08. jún. 2012 - 13:32Róbert Trausti Árnason

„Uggir mig það arfasáta að úr þér muni rjúka“

Ég deili ekki við menn um sannleiksgildi Íslendingasagna.  En enginn ágreiningur þarf að vera um hve fræðandi þær eru.  Í sögunum finnast dæmi um forspáa varðbergsmenn sem sjá fyrir óorðna hluti því þeir horfa inn í framtíðina. Tilvitnunin hér að ofan er frá Sæunni kerlingu á Bergþórshvoli sem sá fyrir brennu og dauða en ekkert var á hana hlustað og ekki vildu Trójumenn hlusta á Kassöndru Prímasdóttur sem sá fyrir dauða þeirra og fall borgarinnar.  

Þannig fer með forspár, hugsýnir og vitranir.  Það er ekki frumlegt en þó er það mikilvægt að slá því föstu að réttast sé að flestar álitsgerðir um þjóðaröryggismál hefji máls á því að játa undanbragðalaust að álitin byggi á slæmu horfum, á lélegu fjarskyggni og að ástandið í okkar heimshluta sé tvísýnt. Þessar álitsgerðir eiga af mestu varúð að leggja það til að áætlanir um aðgerðir og viðbrögð við aðsetjandi ógn og fyrirsjáanlegri vá séu þanþolnar því að ekki sé öll vá af þeim toga að kalla þurfi herinn út. 

Breskum embættismanni var  fengið það verkefni að stýra vinnu hóps sem sendi frá sé álitsgerð um ýmsar hættur og ógnir sem hugsanlega steðja að þjóðaröryggi Stóra-Bretlands og forgangsraða þessum hættum og ógnum eftir því hversu válegar þær eru.  Hann staðhæfir að þessar ógnir steðji ekki aðeins að Stór-Bretlandi heldur einnig að grannríkjum bæði vestan og austan. Það eru engin ný tíðindi en þó þarf að nefna þetta. 

Ég held að nefnd Alþingis um mótun þjóðaröryggisstefnu fyrir Ísland nái að skila niðurstöðum fyrir árslok. Ég hef ekki nokkrar hugmynd um hvaða niðurstöður verða kynntar. En rjúka mun úr þeirri arfasátu.

 




14.jan. 2013 - 18:00 Róbert Trausti Árnason

Framtíð án Jóhönnu

Vegna þrautseigju, æðruleysis og vinnusemi þjóðarinnar stöndum við okkur bara nokkuð vel.  Enda veltur mest á okkur sjálfum hvernig tekist hefur til. En vant er við vondum að sjá. Hvaða óheillaþróun er það innan Samfylkingarinnar sem býr að baki skrifum Jóhönnu Sigurðardóttur forsætisráðherra í áramótahugleiðingu þann 31.desember 2012? 
10.des. 2012 - 22:06 Róbert Trausti Árnason

Kotríki rís og hnígur

Eftir lestur um Putaland dettur manni þetta í hug.  Ísland byggja tvö þjóðríki.  Stóra-Ísland sem vill nána samvinnu við útlönd.  Og Litla-Ísland sem vill sem minnst samneyti við útlönd.
28.jún. 2012 - 13:34 Róbert Trausti Árnason

Hvers konar skepna er ríkið?

Sá valdsmaður á Íslandi sem vill blekkja kjósendur finnur alltaf skara af mannskap sem vill láta blekkjast.  Því er aldrei skortur á auðtrúa kjósendum sem gína við agni.  Blekkingar valdsmannsins bera alltaf tilætlaðan árangur því hann gjörþekkir þessa hlið mannlífsins.  Ég veit að þeim mönnum farnast jafnan best í skammann tíma í íslenskri pólitík sem fara að dæmi bæði refsins og ljónsins og kunna að breiða yfir flærð sína með leikni í lymskulegri hræsni og djörfu falsi. 
26.jún. 2012 - 11:14 Róbert Trausti Árnason

Rétturinn til að brjóta lögin

Sofandaháttur okkar Íslendinga gagnvart lögbrotum þessara tveggja ráðaherra kann að vera orðlagður en nú er allt á fleygiferð í þessu landi.  Lögbrot verða vonandi ekki látin liggja í þagnargildi.  Jafnvel þó að það liggja í eðli stöku Íslendinga að þybbast gegn þeirri staðreynd að ráðherrar hafa ekki rétt til að brjóta lögin. 
23.jún. 2012 - 16:33 Róbert Trausti Árnason

Nýju fötin en enginn keisari

Eitt af alvarlegustu vandamálum Samfylkingarinnar er að samræma ósveigjanlegan formann flokksins breytilegum kringumstæðum því flokkurinn sálast ef hann lagar sig ekki að breyttum viðhorfum kjósenda. „Þú getur kysst mig á rassinn upp að það“ eins og gestgjafinn á kaffihúsinu Bikarinn orðar það.
19.apr. 2012 - 13:00 Róbert Trausti Árnason

Lindir gremjunnar

Innsýn glöggskyggns manns í íslenska þjóðarsál er vel þeginn því íslensk manngerð og þjóðarsál eru tvær torræðar gátur nú á hnignunartíma 1. lýðveldisins þegar nýjar hræringar  og kvalarteygjur bankahrunsins takast á. 
14.apr. 2012 - 09:00 Róbert Trausti Árnason

Fölnaður draumur um forystu

Sérhverri tillögu um að beina gáfuðu námsfólki frá heldur lítilsgildum hugvísindum til raunvísinda er samstundis andmælt úr hópi þeirra sem halda vilja í íslenska erfðamenningu. Efnahagsstaðreyndir lífsins ná ekki að þagga niður þessi andmæli. 
25.mar. 2012 - 18:00 Róbert Trausti Árnason

Hrun og uppgjör

Eru Íslendingar þjóð í uppnámi? Nýr félagsskapur á Íslandi og oddvitar hans skynja að svo sé  og  bjóða fram evrópufasisma í séríslenskum búningi. Félagskapurinn rétt eins og sannur evrópufasismi er ekki til vinstri, er ekki til hægri og er ekki á miðjuni. Er heldur að sögn oddvita hans ný evrópufasísk hugsun í séríslenskum búningi sem boðar almúganum hugsun sem gengur út á að skilgreina vandmál íslensks samfélags og bjóða altækar lausnir  evrópufasimanns út frá sérstöðu íslensks samfélags og almúgahagsmuna.   
09.feb. 2012 - 09:00 Róbert Trausti Árnason

Kanavaldið og íslensk undirgefni

Þingmannanefnd alþingis mun í álitsgerð um þjóðaröryggi Íslands væntanlega taka ótvíræða afstöðu til þeirrar veigamiklu spurningar hvort varnarsamningurinn frá 1951 þjóni hagsmunum Íslands og Atlantshafsbandalagsins, NATO.

Róbert Trausti Árnason
Stúdentspróf í Reykjavík. BA próf frá Háskóla Íslands í stjórnmálafræði og MA próf frá Queen´s háskólanum í Ontario í Kanada í alþjóðasamskiptum.
Vann með háskólanámi hjá Ríkisútvarpinu. Hóf að loknu námi í Kanada störf hjá NATO í höfuðstöðvum þess í Belgíu. Starfsmaður í íslensku utanrikisþjónustunni um árabil, m.a. sendiherra í Danmörku og ráðuneytisstjóri í utanríkisráðuneytinu. Forsetaritari 1999-2000. Framkvæmdastjóri Keflavíkurverktaka um skeið, starfsmaður Samtaka atvinnulífsins í Brussel frá árinu 2008.
Vilhjálmur Birgisson
Vilhjálmur Birgisson - 10.11.2014
Betra en maður þorði að vona
Einar Kárason
Einar Kárason - 11.11.2014
Stóra hyskismálið
Einar Kárason
Einar Kárason - 09.11.2014
Hugsað til Garðars skipstjóra
Hannes Hólmsteinn Gissurarson
Hannes Hólmsteinn Gissurarson - 10.11.2014
Sýnishorn af skrifum Þjóðviljans um Berlínarmúrinn
Sigurður G. Guðjónsson
Sigurður G. Guðjónsson - 14.11.2014
Las sjálfsævisögu Reynis Traustasonar
Vilhjálmur Birgisson
Vilhjálmur Birgisson - 19.11.2014
Lítilmannlegt
Hermann Jónsson
Hermann Jónsson - 18.11.2014
Er einelti foreldravandamál?
Brynjar Nielsson
Brynjar Nielsson - 13.11.2014
Skoðun mín hefur ekki breyst
Þórhallur Heimisson
Þórhallur Heimisson - 15.11.2014
Börn og skilnaður
Hildur Eir Bolladóttir
Hildur Eir Bolladóttir - 18.11.2014
Að vera tapari á Íslandi
Kolbrún Baldursdóttir
Kolbrún Baldursdóttir - 07.11.2014
Hvar stöndum við í eineltismálunum?
Hannes Hólmsteinn Gissurarson
Hannes Hólmsteinn Gissurarson - 09.11.2014
Aldarfjórðungur frá falli kommúnismans
Ragnheiður Eiríksdóttir
Ragnheiður Eiríksdóttir - 18.11.2014
Klám og ábyrgð
Fleiri pressupennar