15. feb. 2012 - 09:15Aðsend grein

Marinó: Sighvati Björgvinssyni svarað

Marinó G. Njálsson.

Marinó G. Njálsson.

Sæll Sighvatur,

Þetta er Marinó "nokkur" Njálsson.  Þú sendir mér pillur í einhverju bræðikasti, þar sem þér líkar ekki við málflutning minn um orð þín í Silfri Egils sl. sunnudag. Ég tek það fram að ég á ekki í neinu stríði við þig og mér þykir þú fara sérkennilega leið að Ólafi Arnarsyni að spyrða málflutning okkar saman.  Við Ólafur höfum svo sem þekkst í mjög mörg ár, leiðir okkar lágu saman í MR, en þess fyrir utan ekki talað mikið saman nema þá sjaldan að við hittumst á förnum vegi.

Mér fannst það merkilegt, sem þú sagðir í Silfrinu sl. sunnudag og þá sérstaklega orðin:
    ..og ég hef stóran hluta af mínum lífeyristekjum frá þeim árum sem ég var blaðamaður, þannig að ég veit alveg hvað ég er að segja um þetta.. (orðrétt eftir þér haft)
Ég benti á í færslu sl. sunnudag og aftur í dag, að þetta geti ekki staðist, þ.e. ómögulegt sé að lífeyrisgreiðslur vegna starfa sem blaðamaður (ritstjóri Alþýðublaðsins) frá 1969 til 1974, standi undir stórum hluta lífeyristekna þinna í dag.  Slíkt sé ekki fræðilegur möguleiki.  Benti ég á því til stuðnings orð Guðmundar Gunnarssonar, fyrrverandi formanns Rafiðnaðarsambands Íslands, sem sat með þér í settinu síðasta hluta umræðunnar.  Hann sagðist hafa greitt í lífeyrissjóð í 10 ár, þegar verðtryggingin var sett á.  Þá hafi inneign hans verið búin að rýna niður í andvirði eins lambalæris.

Ég sé að þessi málflutningur minn fer eitthvað illa í þig.  En þó svo sé, finnst mér í lagi að greinir satt og rétt frá.  Líklegast hefur þú í starfi þínu hjá Þróunarsamvinnustofnun átt erfitt með að fylgjast með þjóðfélagsumræðunni hérna heima, en mig langar til að leiðréttar nokkrar rangfærslur hjá þér og óþarfa ergelsi:

Þú segir:
    Ég sé nú að Marinó nokkur Njálsson sem mun hafa verið formaður Hagsmunasamtaka heimilanna en sagði af sér, væntanlega af ærnu tilefni, sem eitthvað var víst rætt um á þeim tíma, tekur í tauminn með þér. Því geri ég ykkur báðum, þér og Marinó, sama tilboðið.
Hér tekst þér einhvern veginn að snúa flest á annan veg en það er:

    * Fyrsta er þetta með "Marinó nokkur Njálsson".  Þú hefðir nú getað hringt í hana Jóhönnu fyrrum samstarfskonu þína og spurt hana út í þennan mann sem dirfðist að efast um sannleiksgildi orða þinna.  Auk þess er óvirðing að tala um menn á þessum nótum, þegar síðan er beint áskorun til manns.  Loks, þá aðgreini ég mig með G. fyrir Gunnar vegna þess að ég á mér nafna, Marinó Njálsson, sem er hinn mætasti maður og vil ég ógjarnan að villst sé á okkur.  Báðir höfum við unnið hjá sama fyrirtæki, báðir eru við kenndir við tölvubransann og báðir erum við í sama gönguhópnum.  Því greini ég mig skýrt með þessu G á milli fornafns og eftirnafns.  Eitt í viðbót aðgreinir okkur nafna.  Hann er kallaður Marri en ég Maddi af þeim sem nota ekki Marinó.

    * "..mun hafa verið formaður Hagsmunasamtaka heimilanna.." - ég var aldrei formaður HH, ekki einu sinni varaformaður, en gegndi um tíma stöðu ritara.

    * "..en sagði af sér.." - ég get ekki sagt af mér embætti sem ég gegndi ekki, en ég vissulega hætti í stjórn áður en kjörtímabilinu lauk.  Ég sem sagt sagði mig úr stjórninni.

    * "..væntanlega af ærnu tilefni.." - hér gefur þú í skyn að ég hafi haft óhreint mjöl í pokahorninu. 

Staðreyndin er sú, að ég hafði gert samkomulag við konuna mína að um leið og ég og okkar fjármál yrði að söluefni í fjölmiðlum, þá stigi ég til hliðar. Já, tilefnið var ærið, það var loforð sem ég stóð við.  Menn hafa leitað að ýmsu til að gera mig tortryggilegan. Nú síðast sá Viðskiptablaðið ástæðu til að slá því upp, að fyrir 18 árum hafði ég dæmt handboltaleiki með Þorgerði Katrínu Gunnarsdóttur.  Þetta hlýtur þá að þýða að þessi 18 ár á milli fundu þeir ekki neitt!

    * "..tekur í tauminn með þér.." - gefur þú þarna í skyn að ég taki í tauminn með Ólafi Arnarsyni, en hið sanna er að mín færsla um að ekki stæðist að stór hluti lífeyrisgreiðslna þinna kæmu frá tímum þínum sem blaðamanns birtist áður en Ólafur birti sína, þannig að nær væri að tala um að Ólafur hafi gripið í tauminn með mér.

Boð um upplýsingaskipti


Þú gerir mér tilboð um einhver upplýsingaskipti, eins og ég hafi skorað á þig um að gefa upp einhverjar upplýsingar.  Því fer fjarri lagi.  Ég hef bara farið fram á að þú leiðréttir orð þín um að stór hluti lífeyris þíns komi frá því sem þú greiddir inn fyrir 38-43 árum.  Ég tek þessi orð ekki trúanleg, sérstaklega þegar orð Guðmundar Gunnarssonar um að hans lífeyrir hafi rýrnað niður í ígildi lambalæris þó hann hafi safnað í 10 ár en þú bara fimm.

Þú segir svo að ég fari með lygasögur.  Þær hef ég engar sagt, nema að ég kallaði þig óvart kommissar hjá Tryggingastofnun en átti að vera Þróunarsamvinnustofnun.  Var það saklaust misminni.

Þú biður mig um að hlusta á upptökur af þættinum:

    Síðasta Silfur Egils er á netinu og nærtækt fyrir þá sem vilja fara með satt en ekki búa til lygi að heyra það orðrétt, sem þar var sagt. Þar sagði ég að ég þekkti til hinna almennu lífeyrissjóða af eigin reynslu því kona mín fengi sinn lífeyri þaðan og ég sjálfur fengi greiðslur úr lífeyrissjóði blaðamanna.  Ég sagði aldrei að þorri lífeyrisins míns kæmi þaðan enda fer því víðs fjarri. Það er lygasaga, tilbúningur ykkar.
Allt í lagi, hlustum þá á Silfrið.  Hægt er að nálgast upptökuna hér.  Þrjú myndbönd eru birt í færslunni og sé myndband nr. 2 skoðað, þar sem Sigurður Þ. Ragnarsson kemur fram, þá segir þú orðrétt eftir 7 mínútur og 29 sekúndur:
    ..og ég hef stóran hluta af mínum lífeyristekjum frá þeim árum sem ég var blaðamaður, þannig að ég veit alveg hvað ég er að segja um þetta..
Vissulega notaði ég eftir minni "meginhluta", þar sem ég hafði ekki upptökuna þegar ég skrifaði færsluna.  Leiðréttist það hér með.  En hver stór hluti er "stór hluti" miðað við "meginhluti"?  Á þessu er í mínum huga bitamunur en ekki stærðarmunur. Þú gætir haft aðra skoðun á því.  Túlkunaratriði hvort 30% sé nóg til að vera stór hluti, eða hvort það þurfi að vera yfir 50%.  Samkeppniseftirlitinu finnst t.d. 40% ekki vera nógu stór til að vera "stór hluti", þ.e. samkeppnisráðandi.  Þetta er því erfitt túlkunaratriði sem hver og einn hefur líklegast sína sýn á.  Ólafur Arnarson færði ögn í stílinn og sagði þig hafa sagt engan annan lífeyri fá.  En það voru ekki mín orð og óska ég eftir því að þú gerir greinarmun á okkur Ólafi.  Við kunnum að vera á svipuðum aldri og með stúdentspróf frá sama skóla, en hann er með ljóst hár, ég dökkt,  á okkur er ágætur munur í þyngd, hann er sjálfstæðismaður en ég er í Samstöðu og hann er uppalinn í Garðabæ, ég á Seltjarnarnesi og svona mætti lengi telja.  Ekki vildir þú að Siggi ruglaði ykkur Styrmi saman.

Þú heldur svo áfram:
    Ég kæri mig hins vegar ekki um að búa til sams konar lygasögur um persónulega hagi ykkar og þið gerið um mig.  Því endurtek ég tilboðið.  Ég er reiðubúinn að gera opinberlega grein fyrir mínum persónulegu högum þannig að fólk geti sjálft séð hvort og þá að hve miklu leyti mínir eiginhagsmunir hafi áhrif á þær skoðanir sem frá mér koma.
Það er nú um seinan fyrir þig að búa ekki eitthvað til um mig.  Þú ert bæði búinn að gera það beint og óbeint.  Ég hef ekki búið til eitt eða neitt um þína persónulegu hagi, þar sem ég hef enga vitneskju um þá né kæri mig um slíka vitneskju.  Ég hef ekki efast um hvaða hagsmuna þú ert að gæta eða gert ráð fyrir að málflutningur þinn sé á annarlegum nótum.  Ég efast um að ég hafi hagsmuna að gæta varðandi greiðslur til þín úr þeim lífeyrissjóði sem þú ert líklegast að fá blaðamannalífeyrinn þinn úr (án þess að ég viti hvaða sjóður það er) og ef svo er þá eru þeir hagsmunir mjög litlir.  Mínir stærstu lífeyrishagsmunir eru nefnilega í Söfnunarsjóði lífeyrisréttinda og hann var ekki stofnaður fyrr en um það leiti sem þú steigst inn á þing eða 26. september 1974.

Hvers vegna ætti ég að gera grein fyrir mínum persónulegu högum, eignum, skuldum og tekjum? Ég hef ekki óskað eftir slíku frá þér og hef engan áhuga á slíkum upplýsingum.  Hugsanlega þætti einhverjum fjölmiðlum það áhugavert, en ég hef engan áhuga á að svala forvitni þeirra.  Ég vil bara að þú viðurkennir, að þú hafir mismælt þig eða orðið á í messunni.  Hafir þú ætlað að segja að þú hefðir góðar tekjur frá lífeyrissjóðinum sem þú greiddir í sem blaðamaður eða nokkrar eða eitthvað annað, þá er það hið besta mál.  Þú þarft ekki annað en að leiðrétta það.  En að gera þann úlfalda úr mýflugu sem þú gerir er fáránlegt.  Auk þess væri ekki nóg fyrir þig að gera grein fyrir eignum, skuldum og tekjum í dag.  Til þess að við stæðum jöfnum fótum, þá yrðir þú að fara aftur til áranna sem þú segist hafa stóran hluta lífeyris þíns frá, svo hægt væri að rekja hvernig réttindi þín þróuðust.  Síðan yrðir þú að gera grein fyrir lánum sem þú tókst á þeim tíma, upphæð þeirra og greiðsluflæðið af þeim.  Ertu til í það?  Ég hef engan áhuga á að vita það, en ég vil bara að hlutirnir séu á jafnréttisgrunni.

Mín saga í grófum dráttum


Ég hef sagt flest af því sem kemur hér fyrir neðan áður og hefið því verið auðvelt fyrir þig að leita upplýsingarnar uppi á vefnum.

Í mars 2002 eignuðumst við hjónin yndislega dóttur. Bættist hún við ekki minna yndislegan hóp þriggja barna. Við þessa fjölgun stóðum við frammi fyrir því að þáverandi húsnæði myndi ekki duga okkur innan fárra ár. Við héldum samt aftur af okkur meðan strákarnir gátu deilt herbergi, en ljóst var að slíkt gat ekki gengið til lengdar. Sóttum við því um lóð í Þingahverfi í Kópavogi vorið 2005, þ.e. áður en mesta brjálæðið byrjaði, og fengum. Hugmyndin var að byggja eins ódýrt og hægt væri og láta söluandvirði af gamla húsinu dekka framkvæmdakostnað vegna nýja hússins. Ég er viss, Sighvatur, að þú eða einhver í kringum ykkur hjónin hafi farið eins að hér á árum áður. Ég er líka viss um að þú hafir átt þér svipaðan draum, fyrir utan að margt er líkt með okkur hvað fjölskylduna varðar, þ.e. 4 börn, 2 strákar og 2 stelpur.  Já, okkur hjón langaði til að byggja okkar draumahús.

En draumurinn snerist upp í martröð, þegar fasteignamarkaðurinn botnfraus í nóvember 2007 rétt um það leiti þegar við vorum komin nógu langt með nýja húsið til að setja það gamla á sölu. Við sitjum uppi með tvær eignir. Aðra sem við getum ekki selt (án þess að tapa háum upphæðum) og hina sem við náum ekki að klára (þó vissulega styttist í það, er að sparsla efri hæðina eftir því sem tími og peningar leyfa, en verð að láta vera að fá fagmenn í verkið). Við búum í nýja húsinu og mikið væri gott að geta gert það áfram.

Við erum með alla flóruna í lánum. Þegar ég sá hvert stefndi vorið 2008, reyndi ég að fá öll lán fryst meðan það versta væri að ganga yfir. Í ljós koma að það versta var framundan, en ekki að baki, og við, þ.e. Íslendingar, erum enn að moka okkur í gegn um skaflinn. Framan af gerðum við allt til að halda lánum í skilum og lánadrottnum góðum. Frystingar fengust, greiddir voru bara vextir og svona mætti lengi telja. Frekar seig á ógæfuhliðina þegar SPRON féll í mars 2009.  Má segja að sú ákvörðun Steingríms og Gylfa Magnússonar, að færa SPRON ekki yfir í Nýjan SPRON hafi orðið að myllusteinum um háls okkar hjóna. Myllusteina sem ómögulegt hefur verið að losna við og eru bök okkar sífellt að bogna meira undan þeim.

En eitt verður ekki af okkur tekið. Við höfum sífellt reynt að semja. Ég á það skjalfest, að 904 dagar eru í dag frá því fyrsta tilboð okkar um skuldauppgjör fór til eins lánadrottins okkar hjóna. Á þessum 904 dögum hefur ýmislegt verið reynt og ekki í einu einasta tilfelli hefur verið gert ráð fyrir niðurfellingu upprunalegs höfuðstóls veðlána. En ekkert hefur gengið þrátt fyrir að ég hafi gert fleiri tilboð en ég kæri mig um að nefna.

Á sama tíma hef ég barist harðri baráttu fyrir leiðréttingu lána allra heimila með húsnæðislán og hef ALDREI látið mína stöðu stjórna gjörðum mínum. Raunar er það þannig, að í sumum tilfellum hef ég talað fyrir úrræðum sem hafa gengið gegn hagsmunum okkar hjóna. (Gerði ég það m.a. í vinnu sérfræðingahópsins svo kallaða.)

Á þessum tíma hef ég líklegast fórnað tekjum upp á 8-9 m.kr. bæði vegna þess að ég hef látið hagsmunabaráttuna allt of oft ganga fyrir tekjuöflun og hitt að fyrirtæki úr ákveðnum geira þjóðfélagsins hafa ekki beint verið æst í að kaupa þjónustu af mér, en þau sköffuðu mér aftur uppistöðuna í tekjum mínum áður fyrr.

Þrátt fyrir þetta hefur hópur einstaklinga haft það að leik eða vegna sjúkleika að níðast á mér, eins og ég hafi verið á óstjórnlegu neyslufylleríi, vilji láta aðra borga skuldir mínar, tortryggt mig við öll tækifæri og ég veit ekki hvað.  Ég er með þykkan skráp, en þetta hefur reynt mikið á fjölskyldu mína.  Samt tel ég mig bara vera að vinna að því að þeir sem brutust inn á heimili landsmanna skili því sem þeir tóku ófrjálsri hendi.  Í þeim innbrotum eru lífeyrissjóðirnir á vissan hátt þjófsnautar, þar sem þeir hafa glaðir skráð til eigna hjá sér verðbætur af verðbólgunni sem innbrotsþjófarnir orsökuðu.

Framhaldið


Næstu skref eru óljós.  Hæstiréttur, ESA, Evrópuþingið og framkvæmdastjórn ESB eru öll með mikilvæg mál til úrskurðar. Við ættum að heyra frá Hæstaréttin innan 10 daga, en lengra er í hina.  Hugsanlega gætum við fengið fjórar mismunandi niðurstöður og þá verður úr vöndu að ráða. Hvernig sem allt fer, þá vonast ég til að fleiri treysti mér til góðra verka en áður og verkefnin, sem hafa látið bíða eftir sér, fari að koma í hús. Nú ef ekki, þá er bara að halda áfram að freista gæfunnar í útlöndum og vona að maður detti niður á áhugaverð verkefni þar.

Lokaorð

Ég vona að þú Sighvatur sért sáttur við þau svör og þær skýringar sem ég hef gefið hér.  Mig langar ekkert að elda grátt silfur við þig. Mér fannst það aftur neikvætt að þú hafir ákveðið að hagræða sannleikanum í Silfri Egils sl. sunnudag til að koma höggi á félaga minn Sigurð Þ. Ragnarsson, varaformann Samstöðu. Hann fékk ekki færi á að leiðrétta þig þar sem þú tókst upp nær allan tímann sem Egill ætlaði honum. Það er ekki þér að kenna, þannig séð, því auðvitað á Egill að stjórna því hve mikið menn tala, en þér þótti ekkert leitt að yfirgnæfa Sigurð. Sýna að þú værir ekki dauður úr öllum æðum, að það var meiri stormur í þér en Sigga stormi.

Ég held að þar hafir þú misreiknað þig. Almenningur vill ekki lengur panelista sem tala aðra á kaf og leyfa ekki umræðunni að fljóta. Fólk vill heldur ekki menn sem segja "fáránlegt" án þess að skýra það út. Fólk er búið að fá nóg af þeim sem tala allt niður og segja "ekki hægt". Ég hélt að vinnan fyrir Þróunarsamvinnustofnun myndi gera þig víðsýnni, því þar er fólk (að ég get ímyndað mér) sífellt að leysa "ekki hægt" viðfangsefni. Við Siggi stormur, Lilja Mósesdóttir og þau sem eru með okkur í Samstöðu erum einmitt ásamt fleiri góðum félögum okkar úr öðrum flokkum að vinna að því að festa í sessi þessa hugsun hér á landi. "Ekki hægt" er ekki til í okkar orðaforða. Vandamál eru heldur ekki til.  Hjá okkur eru þetta viðfangsefni sem þarf samhentan og hugmyndaríkan hóp til að finna góð lausn á til hagsbótar fyrir þjóðfélagið í heild en ekki þröngan hóp innan þess.

Með vinsemd,
Marinó G. Njálsson



(11-20) GAM jólaskeið 2016
(11-20) Hestar og menn des 2016
(V) DV PS4
Svanhvít - Mottur
10.des. 2016 - 18:00 Akureyri vikublað

Léleg þjónusta við viðskiptavini

Ég er algjör fíkill í lambakjöt, þó svo hrossakjöt sé í boði, en hef lengi furðað mig á hvers vegna þessi uppáhaldsmatur minn er ekki til í minni pakkningum en raun ber vitni. Nú er ég nefnilega einn í heimili og sakna þess sárlega að geta ekki keypt mér bara einu sinni í matinn hverju sinni vegna ofur pakkninga. Súpukjöt blandað er t.d. bara selt sem heill frampartur í plastpokum að vísu niðursagaður og sama er að segja um hangikjötið.
08.des. 2016 - 13:23 Austurland

Umsóknareyðublöðin

Um daginn var ég á fundi þar sem fjallað var um sjóð sem ætlað er að styrkja með nokkrum krónum menningarviðburði í landinu. Forstöðumaður sjóðsins sagði frá því, að við síðustu úthlutun hefði stórum hluta af umsóknum verið hafnað með einu pennastriki af því að sótt hafi verið um á gömlum umsóknareyðublöðum. Auk þess kom fram að nýju umsóknareyðublöðin væru svo flókin að tæpast væri á færi annarra en sérfræðinga að fylla þau út. Þess vegna væri afar brýnt fyrir vonina um styrk úr sjóðnum að sækja sér aðstoð fagfólks. Verkefnið sjálft skipti því ekki mestu máli heldur umsóknin.

05.des. 2016 - 07:00 Austurland

Kúnstin að segja nei

Það eru forréttindi að búa í smábæ en að sama skapi fylgir því mikil ábyrgð.  Smægð samfélagssins gerir íbúum kleift að vera kunnug hvort öðru og aðstoða á marga vegu. Uppáhaldshátíðin mín á Seyðisfirði er 17. júní, þá safnast saman góður hópur fólks og allir eru í rólegheitunum að njóta þeirra viðburða sem eru í boði.
04.des. 2016 - 18:00 Akureyri vikublað

Listin að eltihrella

Fyrir nokkrum árum völdu Íslendingar fallegasta orðið í íslenskri tungu og mátti senda inn uppástungur sem ég og gerði, að sjálfsögðu. Ég sendi inn orðið „eltihrellir“. Svona eftir á að hyggja er líklegt að ég hafi misskilið leikinn.

04.des. 2016 - 18:00 Þorgeir Arason

Að gera sér dagamun

Nú er aðventan hafin og biðin mikla eftir hátíðinni sem er í vændum. Þá munum við sennilega öll vilja, þegar hátíðin kemur loks, gera okkur dagamun. Mig langar aðeins að fá okkur til að hugsa um hvað þetta orðtak þýðir, að gera sér dagamun!
27.nóv. 2016 - 07:00 Akureyri vikublað

Fyrirgefðu að ég þekkti þig ekki

Ég glími við ákveðið vandamál sem ég er fyrst núna á síðustu misserum að læra að viðurkenna.Ég þekki ekki fólk.Þetta er tvíþætt vandamál.Ég á erfitt með að muna nöfn og rugla þeim auðveldlega saman, líka nöfnum sem eru í raun ekkert lík heldur eiga kannski bara eitt hljóð sameiginlegt, eins og Gunnar Jónsson og Jón Haskelsson, og hjálpar tenging við störf eða aldur í raun ekki neitt.Hinn þátturinn er sá að útlit hjálpar ekki heldur til því ég á erfitt með að þekkja andlit. Það er eins og ég einfaldlega sjái ekki muninn á fólki eins vel og aðrir.
25.nóv. 2016 - 07:00 Akureyri vikublað

Umferðarslys og farsímanotkun

Komið hefur fram í fjölmiðlum að tólf manns hafi látist í umferðinni hér á landi, það sem af er þessu ári (20. sept.), eða næstum jafn margir og allt síðasta ár, þar af hafa tvö banaslys orðið hér á Norðurlandi. Þar með hafa 68 einstaklingar látist í umferðinni frá árinu 2011, eða sl. fimm ár. Þetta eru óhugnanlegar tölur, sem hljóta að vekja til umhugsunar og gefa til kynna, hvert stefnir í þessum málum.

20.nóv. 2016 - 07:00 Akureyri vikublað

Rúðuþurrkur

Það tók mig langan tíma að hætta að hafa áhyggjur af áliti annarra. Sem óharðnaður unglingur og langt fram á háskólaárin var ég upptekin af því hvað öðrum fannst um það sem ég gerði, sagði og hverju ég klæddist.
18.nóv. 2016 - 16:00 Austurland

Skemmtiganga á suðurleið

„Það var 24. október að ég lagði af stað heiman frá mér til Reykjavíkur. Klukkan eitt um morguninn lagði ég af stað frá heimili mínu Sjónarhól í Dýrafirði. Bærinn er í miðri sveit norðantil við fjörðinn. Þegar ég kom að bæ þeim er heitir Lækjarás fékk ég mig fluttan yfir fjörðinn. Veðrið var gott og fagurt, ofurlitla morgungolu lagði niður dalinn. Þegar komið var á miðjan fjörðinn sáum við skipið „Gullfoss“ sem ég ætlaði með koma inn fjörðinn.“
18.nóv. 2016 - 07:00 Aðsend grein

Vondir vegir að ferðamannastöðum

Nú á haustdögum komu út tvær forvitnilegar skýrslur á vegum ríkisstofnana sem fjalla um málefni Vestfjarða og Vestfirðinga sem hvorir tveggja hafa verið mér hugleiknir lengi. Önnur skýrslan ber heitið Aðgerðaráætlun fyrir Vestfirði og kom til umfjöllunar á fjórðungsþingi Vestfirðinga nú í haust. Skýrsla þessi sem unnin var af nefnd á vegum forsætisráðuneytisins tekur til ýmissa þátta sem varða hagsmuni Vestfirðinga og er hægt að taka heilshugar undir flest sem í henni stendur.
17.nóv. 2016 - 14:14 Aðsend grein

Opið bréf til Jóns Ásgeirs Jóhannessonar

Sæll Jón Ásgeir! Las í fjölmiðlum nýlega vitnisburð þinn þess efnis að þú sért orðinn “bugaður maður” eftir öll þessi réttarhöld undanfarin ár, það er skiljanlegt það er erfitt að sitja undir ofsóknum yfirvalda árum saman eins og þú segir sjálfur frá.  

17.nóv. 2016 - 13:43 Aðsend grein

Örbirgð, einsemd, einelti

Áhrifamikil sýning í Félagsheimilinu á Blönduósi í gærkvöld, einleikurinn Gísli á Uppsölum. Frábær og hnitmiðaður flutningur, góðar umræður eftir sýninguna um örlög þessa einstaklings Gísla á Uppsölum, sem lenti í einelti strax í barnaskóla, missti af ástinni, fannst hann ekki geta brugðist móður sinni, lifði í vernduðu umhverfi allt sitt líf, lét hverjum degi nægja sína þjáningu, og lifði alla ævi í einsemd án nokkurra lífsgæða.
13.nóv. 2016 - 07:00 Akureyri vikublað

„Hözzlið“

Þið vitið; ein manneskja sér aðra manneskju. Finnst hún áhugaverð eða myndarleg. Jafnvel það sem við köllum heit. Manneskja A sér manneskju B. Reynir að senda einhver skilaboð um „HÆ, ÉG HEF ÁHUGA Á ÞÉR“. Oftar en ekki hunsar manneskja B skilaboðin því að maður á víst að „play hard to get“. Óskrifuð regla í samfélaginu.

11.nóv. 2016 - 20:00 Aðsend grein

Sonur minn er með ADHD og mótþróaröskun

Ég er stolt ung móðir 11 ára drengs með ADHD og Mótþróaröskun (ODD) Hann er í alla staði frábær, glaður og kátur strákur. Hann getur líka orðið óstjórnarlega reiður og sár og langrækinn. Hann er strákur sem vill eiga vini, hann er strákur sem á vini, stundum. Hann er strákur sem aðrir krakkar hafa ekki alltaf þolinmæði fyrir.
08.nóv. 2016 - 07:00 Akureyri vikublað

Fréttir að norðan

Katrín Árnadóttir. Mér líður pínu eins og þeim sem eyðileggur leikinn, þeim sem bendir á hið augljósa, enda ný í starfi og ný á Íslandi eftir 15 ára útlegð. Í starfi mínu sem forstöðumaður markaðs- og kynningarsviðs Háskólans á Akureyri hef ég undanfarna mánuði upplifað ýmislegt. Við sóttum um að taka að okkur kennslu í lögreglufræðum, fengum það og hófum kennslu – allt á undraverðum tíma. Þjóðverjinn myndi klóra sér í höfðinu. Við héldum m.a. 400 manna ráðstefnu um læsi og tókum á móti tæplega 700 nýnemum. Svo mældum við fjölgun nemenda í kennarafræði og hjúkrunarfræði. Bíddu nú við, sagði hún fjölgun? Eitthvað jákvætt? = ekki fréttnæmt.
05.nóv. 2016 - 07:00 Akureyri vikublað

Þriffélagi óskast!

Anna María Þórhallsdóttir kennari.

Mér leiðast þrif!

Ég græt tímann sem fer í venjuleg heimilisþrif og fæ hjartsláttartruflanir af óþoli þegar komið er að stórtækum þrifaðgerðum eins og að taka eldhússkápana eða klórþvo baðherbergið með tannbursta. Þrif vekja líka með mér verkkvíða sem skapast þegar ég hef hummað ástandið fram af mér helst til lengi.
04.nóv. 2016 - 17:07 Aðsend grein

Vegna fréttar Morgunblaðsins

„Íslend­ing­ar eru lang­hæst­ir í notk­un örv­andi lyfja eins og rítalíns og skyldra lyfja. Við notuðum hlut­falls­lega 260% meira af þeim en Sví­ar sem komu næst­ir. Árið 2013 var Ísland í fyrsta skipti, sam­kvæmt nor­rænni heil­brigðistöl­fræði (Nomesco), komið í efsta sæti í notk­un verkjalyfja á Norður­lönd­um. Þá er Ísland orðið hæst í notk­un verkjalyfja, örv­andi lyfja, svefn­lyfja og ró­andi lyfja, ró­andi og kvíðastill­andi lyfja og floga­veik­i­lyfja sem öll eru ávana­bind­andi.“

01.nóv. 2016 - 10:23 Aðsend grein

Fæðingarorlof og óréttlæti stjórnvalda

Eins og eflaust hefur ekki farið framhjá neinum ákváðu stjórnvöld nýlega að hækka hámarksgreiðslur úr fæðingarorlofssjóði úr 370 þúsund í 500 þúsund krónur. Hækkunin tók gildi 15. október síðastliðinn. Þessi hækkun er langþráð og ber að fagna enda hafa kjör foreldra í fæðingarorlofi verið knöpp frá hruni.
31.okt. 2016 - 10:37 Aðsend grein

Tæknin, kennari og vinnuveitandi

Í síðustu viku sat ég á ráðstefnuna ,, Hagnýt notkun upplýsingatækni í skólum“ í Háskólanum á Akureyri sem var í samvinnu við Þekkingu. Ráðstefnan var auglýst með þessu móti. ,,Í samvinnu við Þekkingu er þér boðið til ráðstefnu um hagnýta notkun upplýsingatækni í skólastarfi þar sem meðal annars verður farið um Office 365, OneNote for Classroom, Minecraft, Microsoft Innovative Educator verkefnið, Microsoft Classroom og margt, margt fleira. Þá munum við fá að heyra reynslusögur frá skólum sem þegar nota Office 365.“ Allt hljómar þetta vel og ekki síður spennandi að fá innsýn í hagnýta notkun upplýsingatækninnar og áfram heldur auglýsingin. ,,Upplýsingatækni vegur sífellt þyngra í skólastarfi og er nú sem aldrei fyrr mikilvægt fyrir skólastjórnendur og kennara að vera með puttann á púlsinum og fylgjast með því hvernig tæknin getur hjálpað til við að gera skólastarfið bæði skemmtilegra og léttara." Áhugavert í alla staði og ég sé ekki eftir að hafa setið þarna í rúma tvo og hálfa tíma.

29.okt. 2016 - 11:00 Austurland

Austurland – Menningarland

Fyrir komandi kosningar hefur mikið verið fjallað um mikilvæga málaflokka eins og heilbrigðismál, kjaramál og vaxtamál (þó ekki nóg). Hins vegar hefur minna verið fjallað um þá málaflokka sem gerð eru sérstök skil í þessu blaði, mennta- og menningarmál. Þó er þar um að ræða hluti sem mynda grunn að flestu öðru.
29.okt. 2016 - 10:00 Akureyri vikublað

Málefni ráða stjórnarþátttöku Viðreisnar

Fyrir nokkrum dögum settu Píratar fram þá hugmynd að fimm flokkar myndu leggja drög að stjórnarsáttmála fyrir kosningar. Hugmyndin er frumleg og virkar kannski vel fyrir þá flokka sem hafa unnið saman á Alþingi í nokkur ár.
29.okt. 2016 - 09:00 Austurland

Baráttan um að jafna tækifærin

Ég hef aðeins kynnst menntakerfinu á mínum 22 árum. Ég lauk grunnskóla, kláraði stúdentspróf, er í fjarnámi frá HA og kenni íþróttir í grunnskóla. Ég þekki ekki allt sem er að en ég veit að víða er pottur brotinn. Við getum og eigum að huga miklu betur að menntakerfinu okkar; sama á hvaða stigi. Sálfræði- og geðheilbrigðisþjónusta í grunn- og framhaldsskólum er til skammar. Sjálfsvígstíðni ungra karlmanna er óhuganlega há á Íslandi og við verðum að taka á geðrænum vandamálum ungs fólks strax í upphafi. Það gerum við m.a. með betra aðgengi að sálfræðiþjónustu í skólunum okkar.
29.okt. 2016 - 08:00 Akureyri vikublað

Aðförin að Sigmundi Davíð

Sjaldan eða aldrei hefur verið ráðist eins óvægilega að nokkrum stjórnmálamanni og Sigmundi Davíð Gunnlaugssyni að tilefnislausu. Rógburðurinn hefur komið úr ýmsum áttum og jafnvel frá hans flokksfólki. Maðurinn hefur ekkert saknæmt gert, hvorki dæmdur, eða með kæru á sér.
29.okt. 2016 - 07:00 Austurland

Áframhaldandi uppbygging mennta og menningar

Fyrir rúmri viku síðan var ég viðstödd þá gleðilegu stund, þegar viljayfirlýsing um áframhald samstarfs um undirbúning og fjármögnun menningarhúss á Egilsstöðum var undirrituð. Illugi Gunnarsson, mennta- og menningarmálaráðherra kom fljúgandi að sunnan eldsnemma á sunnudagsmorgni með samninginn glóðvolgan og á flugvellinum á Egilsstöðum undirrituðu menningarmálaráðherrann og Björn Ingimarsson, bæjarstjóri Fljótsdalshéraðs viljayfirlýsinguna. Þetta var ánægjuleg stund fyrir alla viðstadda, ekki síst þá sem eiga sinn drjúga þátt í að þessu markmiði var loks náð.
28.okt. 2016 - 20:00 Austurland

24 ástæður fyrir Bjartri Framtíð

Það eru að skella á kosningar til Alþingis Íslendinga !   Undirritaður vill hvetja ykkur öll til að kjósa og taka afstöðu. Til þess er gott að skoða stefnu og fólkval Bjartrar Framtíðar og vil ég reyna að svara hér í þessari grein hvers vegna þú ættir að merkja X við A ?  Fyrir því tel ég að vel athuguðu máli yfir 24 ástæður; 
28.okt. 2016 - 20:00 Austurland

Píratar og menntamál á Austurlandi


28.okt. 2016 - 19:00 Reykjanes

Tryggjum Oddnýju örugga kosningu

Oddný G. Harðardóttir hefur sýnt það með störfum sínum að þar fer vandaður stjórnmálamaður sem í tali og framkomu setur mál sitt fram af festu og án upphrópana, sjaldgæfur eiginleiki meðal stjórnmálamanna nú á tímum.
28.okt. 2016 - 18:00 Reykjanes

Nýtt deiliskipulag?

Misskiptingin hjá okkur eykst. Samkvæmt Hagstofunni á efnaðasti hluti samfélagsins, tíundi hluti þjóðarinnar, jafn mikið og tveir þriðju hluti hennar. Sem sagt: 10% ráða yfir um 60% þess er við flokkum sem eignir. Helmingur greiddra launa, um 714 milljaðar af rúmum 1.400 milljörðum króna, ganga til tveggja efstu tekjuhópanna af tíu hópum.
28.okt. 2016 - 18:00 Akureyri vikublað

Náttúruvernd og landbúnaður

Það er gott að sjá að fyrir komandi alþingiskosningar virðast flestir flokkar setja umhverfismál á stefnuskrá sína. Það sem áður þótti sérviska Vinstri grænna er sem betur fer að verða almenn skoðun, þ.e. að náttúran eigi að njóta vafans. Náttúruvernd hefur þó ekki fengið þá athygli sem henni ber í þessari kosningabaráttu – þó að mörg málefni brenni á okkur eru loftslagsbreytingar stærsta ógn samtímans og samfélagsins. Það skiptir ekki höfuðmáli í stóra samhenginu hvar nýr landspítali rís ef súrnun sjávar og ofsaveður eyðileggja lífsskilyrði á Íslandi, og heiminum öllum, innan fárra kynslóða.
28.okt. 2016 - 17:00 Reykjanes

Blekkingar kvótahafa

Það er ekkert öryggi í núverandi kerfi, nema fyrir kvótahafana. Heilu byggðarlögin hafa nánast lagst í eyði vegna tilfærslna á kvóta. Uppboð á veiðiheimildum þar sem ALLIR geta boðið í veiðiheimildirnar, tryggir öllum byggðarlögum jafnan aðgang að fiskimiðunum.

Aðsendar greinar
Hér birtast aðsendar greinar og yfirlýsingar sem tengjast efni því sem birtist á Pressunni. Netfang: pressan@pressan.is
Indíana Ása Hreinsdóttir
Indíana Ása Hreinsdóttir - 01.12.2016
Á toppi fæðukeðjunnar
Hannes Hólmsteinn Gissurarson
Hannes Hólmsteinn Gissurarson - 03.12.2016
Blekkingarleikur Heaths
Vestfirðir
Vestfirðir - 02.12.2016
Landsbyggðarskattur útgerðarmannanna
Ingrid Kuhlman
Ingrid Kuhlman - 06.12.2016
Njótum aðventunnar
Sigurður Jónsson
Sigurður Jónsson - 03.12.2016
Úrbætur í vegakerfinu eitt af forgangsmálunum
Akureyri vikublað
Akureyri vikublað - 04.12.2016
Listin að eltihrella
Austurland
Austurland - 05.12.2016
Kúnstin að segja nei
Þorgeir Arason
Þorgeir Arason - 04.12.2016
Að gera sér dagamun
Arnaldur Máni Finnsson
Arnaldur Máni Finnsson - 04.12.2016
Þegar öllu er snúið á hvolf
Austurland
Austurland - 08.12.2016
Umsóknareyðublöðin
Indíana Ása Hreinsdóttir
Indíana Ása Hreinsdóttir - 09.12.2016
Svartamyrkur um aðventu
Björgvin G. Sigurðsson
Björgvin G. Sigurðsson - 10.12.2016
Ár trúðsins
Fleiri pressupennar