12. jún. 2013 - 17:24Sveinn Andri Sveinsson

Ríkisstjórnin getur ekki slitið aðildarviðræðum við ESB

Þann 16. júlí 2009 samþykkti Alþingi Íslendinga svofellda þingsályktun:

„Alþingi ályktar að fela ríkisstjórninni að leggja inn umsókn um aðild Íslands að ESB og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning. Við undirbúning viðræðna og skipulag þeirra skal ríkisstjórnin fylgja þeim sjónarmiðum um verklag og meginhagsmuni sem fram koma í áliti meiri hluta utanríkismálanefndar.”

Í umræðu á Alþingi um stöðu viðræðna við ESB sagði nýskipaður utanríkisráðherra Gunnar Bragi Sveinsson að viðræðum við Evrópusambandið verði alls ekki haldið áfram undir hans stjórn; hlé á viðræðum þýði að gert verði alvöru hlé. „Það verður illa haldið áfram, eiginlega bara alls ekki, viðræðum við Evrópusambandið undir stjórn þess utanríkisráðherra sem hér stendur.” sagði hann orðrétt.

Hinn nýi utanríkisráðherra er með þessu í raun að segja að þegar hann fari til Brussel muni hann ekki tilkynna embættismönnum þar að viðræðum sé frestað heldur að þeim sé hreinlega hætt. Utanríkisráðherrann er með orðum sínum að segja að viðræðum verði ekki fram haldið á þessu kjörtímabili. Frestun á viðræðum út kjörtimabilið hlýtur að jafngilda því að slítið sé viðræðum. Annað væri kindarlegt.

Þegar nær dró síðustu kosningum hægði þáverandi ríkisstjórn á aðildarviðræðunum, enda ráðherrar og þingmenn uppteknir af kosningabaráttu. Viðræðunum var ekki frestað. Ný ríkisstjórn hefur boðað það setja málið í nýtt ferli; gerð verði úttekt á kostum og göllum aðildar að Evrópusambandinu og viðræðum verði ekki framhaldið fyrr en að lokinni þeirri úttekt og að undangenginni þjóðaratkvæðagreiðslu. Það er allt gott og blessað.

Vandinn er hins vegar sá að Alþingi samþykkti að fela ríkisstjórn að sækja um aðild, hefja viðræður og bera síðan aðildarsamning undir þjóðina, allt eftir ferli og ramma sem utanríkismálanefnd lagði upp með og er álit utanríkismálanefndar hluti af ályktun þingsins. Þessi þingsályktun er enn í gildi þótt nýtt Alþingi hafi verið kosið og ný ríkisstjórn skipuð. Ríkisstjórnin getur trauðla sett viðræðurnar í ferli sem er á skjön við þann vilja Alþingis sem endurspeglast í ofangreindri þingsályktun.

Ríkisstjórnin getur lagt sínar pólitísku línur í sínum stjórnarsáttmála, en ríkisstjórnin er eftir sem áður jafn bundin af ályktun Alþingis og síðasta ríkisstjórn var. Mjög hæpið er að hægt sé að fara í hið breytta ferli sem ríkisstjórnin boðar á aðildarviðræðum getur án atbeina Alþingis og stjórnskipulega er sannarlega óheimilt að slíta viðræðunum við ESB, með þeim hætti sem nýr utanríkisráðherra boðar, til þess þarf atbeina Alþingis; nýja þingsályktun.



03.sep. 2010 - 13:50 Sveinn Andri Sveinsson

Lekandi í löggæzlu

Leki á trúnaðargögnum úr sakamálarannsókn er er ekki aðeins bagalegur heldur getur falist í því refsiverður verknaður. Ríkissaksóknari og yfirmenn viðkomandi embætta verða að rannsaka hvernig þessi trúnaðargögn láku í Viðskiptablaðið og er því ekki trúað að varðveizla og meðferð ganga sé með þeim hætti að ekki unnt sé að finna út úr því hverjir hafi komið umræddum gögnum í fjölmiðla.
10.jún. 2010 - 16:00 Sveinn Andri Sveinsson

Syndir Steinunnar og móðursýkin

Það er landlægur sjúkdómur í íslenskum stjórnmálum og fjölmiðlaumræðu að vera gersamlega ósamkvæmur sjálfum sér. Sjúkdómur þessi er á lokastigi í dag. Á þetta ekki sízt við viðhorf manna til þess hvað telst rangt eða siðferðislega ámælisvert.
01.maí 2010 - 15:40 Sveinn Andri Sveinsson

Styrkjadrottningin Agnes slettir skyri í glerhúsi

Agnes Bragadóttir, blaðamaður á Morgunblaðinu. Í gær 30. apríl var haldinn hinn svokallaði „Lagadagur” sem er eins konar árshátíð lögmanna, dómara og annarra lögfræðinga. Agnes Bragadóttir var gestur á þessari hátíð í fyrra og misnotaði gestrisnina og veitingarnar með eftirminnilegum hætti. Þegar ég eftir ábendingu opnaði Sunnudagsmoggann í morgun og sá pistil eftir téða Agnesi, datt mér fyrst í hug að hún hefði náð að smygla sér inn á lagadaginn í gær.
04.apr. 2010 - 09:00 Sveinn Andri Sveinsson

Traustinu glatað

Fátt ef nokkuð er alvöru fjölmiðli mikilvægara en traust þeirra sem á hann hlýða eða lesa. Blað sem glatar trausti lesenda sinna getur snúið sér alfarið að teiknimyndasögum og fallegum ljósmyndum, því lesendur tortyggja allt sem skrifað er og skiptir máli.
28.feb. 2010 - 09:31 Sveinn Andri Sveinsson

Uppgjör Agnesar

Í því mikla uppgjöri sem um þessar mundir á sér stað á bankahruninu hefur mönnum orðið tíðrætt um hverjir beri ábyrgð og ekki síður hverjir þess eru umkomnir að ákveða hverjir axli ábyrgð.
22.feb. 2010 - 08:01 Sveinn Andri Sveinsson

Aðildarviðræður með reisn og styrk

Það virðist vera einhver lenzka hjá núverandi forystumönnum Sjálfstæðisflokksins að tala gegn aðild að Evrópusambandinu, jafnvel án þess að fram fari viðræður er leiði í ljós hvernig á helstu hagsmunamálum okkar yrði tekið. Keppast forystumenn flokksins við að mála skrattann á vegginn og gera sig oft seka um minnimáttarkennd fyrir hönd þjóðarinnar. Allt fari til fjandans ef við göngum í Evrópusambandið og það muni bara gleypa smáríkið Ísland. En forystumenn Sjálfstæðisflokksins hafa ekki alltaf verið svona þröngsýnir sem betur fer.
07.feb. 2010 - 16:20 Sveinn Andri Sveinsson

Vinstri græn græðgisvæðing

Árni Þór Sigurðsson. Fáir hafa verið duglegri við það, en þingmenn Vinstri grænna, að gagnrýna það sem kallað er græðgisvæðing. Þetta hugtak var líklega búið til af einhverjum þingmanna þessa flokks, gott ef það var ekki Ögmundur Jónasson sem fyrst kom fram með það. Á hugtakið að lýsa hinni taumlausu fégræðgi sem heltekið hafi íslenskt athafnalíf undanfarin ár og áratugi, og grasserað í skjóli hinnar skelfilegu markaðshyggju.
24.jan. 2010 - 16:15 Sveinn Andri Sveinsson

Óborganleg Borgarahreyfing

Í tilefni af ákærum sem ríkissaksóknari hefur gefið út á hendur nokkrum einstaklingum fyrir að rjúfa frið Alþingis á síðasta ári hefur Borgarahreyfingin látið eftirfarandi frá sér fara:
02.jan. 2010 - 20:00 Sveinn Andri Sveinsson

Þar er efinn

Almenningur bíður nú með öndina í hálsinum eftir því hvort Forseti Íslands Ólafur Ragnar Grímsson staðfesti lög um ríkisábyrgð vegna samningsins um Icesave.
14.des. 2009 - 13:35 Sveinn Andri Sveinsson

Hreinn óþverraskapur

Ekki hefur þeim sem þetta ritar auðnast að setja sig inn í þau fasteignaviðskipti í Macau sem Bjarni Benediktsson formaður Sjálfstæðisflokksins virðist tengjast í gegnum fyrrum eigendur Milestone, þá Karl og Steingrím Wernerssyni. Hitt er ljóst að ekki er þessi tenging alls kostar heppileg í því pólitíska landslagi sem við búum við í dag.

Sveinn Andri Sveinsson
Sveinn Andri Sveinsson er starfandi hæstaréttarlögmaður.
Ágúst Borgþór Sverrisson
Ágúst Borgþór Sverrisson - 18.10.2014
Enginn munur á virkum í athugasemdum og elítunni
Vilhjálmur Birgisson
Vilhjálmur Birgisson - 23.10.2014
Ræða ASÍ
Brynjar Nielsson
Brynjar Nielsson - 29.10.2014
Gáfnaljósin á vinstri vængnum
Ágúst Borgþór Sverrisson
Ágúst Borgþór Sverrisson - 23.10.2014
Ritdómur: Eftirminnilegt sálfræðidrama
Brynjar Nielsson
Brynjar Nielsson - 20.10.2014
Ný stjórnarskrá mun engu breyta ...
Hannes Hólmsteinn Gissurarson
Hannes Hólmsteinn Gissurarson - 25.10.2014
Enn reynir Stefán að beita blekkingum
Hannes Hólmsteinn Gissurarson
Hannes Hólmsteinn Gissurarson - 20.10.2014
Sigurjón og Elín sýknuð
Þórhallur Heimisson
Þórhallur Heimisson - 18.10.2014
Trúarpælingar V. Krossinn - skuldauppgjör við Guð?
Hannes Hólmsteinn Gissurarson
Hannes Hólmsteinn Gissurarson - 21.10.2014
Gamansemi Gores Vidals
Hannes Hólmsteinn Gissurarson
Hannes Hólmsteinn Gissurarson - 23.10.2014
Piketty og auðlindaskattur
Hannes Hólmsteinn Gissurarson
Hannes Hólmsteinn Gissurarson - 27.10.2014
Ótrúlegur munnsöfnuður Stefáns Ólafssonar
Aðsend grein
Aðsend grein - 28.10.2014
Drekaslóð bjargaði lífi mínu
Þórhallur Heimisson
Þórhallur Heimisson - 21.10.2014
Trúarpælingar VI - Inferno/Víti
Fleiri pressupennar