda um málefnið á sameiginlegum vettvangi sveitarfélaga.
15.jan. 2017 - 18:00 Austurland

Felst framtíðin í minningum barnanna okkar?

Ef manni líður vel í uppvextinum eykur það líkurnar á því að minningar æskuáranna verði góðar. Líklegt verður að teljast að góðar æskuminningar auki áhuga fólks á því að búa þar sem minningarnar urðu til og þá skoðun styðja m.a. niðurstöður rannsókna á viðhorfum brottflutts fólks til uppeldisstöðvanna.

15.jan. 2017 - 08:00 Vestfirðir

Haldið til Hvanneyrar

Hvanneyri árið 1912 „Hann var gæddur fjölhæfum gáfum, listrænn og nokkuð skapmikill en stillti alltaf í hóf. Öll léttúð var fjarri skapi hans en hann átti gott skopskyn og var góður sögumaður. Hann var mikill náttúruskoðari. Hvað útlitið snerti var hann í hærra lagi meðalmaður á vöxt, þreklega vaxinn. Andlitið dálítið stórskorið en sviphreint og karlmannalegt. Allur var hann mjög traustvekjandi, nokkuð seintekinn, en alúðlegur og skemmtilegur í viðmóti enda hinn besti samstarfsmaður og skólafélagi. Tryggari vin hef ég aldrei átt.“ Svo segir í eftirmælum sem Ingimar Jóhannesson frá Meira-Garði í Dýrafirði skrifaði um æskuvin sinn, Jón Mósesson, en ég hef nokkuð fjallað um fjölskyldu þess síðarnefnda að undanförnu.
14.jan. 2017 - 18:00 Aðsend grein

Kaupmáttur hefur aldrei verið meiri, fyrir suma

Ellen Calmon formaður Öryrkjabandalags Íslands.

„Mikil hækkun kaupmáttar og launa“, „kaupmáttur aldrei verið meiri“, „2015 – ár mikilla launahækkana“. Þetta eru örfá dæmi um yfirskriftir frétta um launahækkanir og kaupmáttaraukningu launa á þessu ári og því síðasta, en fjölmargar fréttir hafa verið fluttar af kaupmáttaraukningu. En hvernig hefur þróun kaupmáttar verið hjá örorkulífeyrisþegum síðustu ár?

12.jan. 2017 - 07:00 Austurland

Reiður, gamall maður

Ég ætti að vera latur og værukær. Ég er kominn á sextugsaldur, er í góðri stöðu og á fallegt heimili. Ég á meira að segja barnabörn. Ég ætti að vera vaxinn upp úr hlutverki reiða, unga mannsins. Eftir öll þessi ár finnst mér ég eiga það inni að fá að slaka á og láta yngri kynslóðum eftir eldmóðinn og hugsjónirnar til að breyta heiminum.
06.jan. 2017 - 06:00 Akureyri vikublað

2016

Þá er enn eitt árið liðið og við göngum til móts við nýtt ár með fögur fyrirheit að vopni eins og venjulega. Á slíkum tímamótum er venjan að íhuga hið liðna og spá í spilin varðandi hið ókomna. Þegar litið er yfir fréttaannála má segja að árið 2016 hafi verið hálfgert hörmungarár. Fráfall Davids Bowie gaf tóninn og síðan þá höfum við séð á eftir fjöldanum öllum af einstökum listamönnum. Til að reka endahnútinn á þessar hörmungar misstum við George Michael á sjálfan jóladag undir óminum af „Last Christmas“. Annað sem einkennt hefur árið eru stríðshörmungar, hryðjuverkaárásir og sú staðreynd að Bandaríkjamenn kusu einn vafasamasta karakter samtímans sem sinn næsta forseta. Ef ekki væri fyrir einstök íþróttaafrek Íslendinga á árinu mætti hreinlega henda þessu ári samkvæmt helstu fyrirsögnum.

26.des. 2016 - 18:00 Akureyri vikublað

Að vera eða vera ekki ríkur

„Money makes the world go around“ segir einhvers staðar og víst er að hugur okkar dvelur oft við fyrirbærið. Ég er í hópi þeirra ríku. Ég, leikskólakennarinn og sundþjálfarinn, sem er gift verkamanni. Ég á núorðið alltaf afgang þegar koma mánaðamót þrátt fyrir að leggja til hliðar fyrir mögru árin.
26.des. 2016 - 07:00 Suðri

Skógarhögg hafið hjá Kiwanisklúbbnum Ós

Á þessu starfsári heldur Kiwanisklúbburinn Ós upp á 30 ára afmæli. Starfsemin hófst á stjórnarskiptafundi í Pakkhúsinu þar sem Haukur Sveinbjörnsson umdæmisstjóri Kiwanisumdæmisins Ísland-Færeyjar kom og sá um stjórnarskiptin. Honum til aðstoðar var umdæmisritari Sigurður Einar Sigurðsson en báðir eru félagar í Ós. Þess má nefna að það sem af er ári hafa fimm nýir félagar gengið í klúbbinn.


Aðsendar greinar
Hér birtast aðsendar greinar og yfirlýsingar sem tengjast efni því sem birtist á Pressunni. Netfang: pressan@pressan.is
(15+16+17 / 22+23+24) Smi/Nor: Best í Test - feb
Akureyri vikublað
Akureyri vikublað - 14.2.2017
Algjör gaur
Hannes Hólmsteinn Gissurarson
Hannes Hólmsteinn Gissurarson - 18.2.2017
Hvar eru gögnin um spillinguna?
Indíana Ása Hreinsdóttir
Indíana Ása Hreinsdóttir - 13.2.2017
Um hvítvín og umhverfissubbur
Hannes Hólmsteinn Gissurarson
Hannes Hólmsteinn Gissurarson - 19.2.2017
Hugleiðingar á 64 ára afmælinu
Indíana Ása Hreinsdóttir
Indíana Ása Hreinsdóttir - 17.2.2017
Taktu afstöðu og dansaðu
Aðsend grein
Aðsend grein - 19.2.2017
Kúldrast í kotbýlum
Akureyri vikublað
Akureyri vikublað - 17.2.2017
Hin dásamlegu mistök
Vesturland
Vesturland - 17.2.2017
Verkfall sjómanna – til umhugsunar
Kristinn Karl Brynjarsson
Kristinn Karl Brynjarsson - 22.2.2017
Rafretturugl ráðherra
Aðsend grein
Aðsend grein - 18.2.2017
Einelti er samfélagsmein
Ingrid Kuhlman
Ingrid Kuhlman - 20.2.2017
Orð hafa mátt – vöndum valið
Björgvin G. Sigurðsson
Björgvin G. Sigurðsson - 18.2.2017
Trump og tónarnir frá þriðja ríkinu
Magnús Þór Hafsteinsson
Magnús Þór Hafsteinsson - 19.2.2017
Verkfallið
Hannes Hólmsteinn Gissurarson
Hannes Hólmsteinn Gissurarson - 22.2.2017
Rafræn fræðirit til varnar frelsi
Fleiri pressupennar