21. des. 2017 - 09:00Sverrir Björn Þráinsson

Arna hefur lést um 22 kg á 14 vikum og segir hér sögu sína –„Fullkomlega öfgalaus lífstíll“

Arna Arngrímsdóttir, 45 ára leikskólakennari á Dalvík hefur náð gríðarlega eftirtektarverðum árangri í heilsuuppbyggingu og ætlar hér að segja sína sögu öðrum til hvatningar. Með því að tvinna saman neyslurútínu og hreyfirútínu ásamt tilfinningavinnu fann Arna strax að einskis öfga er þörf þegar bæta skal andlega-og líkamlega heilsu heldur þarf vilja, markmið, opinn huga, hvatningu og umfram allt, áætlun og rútínu.

14 vikum síðar er árangurinn hreint út sagt ótrúlegur!

Nafn, aldur, starf?

Arna Arngrímsdóttir, 45 ára leikskólakennari.

1. Hvað varð til þess að ákvörðun var tekin um að snúa lífsstíl og rútínu til betri vegar? Af hverju núna?

Á afmælisdeginum mínum í ágúst sl. sá ég það og fann að ég þyrfti svo sannarlega að fara að gera eitthvað í mínu lífi því heilsan var ekki upp á sitt besta og ekki langaði mig að eyða bestu árum lífs míns án heilsunnar og of feit.

Í gegnum árin þá hef ég verið dugleg að hreyfa mig en ekki náð að stilla mataræðinu og hreyfingunni saman. Ég var búin að flakka upp og niður í þyngd í mörg ár.

Hef margoft farið í átak eða megrun og búin að prófa nánast allt sem hefur komið á markaðinn en þá hefur þetta verið í skorpum, ca 1, 2 eða 3 mánuðir og oft gengið mjög vel að ná af mér kílóunum en eftir að ég hætti eftir þessa mánuði þá komu kílóin oftast jafn fjótt ef ekki fljótari til baka þegar átakinu/megruninni lauk. Það var svo í september sl að ég sá á Fésbókinni frásagnir og reynslusögur af fólki sem hafði verið hjá grenningarráðgjafanum og höfðu allir náð glæsilegum og eftirtektarveðum árangri. Eftri að hafa lesið þessar frásagnir þá ákvað ég að hafa samband við Sverri Þráinsson

2. Hvert var allra fyrsta skrefið?

Fyrsta skrefið var að hafa samband við Sverri og fá frekari upplýsingar. Leyst strax vel á þetta og ákvað að slá til og vera með og sé alls ekki eftir því.

Fyrsta skefið okkar var að finna út hver mín markmið væru og hvernig neyslurútína væri best fyrir mig. Allt gekk mjög vel og ég fann fljótlega að þetta var eitthvað sem hentaði mér mjög vel. Í upphafi fær maður yfirgripsmikla fræðslumöppu ásamt öllum upplýsingum og leiðbeiningum um það hvernig hægt sé að viðhalda góðri rútínu eftir að prógrammi lýkur og einnig gaman að glugga í á meðan á samstarfi stendur.

3. Var ákvörðunin og byrjunin erfitt skref?

Nei, alls ekki. Ég var alveg ákveðin og tilbúin í þetta.

4. Hvað gerðir þú í þessu ferli? Þ.e hver var daglega rútínan og hverju áttir þú að skila frá þér?

Vikurútínan mín er að ég er hjá einkaþjálfara 3 sinnum í viku sem hentar mér mjög vel, finnst gott að hafa einhvern sem segir mér nákvæmlega hvað ég á að gera, hvað þyngd ég á að nota og gott að hafa einhvern sem hvetur mann áfram. Tvisvar í viku mæti ég í ræktarsalinn og tek brennsluæfingar. Á laugardögum er ég í stöðvaþjálfun og reyni ef ég get að fara í gönguferð seinnipartinn til að ná upp í skrefa fjölda dagins. Sunnudagarnir eru algjörir hvíldardagar hjá mér.

Ég skila inn matardagbók og tilfinningadagbók með skráðum skrefafjölda daglega til Sverris grenningarráðgjafa. Einu sinni í viku sendi ég inn samantekt vikunnar (neysla, skref og brennsla vikunnar) ásamt vigtunartölum. Það er í raun það eina sem ég þarf að gera og að sjálfsögðu að fara eftir rútínunni og ráðleggingum sem Sverrir kemur með og hafa þær alltaf verið mjög góðar. Matarplanið var sáraeinfalt, 4 máltíðir á dag (misstórar) þar sem hreyfing og neyslumagn tvinnast saman og ekkert umfram það. Ekki er krafist sérfæðis eða eftirfylgni sérstaks matseðils sem gerir þetta enn árangursríkara til lengri tíma litið.

5. Hver var munurinn á þessari nálgun sem þú notaðir og öðrum fyrri tilraunum?

Munurinn er sá að þetta er engin skyndilausn eða eitthvert átak í stuttan tíma, fullkomlega öfgalaus nálgun.

Ég lærði að breyta um lífstíl á einfaldan og góðan hátt með því að innleiða rútínu milli neyslu og hreyfingar. Fyrir mig var mjög auðvelt að fylgja þessari rútínu eftir og smellpassaði inn í mitt lífsmynstur. Árangurinn kom fljótlega í ljós og það hvatti mig til að halda áfram. Fann mjög fljótlega eftir að ég byrjaði hvað líkaminn var fljótur að komast í gott jafnvægi hvað varðar það sem ég set ofan í mig, sykurpúkinn hvarf en í þessu prógrammi eru engin boð og bönn en að sjálfsögðu valdi ég hvað ég vildi hafa eða taka út úr minni fæðu. Einnig hef ég lært í þessu hve mikið magn ég þarf að borða í hverri máltíð.

6. Kom einhverntíma í hugann sú hugsun um að hætta og snúa til gamalla venja?

Nei nei nei það kom aldrei upp í hugann minn um að hætta. Fann strax mikin mun á bæði andlegri og líkamlegri líðan og þolið jókst frá degi til dags að það var ekki sjens að ég ætalði að snúa til baka í gamla farið, aldrei aftur.

7. Hvað hefur þú lært sem þú vissir ekki áður?

Að maður þarf að eiga fyrir því sem maður setur ofan í sig með því að hreyfa sig.

Ef hreyfingin var lítil einn daginn þá borðaði ég minna og léttari máltíðir. Ef stór dagur var t.d veisla þá hafði ég hreyfinga meiri þann daginn eða daginn eftir og boðaði léttar máltíðir í hinum máltíðunum þann dag. Stóri parturinn er líka að ég hætti nánast að nota bílinn og labba núna nánast út um allt, skrefasöfnin er gríðarlega hvetjandi og eflir keppnismanneskjuna sem er innra með okkur öllum.

8. Er mikilvægt að taka andlega hlutann jafnalvarlega og samhliða þeim líkamlega?

Andlegi hlutinn er mjög mikilvægur í þessu öllu saman. Gott er að tala um tilfinningar sínar og þá er tilfinningabókin mjög mikilvæg. Gott er að setja sér markmið og að sjálfsögðu að fara síðan eftir þeim. Þegar andlegi parturinn er í góðu jafnvægi þá verður lífið svo miku skemmtilegra og betra. Mér finnst líka í þessu öllu svefninn vera mjög mikilvægur og passaði ég upp á að ná góðum svefni 7-8 klukkutíma á nóttu og lengur um helgar.

9. Viskuráð til almennings?

Að hafa trú á sjálfum sér því það er alveg ótrúlegt hvað við getum gert.

Ég vil, ég get, ég skal, ég ætla.




05.apr. 2018 - 17:00 Sverrir Björn Þráinsson

Hjónin Laufey og Bjarki losuðu sig við 33 kg á 12 vikum

Hjónin Laufey Sigurðardóttir og BjarkiSigurðsson ákváðu í sameiningu í desembermánuði síðastliðnum að gera sérkærkomna ferð til heilsulandsins.


28.mar. 2018 - 23:00 Sverrir Björn Þráinsson

Inga Dís losaði sig við 23 kg á jafnmörgum vikum „Engin boð eða bönn og rútínan er varanleg, ég er þakklát!“

Inga Dís Sigurðardóttir, 34 ára gamall grunnskólakennari ákvað á einum sérstökum tímapunkti að nú væri nóg komið, hún vildi endurheimta andlega og líkamlega heilsu sína og lagði upp í ferðalag til heilsulandsins undir handleiðslu Sverris, Grenningar-og lífsráðgjafa og árangurinn á rétttæpu hálfu ári sannarlega glæsilegur. Hún fór úr 92,5 kg niður í 69,5 kg og hafði loks endurheimt heilsu sína og lífsgleði, sagt skilið við gamla vágesti (vana) og byggt upp rútínuna alveg frá grunni. Inga samþykkti að veita okkur viðtal og innsýn inn í ferðalagið sitt og hún lumar á mörgum góðum ráðum.
16.mar. 2018 - 21:48 Sverrir Björn Þráinsson

Dagný losaði sig við 20 kg á hálfu ári þrátt fyrir bæklun og vefjagigt: „Ég kaus að sjá marklínuna í stað hraðahindrana“

Dagný Leifsdóttir (63) gerði sér kærkomna ferð inn í heilsulandið og hefur náð gríðarlega eftirtektarverðum árangri. Uppskriftin er að hafa markmið og hafa rútínu, vinna með hugann samhliða nýjum venjum sem hún lýsir hér í þessu magnaða viðtali sem Pressan tók við hreint magnaða konu sem sá markmiðin sín, setti öll höft til hliðar en hún á við bæklun í fæti að etja sem hún lifir með ásamt vefjagigt og margskonar áföll fortíðar sem hún ber á bakinu. Hún kaus að horfa á marklínuna í stað þess að horfa á næstu hraðahindrun og má segja að hún Dagný undirstriki sannleika þessa máltækis „hugur ofar raun“ eða „mind over matter“.
08.mar. 2018 - 10:00 Sverrir Björn Þráinsson

Erlingur losaði sig við 20 kg á jafnmörgum vikum með öfgalausu rútínunni: „Allur pakkinn í einfaldri dagbók daglega, svínvirkar“

Erlingur H. Guðjónsson, 35 ára , mælaumsjón hjá Rarik Austurlandi.

03.jan. 2018 - 10:00 Sverrir Björn Þráinsson

Guðlaug losaði sig við 21 kg á 21 viku -„Var orðin heilsulaus og alltaf móð“

Guðlaug Friðriksdóttir, 59 ára verkstjóri flugeldhúss IGS áttaði sig á því á sumarmánuðum þessa árs að ef ekki yrði gripið í heilsutaumana myndi hún hreinlega missa heilsu.
15.des. 2017 - 11:00 Sverrir Björn Þráinsson

Kristín losaði 21 kg á 24 vikum með breyttri rútínu: „Líf mitt varð svo mikið léttara og skemmtilegra“ Viðtal og ráð

Kristín Frímannsdóttir, 48 ára grunnskólakennari fékk nóg af versnandi heilsu vegna lífstíls og lagði upp í ferð til breytinga. Hún náði stórkostlegum árangri og hefur nú losað 21 kg af líkama sínum á 24 vikum og grætt aukinheldur varanlega mun betri heilsu, andlega-og líkamlega.
08.des. 2017 - 07:00 Sverrir Björn Þráinsson

Guðrún hefur losað sig við 20 kg á 20 vikum með réttri rútínu – hún segir hér sína mögnuðu sögu – VIÐTAL!

Guðrún Ágústa Guðmundsdóttir, 51 árs framkvæmdastjóri tók ákvörðun um að snúa sínu lífi til betri vegar og lagði upp í ferð sem hún sér svo sannarlega ekki eftir.
04.des. 2017 - 08:51 Sverrir Björn Þráinsson

Þú færð allar þínar óskir uppfylltar án undantekninga - ALLTAF!

Ef þú stendur þig að verki í þessum hugsanagangi þá ertu á valdi sjálfsvorkunnar. Sú tilfinning er á lægstu mögulegu orkutíðni sem til er og ef þú sendir frá þér þessa tíðni muntu alltaf skrapa botninn í öllu því þú hefur ekki trú á neinu.
04.sep. 2017 - 19:00 Sverrir Björn Þráinsson

Sindri tryggði sér framtíðarheilsu með einni ákvörðun. Losaði sig við 30 kg á eingöngu 12 vikum án nokkurra öfga! VIÐTAL!

Sindri Vilmar Þórisson er 25 ára gamall sérhæfður fiskvinnslumaður. Hann fékk á einum mikilvægum tímapunkti í sínu lífi alveg nóg af sífjölgandi aukakílóum og lagði upp í ferð sem hefur núþegar skilað honum varanlegum heilsuávinningi. Hann vó í sumarbyrjun 162,5 kg og var í hættulegri ofþyngd. Skemmst er frá því að segja að nú, eingöngu þremur mánuðum síðar hefur hann losað sig við 30 kg með alfarið öfgalausum hætti, sagði vananum stríð á hendur og tók föstum tökum á sínu lífi. Hann hefur samþykkt að segja frá sinni ferð og sögu okkur til hvatningar.

Sverrir Björn Þráinsson
Grenningarráðgjafi með persónulega reynslu af matarfíkn og offitu.
http://www.facebook.com/sverrirfitness
Vilhjálmur Birgisson
Vilhjálmur Birgisson - 06.4.2018
Sjáðu þessi dæmi um græðgisvæðingu!
Brynjar Nielsson
Brynjar Nielsson - 25.3.2018
Lokað fyrir ræðuhöld
Vilhjálmur Birgisson
Vilhjálmur Birgisson - 25.3.2018
Berjumst gegn græðgisvæðingu
Brynjar Nielsson
Brynjar Nielsson - 05.4.2018
Dröslaði bróður mínum í kirkju
Hannes Hólmsteinn Gissurarson
Hannes Hólmsteinn Gissurarson - 31.3.2018
Hvað segi ég í Las Vegas?
Sverrir Björn Þráinsson
Sverrir Björn Þráinsson - 05.4.2018
Hjónin Laufey og Bjarki losuðu sig við 33 kg á 12 vikum
Davíð Már Kristinsson
Davíð Már Kristinsson - 29.3.2018
„Heyrðu“
Hannes Hólmsteinn Gissurarson
Hannes Hólmsteinn Gissurarson - 31.3.2018
Heimsókn Øverlands
Davíð Már Kristinsson
Davíð Már Kristinsson - 27.3.2018
Dymbilvika
Brynjar Nielsson
Brynjar Nielsson - 09.4.2018
RÚV er tímaskekkja
Hannes Hólmsteinn Gissurarson
Hannes Hólmsteinn Gissurarson - 07.4.2018
Málið okkar
Vilhjálmur Birgisson
Vilhjálmur Birgisson - 05.4.2018
Þinn tími sem forseti ASÍ er liðinn!
Ingibjörg Gunnlaugsdóttir
Ingibjörg Gunnlaugsdóttir - 06.4.2018
Skömmin
Hannes Hólmsteinn Gissurarson
Hannes Hólmsteinn Gissurarson - 14.4.2018
Grafir án krossa
Brynjar Nielsson
Brynjar Nielsson - 17.4.2018
Grímulaus pólitík
Hannes Hólmsteinn Gissurarson
Hannes Hólmsteinn Gissurarson - 21.4.2018
Þrjár örlagasögur
Fleiri pressupennar