08. okt. 2017 - 07:00Sigurður Jónsson

Kosningarnar snúast um upplausn eða stöðugleika

Landsmenn ganga að nýju að kjörborðinu laugardaginn 28.október n.k. til að kjósa fulltrúa á Alþingi Íslendinga. Það bjóst varla nokkur maður við því síðasta haust að við þyrftum aftur að mæta til að kjósa svo stuttu seinna.Nú þegar aðeins fáir dagar eru til kosninga ríkir algjört upplausnarástand. Mögulegt er að 8 til 9 flokkar nái inn kjörnum fulltrúum á þing. Það gæti því orðið ansi flókið verkefni að mynda ríkisstjórn. 

Hugsanlega erum við að sigla inn í tímabil upplausnar og kosninga á nokkurra mánaða fresti. Það getur ekki verið gott fyrir land og þjóð.En valdið er hjá okkur. Við ráðum niðurstöðu kosninganna.Frumhlaup Bjartrar framtíðar reynist þjóðinni dýrkeypt. Allt fer meira og minna í biðstöðu. Hlutabréf falla í verði og tap lífeyrissjóðanna nemur tugum milljarða. Miðað við skoðanakannanir lítur út fyrir að kjósendur ætli sér að refsa Bjartri framtíð fyrir ábyrgðarleysi og að þessi flokkur sé búinn að vera.

Katrín Jakobsdóttir og VG koma vel út úr skoðanakönnunum. Það virðist vera að margir sjái fyrir sér að Katrín og VG sé lausnin til að bjarga þjóðinni. Svo virðist vera að fólk hafi gleymt því að Katrín sat í Vinstri stjórninni með Jóhönnu og Steingrími J. Sú stjórn var sú óvinsælasta sem nokkurn tímann hefur stjórnað landinu. Katrín J. stóð þannig að forgangsröðinni að kjör aldraðra og öryrkja voru skert mest. Viljum við aftur slíka stjórn.

Kjósendur mega heldur ekki gleyma því að eftir síðustu kosningar fékk Katrín Jakobsdóttir formaður VG tækifæri á að mynda ríkisstjórn til vinstri. Henni tókst það ekki. Hvers vegna ætti henni að takast það frekar nú ári seinna. Þeir kjósendur sem ætla að greiða VG atkvæði núna ættu að íhuga þetta.

Nei staðreyndin er auðvitað sú að vinstri flokkarnir geta aldrei komið sér saman um eitt eða neitt. Þeir gagnrýna og gagnrýna en geta ekki komið sér saman um málefnin. Á síðustu misserum hefur þjóðfélagið náð sér vel á strik. Mikill uppgangur er á mörgum sviðum. Almennt hafa kjör batnað. Ríkissjóður hefur náð að greiða niður mikið af skuldum þannig að vaxtagreiðslur hafa ríkisins hafa lækkað um 10 milljarða á ári. Haldi stöðugleikinn áfram verður hægt að halda áfram á sömu braut,

Vissulega þarf að bæta ýmsa innviði s.s. heilbrigðisþjónustuna. Það þarf að gera mun betur í málefnum aldraðra. Það þarf að gera mun betur í því að skapa ungu fólki tækifæri til að eignast íbúð.

Allt þetta kresft þess að ríkið hafi úr meiru að spila og að fólki sé ekki íþyngt með alltof háum sköttum. Þetta krefst stöðugleika.Sjálfstæðisflokkurinn leggur mikla áherslu á að það þurfi að skapast þeir möguleikar eftir kosningar að hægt verði að mynda sterka ríkisstjórn til að stjórna landinu. Það mun ekki gerast ef það verða 5-6 vinstri flokkar sem mynda ríkisstjórn.Á næstu dögum koma kjósendur til að að kynna sér og meta hvað sé best í stöðunni. Það er alveg á hreinu að með skynsamlegri íhugun og skoðun munu fleiri og fleiri komast að þeirri niðurstöðu að besta leiðin til að skapa hér festu og stöðuleika er að tryggja Sjálfstæðisflokknum góða kosningu þann 28.október 2017.

Ekki mín hugmynd

Í leiðara síðasta Reykjaness fjallaði ég um hugmyndir manna um að breyta nafni Samfylkingarinnar til að reyna að ná auknu fylgi. Eitthvað virðist þetta hafa farið fyrir brjóstið á sumum forystumönnum þessa flokks. Forystumaður Samfylkingarinnar í Suðurkjördæmi sagði við mig að hún þyrfti væntanlega að svara ljótum leiðara mínum eins og hún nefndi það.

Að sjálfsögðu hvatti ég hana til þess. Reykjanes er nefnilega opið fyrir öllum skoðunum. Aftur á móti koma mínar persónulegu skoðanir fram í leiðurum blaðsins. Ég hef aldrei leynt því að ég er flokksbundinn Sjálfstæðismaður,en hef leyft mér að gagnrýna minn flokk og menn hafi mér þótt ástæða til.Rétt er svo að undirstrika það að ég á engan þátt í hugmyndinni að breyta um nafn á Samfylkingunni. Það kemur úr þeirra eigin herbúðum.

Ég benti á að þótt flokkurinn breyti um nafn situr hann upp með allt klúðrið í síðustu Vinstri stjórn. Kjósendur muna þá tíð. Af þeirri ástæðu nær Samfylkingin eða hvaða nafn sem flokkurinn fær ekki að bæta við sig miklu fylgi. Samfylkingarfólk getur kallað þetta níð en það breytir engu um staðreyndir sem liggja á borðinu.

Greinin er leiðari í Reykjanes. 




20.okt. 2017 - 11:00 Sigurður Jónsson

Hagsmunamál eldri borgara voru ekki ofarlega á forgangslistanum hjá Katrínu og Vinstri grænum

Nú styttist í það að landsmenn gangi að kjörborðinu og velji sér þingmenn til að sitja á Alþingi. Athyglisvert er að fylgjast með málflutningi Katrínar Jakobsdóttur formanns VG. Loforðin flæða úr munni hennar
23.sep. 2017 - 07:00 Sigurður Jónsson

Ætla Logi og Oddný líka að skipta um nafn

Eins og allir vita sem fylgjast eitthvað með stjórnmálum þá þurrkaðist Samfylkingin nánast út í síðustu alþingiskosningum. Flokkurinn rétt skreið yfir 5% og hefur nú aðeins 3 þingmenn. Samfylkingin var einu sinni stór og ætlaði sér stórt hlutverk í stjórnmálum landsins. Samfylkingin fékk tækifæri á að stjórna landinu í fjögur ár en setti Evrópumet í fylgistapi eftir það.
26.ágú. 2017 - 07:00 Sigurður Jónsson

Fylgi Flokks fólksins á fleygiferð upp

Í síðustu skoðunakönnunum hefur það birst okkur að Flokkur fólksins er að bæta verulegu fylgi við sig. Takist flokknum áfram að ná eyrum kjósenda er örugg að hér mun koma nýtt afl í sali Alþingis. Nú segja menn þetta eru nú bara skoðunakannanir en ekki alvöru kosningar og því getum við í hinum flokkunum verið alveg róleg. Þetta mun breytast. Þau ná aldrei þessu fylgi. En er það svo? Geta gömlu flokkarnir verið alveg vissir um að halda í sína kjósendur.

18.maí 2017 - 18:00 Sigurður Jónsson

Er allt sem byrjar á einka rosalega slæmt?

Miklu moldviðri er nú þyrlað upp af mörgum vinstri mönnum og reynt að telja okkur trú um að allt sé best til þess fallið ríkið sjái um rekstur þess. Hefur reynslan sýnt það að ríkisvaldið sé best til þess fallið að allt sé undir forsjá þess? Ætla vinstri menn virkilega að halda því fram að skattpeningur almennings sé best nýttur með því að ríkið sjái um allan rekstur í landinu.
04.maí 2017 - 18:00 Sigurður Jónsson

Húsnæðisöryggi sjálfsögð mannréttindi

Eins og venjulega var 1.maí tileinkaður baráttu launamanna fyrir betri kjörum. Í gegnum tíðina hefur margt áunnist til að bæta launakjörin og ýmis réttindamál náð fram að ganga. Enn er þó margt sem eftir er til að auka jöfnuð í þjóðfélaginu. Eitt af stærstu málunum eru húsnæðismálin. Þróunin í þeim efnum hefur farið versnandi fyrir stóra hópa.
09.apr. 2017 - 07:32 Sigurður Jónsson

Hvers vegna var ekki hlustað á Vilhjálm Bjarnason?

Merkilegt mál hefur verið á dagskrá að undanförnu. Mál sem mörgum virðist koma nú mjög á ávart enda liðin meira en áratugur frá því gengið var frá sölu Búnaðarbankans. Nú hefur komið í ljós að þýskur banki, sem sagður vera einn af kaupendum bankans var það aldrei. Bankinn var notaður til að blekkja og rugla ríkisvaldið og fleiri í ríminu. S-hópurinn svokallaði með ólaf Ólafsson í fararbroddi náði að blekkja nánast alla.
25.mar. 2017 - 07:00 Sigurður Jónsson

Hverjir eiga lífeyrissjóðina?

Lífeyrissjóðir í landinu eiga gífurlega miklar eignir. Staðan er sú að sjóðirnir hafa yfir að ráða 3500 milljörðum. Lífeyrissjóðirnir hafa fjárfest mikið í innlendum fyrirtækjum og eiga nú stóran hluta í öllum stærstu fyrirtækjum landsins. Framundan eru svo fjárfestingar erlendis.
11.mar. 2017 - 18:00 Sigurður Jónsson

Vegatollur, komugjöld eða borga bílaeigendur nóg í skatta?

Það var skynsamlegt hjá ASÍ og SA að samþykkja að kjarasamningur muni gilda ár til viðbótar þrátt fyrir forsendubrest. Það liggur fyrir að samningar margra opinberra stéttar eru lausir á næstunni. Yfirleitt hefur það verið þannig að félagar ASÍ hafa riðið á vaðið og gert sína samninga. Hærra launaðar stéttir hafa svo komið á eftir og krafist mun meiri hækkunar og yfirleitt náð því markmiði. Höfrungahlaupið hefur verið á fullu. Þegar upp er staðið sitja svo hinir lægst launuðu eftir með sárt ennið. Það er því skynsamlegt hjá ASÍ að bíða og sjá hvað margar hærra launaða stéttir ná í sinn hlut. Allt tal um hógværar launahækkunar verða að ná til allra hópa þjóðfélagsins. Að öðrum kosti gengur það aldrei og enginn friður verður á vinnumarkaðnum.
24.feb. 2017 - 07:00 Sigurður Jónsson

Alþingi verður að afgreiða áfengisfrumvarpið með já eða nei

Það er orðið nokkuð árvisst að áfengisfrumvarp er lagt fram á Alþingi. Þetta frumvarp hefur verið til umræðu í fjölda ára en aldrei borið undir atkvæði þingmanna. Áfengisfrumvarpið gengur út á að afnema einkasölu ríkisins í sérstökum áfengisverslunum.
11.feb. 2017 - 07:00 Sigurður Jónsson

Er rétt að sameina Garð og Sandgerði?

Fjöldi sveitarfélaga hefur mikið breyst á síðustu áratugum. Sveitarfélögum hefur fækkað mjög. Hér á árum áður voru sveitarfélög vel yfir tvö hundruð en eru núna rúmlega sjötíu.Öll þessi sameining hefur átt sér með atkvæðagreiðslu íbúanna sjálfra. Það hefur engum lagaþvingunum verið beitt af hálfu Alþingis.
31.jan. 2017 - 09:30 Sigurður Jónsson

Engin ráðherra úr einu sterkasta vígi Sjálfstæðisflokksins. Er aðalatriðið að hafa ráðherra úr kjördæminu?

Mikil reiði gaus upp meðal margra Sjálfstæðismanna í Suðurkjördæmi þegar ljóst varð að engin ráðherra í nýrri ríkisstjórn kemur úr kjördæminu. Páll Magnússon oddviti lista Sjálfstæðismanna talar um lítilsvirðingu við kjördæmið. Tiol hvers að sigra glæsilega í prófkjöri og ná svo ekki ráðherrasæti.Sjálfstæðisflokkurinn fékk mjög góða útkomu í kjördæminu í síðustu kosningum svo margir töldu það næsta víst að Sjálfsrtæðismenn í Suðurkjördæmi væru með ráðherra í nýrri ríkisstjórn.
14.jan. 2017 - 07:00 Sigurður Jónsson

Þjóðin í blóma og á réttri leið

Fræðimenn framtíðarinnar sem koma til með að skoða árið 2016 munu eflaust telja það til merkari ári síðari tíma. Þetta ár náði Ísland að rétta verulega úr kútnum. Efnahagsástandið batnaði mjög. Þjóðinni tókst að grynnka mjög á skuldum. Kaupmáttur launa óx og verðbólgan var mjög lág., Síðari tímar munu örugglega gefa ríkisstjórn Framsóknar-og Sjálfstæðisflokks góða einkunn.
18.des. 2016 - 07:00 Sigurður Jónsson

Fallegur boðskapur

Jólin nálgast og tilhlökkun meðal barnanna er mikil. Það sama á við um marga fullorðna. Jólin eru svo sérstök í huga okkar flestra.Á þessum tímamótum gefum við gjafir,skreytum húsin bæði utan og innandyra. Við leggjum áherslu á að gera vel við okkur í mat og höldum í siðina.
03.des. 2016 - 07:00 Sigurður Jónsson

Úrbætur í vegakerfinu eitt af forgangsmálunum

Gífurleg aukning ferðamanna til landsins kallar á ýmsar aðgerðir af hálfu stjórnvalda. Eitt af því sem verður að gera er að auka löggæslu á helstu ferðamannastöðum. Efla þarf heilsugæsluna,þar sem fjöldi ferðamanna þarf að nota þjónustuna. Í ár eru að koma nálægt tveimur milljónum ferðamnna, sem nota vegakerfið okkar.
27.okt. 2016 - 13:36 Sigurður Jónsson

Stöðugleiki eða Vinstri stjórn?

Við göngum að kjörborðinu á laugardaginn. Rétt að hvetja alla til að nota sinn dýrmæa kosningarétt og velja fulltrúa á Alþingi. Mun um að hvert aðkvæði skiptir mál. Þitt atkvæði gæti ráðið úrslitum.
27.okt. 2016 - 13:19 Sigurður Jónsson

Suðurnesjalína 2

Landsnet hf. hefur um talsverða hríð áformað byggingu nýrrar háspennulínu, s.k. Suðurnesjalínu 2. Fyrir er háspennulínan „Suðurnesjalína 1“, sem er í raun eina flutningsleið raforku til og frá Suðurnesjunum.

Áform Landsnets voru að byggja Suðurnesjalínu 2 samhliða Suðurnesjalínu 1, með því móti væri valinn ódýrasti kosturinn auk þess sem talið var að sú framkvæmd ylli minstu raski. Þessi áform hafa ekki gengið eftir, þar sem hluti þeirra landeigenda sem eiga land undir línustæðið hafa ekki fallist á áformin.

13.okt. 2016 - 14:39 Sigurður Jónsson

Samfylkingin og Píratar bera ábyrgð á búvörusamningnum

Það vakti mikla athygli við afgreiðslu búvörusamningsins á Alþingi að það voru aðeins 19 þingmenn sem samþykktu hann. Eins og allir vita sitja 63 þingmenn á Alþingi. Það voru því 47 þingmenn sem samþykktu ekki samninginn.
30.sep. 2016 - 15:00 Sigurður Jónsson

Ætlum við virkilega að kjósa yfir okkur vinstri vitleysu næsta kjörtímabil

Nú styttist í að kosið verði til Alþingis. Samkvæmt skoðanakönnunum er mjög líklegt að allt að átta framboð geti náð imm fulltrúum á þing. Miðað við stöðuna núna eru meiri líkur en minni á að næsta ríkisstjórn verði þriggja til fjögurra stjórn vinstri flokka, Það er ótrúlegt miðað við hina slæmu reynslu af síðustu vinstri stjórn að allt bendi nú til þess að ný vinstri stjórn taki við eftir kosningarnar 29.október n.k.

19.sep. 2016 - 17:30 Sigurður Jónsson

Á að refsa fólki fyrir að spara?


01.sep. 2016 - 15:00 Sigurður Jónsson

Fimm mikilvæg forgangsmál

Ákveðið hefur verið að ganga til Alþingiskosninga laugardaginn 29.október í haust.Margt hefur vel tekist hjá núverandi ríkisstjórn en að mínu mati þarf á næsta kjörtímabili að leggja höfuðáherslu á fimm málaflokka.


Sigurður Jónsson
Sigurður Jónsson er ritstjóri Reykjaness, landshlutablaðs Vefpressunnar.
Sjávargrillið: 3ja rétta
Vilhjálmur Birgisson
Vilhjálmur Birgisson - 10.10.2017
Þessu er ég ekki búinn að gleyma!
Brynjar Nielsson
Brynjar Nielsson - 09.10.2017
Blekkingin er algjör
Gunnlaugur Jónsson
Gunnlaugur Jónsson - 16.10.2017
Við hvaða tölu innflytjenda verður þú rasisti?
Brynjar Nielsson
Brynjar Nielsson - 11.10.2017
Bagalegt að Samfylkingin sé enn í henglum
Hannes Hólmsteinn Gissurarson
Hannes Hólmsteinn Gissurarson - 14.10.2017
Þriðja stærsta gjaldþrotið?
Brynjar Nielsson
Brynjar Nielsson - 18.10.2017
Einfaldur sannleikur setur allt á annan endann
Vilhjálmur Birgisson
Vilhjálmur Birgisson - 13.10.2017
Samfélagsbanki fyrir íslenskan almenning
Börkur Gunnarsson
Börkur Gunnarsson - 17.10.2017
Missti af þessum látum á Stundinni
Kristinn H. Gunnarsson
Kristinn H. Gunnarsson - 21.10.2017
Aðskilnaður stjórnmála og viðskipta
Hannes Hólmsteinn Gissurarson
Hannes Hólmsteinn Gissurarson - 21.10.2017
Ísland og Púertó Ríkó
Hannes Hólmsteinn Gissurarson
Hannes Hólmsteinn Gissurarson - 21.10.2017
Response to frequent questions by foreign journalists
Indíana Ása Hreinsdóttir
Indíana Ása Hreinsdóttir - 22.10.2017
#églíka
Fleiri pressupennar