17. mar. 2012 - 10:00Vilhjálmur Birgisson

Af hverju er alkóhólismi ekki viðkenndur sem sjúkdómur?

 Það er sorglegt til þess að vita að alltof mörg fyrirtæki neita alfarið að greiða sínum starfsmönnum vinnutap þegar þeir þurfa að leita sér lækninga vegna áfengis- eða fíkniefnaneyslu.  Vissulega eru þó til undantekningar þar sem fyrirtæki sýna þessum sjúkdómi fullan skilning og greiða allt vinnutap samkvæmt kjarasamningum og fyrir það ber að þakka.
 
En eins og áður sagði þá eru það hins vegar alltof mörg fyrirtæki sem viðurkenna ekki alkóhólisma sem sjúkdóm sem er miður. Það eru fáar fjölskyldur hér á landi sem ekki þekkja þann bölvald sem áfengis- og fíkniefnaneysla getur leitt af sér og hvernig sú neysla getur splundrað og étið heilu fjölskyldurnar innan frá eins og illkynja krabbamein. Því er gríðarlega mikilvægt að einstaklingar sem þurfa að leita sér lækninga vegna alkóhólisma geti gert það án þess að þurfa að hafa áhyggjur af því að verða fyrir miklu launatapi sökum þess, enda á sjúklingurinn fullt í fangi með að reyna að ná tökum á sínum sjúkdómi.
Maður spyr sig hví í ósköpunum þessi sjúkdómur sé ekki viðurkenndur á sama hátt og aðrir sjúkdómar sem geta valdið fólki vinnutapi og skertri starfsgetu.
 
Það liggur fyrir að Alþjóðaheilbrigðismálastofnunin (WHO) telur áfengis- og fíkniefnavandann vera eitt mesta heilbrigðisvandamál sem jarðarbúar standa frammi fyrir samanber ályktun sem gerð var fyrst árið 1979 og oftar síðar. Það liggur einnig fyrir að hér er um gríðarlega hagsmuni að ræða, bæði fyrir atvinnurekendur sem og þjóðfélagið í heild sinni enda er áætlað að áfengisvandamálið kosti þjóðfélagið frá 53 upp í 85 milljarða á ári. Einnig er talið að 83 ótímabær dauðsföll tengist þessum skaðvaldi en þetta eru niðurstöður úr meistaraprófsrannsókn sem Ari Matthíasson gerði í heilsuhagfræðum árið 2008. Á þessu sést hversu gríðarlega mikilvægt það er að fyrirtæki sýni þessum sjúkdómi fullkominn skilning enda eru hagsmunir fyrirtækja svo sannarlega til staðar.
 
Brýnt verkefni verkalýðshreyfingarinnar
 
Þetta þarf að vera eitt af brýnustu verkefnum verkalýðshreyfingarinnar að ganga frá því við Samtök atvinnulífsins að öllum atvinnurekendum beri skylda til að greiða starfsmönnum veikindadaga samkvæmt gildandi kjarasamningum með nákvæmlega sama hætti og þegar fólk leitar sér lækninga vegna annarra sjúkdóma. Reyndar er það mitt mat að þau fyrirtæki sem ekki viðurkenna þetta sem sjúkdóm hverfi frá þeirri þröngsýni og oft á tíðum fordómum og greiði starfsmönnum það vinnutap sem þeir verða fyrir þegar þeir leita sér lækninga við sínum meinum. Það er til gríðarlegra vansa fyrir þau fyrirtæki sem neita að greiða sínum starfsmönnum þegar þeir leita sér lækninga á Vogi og öðrum sambærilegum meðferðarstofnunum.
 
Ég veit til þess að allflest stéttarfélög hér á landi styðja sína félagsmenn í formi sjúkradagpeninga þegar þeir leita sér lækninga vegna áfengis- eða fíkniefnasjúkdóma en sú greiðsla nemur um 80% af þeim launum sem viðkomandi hafði. Það er hins vegar 20% minna ef hann fengi veikindadagana greidda frá atvinnurekandanum. Ég skora því á öll fyrirtæki að viðurkenna alkóhólisma sem sjúkdóm og greiða starfsfólki laun með sambærilegum hætti og um aðra sjúkdóma sé að ræða.
 
Verkalýðsfélag Akraness er stolt af því að hafa stutt SÁÁ umtalsvert á liðnum árum miðað við stærð félagsins til að vinna að því góða starfi sem þar er unnið enda eru fjölmargir félagsmenn sem hafa þurft að leita sér lækninga hjá áðurnefndum samtökum á liðnum árum og ártugum. En eins og allir vita er SÁÁ að vinna frábært starf.



(26-31) NRS Fossberg Metabo maí 2016
18.maí 2016 - 10:24 Vilhjálmur Birgisson

Íslenskt verkafólk yfirgefið

Það virðist líka vera orðið fullreynt að hlusta á kosningaloforðaflaum stjórnarmálaflokka sem lofa oft blygðunarlaust fyrir kosningar að taka stöðu með alþýðunni og íslenskum heimilum þegar kemur að okurvöxtum og verðtryggingu. Þrátt fyrir ítrekuð loforð um að taka skuli á þessum okurvöxtum og verðtryggingu þá gerist ekki neitt og skiptir engu máli hvaða stjórnmálaflokkur á þar í hlut.
12.maí 2016 - 14:04 Vilhjálmur Birgisson

Þeir eru varðmenn valda- og auðmannastéttar í íslensku samfélagi

Það er óhætt að segja að í Tíund sem er fréttablað ríkisskattstjóra séu gríðarlega mikilvægar upplýsingar fyrir íslenskt launafólk, en í samantekt kemur fram að íslensk fyrirtæki greiddu eigendum sínum 215 milljarða í arð á árinu 2014. Á sama tíma hækkuðu launagreiðslur fyrirtækjanna til launafólks um einungis 35 milljarða.
26.apr. 2016 - 22:29 Vilhjálmur Birgisson

Ofboðslega rotið og óréttlátt


18.apr. 2016 - 21:39 Vilhjálmur Birgisson

Skil ekki þessi hörðu viðbrögð

Ég er ekki alveg að skilja þau hörðu viðbrögð sumra vegna þess að Ólafur Ragnar ætlar að bjóða sig fram aftur. Þetta skilningsleysi mitt lýtur aðallega að þeim sem hafa verið að berjast fyrir auknu lýðræði og farið verði eftir þjóðarvilja í hinum ýmsu málum. Sem sagt þjóðin hafi meira um hlutina að segja og hafi lokaorðið.
17.apr. 2016 - 11:24 Vilhjálmur Birgisson

Sjálfstæðismenn með hnífinn á lofti

Þá liggur það endanlega fyrir. Það á ekki að afnema verðtrygginguna og taka á okurvöxtum fjármálakerfisins, enda hefur það legið lengi fyrir að sjálfstæðismenn ætla og vilja ekki taka á ofurdekri við fjármálaöflin.
15.apr. 2016 - 17:52 Vilhjálmur Birgisson

Hvaða aðilar eru á þessum lista?

Ég er dálítið hugsi yfir því af hverju það er ekki upplýst hverjir þeir 600 Íslendingar eru sem tengjast Panama-skjölunum. Eftir hverju er verið að bíða með að upplýsa það?
06.apr. 2016 - 10:46 Vilhjálmur Birgisson

Ég vil fá svör

Nú þegar það liggur orðið nokkuð ljóst fyrir að ekki á að hlusta á vilja þjóðarinnar um að rjúfa þing og efna til kosninga þá myndi ég vilja fá skýr svör frá þingflokkum Framsóknarmanna og Sjálfstæðismanna um hvað þeir ætli að gera hvað varðar stóra kosningaloforðið sem er að sjálfsögðu að taka hér á okurvöxtum fjármálakerfisins og afnema verðtrygginguna.
30.mar. 2016 - 11:18 Vilhjálmur Birgisson

Íslenskir neytendur borga tæplega 300% hærri húsnæðisvexti en í Noregi

Jæja þá liggur fyrir að á Íslandi greiða íslenskir neytendur tæplega 300% hærri húsnæðisvexti en í Noregi og vaxtamunurinn heldur bara áfram að aukast. Í Noregi bjóðast neytendum húsnæðisvextir á 1,9% á meðan okkur bjóðast 7,45% óverðtryggt. Þetta þýðir að af 35 milljóna króna láni hér á landi borga neytendur 2,6 milljónir í vexti á ári en í Noregi borga neytendur af samskonar láni 665 þúsund á ári. Vaxtabyrðin af slíku láni hér á landi er á mánuði 216 þúsund en í Noregi af sama láni einungis 55 þúsund. Takið eftir, hér munar hvorki meira né minna en 161 þúsundum króna á mánuði eða eins og áður sagði tæplega 300%.
10.mar. 2016 - 13:47 Vilhjálmur Birgisson

Virðast líta á alþýðuna sem grálúsuga - brosið, borgið og þegiði!

Ég skoðaði nokkur mál sem hafa valdið úlfúð í okkar samfélagi á síðustu 12 mánuðum en þetta eru allt mál sem einkennast af óréttlæti, græðgi, spillingu og misskiptingu. Þessi mál hér að neðan sem ég hef tekið saman sýna svo ekki verður um villst að við höfum lítið sem ekkert lært af hruninu og áfram fær fámennur elítuhópur að okra á almenningi og söðla undir sig meira og meira af sameiginlegum auði þjóðarinnar.
04.mar. 2016 - 14:44 Vilhjálmur Birgisson

Endurnýjanlegur orkugjafi fyrir 800.000 heimili!

Ég skora á Alþingi Íslendinga að vinna þessu máli brautargengi og það einn, tveir og þrír því við megum ekki undir nokkrum kringumstæðum verða af þessu verkefni því það mun skila íslensku þjóðarbúi miklum gjaldeyristekjum og hafa jákvæð áhrif á hnattræna mengun.
26.feb. 2016 - 15:42 Vilhjálmur Birgisson

Neyðarkall til þingmanna og ráðamanna!

Nú kynna bankarnir þrír enn og aftur afkomu sína og þá kemur í ljós að hagnaður þeirra þriggja nam um 108 milljörðum á síðasta ári, en frá hruni hefur fjármálakerfið skilað um eða yfir 500 milljörðum í hagnað.
18.feb. 2016 - 13:40 Vilhjálmur Birgisson

Íslenskir neytendur borga 251% meira í vexti hér á landi en í Noregi!!!

Var að hlusta á sérstaka umræðu á Alþingi um verðtryggingu og vaxtakjör á Íslandi. Skal fúslega viðurkenna að ég var hálf undrandi á að hlusta á þessa umræðu enda virtist ekki ríkja ýkja mikill skilningur meðal þingmanna um verðtryggingu og þá okurvexti sem íslenskir neytendur þurfa að þola og hafa þurft að þola um áratugaskeið.
12.feb. 2016 - 14:34 Vilhjálmur Birgisson

Tímaglasið að tæmast hjá Framsóknarflokknum

Nú er orðið ljóst að Sjálfstæðismenn ætla að reka heilt hnífasett í bakið á Framsóknarmönnum og ætla ekkert að standa við loforðið um að afnema hér verðtryggingu og búa til heilbrigt og eðlilegt lánaumhverfi íslenskum neytendum til hagsbóta.
20.jan. 2016 - 13:22 Vilhjálmur Birgisson

Dapurlegt að heyra í Andra Snæ

Í nóvember í fyrra spyr Andri Snær Magnason hvers vegna íslensk ungmenni ættu að vilja vinna í stóriðju í sinni heimabyggð þegar þeim stendur allur heimurinn til boða. Andri segir líka í þessari grein sem hann skrifaði að þeir sem alast upp á Íslandi njóti þeirra "forréttinda", ólíkt flestum jarðarbúum í gjörvallri mannkynssögunni, að geta valið sér starfsvettvang í öllum heiminum.
30.des. 2015 - 12:56 Vilhjálmur Birgisson

Takk Ólafur Ragnar Grímsson

Forseti Íslands ávarpar eldri félagsmenn VLFA á Bessastöðum 2012 Nú eru einungis tveir dagar þar til Ólafur Ragnar Grímsson mun tilkynna í nýársávarpi sínu hvort hann gefi áfram kost á sér til að gegna embætti forseta Íslands eða ekki. 
08.des. 2015 - 15:19 Vilhjálmur Birgisson

Framkvæmdastjóra Samtaka atvinnulífsins svarað

Þorsteinn Víglundsson, framkvæmdastjóri Samtaka atvinnulífsins er ekki á eitt sáttur um skrif mín um Alcan deiluna í Straumsvík og segir í pistli sem hann ritaði hér á Pressuna að ég viti svarið en hafi hinsvegar ekki haft fyrir því að geta þess í Pressupistli sem ég skrifaði.

03.des. 2015 - 15:54 Vilhjálmur Birgisson

Einföld lausn á Alcan-deilunni

Þau hafa verið afar fróðleg viðtölin við forstjóra Alcan í Straumsvík á síðustu tveimur dögum en í þessum viðtölum hefur hún viljað líkja rekstri álversins við aflabrögð um borði í fiskiskipi. Forstjórinn hefur sagt í þessu samhengi að ef ekki fiskast þá neyðist menn til að grípa til hagræðingar.
20.nóv. 2015 - 19:30 Vilhjálmur Birgisson

Ég er hryggur og dapur

Í fréttum áðan var viðtal við forseta ASÍ og fjármálaráðherra vegna ákvörðunar kjararáðs um að hækka laun þeirra sem taka laun eftir kjararáði. En eins og fram hefur komið í fréttum nemur sú hækkun frá 60 þúsundum á mánuði upp allt að 200 þúsund.
13.nóv. 2015 - 17:20 Vilhjálmur Birgisson

Skuldsettir bera einir ábyrgðina

Það er óhætt að segja að stýrivaxtahækkanir Seðlabankans að undanförnu hafi vakið upp mikla gremju á meðal alþýðu þessa lands enda hafa þær hækkanir það markmið að draga úr ráðstöfunartekjum heimilanna og leiða til þess að vextir allra skulda almennings hækka í kjölfarið. Þetta er algjörlega galið fyrirkomulag, að þegar Seðlabankinn ætlar að slá á verðbólguþrýsting þá sé það gert með því að færa fjármuni frá íslenskum neytendum og fyrirtækjum yfir til fjármálakerfisins. Það hlýtur hvert mannsbarn að sjá að það er eitthvað verulega rangt við þetta fyrirkomulag en Seðlabankinn hefur bent á að stýrivaxtahækkun sé í raun eina stýritækið sem þeir hafa til að reyna að draga úr þenslu og einkaneyslu almennings.
11.nóv. 2015 - 15:14 Vilhjálmur Birgisson

Seðlabankinn ætlar að nota eina skotið í byssunni á almenning!

Það er algjörlega magnað að fylgjast með fulltrúum Seðlabankans þessa dagana sem hafa ítrekað hækkað stýrivexti hér þrátt fyrir að engar forsendur séu fyrir slíku enda er verðbólgan um þessar mundir í sögulegu lágmarki eða sem nemur 1,8%.
06.nóv. 2015 - 18:38 Vilhjálmur Birgisson

Ósannindi, hálfsannleikur og óheiðarleiki

Þetta er eitt óheiðarlegasta viðtal sem ég hef hlustað á nánast frá upphafi en að sjálfsögðu er þetta viðtal við sjálfan forseta Alþýðusambands Íslands. Þetta viðtal er stútfullt af ósannindum, hálfsannleik og öðrum slíkum óheiðarleika. Hér er verið að fjalla um gagnrýni Verkalýðsfélags Akraness á þá bláköldu staðreynd að hið nýja rammasamkomulag aðila vinnumarkaðarins hjá svokölluðum SALEK hóp skerði samningsrétt og frelsi stéttarfélaga til kjarasamningsgerðar.
30.okt. 2015 - 09:51 Vilhjálmur Birgisson

Minningarorð um Guðbjart Hannesson

Ég var þeirrar gæfu aðnjótandi að fá að kynnast Guðbjarti Hannessyni og fór ekki milli mála að þar fór maður sem hafði mikla réttlætiskennd og vildi ávallt berjast fyrir jöfnuði og réttlæti í okkar samfélagi.  Með öðrum orðum, Gutti eins og hann var ávallt kallaður var gegnum heill jafnaðarmaður sem vildi svo sannarlega rétta hlut verkafólks, enda veit ég að hann þoldi ekki óréttlæti og misskiptingu í okkar samfélagi.
21.okt. 2015 - 13:07 Vilhjálmur Birgisson

Algjörlega ótrúlegt!

Það er algjörlega ótrúlegt að verða vitni að því að verð á bensíni hefur lækkað um 12,1 prósent á sama tíma og heimsmarkaðsverð á olíu hefur lækkað um 57 prósent. Í staðinn fyrir að skila þessu til íslenskra neytenda þá hafa olíufélögin frekar kosið að auka álagningu sína heldur en að láta íslenska neytendur njóta góðs af því. Það þýðir ekki fyrir olíufélögin að skýla sér á bakvið íslensku krónuna því hún hefur lækkað umtalsvert gegn dollara.
15.sep. 2015 - 13:06 Vilhjálmur Birgisson

Íslenskir skattgreiðendur niðurgreiða okurvexti bankanna um 62 milljarða!

Ég geri þá skýlausu kröfu á stjórnvöld og Alþingi í heild sinni að tekið verði á bankakerfinu öllu af fullri hörku hvað varðar það vaxtaokur sem almenningur hér á landi þarf að þola. Vaxtaokrið er það mikið að ríkissjóður sér sig knúinn, eðlilega, til að aðstoða íslensk heimili í formi vaxtabóta á hverju einasta ári. Á árinu 2015 þurftu íslenskir skattgreiðendur að niðurgreiða vexti fyrir bankakerfið um upphæð sem nam 7 milljörðum, en 38.000 einstaklingar skiptu þeirri upphæð á milli sín.
10.sep. 2015 - 12:53 Vilhjálmur Birgisson

Vaxtaokrið er ofbeldi gegn íslenskum neytendum

Það er óhætt að segja að vaxtaokrið sem íslensk heimili mega þola hér á landi ríði vart við einteyming enda eru húsnæðisvextir hér á landi mun hærri en í þeim löndum sem við viljum bera okkur saman við og því til viðbótar eru flest húsnæðislán verðtryggð.
28.ágú. 2015 - 15:07 Vilhjálmur Birgisson

Gullkálfur íslensku þjóðarinnar

Gullkálfur íslensku þjóðarinnar í dag er klárlega Landsvirkjun en hún skilaði 8,4 milljörðum í hagnað fyrstu 6 mánuðina sem er 83% meiri hagnaður miðað við sama tíma og í fyrra. Skuldir lækkuðu um 23 milljarða á fyrstu 6 mánuðum ársins og því orðið ljóst að Landsvirkjun er búin að greiða niður um 100 milljarða af skuldum sínum á liðnum árum og verður orðin skuldlaus eftir örfá ár. Takið eftir að það er að gerast þrátt fyrir að Landsvirkjun hafi ráðist í dýrustu framkvæmd Íslandssögunnar sem var bygging Kárahnjúkavirkjunar.
27.ágú. 2015 - 12:07 Vilhjálmur Birgisson

Neyðarástand á leigumarkaði

Í Morgunblaðinu í dag er mjög forvitnilegt viðtal við Helga S. Gunnarsson forstjóra Fasteignafélagsins Regins. Í þessu viðtali kemur fram að hann telji afar brýnt að vextir lækki verulega til að hægt verði að vinna íbúðaleigumarkaðinn úr þeim skelfilegu ógöngum sem hann er í. 
25.ágú. 2015 - 18:30 Vilhjálmur Birgisson

Er þetta virkilega hlutverk Seðlabankans?

Þegar fulltrúar Seðlabankans eru að rökstyðja stýrivaxtahækkanir sínar þá segja þeir að kjarasamningar verkafólks hafi hækkað laun of mikið og þeim beri skylda til að benda á það og bregðast við því.
20.ágú. 2015 - 11:56 Vilhjálmur Birgisson

Afmá þarf Má úr Seðlabankanum

Það er óhætt að segja að Þórarinn Ævarsson framkvæmdastjóri IKEA á Íslandi hafi tekið Má Guðmundsson Seðlabankastjóra og meðreiðarsveina hans innan bankans, skellt þeim á lærið á sér og rassskellt þá vegna stýrivaxtahækkunar bankans í gær. Eins og allir vita þá tilkynnti framkvæmdastjórinn að IKEA ætli að lækka vöruverð um 2,8%,  m.a. vegna þess að gengi íslensku krónunnar gagnvart evrunni hafi styrkst umtalsvert á liðnum misserum og síðast en ekki síst þá voru kjarasamningar á hinum almenna vinnumarkaði mun skaplegri og kostnaðarminni en fyrirtækið hafði gert ráð fyrir.

Vilhjálmur Birgisson

Fæddur 5. ágúst 1965. Fjögurra barna faðir og Skagamaður í húð og hár. Hefur alla tíð unnið verkamannavinnu þar til hann tók við formennsku í Verkalýðsfélagi Akraness 19. nóvember 2003.

Er óflokksbundinn og hefur þá trú að forystumenn í verkalýðshreyfingunni eigi ekki að vera eyrnamerktir stjórnmálaflokkum. Hefur brennandi áhuga þjóðfélagsmálum og segir sína meiningu umbúðalaust.

Jón Steinar Gunnlaugsson
Jón Steinar Gunnlaugsson - 19.5.2016
Að sýna sjálfum sér virðingu
Jón Sigurðsson
Jón Sigurðsson - 21.5.2016
Icesave - enn og aftur
Jón Sigurðsson
Jón Sigurðsson - 14.5.2016
Aflandsreikningar
Brynjar Nielsson
Brynjar Nielsson - 13.5.2016
Afvegaleidd aflandsumræða
Vilhjálmur Birgisson
Vilhjálmur Birgisson - 18.5.2016
Íslenskt verkafólk yfirgefið
Akureyri vikublað
Akureyri vikublað - 24.5.2016
Ekkert djók heldur lífsins alvara
Aðsend grein
Aðsend grein - 12.5.2016
Takið vel á móti Álfinum
Hannes Hólmsteinn Gissurarson
Hannes Hólmsteinn Gissurarson - 22.5.2016
Dósentsmálið 1937
Hannes Hólmsteinn Gissurarson
Hannes Hólmsteinn Gissurarson - 21.5.2016
Nordau á Íslandi
Hannes Hólmsteinn Gissurarson
Hannes Hólmsteinn Gissurarson - 25.5.2016
Icesave-málið, Jón og menntamennirnir
Hannes Hólmsteinn Gissurarson
Hannes Hólmsteinn Gissurarson - 27.5.2016
Vanþekking og vanstilling fréttamanns
Aðsend grein
Aðsend grein - 27.5.2016
Aftur heim
Fleiri pressupennar