07. jún. 2012 - 14:10Vilhjálmur Birgisson

Stjórnendur Eimskips skammist ykkar

Það er ótrúlegt að nú mætti halda að árið 2007 sé skella aftur á af fullum þunga, en eins og fram kom í fréttum Stöðvar 2 í gær þá var upplýst að lykilstjórnendum Eimskipafélagsins mun bjóðast að eignast hluti í félaginu á umtalsvert lægra gengi en reiknað er með að verði fyrir hendi þegar félagið verður skráð á markað í september. Heildarhlutur þeirra gæti orðið milljarða virði og fram kemur í fréttinni að lykilstjórnendur þurfi ekki  að greiða krónu fyrir kaupréttina og fái hundruð milljóna á silfurfati.

Ég verð að viðurkenna að mér er algerlega misboðið og það er morgunljóst að núna verður íslenska þjóðin að segja hingað og ekki lengra gagnvart fyrirtækjum sem haga sér með þessum hætti. Rétt er að rifja upp að kröfuhafar töpuðu í það minnsta 117 milljörðum vegna gjaldþrots Eimskips en varlega áætlað má gera ráð fyrir að lífeyrissjóðir launafólks hafa tapað rúmum 15 milljörðum vegna Eimskips.  Svo ætla þessir snillingar að koma núna og segja að rekstur Eimskips gangi svo vel að mikilvægt sé að lykilstjórnendum verði umbunað með kaupréttarsamningum. Mikilvægt er að hafa í huga að staða Eimskips er ekki góð núna vegna viðskiptasnilli þessara manna heldur er hún tilkomin að hluta til vegna þess að kröfuhafar og þar á meðal íslenskt launafólk tapaði milljörðum vegna gjaldþrots fyrirtækisins.

Ég hafði samband við framkvæmdastjóra lífeyrissjóðs Festu áðan, en Festa er sá lífeyrissjóður sem félagsmenn mínir í Verkalýðsfélagi Akraness greiða í.  Ég tjáði honum að Verkalýðsfélag Akraness geri þá skýlausu kröfu að lífeyrissjóðurinn Festa fjárfesti ekki fyrir eina krónu í þessu fyrirtæki þegar Eimskip fer á markað í september, ef þessi gjörningur um milljarða gjöf til lykilstjórnenda Eimskips verður að veruleika.

Það er þyngra en tárum taki að verða vitni að því að menn hafi ekki sterkara viðskiptasiðferði í ljósi þeirra staðreynda að Eimskip hefur skilið eftir sig slóð eyðileggingar þegar horft er til þess að kröfuhafar töpuðu 117 milljörðum vegna gjaldþrots fyrirtækisins.  Því til viðbótar hafa sjóðsfélagar þurft að sæta skerðingum á sínum lífeyri vegna 15 milljarða taps sjóðanna á fyrirtækinu.

Það er morgunljóst að ég sem formaður Verkalýðsfélags Akraness mun aldrei sætta mig við að fjármunum minna félagsmanna verði varið í hlutbréfakaup í þessu fyrirtæki ef þetta verður ekki dregið til baka.  Ég vil upplýsa að sjóðsfélagar Festu lífeyrissjóðs töpuðu 500 milljónum vegna gjaldþrots Eimskips. 

Við stjórnendur Eimskips vil ég segja: Þið ættuð að skammast ykkar að misbjóða íslenskri þjóð með þessari græðgi ykkar en alþýða þessa lands er blóðug upp fyrir axlir við að reyna að vinna sig útúr þeim vanda sem stjórnendur í mörgum fyrirtækjum innan atvinnulífsins komu almenningi í vegna þeirra græðgivæðingar sem var búin að skjóta rótum í íslensku atvinnulífi.  En núna mun íslenska þjóðin ekki láta ykkur endurtaka leikinn, svo mikið er víst.




Svanhvít - Mottur
08.júl. 2015 - 11:52 Vilhjálmur Birgisson

Hver á að geta keypt plöturnar hans Bubba?

Stál og hnífur er merki mitt, merki farandverkamannsins. Þetta söng Bubbi Morthens á sínum tíma enda var hann talsmaður verkamannsins og alþýðunnar hér á árum áður.
04.júl. 2015 - 22:12 Vilhjálmur Birgisson

Skúli, hættum þessu niðurrifstali og stöndum saman

Fróðlegt að sjá að forstjóra WOW Air viðurkenna að hann hafi reynt að hafa áhrif á fjárfesta vegna sólarkísilverksmiðjunnar á Grundartanga, verksmiðju sem er ein sú umhverfisvænsta sem völ er á samkvæmt úttekt óháðs aðila. Enda hefur hún það markmið að framleiða sólarkísil sem meðal annars er notaður í sólarrafhlöður. Sem sagt framleiðsla á endurnýjanlegum orkugjafa.
01.júl. 2015 - 13:31 Vilhjálmur Birgisson

Sjálfsvíg og átakið Útme´ða

Þessa dagana er 12 manna hlaupahópur að leggja á sig algjört þrekvirki með því að hlaupa hringinn í kringum landið til að vekja athygli á því samfélagsmeini sem sjálfsvíg eru hér á landi og safna fjármunum fyrir gerð forvarnarmyndbands og herferðar með það að markmiði að fækka sjálfsvígum.
25.jún. 2015 - 12:59 Vilhjálmur Birgisson

Aukum gjaldeyrisöflun þjóðarbúsins

Við erum ætíð að leita leiða til að auka verðmætasköpun þjóðarbúsins til að geta staðið undir því velferðarsamfélagi sem hvert þjóðríki vill geta kennt sig við. Allar þjóðir reka sín samfélög á því að skapa útflutningstekjur, en það er með gjaldeyristekjum sem við rekum allt okkar samfélag svo sem heilbrigðisþjónustuna, menntakerfið, löggæsluna, greiðslur almannatrygginga og einnig alla inniviði stjórnsýslunar. Á þessu sést að það skiptir sköpum fyrir okkur sem þjóð að útflutningsatvinnugreinunum gangi vel og þeim séu sköpuð góð rekstrarskilyrði þannig að þau geti vaxið og dafnað og skapað fleiri vel launuð gjaldeyrisskapandi störf og skilað þjóðabúinu góðum tekjum.
02.jún. 2015 - 14:23 Vilhjálmur Birgisson

Um tvö þúsund störfum í orkufrekum iðnaði ógnað verulega

Það er óhætt að segja að mann setji hljóðan og fái kaldan hroll þegar manni berst það til eyrna að verið sé að ógna uppundir 2000 störfum félagsmanna VLFA sem starfa hjá Norðuráli og Elkem Ísland á Grundartanga.  En rétt er að geta þess að þúsundir fjölskyldna hér á Akranesi og nágrenni eiga allt  lífsviðurværi sitt undir þessum fyrirtækjum.
21.maí 2015 - 07:00 Vilhjálmur Birgisson

Hræðsluáróðursmeistarar ræstir út

Nú er búið að ræsa út alla hræðsluáróðursmeistara Samtaka atvinnulífsins, Seðlabankans og stjórnvalda. Þessir ágætu herramenn virðast líta á íslenskt verkafólk sem grálúsugt sem á að þegja, brosa og vinna og það mikið, fyrir lítið!
15.maí 2015 - 13:31 Vilhjálmur Birgisson

Óvissan á vinnumarkaðnum ógnar rekstri Haga!!!

Nú logar íslenskur vinnumarkaður stafnanna á milli vegna verkfallsátaka sem meðal annars byggjast á þeirri sanngjörnu kröfu að lágmarkslaun verði orðin 300.000 kr. innan þriggja ára. Sú krafa byggist á því að lágmarkslaun dugi fyrir lágmarks framfærsluviðmiðum sem hið opinbera hefur gefið út. Þetta finnst hinum ýmsu áhrifamönnum í íslensku samfélagi vera glórulausar kröfur sem muni geta stefnt efnahagslegu sjálfstæði þjóðarinnar í voða. Nægir að nefna í því samhengi seðlabankastjórann og fleiri áhrifamenn í íslensku samfélagi.
06.maí 2015 - 10:54 Vilhjálmur Birgisson

Landsvirkjun – og stóru, skítugu stóriðjufyrirtækin

Í gær var ársfundur Landsvirkjunar en í ár verður fyrirtækið 50 ára gamalt. Það var stofnað 1. júlí árið 1965 í kringum byggingu Búrfellsvirkjunar. Þessa dagana berast frábærar fréttir af Landsvirkjun, fyrirtækið stendur gríðarlega vel, hefur greitt niður skuldir á síðustu 5 árum fyrir 82 milljarða
17.apr. 2015 - 14:06 Vilhjálmur Birgisson

Björgólfur leggðu fram launatöflurnar

Mann setur hljóðan eftir að hafa hlustað á ræðu formanns Samtaka atvinnulífsins sem jafnframt er forstjóri Icelandair Group. Sérstaklega í ljósi þess að hann möglunarlaust segir forystumenn stéttarfélaganna villa um fyrir almenningi án þess að útskýra mál sitt nánar.
13.apr. 2015 - 14:07 Vilhjálmur Birgisson

Ógeðfelldur leðjuslagur: Erum við ekki öll í sama liði?

Það er nú langt síðan ég áttaði mig á því að maður skilur ekki íslenska pólitík og þann ógeðfellda leðjuslag sem pólitíkinni fylgir.
11.apr. 2015 - 16:20 Vilhjálmur Birgisson

Eitt ár frá því að elskulegi drengurinn okkar kvaddi

Óttar Örn, sonur Vilhjálms Í dag 11. apríl er komið eitt ár frá því að elskulegi drengurinn okkar tók þá ákvörðun að kveðja okkur og það skal alveg viðurkennast að þetta ár hefur verið erfitt og tekið á. Því verður ekki lýst í fáum orðum hversu sárt við söknum hans og það er til dæmis svo sorglegt fyrir börnin hans tvö að hafa ekki pabba sinn hjá sér, því þau elskuðu hann og dáðu.
09.apr. 2015 - 14:59 Vilhjálmur Birgisson

Kosningaloforðið var ekki að draga úr heldur afnema

Ég hef verið að rýna lauslega í drög að ályktunum sem á að leggja fram á þingi Framsóknarmanna sem hefst á morgun. Mér finnst það með ólíkindum að ekki sé fastara að orði kveðið hvað varðar til dæmis afnám verðtryggingar sem var eitt af aðal kosningaloforðum flokksins.
07.apr. 2015 - 16:31 Vilhjálmur Birgisson

Leiðréttingin gæti þurrkast út á 2 til 3 árum

Á sínum tíma skoraði ég á stjórnvöld með afgerandi hætti að tryggja það að neysluvísitalan yrði tekin úr sambandi eða fryst þegar leiðrétting á forsendubresti heimilanna yrði afgreidd, til að koma í veg fyrir að ávinningur leiðréttingarinnar myndi étast upp á örskotsstundu.
29.mar. 2015 - 15:42 Vilhjálmur Birgisson

Færum frá þeim tekjumeiri yfir til þeirra sem minna hafa

Margir tala um að mikilvægt sé að ríkisvaldið verði að koma að lausn á þeim kjaradeilum sem nú eru framundan. Ég hef ætíð sagt að okkar aðalviðsemjendur eru Samtök atvinnulífsins og ekki sé hægt að varpa ábyrgð atvinnurekanda til launahækkana yfir á ríkissjóð.
27.mar. 2015 - 10:22 Vilhjálmur Birgisson

Bullsýður á íslensku verkafólki

Á sama tíma og fulltrúar Samtaka atvinnulífsins hafa ekki kjark og þor til að standa andspænis verkföllum verkafólks og gagnrýna sanngjarnar launakröfur þeirra um að lágmarkstaxtar verði komnir uppí 300.000 krónur innan þriggja ára þá dynja yfir okkur umfangsmiklar launahækkanir stjórnarmanna í hinum ýmsu fyrirtækjum.

22.mar. 2015 - 13:33 Vilhjálmur Birgisson

Hvar er stuðningsyfirlýsingin?

Líkt og flestir vita þá styttist í einar hörðustu verkfallsaðgerðir verkafólks í áratugi. Því miður er verkafólk nauðbeygt til að grípa til verkfallsvopnsins vegna þess að dagvinnulaun þeirra eru langt undir öllum framfærsluviðmiðum sem hið opinbera hefur gefið út.
20.mar. 2015 - 15:29 Vilhjálmur Birgisson

Hefur ASÍ meiri áhyggjur af ESB en kjörum verkafólks?

Framundan eru ein mestu verkfallsátök sem íslenskt verkafólk á landbyggðinni hefur háð um áratugalangt skeið. Átök sem byggjast á því að dagvinnulaun verkafólks dugi fyrir lágmarksframfærslu sem hið opinbera hefur gefið út. Verkafólk á landsbyggðinni innan SGS stendur saman í þeim átökum sem nú eru framundan og er tilbúið til að láta sverfa vel til stáls til að bæta kjör sín. Enda eru launakjör verkafólks með þeim hætti að þau eru Samtökum atvinnulífsins, verkalýðshreyfingunni og samfélaginu öllu til ævarandi skammar. Grunnlaun upp á 201 þúsund segja allt sem segja þarf um þá skömm.
11.mar. 2015 - 11:40 Vilhjálmur Birgisson

Látum þessa hrokagikki finna fyrir samtakamættinum

Nú stefnir í hörku verkföll hjá íslensku verkafólki enda hafa Samtök atvinnulífsins sagt að alls ekki sé hægt að ganga að kröfum okkar sem byggjast á því að lágmarkslaun dugi fyrir framfærsluviðmiðum sem hið opinbera hefur gefið út.
02.mar. 2015 - 23:03 Vilhjálmur Birgisson

Forstjórinn hert aðhaldsólina á öllum nema sjálfum sér!

Hvar man ekki eftir þegar stjórnendur Orkuveitu Reykjavíkur tilkynntu viðskiptavinum sínum strax eftir bankahrun að fyrirtækið væri að berjast fyrir lífi sínu og framundan væru gríðarlegar aðhaldsaðgerðir og gjaldskrárhækkanir. Forstjórinn greindi jafnframt frá því að herða þyrfti aðhaldsólina harklega hjá fyrirtækinu.
24.feb. 2015 - 19:17 Vilhjálmur Birgisson

Góður fundur með Sigmundi

Átti mjög góðan fund með forsætisráðherra í dag þar sem staða kjaramála á íslenskum vinnumarkaði var meðal annars til umræðu. Það er gríðarlega ánægjulegt að heyra og finna að forsætisráðherra styðji okkar kröfur um að laun verkafólks hækki alverulega í komandi kjarasamningum.
18.feb. 2015 - 11:31 Vilhjálmur Birgisson

Hvert fór gjaldeyrisvarasjóðurinn?

Það var gjörsamlega mögnuð frétt sem birtist á Stöð 2 í gær þegar verið var að fjalla um 500 milljóna evrulánið sem Seðlabanki Íslands lánaði Kaupþingi rétt fyrir hrun. Eins og flestir muna þá kostaði þessi lánveiting íslenska skattgreiðendur 35 milljarða.

01.feb. 2015 - 12:30 Vilhjálmur Birgisson

Kaldur hrollur: Kaupmáttaraukning hvað!

Það sækir að mér kaldur hrollur þegar einstaka forystumenn í verkalýðshreyfingunni reyna að telja sér og öðrum í trú um að síðasti kjarasamningur verkafólks hafi verið nokkuð góður og skilað mikilli kaupmáttaraukningu.
28.jan. 2015 - 12:17 Vilhjálmur Birgisson

Neyðarfundur hjá Samtökum atvinnulífsins!

Á mánudaginn um klukkan 15:30 voru almannavarnarflautur þeyttar á fullu í húsakynnum Samtaka atvinnulífsins í Borgartúni og starfsmenn SA vinsamlegast beðnir um að yfirgefa húsið í einum grænum og halda án tafar niður í samhæfingarmiðstöð almannavarna í Skógarhlíðinni. Á sama tíma og þetta var að gerast var öllum helstu stjórnarmönnum og forstjórum aðildarfyrirtækja Samtaka atvinnulífsins sent dulkóðað neyðarboð undir heitinu „grálúsugur verkalýður“, en það þýddi hæsta viðbúnaðarstig hjá SA og mjög alvarleg efnahagsleg vá væri framundan
19.jan. 2015 - 17:38 Vilhjálmur Birgisson

Aumkunarverður hræðsluáróður

Aumkunarverður hræðsluáróður sem forsvarsmenn Samtaka atvinnulífsins halda enn og aftur úti þegar kemur að kjarasamningum verkafólks.
07.jan. 2015 - 15:59 Vilhjálmur Birgisson

Afleiðingar láglaunastefnu

Afleiðingar láglaunastefnu
26.des. 2014 - 13:05 Vilhjálmur Birgisson

Styttist í hörkuátök

Nú styttist verulega í að mínu mati hörkuátök á íslenskum vinnumarkaði því ef Verkalýðsfélag Akraness fær einhverju ráðið þá verður látið sverfa til stáls í því markmiði að lagfæra kjör verkafólks svo um munar í komandi kjarasamningum.
18.des. 2014 - 12:40 Vilhjálmur Birgisson

Hvar eru peningarnir hans afa?

Já, hvar eru milljónirnar hans afa? Þetta er góð spurning sem forsvarsmenn lífeyriskerfisins eiga að svara.
15.des. 2014 - 21:42 Vilhjálmur Birgisson

Miskunnarlaust óréttlæti

Frá árinu 1998 til 2013 hafa regluleg laun forstjóra og aðalframkvæmdastjóra fyrirtækja og stofnanna hækkað um 251% samkvæmt gögnum Hagstofunnar.
13.des. 2014 - 20:00 Vilhjálmur Birgisson

Fámenn valdaklíka hámar í sig mest af kökunni

Ég er ekki í nokkrum vafa um að misskipting og ójöfnuður hamlar öllum efnahagslegum uppvexti. Það sorglega í þessu öllu saman er að þeir sem baka og skaffa hráefnið í þjóðarkökuna eins og til dæmis almennt verkafólk sem starfar í fiskvinnslu og öðrum útflutningsgreinum fær alls ekki að njóta þess sem þjóðarkakan bíður uppá.

03.des. 2014 - 21:12 Vilhjálmur Birgisson

Silicor Materials umhverfisvænasta stóriðja á Íslandi

Eins og fram hefur komið í fréttum þá hyggst Silicor Materials reisa sólarkísilverksmiðju á Grundartanga en verksmiðjan mun skapa upp undir 440 vel launuð gjaldeyrisskapandi störf.

Vilhjálmur Birgisson

Fæddur 5. ágúst 1965. Fjögurra barna faðir og Skagamaður í húð og hár. Hefur alla tíð unnið verkamannavinnu þar til hann tók við formennsku í Verkalýðsfélagi Akraness 19. nóvember 2003.

Er óflokksbundinn og hefur þá trú að forystumenn í verkalýðshreyfingunni eigi ekki að vera eyrnamerktir stjórnmálaflokkum. Hefur brennandi áhuga þjóðfélagsmálum og segir sína meiningu umbúðalaust.

Bergljót Björk Halldórsdóttir
Bergljót Björk Halldórsdóttir - 17.7.2015
Byltingin mín: Hugleiðingar konu í yfirstærð
Ragnheiður Ragnarsdóttir
Ragnheiður Ragnarsdóttir - 19.7.2015
Ragga í LA: Lífið síðustu mánuði
Jón Sigurðsson
Jón Sigurðsson - 15.7.2015
Grikkland: Margir leikir framundan
Hannes Hólmsteinn Gissurarson
Hannes Hólmsteinn Gissurarson - 17.7.2015
Umsögn Conrads Blacks
Hannes Hólmsteinn Gissurarson
Hannes Hólmsteinn Gissurarson - 23.7.2015
Myndir af mér í Séð og heyrt
Hannes Hólmsteinn Gissurarson
Hannes Hólmsteinn Gissurarson - 20.7.2015
Líkfundur í Strassborg
Hannes Hólmsteinn Gissurarson
Hannes Hólmsteinn Gissurarson - 18.7.2015
Dularfulli ræðismaðurinn
Hannes Hólmsteinn Gissurarson
Hannes Hólmsteinn Gissurarson - 23.7.2015
Þorvaldur: Taglhnýtingur auðsins
Hannes Hólmsteinn Gissurarson
Hannes Hólmsteinn Gissurarson - 18.7.2015
Hæpin notkun úrfellingarmerkisins
Hannes Hólmsteinn Gissurarson
Hannes Hólmsteinn Gissurarson - 27.7.2015
Óvandvirkur rannsóknarblaðamaður
Hannes Hólmsteinn Gissurarson
Hannes Hólmsteinn Gissurarson - 21.7.2015
Íslandsgrein Matts Ridleys
Hannes Hólmsteinn Gissurarson
Hannes Hólmsteinn Gissurarson - 26.7.2015
Gjöf frá Seðlabankanum
Ragnheiður Ragnarsdóttir
Ragnheiður Ragnarsdóttir - 27.7.2015
Augnhárin hafa aldrei verið lengri né sterkari
Fleiri pressupennar