03. des. 2011 - 15:00Sverrir Björn Þráinsson

Dreifðu jólaátinu á einn mánuð, ekki eina viku

Kæri heilsuþyrsti lesandi, og allar hinar endurnar líka, 

Nú þegar það líður að jólasteikinni og maníska ofátinu sem fylgir þessum síðustu dögum ársins er ýmislegt sem gott er að hafa í huga.

Ef þú engan veginn ræður við þig, étur á þig skammdegisþunglyndið sem veldur svo enn meira þunglyndi og feitabollu“komplexum“ skaltu vera við því búinn að björgunarhringurinn poppi upp úr buxnastrengnum eigi síðar en strax í jólabyrjun.

Salt-og sykurmagnið sem við innbyrðum á þessum örfáu dögum á sér enga hliðstæðu í heiminum því allur matur sem á að vera íslenskur hefðarmatur er rammsaltur og fituríkur, því eitt sinn vorum við dugnaðarþjóð sem vann myrkrana á milli við ömurlegar aðstæður og þurfti fitu, en nú étum við enn sama matinn og springum úr spiki því eina hreyfingin sem við fáum er rasskinnalyfting við viðrekstur og 10 skrefa ganga út í bíl.

Við þessu er hægt að sporna, en það kostar „nennu“ og vilja.

Í sambandi við jólin þá mæli ég með því að átinu sé dreift jafnt og þétt yfir mánuðinn svo að líkaminn fari ekki beint í varnarstöðu. Ekki byrja átið á Þorláksmessu með kransæðakítti og megnsöltum, úldnum fiski, fara svo beint í dragsaltan hamborgarhrygginn með rjómasósunni og sykur-smjörhúðuðu kartöflunum, þaðan beint í hangikjötið með tilheyrandi salti og bryðja svo Machintosh inn á milli og sprengja utan af þér öll föt.

Ég mæli með því að þú hreinlega skellir þér á jólahlaðborð í byrjun desember og þannig fá þetta ímyndaða átdaður út úr „systeminu“. Þannig minnkar tilhlökkunin í úttroðsluna. Fólk sem fær sér léttan jólamat yfir mánuðinn er í mun minni hættu að hreinlega deyja á jólunum því eins og lýsingarnar gefa til kynna hér að ofan er saltneysla okkar næstum lífshættulega ýkt og ekki fyrir hjartveika. Ekki er ólíklegt að fólk sem tekur jólin út á örfáum máltíðum þyngist um góð 3-7kg, jafnvel meira af bjúg.

Nú þegar þetta er komið á hreint þá segi ég við þig: Hreyfðu þig meira en venjulega yfir hátíðarnar. Farðu út í ferska lofið, labbaðu, skokkaðu, gerðu eitthvað til að hjálpa líkamanum að vinna úr öllum þessum ofunna mat. Klukkutímabrennsla á dag yfir hátíðarnar ásamt styrktarþjálfun inn á milli ætti að jafna út jólin og mögulega hamla því að þú tapir heilsu og viti á þessu áti.

Trúið mér, ég tala af reynslu.

Ef þú vilt fylgja mínum ráðleggingum segi ég eitt í viðbót: Fáðu þér nýjan fisk og kartöflur í staðinn fyrir skötuna og allt sem fylgir henni. Kalkún í staðinn fyrir hamborgarhrygginn og notaðu matreiðslurjóma í sósuna í staðinn fyrir venjulegan. Allir borða hangikjöt og skal ekkert koma í staðinn fyrir það, en þú hefur þá með fiskinum og kalkúninum unnið þér fyrir smásalti sem fylgir hangikjötinu. Hafðu dagana milli jóla og nýárs eins venjulega og hægt er, hreinsaðu líkamann með nægri vatnsdrykkju, nóg af grænu og hreyfingu. 

Gleðileg jól og verði ykkur að góðu.



03.jan. 2018 - 10:00 Sverrir Björn Þráinsson

Guðlaug losaði sig við 21 kg á 21 viku -„Var orðin heilsulaus og alltaf móð“

Guðlaug Friðriksdóttir, 59 ára verkstjóri flugeldhúss IGS áttaði sig á því á sumarmánuðum þessa árs að ef ekki yrði gripið í heilsutaumana myndi hún hreinlega missa heilsu.
21.des. 2017 - 09:00 Sverrir Björn Þráinsson

Arna hefur lést um 22 kg á 14 vikum og segir hér sögu sína –„Fullkomlega öfgalaus lífstíll“

Arna Arngrímsdóttir, 45 ára leikskólakennari á Dalvík hefur náð gríðarlega eftirtektarverðum árangri í heilsuuppbyggingu og ætlar hér að segja sína sögu öðrum til hvatningar. Með því að tvinna saman neyslurútínu og hreyfirútínu ásamt tilfinningavinnu fann Arna strax að einskis öfga er þörf þegar bæta skal andlega-og líkamlega heilsu heldur þarf vilja, markmið, opinn huga, hvatningu og umfram allt, áætlun og rútínu.
15.des. 2017 - 11:00 Sverrir Björn Þráinsson

Kristín losaði 21 kg á 24 vikum með breyttri rútínu: „Líf mitt varð svo mikið léttara og skemmtilegra“ Viðtal og ráð

Kristín Frímannsdóttir, 48 ára grunnskólakennari fékk nóg af versnandi heilsu vegna lífstíls og lagði upp í ferð til breytinga. Hún náði stórkostlegum árangri og hefur nú losað 21 kg af líkama sínum á 24 vikum og grætt aukinheldur varanlega mun betri heilsu, andlega-og líkamlega.
08.des. 2017 - 07:00 Sverrir Björn Þráinsson

Guðrún hefur losað sig við 20 kg á 20 vikum með réttri rútínu – hún segir hér sína mögnuðu sögu – VIÐTAL!

Guðrún Ágústa Guðmundsdóttir, 51 árs framkvæmdastjóri tók ákvörðun um að snúa sínu lífi til betri vegar og lagði upp í ferð sem hún sér svo sannarlega ekki eftir.
04.des. 2017 - 08:51 Sverrir Björn Þráinsson

Þú færð allar þínar óskir uppfylltar án undantekninga - ALLTAF!

Ef þú stendur þig að verki í þessum hugsanagangi þá ertu á valdi sjálfsvorkunnar. Sú tilfinning er á lægstu mögulegu orkutíðni sem til er og ef þú sendir frá þér þessa tíðni muntu alltaf skrapa botninn í öllu því þú hefur ekki trú á neinu.
04.sep. 2017 - 19:00 Sverrir Björn Þráinsson

Sindri tryggði sér framtíðarheilsu með einni ákvörðun. Losaði sig við 30 kg á eingöngu 12 vikum án nokkurra öfga! VIÐTAL!

Sindri Vilmar Þórisson er 25 ára gamall sérhæfður fiskvinnslumaður. Hann fékk á einum mikilvægum tímapunkti í sínu lífi alveg nóg af sífjölgandi aukakílóum og lagði upp í ferð sem hefur núþegar skilað honum varanlegum heilsuávinningi. Hann vó í sumarbyrjun 162,5 kg og var í hættulegri ofþyngd. Skemmst er frá því að segja að nú, eingöngu þremur mánuðum síðar hefur hann losað sig við 30 kg með alfarið öfgalausum hætti, sagði vananum stríð á hendur og tók föstum tökum á sínu lífi. Hann hefur samþykkt að segja frá sinni ferð og sögu okkur til hvatningar.
22.ágú. 2017 - 09:00 Sverrir Björn Þráinsson

Sólveig náði stórkostlegum árangri í heilsuuppbyggingu „Vildi ekki eyða bestu árum ævinnar heilsulaus vegna ofþyngdar“

Sólveig Þórarinsdóttir, 43 ára leikskólastjóri ákvað að snúa heilsunni til betri vegar og skráði sig í dagbókarráðgjöf hjá grenningarráðgjafanum Sverri Þráinssyni. Á hálfu ári losaði hún sig við 25 kíló, fór úr 86,7 kg (BMI 31,6 sem er offita, flokkur 1) niður í 61,7 kg (BMI 22,4 sem er kjörþyngd) og græddi auk þess bætta heilsu, andlega sem og líkamlega.

30.apr. 2017 - 20:00 Sverrir Björn Þráinsson

Ingólfur náði stórkostlegum árangri í þyngdarlosun! „Allt eða ekkert hugsunin er kolröng, það bjargaði mér!“

Ingólfur Ágústsson, 27 ára vélfræðingur frá Grindavík ákvað ásamt konu sinni, Sigríði Etnu að snúa heilsu sinni til betri vegar og hófu samstarf með grenningarráðgjafanum Sverri Þrainssyni í upphafi árs.

08.des. 2016 - 19:00 Sverrir Björn Þráinsson

Ragnheiður fór úr offitumörkum í kjörþyngd á 5 mánuðum - Hún segir hér magnaða sögu sína! - Myndir

Ragnheiður Hannesdóttir er 52 ára gömul. Síðasta sumar áttaði hún sig á því að hún vildi öðlast bætta andlega- og líkamlega heilsu og lífsgæði. Með öfgalausum hætti er skemst frá því að segja að hún hafi náð mögnuðum árangri á stuttum tíma. Þegar hún hóf vegferð sína var hún á offitumörkum, 85 kg en á 5 mánuðum losaði hún sig við 16 kg og vegur í dag 69 kg og komin í kjörþyngd eins og sjá má á myndunum.

27.nóv. 2016 - 21:00 Sverrir Björn Þráinsson

Líf þitt hefst þegar þú losar þig við meðvirkni og sjálfsvorkunn: FYRSTA ÆFINGIN!

Kannast þú við það að verða óstjórnlega pirruð/aður og ert með röð ástæðna sem allar eiga það sameiginlegt að tengjast öðrum einstaklingum eða aðstæðum? Að þú staðfast telur að þú hafir ekki haft hlut að máli?

Sverrir Björn Þráinsson
Grenningarráðgjafi með persónulega reynslu af matarfíkn og offitu.
http://www.facebook.com/sverrirfitness
Hannes Hólmsteinn Gissurarson
Hannes Hólmsteinn Gissurarson - 27.12.2017
Koestler og bæjarstjórnarkosningar
Hannes Hólmsteinn Gissurarson
Hannes Hólmsteinn Gissurarson - 30.12.2017
Koestler og tilvistarspekingarnir
Börkur Gunnarsson
Börkur Gunnarsson - 02.1.2018
Konan talar upp úr svefni
Vilhjálmur Birgisson
Vilhjálmur Birgisson - 05.1.2018
Tvöföldun Vesturlandsvegar við Kjalarnes
Hannes Hólmsteinn Gissurarson
Hannes Hólmsteinn Gissurarson - 06.1.2018
Bókabrennur
Davíð Már Kristinsson
Davíð Már Kristinsson - 11.1.2018
Ísland hefur leik á EM í Króatíu
Hannes Hólmsteinn Gissurarson
Hannes Hólmsteinn Gissurarson - 13.1.2018
Trump, Long og Jónas frá Hriflu
Hannes Hólmsteinn Gissurarson
Hannes Hólmsteinn Gissurarson - 17.1.2018
Því var bjargað sem bjargað varð
Börkur Gunnarsson
Börkur Gunnarsson - 18.1.2018
Þegar ég verð borgarstjóri
Hannes Hólmsteinn Gissurarson
Hannes Hólmsteinn Gissurarson - 20.1.2018
Líftaug landsins
Fleiri pressupennar