12. maí 2011 - 11:00Trausti Már Valgeirsson

Er eitthvað að klikka á kollinum?

Sumarið er greinilega komið í allri sinni dýrð, grasið er að grænka, blómin eru að springa út og núna er einmitt rétti tíminn til þess nýta þessa frábæru daga og klára að losa sig við vetrarforðann og koma sér í sumarformið með því að fara út og hreyfa sig.

Það hefur ekki farið framhjá neinum hvað bensínið hefur hækkað mikið undanfarna mánuði og útgjöld heimilia hefur aukist gríðarlega vegna þess. Í ljósi þessara aðstæðna er tilvalið að benda á átakið „Hjólað í vinnuna“ sem frábært framtak í því að draga úr bílnotkun og um leið að bæta heilsuna og njóta þess að vera úti. Það er frábært að sjá hvað margir hafa tekið þessu átaki vel og samkvæmt www.hjoladivinnuna.is eru yfir 10þúsund þáttakendur skráðir.

En það er ekki bara nóg að dusta rykið af hjólinu og skella sér á bak, því það eru alltof margir sem huga ekki að öryggi sínu nógu vel og gleyma toppstykkinu. Númer eitt, tvö og þrjú er að byrja á því að setja upp hjálminn áður en lagt er af stað. Hjólum til betri heilsu og NOTUM HJÁLMINN.

Gleðilegt hjólasumar.




02.jún. 2011 - 12:00 Trausti Már Valgeirsson

Situr þú á rassinum eða á bakinu í vinnunni ?

Situr þú á rassinum eða á bakinu í vinnunni ? Ert þú ein/einn af þeim sem sígur niður í stólnum í vinnunni þegar líður á daginn? Það er að ýmislegt sem þarf að hafa í huga þegar maður situr í vinnunni eða heima við tölvuna. Til þess að líða sem best og draga úr eða koma í veg fyrir ýmis stoðkerfistengd vandamál þá er mjög gott að pæla aðeins í vinnu- eða setaðstöðunni þinni við tölvuna bæði heima og í vinnunni.
28.apr. 2011 - 09:15 Trausti Már Valgeirsson

Brjósklos – Hryggþófahlaup

Hryggþófarnir liggja á milli liðbola hryggjarliðanna og eru að verulegu leyti byggðir úr brjóski. Þess vegna er hryggþófahlaup í daglegu tali oft kallað brjósklos. Brjósklos getur valdið staðbundnum verkjum í bakinu, en getur einnig valdið verkjum í talsverðri fjarlægð frá sjálfum áverkanum, sem kemur til vegna ertingar á taugarætur og þá í sumum tilvikum veldur það litlum eða engum verk í bakinu sjálfu.

07.apr. 2011 - 21:00 Trausti Már Valgeirsson

Er vöðvabólgan að drepa þig?

Eitt af mörgum stoðkerfisvandamálum sem fólk er að glíma við í dag er vöðvabólga. Vöðvabólga er yfirleitt í tengslum við atvinnu okkar, streitu, eftir slys, eða í kjölfar sjúkdóma. Vöðvabólga er í raun bólgumyndun í vöðva eða nálægum bandvef, sem veldur verkjum, eymslum í vöðvum og þreytu á því svæði sem vöðvabólgan er til staðar.