01. sep. 2011 - 19:30Aðsend grein

Geir: Betra að vera litaður eða sérfræðingur? Lokasvar til Hannesar

Geir Sigurðsson.

Geir Sigurðsson.

Ég hyggst ekki eyða meiri tíma í að elta ólar við útúrsnúninga Hannesar Hólmsteins Gissurarsonar, enda augljóst af skrifum hans á þessum vettvangi sem öðrum að hann er ekki fær um að taka þátt í raunverulegum rökræðum, sem er sýnu alvarlegra í ljósi stöðu hans sem háskólaprófessors. Mér þykir þó við hæfi að svara pistli hans, „Geir og Maó“, með nokkrum orðum, ekki síst vegna þess að Hannes hefur ekki ennþá svarað þeirri spurningu minni hvað þetta „margt“ á að vera sem ég mun hafa skrifað „gegn þeim, sem gagnrýna kommúnistastjórnina í Kína“. Ef hann getur ekki sýnt fram á það fer ég fram á að hann dragi þessa staðhæfingu til baka.

Í pistli sínum um mig og Mao segir Hannes að ég „falsi“ skoðanir hans. Þetta kemur úr hörðustu átt. Hannes hefur einmitt æ ofan í æ falsað eðli ráðstefnunnar um tímabil Mao Zedong sem haldin var árið 2007 á vegum Asíuseturs Íslands og Kínversk-íslenska menningarfélagsins og lætur jafnan í veðri vaka að hún hafi verið haldin Mao til heiðurs. Annað hvort kann Hannes ekki að lesa eða þetta er vísivitandi fölsun þar sem af dagskrá ráðstefnunnar og kynningu hennar mátti augljóslega ráða að ráðstefnan fjallaði ekki um Mao Zedong sem slíkan heldur um tímabil Mao Zedong í Kína, þ.e. eftir valdatöku kommúnista 1949. Yfirskriftin var alla tíð mjög skýr. Hannes segist hafa andmælt því „að halda ráðstefnu undir þeim formerkjum, eins og Háskóli Íslands gerði í nóvember það ár, að Maó væri eins og hver annar stjórnmálamaður.“ Hér snýr Hannes aftur út úr eða fer öllu heldur með ósannindi. Hann andmælti því beinlínis að haldin væri ráðstefna þar sem Mao kæmi við sögu án þess að skýr fordæming væri til staðar og spurði, fullur hneykslan, „hvað hefði verið sagt, ef svipuð ráðstefna hefði verið haldin um Adolf Hitler?“

Ég hef áður bent á það að fjölmargar „svipaðar“ ráðstefnur hafa verið, og eru, haldnar um Adolf Hitler og valdatíma hans, þ.e. Þriðja ríkið. Hannes hefði kannski átt að sitja ráðstefnuna og hlýða á gagnrýna umfjöllun þátttakenda á borð við Michael Schoenhals og Richard Baum um þetta erfiða umbrotatímabil í Kína og hlut Maos í því. En hann kýs heldur að tjá sig áfram um hluti sem hann hefur enga þekkingu á og engar forsendur til að meta. Hannesi virðist nefnilega nægja að vera litaður til að geta lagt mat á hvaðeina. Hann viðurkennir til dæmis að hann „skorti sérþekkingu á kínverskri sögu“ en ætlar samt að svara ritdómi mínum um ævisögu Jung Chang og Jon Halliday um Mao Zedong. Í umfjöllun sinni um ritdóm minn segir Hannes að ég hafi fundið ritinu „allt til foráttu“. Það er ekki allskostar rétt. Ég sagði það búa yfir skemmtanagildi. En sem fræðirit er það því miður meingallað, bæði vegna þess að það styðst gagnrýnislaust við vafasöm áróðursrit frá pólitískum andstæðingum Kínverska alþýðulýðveldisins en ekki síst vegna þess að það túlkar sögu Alþýðulýðveldisins sem afleiðingu meðvitaðra áætlana eins illvirkja, þ.e. Mao Zedong. Hvergi hef ég andmælt því að Mao hafi verið fúlmenni og segi það jafnvel hreint út í ritdóminum. En hvorki eru þetta nýjar eða merkilegar fregnir né fela þær í sér eitthvert skýringargildi.

Fyrst Hannes hefur svo mikið dálæti að því að vísa til Hitlers er við hæfi að styðjast við hann sem gagndæmi í þessu samhengi. Sú staðreynd að Hitler hafi verið brjálaður gyðingahatari er allsendis ófullnægjandi skýring á því sem átti sér stað í Þriðja ríkinu og á áhrifasvæðum þess. Að auki viljum við leita skýringa á gyðingahatri Hitlers og setja það í sögulegt samhengi líkt og Ian Kershaw gerir í frábærri ævisögu sinni um Hitler sem Jung Chang og eiginmaður hefðu getað lært mikið af. Hér er ekki verið að réttlæta neitt eða afsaka, heldur leita skýringa. Og það er einmitt það sem fræðileg umræða leitast við að gera. Við getum alveg sagt að Mao og Hitler hafi verið valdagráðug svín en það bætir engu við skilning okkar á þeim. Að mínu viti er öllu áhugaverðara, merkingarbærara og gagnlegra að leitast við að skilja þær sögulegu kringumstæður sem höfðu mótandi áhrif á hugmyndir þeirra og gjörðir. Ef Hannesi er svo annt um að við lærum af sögunni hljótum við að vilja öðlast skilning á þeim menningarlegu, samfélagslegu og pólitísku aðstæðum sem gerði þessum mönnum og hugmyndafræði þeirra kleift að komast til valda og hrinda stefnum sínum í framkvæmd en að útbúa lista yfir „vonda kalla“. Þannig er hugsanlega unnt að koma í veg fyrir að sambærilegar hörmungar endurtaki sig. Hið sama gildir raunar um þær aðstæður sem leiddu til upp- og yfirgangs íslensku frjálshyggjunnar sem lagt hefur efnahag landsins í rúst, arðrænt íslenskan almenning, breikkað bilið milli ríkra og fátækra og grafið undan samlyndi þjóðarinnar og hugsanlega lýðræðinu í landinu. En það er önnur saga.

Árið 1957 hrinti Mao Zedong af stað herferð undir mottóinu „Látum 100 blóm blómstra“ þar sem hann bauð kínversku menntafólki að tjá sig opinberlega um gengi Alþýðulýðveldisins á fyrstu árum sínum. Gagnrýnin sem fylgdi var meiri en Mao átti von á og virðist hafa farið meira en lítið í taugarnar á honum. Í kjölfarið var menntafólk ofsótt, það missti opinberar stöður sínar og var jafnvel sent í þrælkunarbúðir þar sem því var gert að gangast undir „sósíalíska endurmenntun“. Í stað þeirra tóku að langmestu leyti ómenntaðir flokkshyllendur stöður þeirra í embættismannakerfinu. Hin opinbera stefna Maos á þessum árum var sú að „betra væri að vera rauður en sérfræðingur“. Afleiðingarnar voru skelfilegar. Embættismenn voru ekki einungis almennt óhæfir til að gegna störfum sínum heldur gerðu allt til að þóknast flokknum og ganga í augun á yfirboðurum sínum. Þeir voru með öðrum orðum kjarklausar rassasleikjur sem þorðu ekki að gagnrýna stefnu stjórnvalda og greina rétt frá þegar ljóst var að „Stóra stökkið framávið“ var að stuðla að stórfelldri hungursneyð á landsbyggðinni.

Þegar pólitískar skoðanir taka að hafa meira vægi en sérþekking er skammt í hörmungar. Mér sýnist Hannes falla í nákvæmlega sömu gryfju. Frá hans sjónarhóli skiptir öllu máli að vera réttur á litinn. Þar gildir sérfræðikunnáttan einu. Hannes á þá líklega meira sameiginlegt með Mao en hann grunar. Hann er bara sem betur fer ekki jafn valdamikill.

Geir Sigurðsson
Dósent í kínverskum fræðum við Háskóla Íslands.




(21-31) Icepharma: Arm&Hammer - jan
Svanhvít - Mottur
24.jan. 2017 - 07:00 Akureyri vikublað

Ekki dreyma annarra drauma

Ég hef skrifað greinar hin síðari ár í Hamingjuhorninu mínu og á þessum tíma ársins er umfjöllunarefnið oft markmiðasetning og leiðir til að takast á við breytingar. Oftar en ekki förum við yfir síðasta ár og metum hvað hefur gengið vel og hvernig líf okkar hefur breyst. Þetta er líka sá tími sem maður skoðar hvaða áskoranir hafa bankað upp á og metur hvernig tekist var á við þessar áskoranir. Persónulega þá skoða ég hvaða lífsverkefni ég hef tekið með mér á milli ára og hvað það er sem ég vil næra á nýju ári.

23.jan. 2017 - 18:00 Akureyri vikublað

Loftgæði

Einstaka sinnum kemur það fyrir að ég sleppi lofti út um bakhlutann á mér. Sárasjaldan (sennilega ágreiningsatriði) gerist það uppi í rúmi. Fyrir það fæ ég ávítur frá betri helmingnum og beittar spurningar um af hverju ég gat ekki leyst þetta loft úr læðingi þegar ég var inni á baðherbergi bara nokkrum mínútum fyrr.

21.jan. 2017 - 17:00 Suðri

Í upphafi árs

Við sérhvert upphaf er við hæfi að staldra við, gera upp liðinn tíma og leggja línur fyrir framtíðina.  Í upphafi árs er hverjum manni hollt að skyggnast með þessum hætti inn í líf sitt og greina hvort ástæða sé til þess að gera breytingar.  Slík skoðun getur snúið að þáttum sem snúa beint að viðkomandi sjálfum, háttsemi gagnvart þeim sem samferða honum eru á lífsgöngunni eða samfélaginu sem hann lifir í.  Þetta er góður tímapunktur til að skoða það hver við erum, hvar við stöndum, hvert við stefnum og hvað við höfum að gefa. Erum við á réttri leið?  Við getum ekki öllum stundum leyft okkur að hugsa um okkur sjálf því við erum hluti af heild, s.s. fjölskyldu, samfélagi, þjóðfélagi eða einhverju þaðan af stærra.  Vissulega verðum við að hugsa vel um okkur sjálf til að geta verið virk innan okkar heildar en væntingar eru gerðar til allra sama hvaða stöðu í samfélaginu þeir gegna.
20.jan. 2017 - 07:00 Aðsend grein

Hvað boðar nýjárs blessuð sól ?

Gaukshöfði í Þjórsárdal Veðurguðirnir eru okkur hliðhollir um þessar mundir. Það yrði ánægjulegt að fá annað eins veðurfar eins og við upplifðum á síðasta ári. En þjóðin býr í landi  sem á ekki vanda til að geta talist hlýindaland. Ekki er allt fengið með mikilli hlýnun. Ástandið í þjóðmálum getur varla annað en talist nokkuð gott ef horft er til ríkispyngjunnar. Mér skilst að hún sé vel haldin. Virðist mér að þar sé um að þakka ytri aðstæðum ekki síður en kænsku stjórnmálamanna. Útlit er fyrir að einhverskonar stífla sé til staðar þegar kemur að ráðstöfun úr pyngjunni, til þeirra málaflokka þar sem þörfin er brýnust.
20.jan. 2017 - 07:00 Aðsend grein

Húsið við Hamarinn

Gamlir Hvergerðingar muna eflaust eftir litlu timburhúsi sem stóð rétt suður af Hamrinum í Hveragerði og nefndist Lindarbrekka. Það var reist sem sumarhýsi af fátækum hjónum um þær mundir sem heimskreppan gerði vart við sig hérlendis árið 1930. Hjónin áttu lögheimili í Hafnarfirði en þau hétu Guðmundur Einarsson og Sigríður Guðmundsdóttir. Börnin voru 11, fædd á árabilinu 1914-1928 en tvö þeirra dóu skömmu eftir fæðingu og einn sonurinn lést af slysförum árið 1931. 
19.jan. 2017 - 11:07 Aðsend grein

9 leiðir til að auka viljastyrkinn fyrir árið 2017

Nýja árið byrjað fyrir alvöru, hátíðin löngu búin og ég búinn að þyngjast um lágmark fimm kíló, örugglega meira og þori ekki enn að stíga á vigtina.  Þetta gerðist eftir að tengdaforeldrar mínir kíktu í heimsókn til mín í Den Haag, tengdapabbi sá til þess að nóg væri til af belgískum bjór og tengdamamma eldaði æðislegar máltíðir og bauð okkur einnig út að borða. Síðan kom ég heim um áramótin þar sem foreldrar mínir fæddu mig eins og ég hafi verið hungurmorða áratugum saman. Þetta allt saman hefur því miður skilið eftir sig augljósa minningu á miðjum líkama mínum.


17.jan. 2017 - 07:00 Austurland

Læra menn aldrei af reynslunni?

Um 1930 ætluðu kappsfullir fjáraflamenn að bæta efnahag sinn og landsmanna með minkaeldi á Íslandi.  Þessar lífverur sem menn bundu vonir sínar við , tolldu illa í haldi og urðu að plágu í íslensku lífríki eins og við þekkjum öll.  Innflutningur á erlendu sauðfé breiddi líka út sjúkdóma sem urðu þjóðinni mjög dýrir við að fást. 
16.jan. 2017 - 18:00 Austurland

Sameiningamálin

Nú í upphafi árs er ástæða til að rýna aðeins stöðu sveitarstjórnarstigsins og horfa aðeins fram á veginn, að svo miklu leyti sem það er hægt í heimi mikilla umbreytinga þar sem takast þarf á við nýjar áskoranir á degi hverjum. Efling sveitarstjórnarstigsins er málefni sem virðist nú komið aftur á verulega hreyfingu og er Innanríkisráðuneytið meðal annars um þessar mundir að efna til funda um málefnið á sameiginlegum vettvangi sveitarfélaga.
15.jan. 2017 - 18:00 Austurland

Felst framtíðin í minningum barnanna okkar?

Ef manni líður vel í uppvextinum eykur það líkurnar á því að minningar æskuáranna verði góðar. Líklegt verður að teljast að góðar æskuminningar auki áhuga fólks á því að búa þar sem minningarnar urðu til og þá skoðun styðja m.a. niðurstöður rannsókna á viðhorfum brottflutts fólks til uppeldisstöðvanna.

15.jan. 2017 - 08:00 Vestfirðir

Haldið til Hvanneyrar

Hvanneyri árið 1912 „Hann var gæddur fjölhæfum gáfum, listrænn og nokkuð skapmikill en stillti alltaf í hóf. Öll léttúð var fjarri skapi hans en hann átti gott skopskyn og var góður sögumaður. Hann var mikill náttúruskoðari. Hvað útlitið snerti var hann í hærra lagi meðalmaður á vöxt, þreklega vaxinn. Andlitið dálítið stórskorið en sviphreint og karlmannalegt. Allur var hann mjög traustvekjandi, nokkuð seintekinn, en alúðlegur og skemmtilegur í viðmóti enda hinn besti samstarfsmaður og skólafélagi. Tryggari vin hef ég aldrei átt.“ Svo segir í eftirmælum sem Ingimar Jóhannesson frá Meira-Garði í Dýrafirði skrifaði um æskuvin sinn, Jón Mósesson, en ég hef nokkuð fjallað um fjölskyldu þess síðarnefnda að undanförnu.
14.jan. 2017 - 18:00 Aðsend grein

Kaupmáttur hefur aldrei verið meiri, fyrir suma

Ellen Calmon formaður Öryrkjabandalags Íslands.

„Mikil hækkun kaupmáttar og launa“, „kaupmáttur aldrei verið meiri“, „2015 – ár mikilla launahækkana“. Þetta eru örfá dæmi um yfirskriftir frétta um launahækkanir og kaupmáttaraukningu launa á þessu ári og því síðasta, en fjölmargar fréttir hafa verið fluttar af kaupmáttaraukningu. En hvernig hefur þróun kaupmáttar verið hjá örorkulífeyrisþegum síðustu ár?

12.jan. 2017 - 07:00 Austurland

Reiður, gamall maður

Ég ætti að vera latur og værukær. Ég er kominn á sextugsaldur, er í góðri stöðu og á fallegt heimili. Ég á meira að segja barnabörn. Ég ætti að vera vaxinn upp úr hlutverki reiða, unga mannsins. Eftir öll þessi ár finnst mér ég eiga það inni að fá að slaka á og láta yngri kynslóðum eftir eldmóðinn og hugsjónirnar til að breyta heiminum.
06.jan. 2017 - 06:00 Akureyri vikublað

2016

Þá er enn eitt árið liðið og við göngum til móts við nýtt ár með fögur fyrirheit að vopni eins og venjulega. Á slíkum tímamótum er venjan að íhuga hið liðna og spá í spilin varðandi hið ókomna. Þegar litið er yfir fréttaannála má segja að árið 2016 hafi verið hálfgert hörmungarár. Fráfall Davids Bowie gaf tóninn og síðan þá höfum við séð á eftir fjöldanum öllum af einstökum listamönnum. Til að reka endahnútinn á þessar hörmungar misstum við George Michael á sjálfan jóladag undir óminum af „Last Christmas“. Annað sem einkennt hefur árið eru stríðshörmungar, hryðjuverkaárásir og sú staðreynd að Bandaríkjamenn kusu einn vafasamasta karakter samtímans sem sinn næsta forseta. Ef ekki væri fyrir einstök íþróttaafrek Íslendinga á árinu mætti hreinlega henda þessu ári samkvæmt helstu fyrirsögnum.

26.des. 2016 - 18:00 Akureyri vikublað

Að vera eða vera ekki ríkur

„Money makes the world go around“ segir einhvers staðar og víst er að hugur okkar dvelur oft við fyrirbærið. Ég er í hópi þeirra ríku. Ég, leikskólakennarinn og sundþjálfarinn, sem er gift verkamanni. Ég á núorðið alltaf afgang þegar koma mánaðamót þrátt fyrir að leggja til hliðar fyrir mögru árin.
26.des. 2016 - 07:00 Suðri

Skógarhögg hafið hjá Kiwanisklúbbnum Ós

Á þessu starfsári heldur Kiwanisklúbburinn Ós upp á 30 ára afmæli. Starfsemin hófst á stjórnarskiptafundi í Pakkhúsinu þar sem Haukur Sveinbjörnsson umdæmisstjóri Kiwanisumdæmisins Ísland-Færeyjar kom og sá um stjórnarskiptin. Honum til aðstoðar var umdæmisritari Sigurður Einar Sigurðsson en báðir eru félagar í Ós. Þess má nefna að það sem af er ári hafa fimm nýir félagar gengið í klúbbinn.

24.des. 2016 - 07:00 Akureyri vikublað

Kirkjan stendur enn

Mér verður oft hugsað til þess þegar ég kem inn í gömul kirkjuhús sú saga sem hvert hús geymir. Ég finn alltaf til ákveðinnar auðmýktar og þakklætis enda er saga kirkjunnar í gegnum aldirnar reynslusaga fólks á hverjum tíma og varðar stærstu stundirnar í lífi þess á hverjum stað.
19.des. 2016 - 18:00 Austurland

Kirkjan ómar öll

Ég stend við aðventukransinn og kveiki á fyrsta kertinu, söfnuðurinn syngur „Tenn lys, et lys skal brenne for denne lille jord…“ Þrátt fyrir að vera alveg eftir handritinu er þetta eitthvað svo rangt og ég raula sjálfur „Við kveikjum einu kerti á“ í huganum.
17.des. 2016 - 18:00 Austurland

Þankar á jólaföstu

Senn líður að jólum. Tíðin einmuna. Svörður móður jarðar svargulur en tún bænda stappa nærri fagurgrænu. Fíflar hafa sprungið út, hermir fésbók, og þá leiddi ég hugann að þessu; fífl þessir fíflar og fannst ég vera fyndin.
15.des. 2016 - 18:00 Vestfirðir

Umsvif og horfur í Ísafjarðarbæ

Margir glöddust yfir umfjöllun Morgunblaðsins þann 6. desember síðastliðinn þar sem sagt var frá áformum um uppbyggingu á Suðurtanga. Áformin eru það langt komin að búið er að skilgreina stórar iðnaðarlóðir í samstarfi við þau fyrirtæki sem í hlut eiga. Þá er Húsasmiðjan þegar byrjuð að byggja nýtt húsnæði á Suðurtanga undir verslun sína og gera má ráð fyrir að fleiri verslunar- og þjónustufyrirtæki velji sér að vera á sömu slóðum.

15.des. 2016 - 14:30 Reykjanes

Fórum alltaf í jólamessu

Eins og venjulega vaknaði ég fyrstur á aðfangadagsmorgun og sá að það stóð eitthvað uppúr skónum mínum í glugganum í svefnherberginu okkar, undir súð í risinu á Stakkholti. Litla fjölskyldan svaf öll í sama herberginu, við bræðurnir, mamma og pabbi.  Ég var 6 ára árið 1961 og spenningurinn að ná hámarki fyrir jólin. Það var kalt, skítkalt vegna þess að það var alltaf slökkt á miðstöðinni á nóttinni. Olían var of dýr til að kynda húsin á nóttinni og allir klæddu sig vel í bólið á hverri nóttu.
13.des. 2016 - 18:00 Vesturland

Bréf til biskupsins yfir Þjóðkirkju Íslands

Formönnum sóknarnefnda í Staðastaðarprestakalli í Vesturlandsprófastsdæmi hefur nú borist bréf frá þér þar sem það er tilkynnt að búsetuskyldu sóknarprests sama prestakalls sé aflétt. Orðrétt segir: ,,Biskup Íslands og sóknarprestur Staðastaðarprestakalls voru á fundi sínum 14. október sl. sammála um að biskup myndi aflétta búsetuskyldu af sóknarpresti Staðastaðarprestakalls. Það hefur nú verið gert með bréfi til sóknarprests, dagssett 2. desember 2016”. Enn fremur segir að; ,,Biskup og sóknarprestur munu í sameiningu vinna að því að finna samastað í prestakallinu fyrir skrifstofu sóknarprests” vegna þess að þér, frú biskup, er svo ,,umhugað um að prestsþjónustan í prestakallinu sé tryggð”. Þá gerir þú þér vonir um að ,,trúnaðarmenn kirkjunnar í sóknarnefndum ásamt sóknarpresti skipuleggi nú í sameiningu hina kirkjulegu þjónustu í prestakallinu út frá þessum nýju forsendum og með hagsmuni sóknarbarna að leiðarljósi”. 

13.des. 2016 - 07:00 Suðri

Fólk eins og ég og þú

„Þetta erlenda vinnuafl sem flæðir hér inn er að taka vinnu af okkur Íslendingum og halda niðri launum.  Það er óþolandi að fara í búð eða á veitingastað þar sem er bara talað við mann á útlensku, þetta lið að á læra og tala íslensku“.

12.des. 2016 - 07:00 Akureyri vikublað

Einn sokkur og eitt álegg

Ég hef komist að því að ég er afskaplega einföld sál. Ég elska að hafa hlutina einfalda og helst sem allra minnst vesen. (Kannski eru ekki allir sem ég þekki sammála þessu en þeir eru ekki að skrifa þetta svo).
11.des. 2016 - 18:00 Suðri

Hátíð hins hógværa konungs

Ég held alltaf upp á eina minningu sem ég á frá því fyrir fáum árum og hefur í raun ekki neitt með aðventu að gera en átti sér stað á aðventu.  Ég fór á frumsýningu myndarinnar Vatnalíf, heimildarmynd um Veiðivötnin sem hann Gunnar Sigurgeirsson ljósmyndari á Selfosski gerði. Þangað voru mættir ýmsir hagsmunaðilar og einnig þau sem vissu að þau kæmi jafnvel fyrir í myndinni. Fólk var spennt að sjá útkomuna og afraksturinn.  Í einum hluta myndarinnar ríkti mikil eftirvænting.

10.des. 2016 - 18:00 Akureyri vikublað

Léleg þjónusta við viðskiptavini

Ég er algjör fíkill í lambakjöt, þó svo hrossakjöt sé í boði, en hef lengi furðað mig á hvers vegna þessi uppáhaldsmatur minn er ekki til í minni pakkningum en raun ber vitni. Nú er ég nefnilega einn í heimili og sakna þess sárlega að geta ekki keypt mér bara einu sinni í matinn hverju sinni vegna ofur pakkninga. Súpukjöt blandað er t.d. bara selt sem heill frampartur í plastpokum að vísu niðursagaður og sama er að segja um hangikjötið.
08.des. 2016 - 13:23 Austurland

Umsóknareyðublöðin

Um daginn var ég á fundi þar sem fjallað var um sjóð sem ætlað er að styrkja með nokkrum krónum menningarviðburði í landinu. Forstöðumaður sjóðsins sagði frá því, að við síðustu úthlutun hefði stórum hluta af umsóknum verið hafnað með einu pennastriki af því að sótt hafi verið um á gömlum umsóknareyðublöðum. Auk þess kom fram að nýju umsóknareyðublöðin væru svo flókin að tæpast væri á færi annarra en sérfræðinga að fylla þau út. Þess vegna væri afar brýnt fyrir vonina um styrk úr sjóðnum að sækja sér aðstoð fagfólks. Verkefnið sjálft skipti því ekki mestu máli heldur umsóknin.

05.des. 2016 - 07:00 Austurland

Kúnstin að segja nei

Það eru forréttindi að búa í smábæ en að sama skapi fylgir því mikil ábyrgð.  Smægð samfélagssins gerir íbúum kleift að vera kunnug hvort öðru og aðstoða á marga vegu. Uppáhaldshátíðin mín á Seyðisfirði er 17. júní, þá safnast saman góður hópur fólks og allir eru í rólegheitunum að njóta þeirra viðburða sem eru í boði.
04.des. 2016 - 18:00 Akureyri vikublað

Listin að eltihrella

Fyrir nokkrum árum völdu Íslendingar fallegasta orðið í íslenskri tungu og mátti senda inn uppástungur sem ég og gerði, að sjálfsögðu. Ég sendi inn orðið „eltihrellir“. Svona eftir á að hyggja er líklegt að ég hafi misskilið leikinn.

04.des. 2016 - 18:00 Þorgeir Arason

Að gera sér dagamun

Nú er aðventan hafin og biðin mikla eftir hátíðinni sem er í vændum. Þá munum við sennilega öll vilja, þegar hátíðin kemur loks, gera okkur dagamun. Mig langar aðeins að fá okkur til að hugsa um hvað þetta orðtak þýðir, að gera sér dagamun!
27.nóv. 2016 - 07:00 Akureyri vikublað

Fyrirgefðu að ég þekkti þig ekki

Ég glími við ákveðið vandamál sem ég er fyrst núna á síðustu misserum að læra að viðurkenna.Ég þekki ekki fólk.Þetta er tvíþætt vandamál.Ég á erfitt með að muna nöfn og rugla þeim auðveldlega saman, líka nöfnum sem eru í raun ekkert lík heldur eiga kannski bara eitt hljóð sameiginlegt, eins og Gunnar Jónsson og Jón Haskelsson, og hjálpar tenging við störf eða aldur í raun ekki neitt.Hinn þátturinn er sá að útlit hjálpar ekki heldur til því ég á erfitt með að þekkja andlit. Það er eins og ég einfaldlega sjái ekki muninn á fólki eins vel og aðrir.

Aðsendar greinar
Hér birtast aðsendar greinar og yfirlýsingar sem tengjast efni því sem birtist á Pressunni. Netfang: pressan@pressan.is
Hannes Hólmsteinn Gissurarson
Hannes Hólmsteinn Gissurarson - 14.1.2017
Gæfa Dana og gengi
Gestur K. Pálmason
Gestur K. Pálmason - 16.1.2017
Aðeins um ákvarðanir og forgangsröðun
Ingrid Kuhlman
Ingrid Kuhlman - 15.1.2017
Ísjakinn okkar er að bráðna
Jón Steinar Gunnlaugsson
Jón Steinar Gunnlaugsson - 21.1.2017
Gagnsæi og réttlæti í stað leyndar og ranglætis
Austurland
Austurland - 17.1.2017
Læra menn aldrei af reynslunni?
Vestfirðir
Vestfirðir - 15.1.2017
Haldið til Hvanneyrar
Þórhallur Heimisson
Þórhallur Heimisson - 19.1.2017
Hjónanámskeið á Akureyri
Austurland
Austurland - 16.1.2017
Sameiningamálin
Hannes Hólmsteinn Gissurarson
Hannes Hólmsteinn Gissurarson - 21.1.2017
Róbinson Krúsó og Íslendingar
Aðsend grein
Aðsend grein - 20.1.2017
Húsið við Hamarinn
Aðsend grein
Aðsend grein - 20.1.2017
Hvað boðar nýjárs blessuð sól ?
Ingrid Kuhlman
Ingrid Kuhlman - 23.1.2017
Þegar þjáningin ein er eftir
Fleiri pressupennar