07. des. 2011 - 08:00Aðsend grein

Gunnar: „Ránstannlæknir“ játar....

Gunnar Rósarsson.

Gunnar Rósarsson.

.....að hann harmar að foreldrar örvænti ef óvænt þarf að sinna tannlækningum barnanna.

.....að hann harmar marklausan fréttaflutning um tannlækningar.

.... að hann undrast  tregðu yfirvalda til að greiða fyrir tannlækningar.

.... að hann er undrandi á að innlagnir barna á spítala vegna tannlækninga skuli ekki vera greiddar af     
       skattfé  hér eins og á hinum Norðurlöndunum.

.... að hann undrast þörf margra,  þ.á.m. ráðamanna,  fyrir að níða tannlæknastéttina. 

.... að honum finnst vart  lægra komist í ´“frétta“ flutningi en með „frétt“ sem birtist undir fyrirsögninni „Tannlæknir vildi 143 þúsund fyrir að gera við skemmda tönn í 8 ára dreng---Ránstilraun“  á Pressan.is þann 10.  nóv. sl.  „Fréttin“ er ekki birt undir nafni. Megnið af innihaldi hennar er ósatt. Svona umfjöllun um tannlækningar er reglan fremur en undantekningin. Fara  ráðherrar,  þingmenn og embættismenn framarlega.  -Og eftir höfðinu dansa limirnir.

Gera má þá kröfu á alvöru fréttamiðil eins og Pressan.is vill væntanlega teljast vera, að fréttaflutningurinn rísi ögn hærra en nafnlaust, ósatt bloggtuð. Svona „frétta“flutningur er beinlínis skaðlegur „móral“ þjóðarinnar. Við erum öll á sama báti  (nema örfáir). Við þurfum á því að halda núna að geta treyst og haft  trú hvert á öðru. Skortur á gagnkvæmu trausti lamar samfélagið. Svona „fréttir“  hamla trausti.  

Undirritaður er sá tannlæknir sem þessi „frétt“ fjallar um og getur ekki orða bundist. Ef einhver „ránstilraun“ var framin af mér þarna, þá eru allir þjónusutaðilar og verktakar á landinu sífellt með ránstilraunir. Trúi menn því  er illa komið fyrir okkur. Þjónustuaðstæður tannlækninga eru þannig hér á landi, einu Norðurlanda, að þær bjóða upp á  þetta.   

Forsagan sú að einhverft barn fær tannpínu. Í ljósi fyrri reynslu og með velferð barnsins í huga liggur fyrir að svæfa þurfi það til að sinna þvi. Fyrir utan tannpínutönnina kom í ljós að  tvær aðrar tennur voru skemmdar. Einnig að setja þurfti  plastfyllur í aðrar þrjár. Alls 6 tennur, sem sýnir sannleiksást blaðamannsins nafnlausa er skrifar fyrirsögnina. Þó kemur þetta glöggt fram í sundurliðun er fylgir „fréttinni“.

Nú er ólöglegt að svæfa einstaklinga nema á löggiltri svæfingaraðstöðu. Tannlæknar fá inni á slíkri aðstöðu gegn gjaldi og þurfa að finna til og koma með sér nánast öll sín efni, tæki og tól.  Auk þess þarf aðstoðarmann hvers laun tannsar greiða sjálfir. Á meðan bíður tannlæknastólinn á stökkbreyttri kaupleigu.  

Svæfingum fylgir áhætta og álag fyrir þolandann. Því er enginn svæfður oftar en nauðsynlegt  er og ef svæfa þarf einstakling fyrir aðgerð, þá er allt gert sem gera þarf, svo að ekki þurfi að svæfa aftur fyrr en eftir eins langan tíma og kostur er.  

Kostnaðaráætlun var gerð sem rekur lið fyrir lið hvað gera þarf og hver kostnaðurinn er . Þessi áætlun dúkkar síðan skyndilega upp á Pressunni.is sem hluti af  ofangreindri „frétt“. Einhver hefur örvænt. Erfitt er að lá honum það.    

Þótt mér hafi orðið um og ó er ég sá þetta og mörgum blöskrað  fyrir mína hönd, fannst mér rétt að láta eitthvað gagnlegt af þessu leiða og velta fyrir mér aðstæðum. Stjórnvöld munda nú niðurskurðarhnífinn sem aldrei fyrr. Þegar hnífurinn sá stöðvast stendur hann í barka tannlækninga. Þar hefur hann staðið í 20 ár. Almenningur sýpur, að vanda, seyðið af þessu. Og er á meðan, af ráðamönnum, talin trú um að vondu tannlæknarnir séu að blóðmjólka hann og ríkið með okri. Þetta básuna fréttamiðlar síðan gagnrýnislaust. Þetta gerðist ekki ef Ísland væri að sönnu „norrænt  velferðarríki“ eins og tönnlast er á í hátíðarræðum. Ef hér væri við lýði einhver langtímastefna, metnaður og úrbótavilji í tannheilsumálum og eftirfylgni af  hálfu hins opinbera, þá væri þetta einfaldlega ekki svona.
    
Á s.l. tuttugu árum hefur endurgreiðsla vegna tannlæknaþjónustu einungis hækkað  um 2%. Vísitala neysluverðs hefur hækkað um 134%. Ekkert er endurgreitt sérstaklega fyrir þann aukakostnað sem hlýst af að gera almennar tannlæknisaðgerðir í svæfingu á spítala eins og á hinum Norðurlöndunum. Þær eru örfáar og kosta því ekki mikið. Áhugi yfirvalda á að setja meiri pening í tannlækningar í „gróðærinu“  var enginn. Hvað þá núna í „kreppunni“.  Munum að á meðan að útgjöld SÍ vegna tannlækninga  hafa  hækkað um 2% hafa útgjöld vegna læknisverka hækkað um 270%,  lyfja um 350% og  hjálpartækja um 300%.  Er þarna kannske hin  raunverulega „ránstilraun“ í tannlækningum? 

Hví er annars svona vinsælt að argast í tannlæknum?  -Sem ná  örsjaldan að svara fyrir sig. Margir túlka þessa þögn tannlækna sem þeir hafi eitthvað að fela. Staðreyndin er h.v. sú að fjölmiðlar hafa engan áhuga á viðbrögðum tannlækna.  Enda tuðið í þeim lítt söluvænlegt. Varnarræður útrásarvíkinga seljast betur.   

Líklegasta skýringin er sú að tannlæknar veita kostnaðarsama  heilbrigðisþjónustu. Þessi þjónusta er mann-, tækja-, húsnæðis-  og efnafrek. Lykilatriði er þó að, ólíkt annari heilbrigðisþjónustu, birtist allur tannlæknakostnaðurinn þiggjandanum á reikningi tannlæknis  og hann greiðir hann úr eigin vasa.  Hann er  einungis í fáum tilvikum niðurgreiddur og þá skv. gjaldskrá  úr fornritum. Tannlækningar virðast því dýrar samanborið við aðra heilbrigðisþjónustu en þar er kostnaður flestum, ef ekki öllum, hulinn.  Hann er þarna samt,  heldur betur, til staðar en er greiddur af okkur skattborgurum eftir krókaleiðum  - Og 143.000  þykir lág upphæð þegar laga á beyglu á bíl! 

Önnur skýring gæti verið sú að fyrir  áratugum voru tannlæknar með mjög góðar tekjur. Fæstir tannlæknar er starfa í dag muna þá daga. En goðsögnin lifir og sumir óttast mjög að tannlæknar hafi enn há laun. Það hefur löngum verið vinsælt hjá landanum að andskotast í þeim  sem hann heldur að gangi vel. Nú ganga stjórnvöld á undan með fordæmi þar. Rýni menn í „tekjublöð“ blasir við að tekjur almennra tannlækna eru mjög í lægri kantinum meðal heilbrigðisstétta. Það er staðreynd.  

Ég vona bara að þessi skrif verði til þess að einhverjir fái sér saltkorn með, næst þegar þeir lesa um óstjórnlega glæpahneigð íslenskra tannlækna. Einnig til hins að skjólstæðingar sem eiga rétt á endurgreiðslu frá SÍ geri sér nú grein fyrir því að það eru þeirra hagsmunir en ekki tannlækna að ríkið hækki endurgreiðslur vegna tannlækninga. Þeir peningar sem ríkið leggur til tannlækninga renna nefnilega ekki til tannlæknastofanna. SÍ endurgreiðir jú skjólstæðingunum útlagðan kostnað sem þeir hafa þegar greitt á stofu tannlæknis. Það er kominn tími til að þeir skjólstæðingar öðlist  rödd.

Gunnar Rósarsson,
íslenskur ríkisborgari.



(26-31) Fylgifiskar: HH, súpa 1 - ágúst
29.ágú. 2016 - 10:15 Aðsend grein

Af vísitölu neysluverðs og snilli Vilhjálms Bjarnasonar

Opið bréf til Vilhjálms Bjarnasonar alþingismanns og annarra gæslumanna verðtryggingarinnar.

27.ágú. 2016 - 08:00 Aðsend grein

Hálfvitauppeldið

Sem foreldrar horfumst við í augu við alls konar miserfiðar áskoranir í því ferli að skapa ágæta samfélagsþegna og hjálpa þeim að vaxa og dafna sem einstaklingar sem eru ekki algjörir hálfvitar. Það sem hefur reynst mér erfiðast í þessu hlutverki er að muna að börnin læra það sem fyrir þeim er haft. Jújú, börnin mín eru fordómalaus og víðsýn, þau eru hlý og kærleiksrík gagnvart öðrum, kurteis og segja „takk fyrir mig“ óaðfinnanlega. En þau eiga það til að vera algjörir hálfvitar. Þau bera ekkert skynbragð á hvað er ókei, og hvað er ekki ókei. Eins og til dæmis þegar dóttir mín, þá sex ára, sagði við mig stundarhátt í biðröð á kassa í Hagkaupum:

17.ágú. 2016 - 12:00 Aðsend grein

Bændur eru vörslumenn landsins

Íslenskur landbúnaður hefur tekið miklum breytingum á undanförnum árum. Ástæðurnar eru margar, nefna má breytta þjóðfélagshætti, tækninýjungar og breytt neyslumynstur. Við slíkar aðstæður skapast auðvitað tækifæri í nýsköpun, sem við á Eyjafjarðarsvæðinu getum og eigum að nýta okkur.

16.ágú. 2016 - 11:00 Aðsend grein

Gassagangur

Anna María Þórhallsdóttir kennari skrifar:

Með árunum hef ég tamið mér talsvert óþol gagnvart gassagangi. Fyrir utan að finnast orðið sjálft skondið og skemmtilegt þá hef ég enga ánægju af upp-hæpuðu fólki með athyglissýki á háu stigi. Hver þekkir ekki týpuna sem stelur sviðsljósinu í hverju einasta partíi með yfirgengilegum sögum af sjálfri sér? Eða út úr hressa gaurnum á ættarmótinu sem gengur á milli borða með háreysti svo heilu ættleggirnir rorra um í vandræðalegheitum?

25.júl. 2016 - 19:00 Aðsend grein

Geðhvörfin bundu enda á drauma mína um atvinnumennsku

Ég hef ákveðið að skrifa um minn íþróttaferil því ég finn að það er að verða vitundarvakning um andleg veikindi í landinu og fleiri eru að stíga fram sem mér finnst algjörlega frábært. Ég vona að enn fleiri stígi fram í kjölfarið. Margir hafa eflaust spurt sig af hverju hinir og þessir náðu ekki lengra í íþróttinni sinni. Ég er nokkuð viss um andleg veikindi spili þar oft á tíðum stóra rullu. Það var allavega þannig hjá mér. Það er hægt að gera svo miklu miklu betur innan íþróttahreyfingarinnar að vinna með fólki sem finnur til andlegra veikinda sem byrjar oft þegar það er á unglingsaldri. Það er viðkvæmur aldur og ég upplifði ekki nægilega þekkingu í þessum efnum frá mínum liðum þegar ég var að byrja að veikjast og missa mína getu bæði í fótbolta og körfubolta.

10.júl. 2016 - 12:00 Aðsend grein

Rétturinn til að vera ég

Guðmundur Ármann Pétursson, sveitarstjórnarmaður Grímsnes- og Grafninshreppi.
Orð geta allt, þau byggja upp og þau brjóta niður. Orð geta sett af stað styrjöld og komið á friði. Orð hafa þann góða eiginleika að þegar við notum þau í samskiptum og lýsingum að þá erum við erum umfram annað að lýsa okkur sjálfum. Við erum að lýsa siðferði okkar og viðhorfum þrátt fyrir að við séum að fjalla um annað fólk.
08.júl. 2016 - 09:00 Magnús Þór Hafsteinsson

Til hamingju, Akranes!

07.júl. 2016 - 20:00 Akureyri vikublað

Lífið er ekki bara fótbolti

Það er erfitt að ætla sér að skrifa um eitthvað annað en fótbolta enda á íslenska karlalandsliðið allt hrós í heiminum skilið. Síðustu vikur hafa verið dásamlegar. Mikið hefur verið skrifað, hrópað, huh-að, hlegið, grátið. Þvílík stemming, gott veður, Ísland að sigra heiminn og allir glaðir.

02.júl. 2016 - 12:00 Akureyri vikublað

Um stolt og skömm

01.júl. 2016 - 20:00 Vestfirðir

Gerspillt stjórnsýsla

Í blaðinu er á bls 2 gerð grein fyrir kæru útgerðar á Bíldudal á úthlutun alls byggðakvóta staðarsins, alls 267 þorskígildistonn, til eins báts. Atvinnuvega- og nýsköpunarráðuneytið hefur loksins eftir langa mæðu úrskurðað í málinu. Er það niðurstaða ráðuneytisins að þær sérreglur sem bæjarstjórn Vesturbyggðar ákvað og ráða því hverjir geta fengið byggðakvóta séu “byggðar á málefnalegum og staðbundnum ástæðum og í samræmi við hagsmuni viðkomandi byggðarlags” eins og segir í úrskurðinum.

01.júl. 2016 - 09:04 Austurland

Stundarseigla eða trúfesti?

24.jún. 2016 - 14:00 Vesturland

Tónlistarfólkið okkar

Tónlistin þekkir engin landamæri. Með nútíma tækni er auðveldara en nokkru sinni fyrr að koma henni á markað. Með tilkomu internetsins eru tónlistarmenn ekki lengur háðir því að fá spilun á útvarpsstöðvum til að koma list sinni á framfæri. 

24.jún. 2016 - 13:00 Reykjanes

Kjósendur hafa lokaorðið á morgun

Nú er komið að því að velja nýjan forseta á Íslandi. Á morgun gefst okkur tækifæri til að nýta okkur kosningaréttinn og velja okkur forseta til næstu fjögurra ára.Eins og allir vita eru það níu einstaklingar sem gefa kost á sér að taka við þessu virðingarembætti og það skiptir miklu máli fyrir okkur öll að réttur aðili veljist í starfið.

24.jún. 2016 - 10:56 Kópavogur

Á morgun

Ég man eftir fyrsta skiptinu sem ég kaus. Það var í sveitarstjórnarkosningunum 1998 sem voru daginn þegar ég útskrifaðist sem stúdent. Um morguninn fór ég í ljósbláa buxnadragt sem ég hafði keypt fyrir formúu stuttu áður, nældi blóm í barminn, blés hárið og málaði mig eins fínt og ég mögulega gat. Ég var ekki vön að mála mig en þetta heppnaðist þó betur en þegar ég setti á mig meik og augnblýant fyrir ferminguna. Ég var því í mínu fínasta pússi þegar ég kom úr útskriftinni með stúdentshúfuna á höfðinu og kaus í fyrsta sinn.

23.jún. 2016 - 07:00 Aðsend grein

Vanhæfir embættismenn


19.jún. 2016 - 07:00 Aðsend grein

Sannleikurinn um Landeyjahöfn


18.jún. 2016 - 13:00 Hafnarfjörður / Garðabær

Tekist á um einkaskóla í Hafnarfirði

Haustið 2014 barst erindi frá óstofnuðu einkahlutafélagi um stofnun einkaskóla á unglingastigi í Hafnarfirði með áherslu á íþróttir og heilsu. Í desember sl. samþykkti meirihluti Sjálfstæðisflokks og Bjartrar framtíðar tillögu um að veita skólanum starfsleyfi án þess að fjárheimildir væru fyrir því í fjárhagsáætlun fyrir árið 2016.

17.jún. 2016 - 13:00 Vestfirðir

Forsetaframbjóðandi LÍÚ

Komandi forsetakosningar eru einstakar að því leiti að harðsvíraðasti sérhagsmunahópur landsmanna stendur leynt og ljóst þétt að baki framboði ritstjóra Morgunblaðsins.

16.jún. 2016 - 10:43 Austurland

Von lítilmagns - gildi þjóðar

Þegar öllu er á botninn hvolft virðist sjálfsmynd Íslendinga í beinum tengslum við hlutskipti þjóðarinnar á alþjóðavettvangi. Þessa dagana erum við stolt, lítilmagninn á sviði stórþjóða í karlaknattspyrnunni. Við höfum ástæðu til að sækja heimsviðburð, Evrópumeistaramótið, með erindi sem sæmir þjóðerni og fyllir okkur stolti. 

15.jún. 2016 - 12:00 Aðsend grein

Rakamyndun í húsum


14.jún. 2016 - 17:00 Aðsend grein

Brjóstagjafarstríðið


12.jún. 2016 - 12:00 Kópavogur

Við eigum bara einn líkama

Þegar ég var lítil stúlka fannst mér fertugar konur vera svolítið búnar áðí. Fertugir menn líka, ef því er að skipta. Þetta var bara eldgamalt fólk á leið í gröfina. Mörgum árum seinna hugsaði ég um fertugsaldurinn þannig, að þá væri fólk bara heima hjá sér á kvöldin að horfa á sjónvarpið og færi snemma að sofa til að mæta í vinnuna daginn eftir.

10.jún. 2016 - 12:00 Reykjanes

Að vilja eitt en kjósa svo annað

Nú styttist í það að við kjósum okkur nýjan forseta. Valið stendur milli níu einstaklinga. Það er mjög athyglisvert að fylgjast með umræðunni og hvað flestir segja þegar spurt er hvaða kosti þarf verðandi forseti að hafa. Flestir segja að verðandi forseti þurfa að hafa góða reynslu og þekkingu á stjórnmálum ásamt því að geta haldið á lofti málstað Íslands á erlendri grundu. 

09.jún. 2016 - 19:00 Aðsend grein

Á virkilega að virkja Svartá í Bárðardal?

Stóratunga er landssvæði á NA hluta Íslands. Í norðri markast Tungan af ármótum Svartár og Skjálfandafljóts í um 70 km fjarlægð frá Skjálfandaflóa. Stóratunga teygir sig milli Skjálfandafljóts að vestan og Svartár og Suðurár að austan, 25km til suðurs að þjóðlendumörkum við Suðurárbotna í u.þ.b. 460 m hæð yfir sjávarmáli. Í Suðurárbotnum spretta fram undan Ódáðahrauni ógrynni af  lindarvatni sem mynda Suðurá sem er ein af vatnsmestu lindarám landsins. Svartá á upptök sín í Svartárvatni norðan Suðurárbotna, sem rennur í Suðurá og sameinaðar bera þær nafn Svartár til ósa í Skjálfandafljóti. Innar á hálendinu, nokkru austan Suðurárbotna, liggja Herðubreiðarlindir.

09.jún. 2016 - 14:00 Akureyri vikublað

Það er í lagi að vera ekki í lagi

Fordómar gagnvart geðrænum sjúkdómum hafa verið mikið í umræðunni upp á síðkastið. Í kjölfarið hafa fjölmargir Íslendingar opnað sig um sín andlegu veikindi í þeim tilgangi að brjóta ísinn varðandi þetta „feimnismál“. Persónulega finnst mér þessi umræða vera mjög jákvæð fyrir allt samfélagið og hún fær fólk til að staldra við og hugsa. En af hverju finnst svona mörgum, svo hrikalega erfitt að opna sig um andleg veikindi sín?

09.jún. 2016 - 11:59 Akureyri vikublað

Hvers virði er „læk“?

Indíana er ritstjóri Akureyri vikublaðs.
Þessa dagana hafa samskiptasíður á borð við Facebook fyllst af færslum og myndum stoltra foreldra af nýútskrifuðum börnum sínum. Sum eru að klára fyrsta árið sitt í grunnskóla, önnur að útskrifast úr háskóla. 

05.jún. 2016 - 18:00 Vestfirðir

Halla Tómasdóttir: Allir skipta máli

Halla Tómasdóttir, forsetaframbjóðandi.
Það var engin tilviljun að ég hóf kosningaferðalag mitt um landið á Vestfjörðum í byrjun apríl. Ég er stolt af því að eiga rætur að rekja til Vestfjarða, en forfeður mínir og mæður koma úr Skálavík og Bolungarvík og nafn mitt kemur frá Ísafirði. Móðir mín Kristjana Sigurðardóttir, dóttir Sigurðar Péturssonar og Ínu Jensen, ólst upp í 10 systkina hópi í Djúpuvík á Ströndum.

03.jún. 2016 - 20:00 Vestfirðir

Þörf er á að breyta strandveiðikerfinu

Hörmulegt sjóslys varð þann 11. maí sl. út af Aðalvík sem leiddi til þess að sjómaður á strandveiðum lét lífið.


Aðsendar greinar
Hér birtast aðsendar greinar og yfirlýsingar sem tengjast efni því sem birtist á Pressunni. Netfang: pressan@pressan.is
Sigurður G. Guðjónsson
Sigurður G. Guðjónsson - 25.8.2016
Þagði Steingrímur J.?
Smári Pálmarsson
Smári Pálmarsson - 15.8.2016
Hinn ógeðslegi mannslíkami
Ragnheiður Ragnarsdóttir
Ragnheiður Ragnarsdóttir - 20.8.2016
Ástandsmæling í Hreyfingu: Boditrax
Brynjar Nielsson
Brynjar Nielsson - 19.8.2016
Ráðherra er stífluð af frekju
Hannes Hólmsteinn Gissurarson
Hannes Hólmsteinn Gissurarson - 16.8.2016
Grein eftir mig um Panama-skjölin
Þórhallur Heimisson
Þórhallur Heimisson - 15.8.2016
Samfélagsleg áhrif kristninnar
Hannes Hólmsteinn Gissurarson
Hannes Hólmsteinn Gissurarson - 20.8.2016
Tómas aðalræðismaður
Fleiri pressupennar