13. nóv. 2015 - 17:20Vilhjálmur Birgisson

Skuldsettir bera einir ábyrgðina

Það er óhætt að segja að stýrivaxtahækkanir Seðlabankans að undanförnu hafi vakið upp mikla gremju á meðal alþýðu þessa lands enda hafa þær hækkanir það markmið að draga úr ráðstöfunartekjum heimilanna og leiða til þess að vextir allra skulda almennings hækka í kjölfarið. Þetta er algjörlega galið fyrirkomulag, að þegar Seðlabankinn ætlar að slá á verðbólguþrýsting þá sé það gert með því að færa fjármuni frá íslenskum neytendum og fyrirtækjum yfir til fjármálakerfisins. Það hlýtur hvert mannsbarn að sjá að það er eitthvað verulega rangt við þetta fyrirkomulag en Seðlabankinn hefur bent á að stýrivaxtahækkun sé í raun eina stýritækið sem þeir hafa til að reyna að draga úr þenslu og einkaneyslu almennings.

Þetta stjórntæki Seðlabankans gerir það að verkum að þeir sem skulda eru einir látnir bera ábyrgð á því að draga úr einkaneyslu og verðbólguþrýstingi en með slíku fyrirkomulagi er fólgið mikið ójafnræði og óréttlæti.

Á þeirri forsendu til ég gríðarlega mikilvægt fyrir stjórnvöld og Alþingi í heild sinni að skoða nýja möguleika og leiðir varðandi það að draga úr einkaneyslu almennings þegar verðbólguþrýstingur verður óeðlilegur. Það væri til dæmis hægt að gera með því að tryggja í lögum að stýrivaxtahækkanir Seðlabankans nái einungis til nýrra lána en ekki eldri lána. Til viðbótar verði heimild í lögum til að auka bindiskyldu í séreignarsparnaði launafólks sem gæti verið fólgin í því að þegar verðbólguþrýstingur eykst þá sé heimild til að auka séreignarsparnað launafólks tímabundið, sem hefði það markmið að draga úr einkaneyslu á meðan verðbólguþrýstingur væri til staðar.

Ávinningurinn af þessu yrði augljós en þetta fyrirkomulag myndi tryggja að fjármunirnir myndu renna inn á lokaðan reikning launamannsins sem hans eign, en ekki eins og fyrirkomulagið er í dag að þegar vextir eru hækkaðar á allar skuldir almennings þá rennur ávinningurinn af stýrivaxtahækkunum til fjármálakerfisins með skelfilegum afleiðingum oft á tíðum fyrir skuldsett heimili.

Ég skora á stjórnvöld og þingmenn að skoða þetta mál því það gengur ekki upp að hafa kerfið með þeim hætti að fjármunir séu færðir frá almenningi yfir til fjármálakerfisins þegar verið er að reyna að slá á einkaneyslu almennings til að draga úr verðbólguþrýstingi.

Eins og áður sagði myndi þessi aðgerð ná til alls launafólks og yrði mun skilvirkari en eins og aðgerðin er í dag en nú bitna stýrivaxtahækkanir Seðlabankans fyrst og fremst á þeim skuldugustu sem eru oft á tíðum þeir tekjulægstu í íslensku samfélagi. Það er allavega skynsamlegra að tryggja að þegar verið er að draga úr einkaneyslu almennings þá renni fjármunirnir ekki í hít fjármálakerfisins heldur verði áfram eign launamannsins með bindiskyldu eins og lög um séreignasparnað kveða á um




23.maí 2017 - 13:08 Vilhjálmur Birgisson

Stjórnvöld eiga að vera á tánum en ekki hnjánum

Þetta eru nú meiri snillingarnir hjá Samtökum fyrirtækja í sjávarútvegi en nú kallast það ábyrg byggðastefna hjá HB Granda að stúta fjöreggi okkar Skagamanna í atvinnumálum á einni nóttu. Að hugsa sér að sjávargreifarnir reyni að réttlæta það að það fyrirkomulag sem við erum með við stjórnun fiskveiða sé búið að leggja að velli þriðju stærstu verstöð landsins á nokkrum árum er ótrúlegt og jafnvel ósvífið.
27.apr. 2017 - 15:48 Vilhjálmur Birgisson

Hví í ósköpunum gera alþingismenn ekkert í þessu?

Hví í ósköpunum gera alþingismenn ekkert í þessu? Nú kemur í ljós að 12 mánaða verðbólga á Íslandi er 1,9% en takið eftir án húsnæðisliðar þá er hún neikvæð um 1,8%. Þetta þýðir á mannamáli að verðtryggðar skuldir heimilanna hafa hækkað um 38 milljarða á síðustu 12 mánuðum en ef fjárskuldbindingar heimilanna myndu miða við neysluvísitölu án húsnæðisliðar þá hefðu skuldir heimilanna lækkað um 36 milljarða, en hér hafa verið hafðir af heimilnum 74 milljarðar! Með öðrum orðum þá er það einungis hækkun á húsnæðisverði og leiguverði sem knýr verðbólguna áfram en það er bullandi verðhjöðnun á öðrum liðum neysluvísitölunnar.
27.mar. 2017 - 18:37 Vilhjálmur Birgisson

„Sorglegt og dapurt“

Kátir voru karlar á kútter Haraldi. Til fiskiveiða fóru frá Akranesi. Og allir komu þeir aftur!
21.mar. 2017 - 12:35 Vilhjálmur Birgisson

Af hverju er verið að selja erlendum hrægömmum slíka gullgæs?

Það er sorglegt til þess að vita að hrægömmunum hefur nú tekist að steypa sér niður og læsa klónum í einn af viðskiptabönkum landsmanna, en eins og allir vita hafa hrægammarnir flögrað yfir íslensku viðskiptalífi um langt skeið í þeirri von að fá tækifæri til læsa klónum í arðsama bráð sína og nú hefur þeim svo sannarlega tekist það.
19.mar. 2017 - 16:47 Vilhjálmur Birgisson

Fyrirgefið orðbragðið

Fyrirgefið orðbragðið, en djöfull er ég sammála Mikael Torfasyni að við eigum að skammast okkur hvernig við komum fram við þá sem höllumstum fæti standa í íslensku samfélagi. Ég veit ekki hvað ég hef skrifað marga pistla og flutt ræður um að það er með ólíkindum að vera með lágmarkslaun og launataxta sem eru langt undir öllum neysluviðmiðum sem velferðaráðuneytið hefur gefið út.
16.mar. 2017 - 13:23 Vilhjálmur Birgisson

Ófriður er ekki verkafólki og iðnaðarmönnum að kenna

Það er alltaf gaman og fróðlegt að hlusta á félaga Brynjar sem sagði að hér væri alltaf allt logandi í verkföllum og að besti árangurinn til að lækka vexti væri friður á vinnumarkaði! Það er mikilvægt fyrir Brynjar og fleiri að vita að verslunarmenn, verkafólk og iðnaðarmenn á Íslandi hafa vart farið í verkfall 30 til 40 ár! Svo tala menn um ófrið á vinnumarkaði! Þessi ófriður er alls ekki verkafólki og iðnaðarmönnum að kenna.

14.mar. 2017 - 13:56 Vilhjálmur Birgisson

Til hamingju Ragnar Þór!

Ég get ekki annað en óskað vini mínum Ragnar Þór Ingólfsson innilega til hamingju með þennan glæsilega sigur og trúðu mér, þú áttir hann svo sannarlega skilið. Þetta mun hafa gríðarlega jákvæð áhrif á baráttu verkalýðshreyfingarinnar í heild sinni því samstarf og samvinna Verkalýðsfélags Akraness og Ragnars Þórs á þingum ASÍ hefur verið órjúfanleg. Nægir að nefna í stórum hagsmunamálum eins og afnámi verðtryggingar, að tekið sé á okurvöxtum og auknu lýðræði í lífeyrisjóðunum, allt eru þetta mál sem Ragnar Þór hefur tekið þátt í að styðja okkur í VLFA með.

13.mar. 2017 - 15:50 Vilhjálmur Birgisson

Krjúpa við hreiður hrægamma

Já, það verður að segjast alveg eins og er að það er eilítið undarlegt að hrægömmunum hafi verið gefinn afsláttur sem nemur allt að 54 milljörðum sem er nánast sama upphæð og kostar að reka Landspítalann á einu ári! Það verður fróðlegt að fylgjast með gengi krónunnar á næstu dögum eftir þessa samninga við hrægammana, en krónan hefur nú þegar fallið um rúm 3%.

09.mar. 2017 - 12:26 Vilhjálmur Birgisson

Er ekki komin tími til að stjórnvöld marki eigendastefnu fyrir Landsvirkjun?

Er ekki komin tími til að stjórnvöld marki eigendastefnu fyrir Landsvirkjun? Í það minnsta væri fróðlegt að vita hversu miklum fjármumum Landsvirkjun hefur eytt í að kanna möguleika á því að leggja raforkusæstreng til Skotlands.
07.mar. 2017 - 13:40 Vilhjálmur Birgisson

Hvar er lækkunin á okurvöxtum til almennings sem þið lofuðuð?

Ég hlustaði á þetta viðtal í morgun við fjármálaráðherra og varð gríðarlega spenntur að heyra það þegar Heimir þáttastjórnandi spurði fjármálaráðherra um okurvextina á Íslandi og hvað ríkisstjórnin ætlaði að gera hvað það varðar. Áður en ég fjalla um svarið sem fjármálaráðherra gaf vegna okurvaxta sem almenningur þarf að þola þá vil ég rifja upp kosningaloforð Viðreisnar fyrir síðustu kosningar. En það byggðist á því að koma á myntráði þar sem gengið yrði fest sem myndi leiða strax til þess að vextir til almennings og fyrirtækja myndu lækka um 2 til 4%.

23.feb. 2017 - 16:20 Vilhjálmur Birgisson

Þetta á og má ekki undir nokkrum kringumstæðum láta átölulaust!

Í þessari frétt frá Fiskifréttum er vitnað í vef norska síldarsamlagsins og upplýst að heildarverðmæti loðnuafla norsku skipanna, sem hafa verið við veiðar hér við Ísland og landað stórum hluta af afla sínum hér á landi, hefur verið 239 milljónir norskra króna (tæpir 3,2 milljarðar ISK). Meðalverðið er 5,8 krónur á kíló (76,9 ISK).
13.des. 2016 - 16:09 Vilhjálmur Birgisson

ASÍ og SA slá skjaldborg um stjórnarval í lífeyrissjóðunum

Í ljósi þess að þann 21. desember næstkomandi muni miðstjórn Alþýðusambands Íslands staðfesta endurskoðun á samningi á milli ASÍ og SA um lífeyrismál, þá er rétt að það komi fram að gert er ráð fyrir nánast óbreyttu fyrirkomulagi við val á fulltrúum í stjórnir lífeyrissjóðanna, en eins og margoft hefur komið fram hér á heimasíðunni þá hefur stjórn og trúnaðarráð Verkalýðsfélags Akraness barist um langt árabil fyrir því að lýðræði við stjórnarkjör í lífeyrissjóðunum verði stóraukið og aðkoma sjóðsfélaga sjálfra að ákvörðunartöku sjóðanna verði efld til muna.
28.nóv. 2016 - 15:00 Vilhjálmur Birgisson

Hrós dagsins

Hrós dagsins fá forsvarsmenn IKEA. Ekki bara fyrir að hafa lækkað verð síðastliðin 3 ár og reynt þannig að skila styrkingu krónunnar til neytenda, heldur líka fyrir að ætla að greiða starfsmönnum bónus sem nemur einum mánaðarlaunum, eða svokallaðan 13. mánuð. Þetta gerir fyrirtækið samhliða því að hafa hækkað laun starfsmanna um 5% umfram kjarasamningsbundnar launahækkanir á síðastliðnum 3 árum.
11.nóv. 2016 - 14:32 Vilhjálmur Birgisson

Hagnaður bankanna 522 milljarðar frá hruni!

Hugsið ykkur að samanlagður hagnaður viðskiptabankanna þriggja: Landsbankans, Íslandsbanka og Arion banka hefur frá hruni eða nánar til getið frá 2009 til ársloka 2015 numið 522 milljörðum og það eftir skatta. Takið eftir 522 milljörðum og ekki ólíklegt að bankarnir rjúfi 600 milljarða hagnaðarmúrinn á þessu ári. Að meðaltali hafa bankarnir þrír hagnast um 74,5 milljarða á ári frá hruni!
07.nóv. 2016 - 16:20 Vilhjálmur Birgisson

Samræmd láglaunastefna verður meitluð í stein

Í nýju vinnumarkaðsmódeli er gert ráð fyrir að ætíð verði samið um afar hóflegar launahækkanir og að allir verði að framfylgja samræmdum launahækkunum og enginn megi víkjast þar undan.
02.nóv. 2016 - 14:16 Vilhjálmur Birgisson

Ég tel mjög marga ekki vita um hvað norrænt vinnumarkaðsmódel snýst

Eins og flestir vita þá er mikið rætt um að hér þurfi að taka upp nýtt vinnumarkaðsmódel að norrænni fyrirmynd. Það veldur mér hins vegar áhyggjum að ég tel mjög marga ekki vita um hvað norrænt vinnumarkaðsmódel snýst.

Það liggur fyrir að það er innbyggt í öll norrænu vinnumarkaðsmódelin er að samningsréttur launafólks er skertur verulega enda er ákvörðunartaka um hámarkslaunabreytingar færð frá launafólki yfir á fámennan miðstýrðan hóp manna.

01.nóv. 2016 - 14:29 Vilhjálmur Birgisson

Eigum við að skoða þetta aðeins?

Hver kannast ekki við þau orð að búið sé að hækka lægstu launin sérstaklega á undanförnum árum og áratugum umfram aðra. Með öðrum orðum að þeir tekjulægstu hafi hækkað mest!

Eigum við að skoða þetta aðeins?

25.sep. 2016 - 13:26 Vilhjálmur Birgisson

Vissir þú þetta?


20.sep. 2016 - 12:00 Vilhjálmur Birgisson

Þetta er algert rugl og stenst ekki nokkra skoðun

Það er morgunljóst að æðstu forystumenn verkalýðshreyfingarinnar, fulltrúar atvinnurekanda og stjórnvöld vinna leynt og ljóst að því að koma á nýju vinnumarkaðsmódeli sem gengur út að skerða gróflega frjálsan samningsrétt launafólks
09.sep. 2016 - 16:56 Vilhjálmur Birgisson

Alþjóðlegur dagur gegn sjálfsvígum

Á morgun 10. september  er Alþjóðlegur dagur gegn sjálfsvígum en eins og margir vita ríkir mikil þöggun og skömm í kringum sjálfsvíg og því er mikilvægt að þessi dagur sé m.a. notaður til að opna umræðuna um þetta vandamál sem sjálfsvíg eru. Þunglyndi, kvíðaröskun og áfengis- og fíkniefnaneysla eru því miður oft og tíðum lífshættulegir sjúkdómar sem ber að taka alvarlega. Það liggur fyrir að oft eru sjálfsvíg samofin þessum sjúkdómum.  Því verður alls ekki lýst með orðum hvernig það er að missa barnið sitt eða einhvern nákominn eftir sjálfsvíg. Þá sálarangist þekkja einungis þeir sem í því hafa lent og það þekki ég og mín fjölskylda, enda misstum við son okkar einungis þrítugan að aldri á þann hátt 11. apríl 2014.
05.sep. 2016 - 16:00 Vilhjálmur Birgisson

Þetta frumvarp hefur enga þýðingu, ekki nokkra!

Nýtt verðtryggingarfrumvarp fær falleinkunn.
23.ágú. 2016 - 12:15 Vilhjálmur Birgisson

Kunna greiningarstjórar bankanna ekki að skammast sín?

Ég skal fúslega viðurkenna að að mér sækir kaldur hrollur þegar fréttamenn kalla eftir áliti um verðtryggingu og okurvexti frá greiningarstjórum bankanna.


17.ágú. 2016 - 19:39 Vilhjálmur Birgisson

Íslendingurinn myndi greiða 539% hærri vexti en sá danski

Hugsið ykkur kæru vinir á ári greiðum við 2 milljónum meira en Danir og þetta er ekkert annað en rán um hábjartan dag og það heyrist ekki hósta né stuna frá stjórnmálamönnum.

Þetta vaxtaofbeldi sem íslensk heimili þurfa að búa við verður að linna enda er þetta mál langbrýnasta hagsmunamál sem íslensk alþýða og heimili hafa staðið frammi fyrir!

15.ágú. 2016 - 15:16 Vilhjálmur Birgisson

Af hverju tekur ríkisstjórnin ekki á okurvöxtum fjármálakerfisins?

Ég skal fúslega viðurkenna að ég er mjög hugsi eftir að hafa horft á kynningu ríkisstjórnarinnar áðan. Í fyrsta lagi er ekkert í þessun sem kveður á um afnám verðtryggingar og tekið sé á okurvöxtum fjármálakrefisins enda ná þessar aðgerðir einungis til ungsfólks sem eru að kaupa sína fyrstu húseign. Það sem var jákvætt við þessa kynningu var að það var staðfest svo ekki verður um villst hversu skaðleg 40 ára jafngreiðslulán eru íslenskum neytendum enda kom fram að greiðslubyrði verðtryggðsláns er fyrstu 14 árin hærri en óverðtryggða og eftir það skiljast leiðir algerlega og eftir 14 ár heldur höfuðstól og greiðlubyrði verðtryggðalánsins áfram að snarhækka á meðan óverðtryggðalánið lækkar bæði höfuðstól og greiðslubyrði.

06.ágú. 2016 - 12:42 Vilhjálmur Birgisson

Ofbeldissamband!

Enn og aftur koma Sjálfstæðismenn og skella þingmönnum Framsóknarmanna á lærið á sér og rassskella þá!
27.júl. 2016 - 11:25 Vilhjálmur Birgisson

Sláum tvær flugur í einu höggi!


19.júl. 2016 - 09:30 Vilhjálmur Birgisson

Unnið er að myrkraverkum, verum vakandi!


18.maí 2016 - 10:24 Vilhjálmur Birgisson

Íslenskt verkafólk yfirgefið

Það virðist líka vera orðið fullreynt að hlusta á kosningaloforðaflaum stjórnarmálaflokka sem lofa oft blygðunarlaust fyrir kosningar að taka stöðu með alþýðunni og íslenskum heimilum þegar kemur að okurvöxtum og verðtryggingu. Þrátt fyrir ítrekuð loforð um að taka skuli á þessum okurvöxtum og verðtryggingu þá gerist ekki neitt og skiptir engu máli hvaða stjórnmálaflokkur á þar í hlut.

Vilhjálmur Birgisson

Fæddur 5. ágúst 1965. Fjögurra barna faðir og Skagamaður í húð og hár. Hefur alla tíð unnið verkamannavinnu þar til hann tók við formennsku í Verkalýðsfélagi Akraness 19. nóvember 2003.

Er óflokksbundinn og hefur þá trú að forystumenn í verkalýðshreyfingunni eigi ekki að vera eyrnamerktir stjórnmálaflokkum. Hefur brennandi áhuga þjóðfélagsmálum og segir sína meiningu umbúðalaust.

Híbýli fasteignasala KOSTANDI
Indíana Ása Hreinsdóttir
Indíana Ása Hreinsdóttir - 19.5.2017
Mikilvæg fyrirmynd
Sigurður Jónsson
Sigurður Jónsson - 18.5.2017
Er allt sem byrjar á einka rosalega slæmt?
Arnaldur Máni Finnsson
Arnaldur Máni Finnsson - 19.5.2017
Umbreytingavorin
Hannes Hólmsteinn Gissurarson
Hannes Hólmsteinn Gissurarson - 20.5.2017
Einangrað eins og Norður-Kórea?
Guðrún Margrét Guðmundsdóttir
Guðrún Margrét Guðmundsdóttir - 22.5.2017
Vandræðalega bekkjarpartýið!
Elín Ósk Arnarsdóttir
Elín Ósk Arnarsdóttir - 22.5.2017
Hvít sem mjólk
Vilhjálmur Birgisson
Vilhjálmur Birgisson - 23.5.2017
Stjórnvöld eiga að vera á tánum en ekki hnjánum
Börkur Gunnarsson
Börkur Gunnarsson - 23.5.2017
Stærðin skiptir máli
Kristinn Rúnar Kristinsson
Kristinn Rúnar Kristinsson - 24.5.2017
Mjög takmörkuð öryggisgæsla á Rammstein tónleikunum
Indíana Ása Hreinsdóttir
Indíana Ása Hreinsdóttir - 25.5.2017
Um fjallageitur og samfélagsmiðlamont
Þórhallur Heimisson
Þórhallur Heimisson - 24.5.2017
Uppstigningardagur
Björgvin G. Sigurðsson
Björgvin G. Sigurðsson - 26.5.2017
Hin nýja miðja
Akureyri vikublað
Akureyri vikublað - 21.5.2017
Samskipti
Fleiri pressupennar