07. jún. 2012 - 14:10Vilhjálmur Birgisson

Stjórnendur Eimskips skammist ykkar

Það er ótrúlegt að nú mætti halda að árið 2007 sé skella aftur á af fullum þunga, en eins og fram kom í fréttum Stöðvar 2 í gær þá var upplýst að lykilstjórnendum Eimskipafélagsins mun bjóðast að eignast hluti í félaginu á umtalsvert lægra gengi en reiknað er með að verði fyrir hendi þegar félagið verður skráð á markað í september. Heildarhlutur þeirra gæti orðið milljarða virði og fram kemur í fréttinni að lykilstjórnendur þurfi ekki  að greiða krónu fyrir kaupréttina og fái hundruð milljóna á silfurfati.

Ég verð að viðurkenna að mér er algerlega misboðið og það er morgunljóst að núna verður íslenska þjóðin að segja hingað og ekki lengra gagnvart fyrirtækjum sem haga sér með þessum hætti. Rétt er að rifja upp að kröfuhafar töpuðu í það minnsta 117 milljörðum vegna gjaldþrots Eimskips en varlega áætlað má gera ráð fyrir að lífeyrissjóðir launafólks hafa tapað rúmum 15 milljörðum vegna Eimskips.  Svo ætla þessir snillingar að koma núna og segja að rekstur Eimskips gangi svo vel að mikilvægt sé að lykilstjórnendum verði umbunað með kaupréttarsamningum. Mikilvægt er að hafa í huga að staða Eimskips er ekki góð núna vegna viðskiptasnilli þessara manna heldur er hún tilkomin að hluta til vegna þess að kröfuhafar og þar á meðal íslenskt launafólk tapaði milljörðum vegna gjaldþrots fyrirtækisins.

Ég hafði samband við framkvæmdastjóra lífeyrissjóðs Festu áðan, en Festa er sá lífeyrissjóður sem félagsmenn mínir í Verkalýðsfélagi Akraness greiða í.  Ég tjáði honum að Verkalýðsfélag Akraness geri þá skýlausu kröfu að lífeyrissjóðurinn Festa fjárfesti ekki fyrir eina krónu í þessu fyrirtæki þegar Eimskip fer á markað í september, ef þessi gjörningur um milljarða gjöf til lykilstjórnenda Eimskips verður að veruleika.

Það er þyngra en tárum taki að verða vitni að því að menn hafi ekki sterkara viðskiptasiðferði í ljósi þeirra staðreynda að Eimskip hefur skilið eftir sig slóð eyðileggingar þegar horft er til þess að kröfuhafar töpuðu 117 milljörðum vegna gjaldþrots fyrirtækisins.  Því til viðbótar hafa sjóðsfélagar þurft að sæta skerðingum á sínum lífeyri vegna 15 milljarða taps sjóðanna á fyrirtækinu.

Það er morgunljóst að ég sem formaður Verkalýðsfélags Akraness mun aldrei sætta mig við að fjármunum minna félagsmanna verði varið í hlutbréfakaup í þessu fyrirtæki ef þetta verður ekki dregið til baka.  Ég vil upplýsa að sjóðsfélagar Festu lífeyrissjóðs töpuðu 500 milljónum vegna gjaldþrots Eimskips. 

Við stjórnendur Eimskips vil ég segja: Þið ættuð að skammast ykkar að misbjóða íslenskri þjóð með þessari græðgi ykkar en alþýða þessa lands er blóðug upp fyrir axlir við að reyna að vinna sig útúr þeim vanda sem stjórnendur í mörgum fyrirtækjum innan atvinnulífsins komu almenningi í vegna þeirra græðgivæðingar sem var búin að skjóta rótum í íslensku atvinnulífi.  En núna mun íslenska þjóðin ekki láta ykkur endurtaka leikinn, svo mikið er víst.




(1-10) Willamia: Sérsniðin húsgögn - feb
20.jan. 2016 - 13:22 Vilhjálmur Birgisson

Dapurlegt að heyra í Andra Snæ

Í nóvember í fyrra spyr Andri Snær Magnason hvers vegna íslensk ungmenni ættu að vilja vinna í stóriðju í sinni heimabyggð þegar þeim stendur allur heimurinn til boða. Andri segir líka í þessari grein sem hann skrifaði að þeir sem alast upp á Íslandi njóti þeirra "forréttinda", ólíkt flestum jarðarbúum í gjörvallri mannkynssögunni, að geta valið sér starfsvettvang í öllum heiminum.
30.des. 2015 - 12:56 Vilhjálmur Birgisson

Takk Ólafur Ragnar Grímsson

Forseti Íslands ávarpar eldri félagsmenn VLFA á Bessastöðum 2012 Nú eru einungis tveir dagar þar til Ólafur Ragnar Grímsson mun tilkynna í nýársávarpi sínu hvort hann gefi áfram kost á sér til að gegna embætti forseta Íslands eða ekki. 
08.des. 2015 - 15:19 Vilhjálmur Birgisson

Framkvæmdastjóra Samtaka atvinnulífsins svarað

Þorsteinn Víglundsson, framkvæmdastjóri Samtaka atvinnulífsins er ekki á eitt sáttur um skrif mín um Alcan deiluna í Straumsvík og segir í pistli sem hann ritaði hér á Pressuna að ég viti svarið en hafi hinsvegar ekki haft fyrir því að geta þess í Pressupistli sem ég skrifaði.

03.des. 2015 - 15:54 Vilhjálmur Birgisson

Einföld lausn á Alcan-deilunni

Þau hafa verið afar fróðleg viðtölin við forstjóra Alcan í Straumsvík á síðustu tveimur dögum en í þessum viðtölum hefur hún viljað líkja rekstri álversins við aflabrögð um borði í fiskiskipi. Forstjórinn hefur sagt í þessu samhengi að ef ekki fiskast þá neyðist menn til að grípa til hagræðingar.
20.nóv. 2015 - 19:30 Vilhjálmur Birgisson

Ég er hryggur og dapur

Í fréttum áðan var viðtal við forseta ASÍ og fjármálaráðherra vegna ákvörðunar kjararáðs um að hækka laun þeirra sem taka laun eftir kjararáði. En eins og fram hefur komið í fréttum nemur sú hækkun frá 60 þúsundum á mánuði upp allt að 200 þúsund.
13.nóv. 2015 - 17:20 Vilhjálmur Birgisson

Skuldsettir bera einir ábyrgðina

Það er óhætt að segja að stýrivaxtahækkanir Seðlabankans að undanförnu hafi vakið upp mikla gremju á meðal alþýðu þessa lands enda hafa þær hækkanir það markmið að draga úr ráðstöfunartekjum heimilanna og leiða til þess að vextir allra skulda almennings hækka í kjölfarið. Þetta er algjörlega galið fyrirkomulag, að þegar Seðlabankinn ætlar að slá á verðbólguþrýsting þá sé það gert með því að færa fjármuni frá íslenskum neytendum og fyrirtækjum yfir til fjármálakerfisins. Það hlýtur hvert mannsbarn að sjá að það er eitthvað verulega rangt við þetta fyrirkomulag en Seðlabankinn hefur bent á að stýrivaxtahækkun sé í raun eina stýritækið sem þeir hafa til að reyna að draga úr þenslu og einkaneyslu almennings.
11.nóv. 2015 - 15:14 Vilhjálmur Birgisson

Seðlabankinn ætlar að nota eina skotið í byssunni á almenning!

Það er algjörlega magnað að fylgjast með fulltrúum Seðlabankans þessa dagana sem hafa ítrekað hækkað stýrivexti hér þrátt fyrir að engar forsendur séu fyrir slíku enda er verðbólgan um þessar mundir í sögulegu lágmarki eða sem nemur 1,8%.
06.nóv. 2015 - 18:38 Vilhjálmur Birgisson

Ósannindi, hálfsannleikur og óheiðarleiki

Þetta er eitt óheiðarlegasta viðtal sem ég hef hlustað á nánast frá upphafi en að sjálfsögðu er þetta viðtal við sjálfan forseta Alþýðusambands Íslands. Þetta viðtal er stútfullt af ósannindum, hálfsannleik og öðrum slíkum óheiðarleika. Hér er verið að fjalla um gagnrýni Verkalýðsfélags Akraness á þá bláköldu staðreynd að hið nýja rammasamkomulag aðila vinnumarkaðarins hjá svokölluðum SALEK hóp skerði samningsrétt og frelsi stéttarfélaga til kjarasamningsgerðar.
30.okt. 2015 - 09:51 Vilhjálmur Birgisson

Minningarorð um Guðbjart Hannesson

Ég var þeirrar gæfu aðnjótandi að fá að kynnast Guðbjarti Hannessyni og fór ekki milli mála að þar fór maður sem hafði mikla réttlætiskennd og vildi ávallt berjast fyrir jöfnuði og réttlæti í okkar samfélagi.  Með öðrum orðum, Gutti eins og hann var ávallt kallaður var gegnum heill jafnaðarmaður sem vildi svo sannarlega rétta hlut verkafólks, enda veit ég að hann þoldi ekki óréttlæti og misskiptingu í okkar samfélagi.
21.okt. 2015 - 13:07 Vilhjálmur Birgisson

Algjörlega ótrúlegt!

Það er algjörlega ótrúlegt að verða vitni að því að verð á bensíni hefur lækkað um 12,1 prósent á sama tíma og heimsmarkaðsverð á olíu hefur lækkað um 57 prósent. Í staðinn fyrir að skila þessu til íslenskra neytenda þá hafa olíufélögin frekar kosið að auka álagningu sína heldur en að láta íslenska neytendur njóta góðs af því. Það þýðir ekki fyrir olíufélögin að skýla sér á bakvið íslensku krónuna því hún hefur lækkað umtalsvert gegn dollara.
15.sep. 2015 - 13:06 Vilhjálmur Birgisson

Íslenskir skattgreiðendur niðurgreiða okurvexti bankanna um 62 milljarða!

Ég geri þá skýlausu kröfu á stjórnvöld og Alþingi í heild sinni að tekið verði á bankakerfinu öllu af fullri hörku hvað varðar það vaxtaokur sem almenningur hér á landi þarf að þola. Vaxtaokrið er það mikið að ríkissjóður sér sig knúinn, eðlilega, til að aðstoða íslensk heimili í formi vaxtabóta á hverju einasta ári. Á árinu 2015 þurftu íslenskir skattgreiðendur að niðurgreiða vexti fyrir bankakerfið um upphæð sem nam 7 milljörðum, en 38.000 einstaklingar skiptu þeirri upphæð á milli sín.
10.sep. 2015 - 12:53 Vilhjálmur Birgisson

Vaxtaokrið er ofbeldi gegn íslenskum neytendum

Það er óhætt að segja að vaxtaokrið sem íslensk heimili mega þola hér á landi ríði vart við einteyming enda eru húsnæðisvextir hér á landi mun hærri en í þeim löndum sem við viljum bera okkur saman við og því til viðbótar eru flest húsnæðislán verðtryggð.
28.ágú. 2015 - 15:07 Vilhjálmur Birgisson

Gullkálfur íslensku þjóðarinnar

Gullkálfur íslensku þjóðarinnar í dag er klárlega Landsvirkjun en hún skilaði 8,4 milljörðum í hagnað fyrstu 6 mánuðina sem er 83% meiri hagnaður miðað við sama tíma og í fyrra. Skuldir lækkuðu um 23 milljarða á fyrstu 6 mánuðum ársins og því orðið ljóst að Landsvirkjun er búin að greiða niður um 100 milljarða af skuldum sínum á liðnum árum og verður orðin skuldlaus eftir örfá ár. Takið eftir að það er að gerast þrátt fyrir að Landsvirkjun hafi ráðist í dýrustu framkvæmd Íslandssögunnar sem var bygging Kárahnjúkavirkjunar.
27.ágú. 2015 - 12:07 Vilhjálmur Birgisson

Neyðarástand á leigumarkaði

Í Morgunblaðinu í dag er mjög forvitnilegt viðtal við Helga S. Gunnarsson forstjóra Fasteignafélagsins Regins. Í þessu viðtali kemur fram að hann telji afar brýnt að vextir lækki verulega til að hægt verði að vinna íbúðaleigumarkaðinn úr þeim skelfilegu ógöngum sem hann er í. 
25.ágú. 2015 - 18:30 Vilhjálmur Birgisson

Er þetta virkilega hlutverk Seðlabankans?

Þegar fulltrúar Seðlabankans eru að rökstyðja stýrivaxtahækkanir sínar þá segja þeir að kjarasamningar verkafólks hafi hækkað laun of mikið og þeim beri skylda til að benda á það og bregðast við því.
20.ágú. 2015 - 11:56 Vilhjálmur Birgisson

Afmá þarf Má úr Seðlabankanum

Það er óhætt að segja að Þórarinn Ævarsson framkvæmdastjóri IKEA á Íslandi hafi tekið Má Guðmundsson Seðlabankastjóra og meðreiðarsveina hans innan bankans, skellt þeim á lærið á sér og rassskellt þá vegna stýrivaxtahækkunar bankans í gær. Eins og allir vita þá tilkynnti framkvæmdastjórinn að IKEA ætli að lækka vöruverð um 2,8%,  m.a. vegna þess að gengi íslensku krónunnar gagnvart evrunni hafi styrkst umtalsvert á liðnum misserum og síðast en ekki síst þá voru kjarasamningar á hinum almenna vinnumarkaði mun skaplegri og kostnaðarminni en fyrirtækið hafði gert ráð fyrir.
08.júl. 2015 - 11:52 Vilhjálmur Birgisson

Hver á að geta keypt plöturnar hans Bubba?

Stál og hnífur er merki mitt, merki farandverkamannsins. Þetta söng Bubbi Morthens á sínum tíma enda var hann talsmaður verkamannsins og alþýðunnar hér á árum áður.
04.júl. 2015 - 22:12 Vilhjálmur Birgisson

Skúli, hættum þessu niðurrifstali og stöndum saman

Fróðlegt að sjá að forstjóra WOW Air viðurkenna að hann hafi reynt að hafa áhrif á fjárfesta vegna sólarkísilverksmiðjunnar á Grundartanga, verksmiðju sem er ein sú umhverfisvænsta sem völ er á samkvæmt úttekt óháðs aðila. Enda hefur hún það markmið að framleiða sólarkísil sem meðal annars er notaður í sólarrafhlöður. Sem sagt framleiðsla á endurnýjanlegum orkugjafa.
01.júl. 2015 - 13:31 Vilhjálmur Birgisson

Sjálfsvíg og átakið Útme´ða

Þessa dagana er 12 manna hlaupahópur að leggja á sig algjört þrekvirki með því að hlaupa hringinn í kringum landið til að vekja athygli á því samfélagsmeini sem sjálfsvíg eru hér á landi og safna fjármunum fyrir gerð forvarnarmyndbands og herferðar með það að markmiði að fækka sjálfsvígum.
25.jún. 2015 - 12:59 Vilhjálmur Birgisson

Aukum gjaldeyrisöflun þjóðarbúsins

Við erum ætíð að leita leiða til að auka verðmætasköpun þjóðarbúsins til að geta staðið undir því velferðarsamfélagi sem hvert þjóðríki vill geta kennt sig við. Allar þjóðir reka sín samfélög á því að skapa útflutningstekjur, en það er með gjaldeyristekjum sem við rekum allt okkar samfélag svo sem heilbrigðisþjónustuna, menntakerfið, löggæsluna, greiðslur almannatrygginga og einnig alla inniviði stjórnsýslunar. Á þessu sést að það skiptir sköpum fyrir okkur sem þjóð að útflutningsatvinnugreinunum gangi vel og þeim séu sköpuð góð rekstrarskilyrði þannig að þau geti vaxið og dafnað og skapað fleiri vel launuð gjaldeyrisskapandi störf og skilað þjóðabúinu góðum tekjum.
02.jún. 2015 - 14:23 Vilhjálmur Birgisson

Um tvö þúsund störfum í orkufrekum iðnaði ógnað verulega

Það er óhætt að segja að mann setji hljóðan og fái kaldan hroll þegar manni berst það til eyrna að verið sé að ógna uppundir 2000 störfum félagsmanna VLFA sem starfa hjá Norðuráli og Elkem Ísland á Grundartanga.  En rétt er að geta þess að þúsundir fjölskyldna hér á Akranesi og nágrenni eiga allt  lífsviðurværi sitt undir þessum fyrirtækjum.
21.maí 2015 - 07:00 Vilhjálmur Birgisson

Hræðsluáróðursmeistarar ræstir út

Nú er búið að ræsa út alla hræðsluáróðursmeistara Samtaka atvinnulífsins, Seðlabankans og stjórnvalda. Þessir ágætu herramenn virðast líta á íslenskt verkafólk sem grálúsugt sem á að þegja, brosa og vinna og það mikið, fyrir lítið!
15.maí 2015 - 13:31 Vilhjálmur Birgisson

Óvissan á vinnumarkaðnum ógnar rekstri Haga!!!

Nú logar íslenskur vinnumarkaður stafnanna á milli vegna verkfallsátaka sem meðal annars byggjast á þeirri sanngjörnu kröfu að lágmarkslaun verði orðin 300.000 kr. innan þriggja ára. Sú krafa byggist á því að lágmarkslaun dugi fyrir lágmarks framfærsluviðmiðum sem hið opinbera hefur gefið út. Þetta finnst hinum ýmsu áhrifamönnum í íslensku samfélagi vera glórulausar kröfur sem muni geta stefnt efnahagslegu sjálfstæði þjóðarinnar í voða. Nægir að nefna í því samhengi seðlabankastjórann og fleiri áhrifamenn í íslensku samfélagi.
06.maí 2015 - 10:54 Vilhjálmur Birgisson

Landsvirkjun – og stóru, skítugu stóriðjufyrirtækin

Í gær var ársfundur Landsvirkjunar en í ár verður fyrirtækið 50 ára gamalt. Það var stofnað 1. júlí árið 1965 í kringum byggingu Búrfellsvirkjunar. Þessa dagana berast frábærar fréttir af Landsvirkjun, fyrirtækið stendur gríðarlega vel, hefur greitt niður skuldir á síðustu 5 árum fyrir 82 milljarða
17.apr. 2015 - 14:06 Vilhjálmur Birgisson

Björgólfur leggðu fram launatöflurnar

Mann setur hljóðan eftir að hafa hlustað á ræðu formanns Samtaka atvinnulífsins sem jafnframt er forstjóri Icelandair Group. Sérstaklega í ljósi þess að hann möglunarlaust segir forystumenn stéttarfélaganna villa um fyrir almenningi án þess að útskýra mál sitt nánar.
13.apr. 2015 - 14:07 Vilhjálmur Birgisson

Ógeðfelldur leðjuslagur: Erum við ekki öll í sama liði?

Það er nú langt síðan ég áttaði mig á því að maður skilur ekki íslenska pólitík og þann ógeðfellda leðjuslag sem pólitíkinni fylgir.
11.apr. 2015 - 16:20 Vilhjálmur Birgisson

Eitt ár frá því að elskulegi drengurinn okkar kvaddi

Óttar Örn, sonur Vilhjálms Í dag 11. apríl er komið eitt ár frá því að elskulegi drengurinn okkar tók þá ákvörðun að kveðja okkur og það skal alveg viðurkennast að þetta ár hefur verið erfitt og tekið á. Því verður ekki lýst í fáum orðum hversu sárt við söknum hans og það er til dæmis svo sorglegt fyrir börnin hans tvö að hafa ekki pabba sinn hjá sér, því þau elskuðu hann og dáðu.
09.apr. 2015 - 14:59 Vilhjálmur Birgisson

Kosningaloforðið var ekki að draga úr heldur afnema

Ég hef verið að rýna lauslega í drög að ályktunum sem á að leggja fram á þingi Framsóknarmanna sem hefst á morgun. Mér finnst það með ólíkindum að ekki sé fastara að orði kveðið hvað varðar til dæmis afnám verðtryggingar sem var eitt af aðal kosningaloforðum flokksins.
07.apr. 2015 - 16:31 Vilhjálmur Birgisson

Leiðréttingin gæti þurrkast út á 2 til 3 árum

Á sínum tíma skoraði ég á stjórnvöld með afgerandi hætti að tryggja það að neysluvísitalan yrði tekin úr sambandi eða fryst þegar leiðrétting á forsendubresti heimilanna yrði afgreidd, til að koma í veg fyrir að ávinningur leiðréttingarinnar myndi étast upp á örskotsstundu.

Vilhjálmur Birgisson

Fæddur 5. ágúst 1965. Fjögurra barna faðir og Skagamaður í húð og hár. Hefur alla tíð unnið verkamannavinnu þar til hann tók við formennsku í Verkalýðsfélagi Akraness 19. nóvember 2003.

Er óflokksbundinn og hefur þá trú að forystumenn í verkalýðshreyfingunni eigi ekki að vera eyrnamerktir stjórnmálaflokkum. Hefur brennandi áhuga þjóðfélagsmálum og segir sína meiningu umbúðalaust.

Sigrún Jónsdóttir
Sigrún Jónsdóttir - 26.1.2016
Líkfundur í Flatey?
Þórhallur Heimisson
Þórhallur Heimisson - 24.1.2016
FH-ingur rekinn úr landi
Hannes Hólmsteinn Gissurarson
Hannes Hólmsteinn Gissurarson - 25.1.2016
Sala áfengis í búðum
Brynjar Nielsson
Brynjar Nielsson - 28.1.2016
Betri í rúminu en flestir aðrir
Jón Steinar Gunnlaugsson
Jón Steinar Gunnlaugsson - 29.1.2016
Hnýsni í einkamál annarra
Brynjar Nielsson
Brynjar Nielsson - 26.1.2016
Er ekki að ráðast gegn fólkinu í landinu
Jón Sigurðsson
Jón Sigurðsson - 25.1.2016
Sumum ljúft en öðrum leitt
Hannes Hólmsteinn Gissurarson
Hannes Hólmsteinn Gissurarson - 05.2.2016
Lánsfé og lystisnekkjur
Brynjar Nielsson
Brynjar Nielsson - 27.1.2016
Kári og Magnús senda mér pillu
Hannes Hólmsteinn Gissurarson
Hannes Hólmsteinn Gissurarson - 30.1.2016
Ertu á leið til Lima?
Hannes Hólmsteinn Gissurarson
Hannes Hólmsteinn Gissurarson - 02.2.2016
Þjóð berst við eld og ís
Guðlaugur Þór Þórðarson
Guðlaugur Þór Þórðarson - 02.2.2016
Peningar, húsnæðismál og ungt fólk
Jón Steinar Gunnlaugsson
Jón Steinar Gunnlaugsson - 06.2.2016
Áfellisdómur yfir samdómara
Hannes Hólmsteinn Gissurarson
Hannes Hólmsteinn Gissurarson - 03.2.2016
Upptaka frá Lima í Perú
Fleiri pressupennar