03. jan. 2018 - 10:00Sverrir Björn Þráinsson

Guðlaug losaði sig við 21 kg á 21 viku -„Var orðin heilsulaus og alltaf móð“

Guðlaug Friðriksdóttir, 59 ára verkstjóri flugeldhúss IGS áttaði sig á því á sumarmánuðum þessa árs að ef ekki yrði gripið í heilsutaumana myndi hún hreinlega missa heilsu.

Hún lagði upp í ferðalag til betri heilsu í samvinnu með Sverri Grenningarráðgjafa og samþykkti það að tjá Pressunni sína sögu öðrum í sömu stöðu til hvatningar.

Saga hennar er stórkostleg og árangurinn glæsilegur!

1. Nafn, aldur, starf

Guðlaug Friðriksdóttir, ég er 59 ára og er verkstjóri í flugeldhúsi IGS

2. Hvað varð til þess að ákvörðun var tekin um að snúa lífsstíl og rútínu til betri vegar? Af hverju núna?

Ég var orðin allt of þung, var orðin half-heilsulaus og alltaf móð. Mér fannst ég verða orðin frekar illa á mig komin og fann fyrir vanlíðan vegna ofþyngdar.

3. Hvert var allra fyrsta skrefið?

Allra fyrsta skrefið var að ég gerði mér grein fyrir því að ég þyrfti að gera eitthvað í mínum málum Ég var búin sjá greinar frá Grenningarráðgjafanum Sverri á facebook og ákvað að slá til. Ég hitti svo konu sem hafði verið í þjálfun hjá honum og mælti hiklaust með þessu prógrammi, í framhaldinu af því hafði ég svo samband við hann, ákvörðun sem ég sé svo sannarlega ekki eftir í dag.

4. Var ákvörðunin og byrjunin erfitt skref?

Nei, í rauninni ekki vegna þess að ég fann strax hvað þessi mannlega og öfgalausa nálgun hentaði mér vel og mínu lífi.

5. Hvað gerðir þú í þessu ferli? Þ.e hver var daglega rútínan og hverju áttir þú að skila frá þér?

Ég byrjaði að hreyfa mig markvisst, fara í langa göngutúra ásamt því að synda. Ég hafði skrefamarkmið til að fara eftir, ég endurskoðaði mataræðið ásamt því að minnka skammta og fækka máltíðum, s.s hætta öllu narti umfram rútínu.

Ég þurfti svo að skila inn matardagbók daglega og yfirliti hvað ég hreyfði mig mikið. Með því náðum við Sverrir að búa til rútínu, einn dag í einu uns ég var allt í einu komin í þá rútínu sem ég vildi vera í og var að léttast um leið án nokkurra öfga.

6. Hver var munurinn á þessari nálgun sem þú notaðir og öðrum fyrri tilraunum?

Þessi nálgun var markvissari en aðrar sem ég hef reynt og hentaði mér mun betur, þó sérstaklega aðhaldið með matardagbókina, hreyfinguna og tilfinningarnar, það hentaði mér mjög vel. Ég hef alltaf verið fyrir útiveru svo það að gera hreyfinguna markvissari hentaði einnig vel.

7. Kom einhverntíma í hugann sú hugsun um að hætta og snúa til gamalla venja?

Nei, sú hugsun kom aldrei upp í hugann að hverfa til baka því ég fann strax hvað þetta hentaði mér vel og hvernig vellíðan braust fram og varð svo viðloðandi tilfinning alla daga. Bara það að skrá niður dagbók yfir mat, skref og tilfinningar og fá svo speglun gerði mér ljóst að fyrirframhannað matarprógramm og öfgakennd nálgun er algjörlega óþörf, við erum öll sérstök, og það kann Sverrir að vinna með.

8. Hvað hefur þú lært sem þú vissir ekki áður?

Ég hef lært að hafa betri stjórn á mataræðinu (skömmtunum) og hreyfingunni, sjá tilganginn með hreyfingunni eftir því formi sem dagbækurnar vinna og hreinlega fara eftir leiðbeiningum með opnum huga. Eins lærði ég að það skiptir ekki máli þó einn og einn dagur sé slæmur, ég lærði að jafna slíka daga út á mjög einfaldan og árangursríkan hátt.

9. Er mikilvægt að taka andlega hlutann jafnalvarlega og samhliða þeim líkamlega?

Já algjörlega. Andlega hliðin skiptir jafn miklu máli og sú líkamlega enda virkar ekkert nema með samvinnu beggja vídda.

Hugarfarið skiptir einnig gríðarlega miklu máli, það að læra að fara frá neikvæðum hugsanapól yfir á jákvæðan, mikil innri vinna en sannarlega þess virði. Heilsa framtíðar er í húfi 😊

10. Viskuráð til almennings?

Ég ákvað það að ég yrði alltaf hreinskilin í þessu ferli, við sjálfa mig og við Sverri Grenningarráðgjafa.

Hvort sem matardagbókin hafi litið vel út eða ekki því ég mætti aldrei neikvæðni þó dagbókin hafi verið “ljót”, það var bara unnið með þann dag eins og aðra, með jákvæðni að leiðarljósi og markmið.

Hafðu markmið, trúðu þeim, treystu ferlinu og frávíktu þeim aldrei 😊

Við hjá Pressunni óskum Guðlaugu innilega til hamingju með frábæran árangur og óskum ykkur öllum velfarnaðar á nýju ári. Megi 2018 verða besta árið til þessa.



05.apr. 2018 - 17:00 Sverrir Björn Þráinsson

Hjónin Laufey og Bjarki losuðu sig við 33 kg á 12 vikum

Hjónin Laufey Sigurðardóttir og BjarkiSigurðsson ákváðu í sameiningu í desembermánuði síðastliðnum að gera sérkærkomna ferð til heilsulandsins.


28.mar. 2018 - 23:00 Sverrir Björn Þráinsson

Inga Dís losaði sig við 23 kg á jafnmörgum vikum „Engin boð eða bönn og rútínan er varanleg, ég er þakklát!“

Inga Dís Sigurðardóttir, 34 ára gamall grunnskólakennari ákvað á einum sérstökum tímapunkti að nú væri nóg komið, hún vildi endurheimta andlega og líkamlega heilsu sína og lagði upp í ferðalag til heilsulandsins undir handleiðslu Sverris, Grenningar-og lífsráðgjafa og árangurinn á rétttæpu hálfu ári sannarlega glæsilegur. Hún fór úr 92,5 kg niður í 69,5 kg og hafði loks endurheimt heilsu sína og lífsgleði, sagt skilið við gamla vágesti (vana) og byggt upp rútínuna alveg frá grunni. Inga samþykkti að veita okkur viðtal og innsýn inn í ferðalagið sitt og hún lumar á mörgum góðum ráðum.
16.mar. 2018 - 21:48 Sverrir Björn Þráinsson

Dagný losaði sig við 20 kg á hálfu ári þrátt fyrir bæklun og vefjagigt: „Ég kaus að sjá marklínuna í stað hraðahindrana“

Dagný Leifsdóttir (63) gerði sér kærkomna ferð inn í heilsulandið og hefur náð gríðarlega eftirtektarverðum árangri. Uppskriftin er að hafa markmið og hafa rútínu, vinna með hugann samhliða nýjum venjum sem hún lýsir hér í þessu magnaða viðtali sem Pressan tók við hreint magnaða konu sem sá markmiðin sín, setti öll höft til hliðar en hún á við bæklun í fæti að etja sem hún lifir með ásamt vefjagigt og margskonar áföll fortíðar sem hún ber á bakinu. Hún kaus að horfa á marklínuna í stað þess að horfa á næstu hraðahindrun og má segja að hún Dagný undirstriki sannleika þessa máltækis „hugur ofar raun“ eða „mind over matter“.
08.mar. 2018 - 10:00 Sverrir Björn Þráinsson

Erlingur losaði sig við 20 kg á jafnmörgum vikum með öfgalausu rútínunni: „Allur pakkinn í einfaldri dagbók daglega, svínvirkar“

Erlingur H. Guðjónsson, 35 ára , mælaumsjón hjá Rarik Austurlandi.

21.des. 2017 - 09:00 Sverrir Björn Þráinsson

Arna hefur lést um 22 kg á 14 vikum og segir hér sögu sína –„Fullkomlega öfgalaus lífstíll“

Arna Arngrímsdóttir, 45 ára leikskólakennari á Dalvík hefur náð gríðarlega eftirtektarverðum árangri í heilsuuppbyggingu og ætlar hér að segja sína sögu öðrum til hvatningar. Með því að tvinna saman neyslurútínu og hreyfirútínu ásamt tilfinningavinnu fann Arna strax að einskis öfga er þörf þegar bæta skal andlega-og líkamlega heilsu heldur þarf vilja, markmið, opinn huga, hvatningu og umfram allt, áætlun og rútínu.
15.des. 2017 - 11:00 Sverrir Björn Þráinsson

Kristín losaði 21 kg á 24 vikum með breyttri rútínu: „Líf mitt varð svo mikið léttara og skemmtilegra“ Viðtal og ráð

Kristín Frímannsdóttir, 48 ára grunnskólakennari fékk nóg af versnandi heilsu vegna lífstíls og lagði upp í ferð til breytinga. Hún náði stórkostlegum árangri og hefur nú losað 21 kg af líkama sínum á 24 vikum og grætt aukinheldur varanlega mun betri heilsu, andlega-og líkamlega.
08.des. 2017 - 07:00 Sverrir Björn Þráinsson

Guðrún hefur losað sig við 20 kg á 20 vikum með réttri rútínu – hún segir hér sína mögnuðu sögu – VIÐTAL!

Guðrún Ágústa Guðmundsdóttir, 51 árs framkvæmdastjóri tók ákvörðun um að snúa sínu lífi til betri vegar og lagði upp í ferð sem hún sér svo sannarlega ekki eftir.
04.des. 2017 - 08:51 Sverrir Björn Þráinsson

Þú færð allar þínar óskir uppfylltar án undantekninga - ALLTAF!

Ef þú stendur þig að verki í þessum hugsanagangi þá ertu á valdi sjálfsvorkunnar. Sú tilfinning er á lægstu mögulegu orkutíðni sem til er og ef þú sendir frá þér þessa tíðni muntu alltaf skrapa botninn í öllu því þú hefur ekki trú á neinu.
04.sep. 2017 - 19:00 Sverrir Björn Þráinsson

Sindri tryggði sér framtíðarheilsu með einni ákvörðun. Losaði sig við 30 kg á eingöngu 12 vikum án nokkurra öfga! VIÐTAL!

Sindri Vilmar Þórisson er 25 ára gamall sérhæfður fiskvinnslumaður. Hann fékk á einum mikilvægum tímapunkti í sínu lífi alveg nóg af sífjölgandi aukakílóum og lagði upp í ferð sem hefur núþegar skilað honum varanlegum heilsuávinningi. Hann vó í sumarbyrjun 162,5 kg og var í hættulegri ofþyngd. Skemmst er frá því að segja að nú, eingöngu þremur mánuðum síðar hefur hann losað sig við 30 kg með alfarið öfgalausum hætti, sagði vananum stríð á hendur og tók föstum tökum á sínu lífi. Hann hefur samþykkt að segja frá sinni ferð og sögu okkur til hvatningar.

Sverrir Björn Þráinsson
Grenningarráðgjafi með persónulega reynslu af matarfíkn og offitu.
http://www.facebook.com/sverrirfitness
SætaSvínið: PertýBinbo
Vilhjálmur Birgisson
Vilhjálmur Birgisson - 06.4.2018
Sjáðu þessi dæmi um græðgisvæðingu!
Brynjar Nielsson
Brynjar Nielsson - 05.4.2018
Dröslaði bróður mínum í kirkju
Hannes Hólmsteinn Gissurarson
Hannes Hólmsteinn Gissurarson - 31.3.2018
Hvað segi ég í Las Vegas?
Sverrir Björn Þráinsson
Sverrir Björn Þráinsson - 05.4.2018
Hjónin Laufey og Bjarki losuðu sig við 33 kg á 12 vikum
Hannes Hólmsteinn Gissurarson
Hannes Hólmsteinn Gissurarson - 31.3.2018
Heimsókn Øverlands
Davíð Már Kristinsson
Davíð Már Kristinsson - 29.3.2018
„Heyrðu“
Vilhjálmur Birgisson
Vilhjálmur Birgisson - 05.4.2018
Þinn tími sem forseti ASÍ er liðinn!
Hannes Hólmsteinn Gissurarson
Hannes Hólmsteinn Gissurarson - 07.4.2018
Málið okkar
Brynjar Nielsson
Brynjar Nielsson - 09.4.2018
RÚV er tímaskekkja
Davíð Már Kristinsson
Davíð Már Kristinsson - 27.3.2018
Dymbilvika
Brynjar Nielsson
Brynjar Nielsson - 17.4.2018
Grímulaus pólitík
Ingibjörg Gunnlaugsdóttir
Ingibjörg Gunnlaugsdóttir - 06.4.2018
Skömmin
Hannes Hólmsteinn Gissurarson
Hannes Hólmsteinn Gissurarson - 14.4.2018
Grafir án krossa
Hannes Hólmsteinn Gissurarson
Hannes Hólmsteinn Gissurarson - 21.4.2018
Þrjár örlagasögur
Fleiri pressupennar