04. nóv. 2017 - 09:14Kristinn H. Gunnarsson

Sundrung á hægri væng stjórnmálanna

Úrslit alþingiskosninganna um síðustu helgi eru um margt athyglisvert. Ekkert lát er á upplausninni á stjórnmálasviðinu sem fylgdi hruninu 2008. Augljóst er að verulega djúp gjá er milli kjósenda og stjórnmálaflokkanna. Flokkarnir eru greinilega ekki að mæta kröfum kjósenda. Ef til vill eru kjósendur ráðvilltir eftir hrun og eru að einhverju marki að gera óraunhæfar kröfur. Hins vegar eru flokkarnir ekki síður að reyna að átta sig á því hvaða breytingar kjósendur vilja að verði á stjórnmálunum.

Það sem uppúr stendur er að hrun viðskiptabankanna varð aðeins 6 árum eftir að ríkisbankarnir voru einkavæddir. Það var fyrst og fremst afleiðing ábyrgðarleysis, ófyrirleitni og óráðvendni tiltölulega fámenns hóps í stjórnmála- og viðskiptalífinu. Tugþúsundir trúðu og treystu þessum hópi sem síðar kom í ljós að meira og minna sigldi annan sjó en almenningur , kom sér undan stóráföllum  og virðist hafa komið ár sinn vel fyrir borð á erlendum skattaskjólseyjum. Innherjaupplýsingar og sérmeðferð eru sem eitur í beinum almeinnings og enn kaumar undir niðri reiði og ólga sem síðan birtast í þingkosningum. Allar þrjár ríkisstjórnir sem myndaðar hafa verið eftir hrunið studdust við meirihluta en þær hafa allar mátt þola að vera kosnar frá völdum í almennum kosningum við fyrsta tækifæri.

Ríkisstjórnin féll

Fráfarandi ríkisstjórn féll innan níu mánaða frá því hun var mynduð. Þrátt fyrir skamman tíma tókst stjórnarflokkunum að verða óvinsælir fyrr en flestum öðrum ríkisstjórnum sem á undan hafa setið og í þingkosningum misstu ríkisstjórnarflokkarnir 12 þingmenn af 32. Samanlagt fylgi flokkannna þriggja minnkaði um 15%, fór úr 48% í 33%. Þetta er mestu skellum í sögunni, sem er þeim mun óvenjulegri að kosningarnar fóru fram í einu mesta efnahags góðæri Íslandssögunnar. Hagvöxtur á síðasta ár varð 7,4% og kaupmáttur launa óx um nærri 9% frá fyrra ári. Verðmæti Íbúðarhúsnæðis á höfuðborgarsvæðinu hefur tvöfaldast á 6 árum sem er til marks um batnandi efnahags almennings. Það voru ekki efnahagsmálins em fellldu ríkisstjórnina heldur siðferðilegu málin. Kaldrifjuð afstaða valdamanna til þolenda kynferðilegs ofbeldis og stöðug skörun stjórnmála og viðskipta ýfðu upp reiðibylgjur sem varð ríkisstjórninni svo að falli.

Stjórnarandstaðan vann ekki

Það óvenjulega við hinn mikla ósigur ríkisstjórnarflokkanna er að stjórnaandstaðan vann ekki. Flokkarnir fjórir sem voru í stjórnarandstöðu bættu að vísu við sig einu þingsæti og hafa nú samtals 32 þingsæti, en þeir eru ekki það samstæðir að líklegt sé að þeir muni eða vilji vinna saman auk þess að meirihlutinn er svo tæpur að ríkisstjórn verður ekki ýtt úr vör án frekari stuðnings.

Ein ástæða þess að stjórnarandstöðunni vegnaði ekki betur er að vinstri flokkarnir, Samfylking og vinstri grænir fengu frekar slaka kosningu. Vinstri grænir fóru með himinskautum í skoðanakönnunum og virtust ætla að bæta miklu fylgi við sig en misstu frá sér sigurinn og sátu upp með aðeins 1% aukningu í fylgi og einu þingsæti meira en áður. Samfylkingunni vegna skár. Flokkurinn komast af líknardeildinni og jók fylgi sitt úr 5% í 12%. Segja má að Samfylkingin sé mætt til leiks á ný sem stjórnmálaafl. En því er ekki að leyna að samt er fylgi flokksins innan við helmingur þess sem það var frá kosningunum 1999 til 2009. Samfylkingin er að fá minna fylgi en Alþýðubandalagið eitt fékk. Greinilegt er að almenn skýrskotun flokkanna tveggja er takmörkuð og að þeir verða að endurskoða margt í almennum áherslum sínum. Þessir flokkar eiga eðli málsins samkvæmt að vera óhræddir við að krefjast kerfisbreytinga í þjóðfélaginu og takast á við hagsmunahópa og gróðapunga í sjávarútvegi og fjármálafyrirtækjunum. Þeirra vandi liggur helst í því að vera of samdauna kerfinu og þora ekki að skora sérhagsmunaöflin á hólm.

Sundrung og klofningur

Þriðja atriðið sem stendur upp úr að í fyrsta sinn einkennir sundrung og klofningur mið- og hægri flokkana. Sjálfstæðisflokkurinn klofnaði formlega með stofnun Viðreisnar í fyrra og nú bættist Flokkur fólksins við sem þriðji flokkurinn sem að miklu leyti er skipaður fólki sem pólitískt séð á sínar rætur í Sjálfstæðisflokknum. Framsóknarflokkurinn klofnaði fyrir þessar kosningar svo harkalega að fara verður aftur til Bændaflokksins til þess að finna samjöfnuð. Fimm af átta flokkum sem fengu kosna þingmenn eru með einum og öðrum hætti frá Sjálfstæðisflokki og Framsóknarflokki. Þessi sundrung á mið- og hægri væng stjórnmálanna er nýmæli og slær úr langvarandi samstöðuleysi vinstri manna.

Í þesus felst tækifæri vinstri flokkanna, þeir eiga tækifæri til þess að ná frumkvæði í íslenskum stjórnmálum og öðlast stöðu til þess að móta samfélagið á næstu áratugum á grundvelli stefnu jafnaðarmanna.





18.nóv. 2017 - 12:00 Kristinn H. Gunnarsson

Uppreist æra í stað siðbótar

Ákvörðun Vinstri hreyfingarinnar, græns framboðs um stjórnarsamstarf með Sjálfstæðisflokki reisir æru  formanns Sjálfstæðisflokksins upp frá dauðum og frestar um sinn óhjákvæmilegri siðbót í íslenskum stjórnmálum.
21.okt. 2017 - 07:00 Kristinn H. Gunnarsson

Aðskilnaður stjórnmála og viðskipta

Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. 
07.okt. 2017 - 08:56

Stundarbilun

Stundin er fréttamiðill sem einbeitir sér að rannsóknarblaðamennsku. Metnaður eigenda og starfsmanna er að kafa ofan í álitamál samtímans og færa lesendum bestu fáanlegu upplýsingar. Til þess þurfa blaðamenn Stundarinnar að vera ódeigir og þora að fletta ofan af upplýsingum og staðreyndum sem verið er að leyna til þess að afvegaleiða almenning.
26.jún. 2017 - 20:30 Eyjan/Kristinn H. Gunnarsson

Kvótakerfið veldur hörðum stéttaátökum

Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn útgerðarinnar gera sér grein fyrir stöðunni og keppast við að bera lofi á kerfið og vara við öllum hugmyndum um breytingar. 
26.jún. 2017 - 14:55 Kristinn H. Gunnarsson

Gengishækkun krónunnar er kjarabót fyrir almenning

Undanfarnar vikur hafa hellst yfir landsmenn grátstafir forsvarsmanna í sjávarútvegi og ferðaþjónustu. Það er engu líkara en að hækkandi gengi íslensku krónunnar sé stórfellt efnahagslegt vandamál sem sé við það gera út af við afkomu fyrirtækjanna. Þannig hefur til dæmis framkvæmdastjóri LÍÚ sagt berum orðum að til greina komi að flytja fiskvinnslu til útlanda og forystumenn ferðaþjónustunna bera sig enn verr   yfir því óréttlæti stjórnvalda að ætla þeim að greiða sama virðisaukaskatt og almennt gildir í landinu.
15.maí 2017 - 07:00 Kristinn H. Gunnarsson

Stofnanaofbeldi

Enn er fyrirhuguð vegarlagning í Gufudalssveit komin í uppnám. Enn er það Skipulagsstofnun sem gerir allt sem í valdi stofnunarinnar er til þess að koma í veg fyrir framkvæmdina. Þetta er orðinn langur tími. Allt frá 2004 hefur verið ljóst að Skipulagsstofnun ætlaði sér að ráða því hvaða leið yrði farin þegar kæmi að því að færa vegakerfið í Austur Barðastrandarsýslu til nútímahorfs.
28.apr. 2017 - 07:00 Kristinn H. Gunnarsson

Áfram vestur

Fyrir réttri viku var undiritaður formlegur verksamningur um Dýrafjarðargöng. Þar með er í höfn áratugalangt baráttumál Vestfirðinga fyrir greiðum heilsárssamgöngum milli norður og suðursvæðis Vestfjarða. Jarðgöngin verða að öllu forfallalausu tekin í notkun eftir rúm þrjú ár, líklega síðla árs 2020. Vissulega geta enn brugðist góð áform og fögur fyrirheit og jarðgöngunum gæti verið seinkað, en það verður að teljast mjög ólíklegt og ekki eru fordæmi fyrir því að brugðið hafi verið af ásettu ráði frá tímasettri verkáætlun eftir að samningar hafa verið undirritaðir. Því er hér því slegið föstu að Dýrafjarðargöngin séu í höfn.
13.mar. 2017 - 07:00 Kristinn H. Gunnarsson

Kjósendur blekktir

Nýjustu axarsköft ríkisstjórnarinnar eru þau að kasta samgönguáætluninni út um gluggann.  Áætlunin var samþykkt fáum vikum fyrir Alþingiskosningarnar á síðasta ári og nú að þeim afloknum  er látið eins og yfirlýsing þingisins til kjósenda hafi verið siðlaus skrípaleikur að því er fjármálaráðherrann lét sig hafa að segja í útvarpsþætti í vikunni.
10.feb. 2017 - 17:00 Kristinn H. Gunnarsson

Lög á útgerðarmenn

Árum saman hefur ekki tekist að ná kjarasamningum milli sjómanna og útvegsmanna. Síðasti samningur var gerður í janúar 2009 og rann út tveimur árum síðar. Síðan hefur ekki verið  gerður kjarasamningur. Þetta ástand er einsdæmi og þekkist ekki í neinni annarri atvinnugrein. Það sem næst þessu kemst er kjaradeilda útvegsmanna við smábátasjómenn. Þar voru ekki kjarasamningar í gildi í 3 - 4 ár. Samningar náðust um síðir á forsendum útgerðarinnar.  Sjómenn hafa mátt þola verulegar kjararskerðingar þrátt fyrir hlutaskiptakerfið sem á að tryggja að aflahlutir fylgi afurðaverði.
28.jan. 2017 - 07:00 Kristinn H. Gunnarsson

Ójöfnuður vex með hnattvæðingunni en sár fátækt minnkar

Hnattvæðingin er umdeild. Alþjóðavæðing kapítalismans hefur á sér ýmsar myndir, sumar hverjar óásættanlegar. Taumlaus græðgi,  vaxandi ójöfnuður í dreifingu eigna og tekna, á köflum yfirgengileg ósvífni og alger firring á samfélagslegri ábyrgð og skyldum hafa valdið óróa og vaxandi vantrú á kapitalismanum sem efnahagskerfi.
19.des. 2016 - 07:00 Kristinn H. Gunnarsson

Það þarf enga ríkisstjórn

Það er komin upp pattstaða varðandi ríkisstjórnarmyndun.  Þrír flokkar hafa fengið umboð til stjórnarmyndunar og öllum hefur mistekist. Það er ekki í augsýn nein ríkisstjórn sem hefur meirihluta þingmanna á bak við sig.  Þessi staða er afleiðing af úrslitum kosninganna. Línur voru nokkuð skýrar hvað varðar megindrætti. Annars vegar voru flokkar sem bentu á landlæga spillingu og hins vegar flokkar sem vildu litlu breyta. Fyrrnefndi hópurinn vísaði í kerfislægan vanda þar sem hagsmunaaðilar fá að ráða miklu um sína hagsmuni.

02.des. 2016 - 07:00 Vestfirðir

Landsbyggðarskattur útgerðarmannanna

Í aðdraganda Alþingiskosninganna mátti enn einu sinni sjá og heyra hræðsluáróður útgerðarauðvaldsins í þeim búningi að veiðigjöldin, sem ríkið innheimtir fyrir veittan einkarétt til veiða á Íslandsmiðum, væru landsbyggðaskattur. Áróðurinn gengur út á að deila álögðum veiðigjöldum niður á kjördæmi landsins og halda því fram að íbúar landsbyggðarinnar séu að greiða þessar fárhæðir suður og sér ekki til gagns.
19.nóv. 2016 - 07:00 Kristinn H. Gunnarsson

Alþingiskosningarnar: Krafa um breytingar en hikandi þó

Úrslit Alþingiskosninganna í síðasta mánuði eru skýr krafa um breytingar á ýmsum sviðum þjóðlífsins. En kjósendur voru samt hikandi þegar kom að því að velja þá sem hrinda ættu breytingunum í framkvæmd. Fyrir vikið er framhaldið óljóst. Næsta ríkisstjórn getur verið borin uppi af fráfarandi ríkisstjórnarflokki og hún getur líka verið  byggð á stjórnarandstöðunni.
28.okt. 2016 - 07:00 Kristinn H. Gunnarsson

Kosið um spillinguna á Íslandi

Í komandi Alþingiskosningum um næstu helgi verður fyrst og fremst gert upp við landlæga spillingu í íslensku þjóðfélagi. Hrun viðskiptabankana haustið 2008 opnaði augu almennings fyrir því að ekki væri allt með felldu. Fram að því voru landsmenn þeirrar skoðunar að bæði stjórnsýsla og stjórnmálin væru nánast óspillt og bæru af flestum öðrum þjóðum.
16.okt. 2016 - 18:00 Kristinn H. Gunnarsson

Stóra byggðastefnan

Í íslensku hagkerfi verða til mikil verðmæti á hverju ári. Hversu mikil hverju sinni má ráða af því hver hagvöxturinn er.  Almennt má segja að með vaxandi kaupmætti almennings hækka ýmis eftirsótt gæði í verði.  Verð á fiskikvóta á Íslandsmiðum fylgir bættum efnahag í viðskiptalöndum íslensks sjávarútvegs.
04.okt. 2016 - 07:00 Kristinn H. Gunnarsson

Píratar ræna lýðræðinu

Hinir hefðbundnu stjórnmálaflokkar hafa komið sér í þá stöðu að stuðningur við þá er í algeru lágmarki og hefur aldrei verið rýrar að vöxtum síðustu 100 árin. Í síðustu könnunum eru flokkarnir fjórir, Sjálfstæðisflokkur, Framsóknarflokkur, Samfylking og Vinstri græn með samtals innan við 60% af fylginu.  Í síðustu könnun Gallup eru Framsóknarflokkur og Sjálfstæðisflokkur samtals með aðeins 35% fylgi og hinir tveir Samfylking og Vinstri græn enn minna eða aðeins 24%. Í könnun MMR er mælingin svipuð. Sjálfstæðisflokkur og Framsóknarflokkur mælast samanlagt með 32% fylgi og Samfylkingin og Vinstri græn eru með 21% fylgi. Í annarri könnunnini eru flokkarnir fjórir samanlagt eða 53% fylgisins og í hinni eilítið meira eða 59%.  Til samanburðar má nefna að Sjálfstæðisflokkurinn og Framsóknarflokkurinn höfðu allt fram til kosninganna 2009 aðeins einu sinni mistekist að fá hreinan meirihluta á Alþingi.

15.sep. 2016 - 13:53 Kristinn H. Gunnarsson

Röng fjölmiðlaumfjöllum bjargar Sjálfstæðisflokknum


04.sep. 2016 - 15:00 Kristinn H. Gunnarsson

Flokkarnir hafna almenningi

Endurbætur á lýðræðinu hefur borið hæst í stjórnmálunum frá bruni viðskiptabankanna. Einkum á þann hátt að auka áhrif almennings á endanlegar ákvarðanir í mikilvægum og umdeildum málum. Hefur verið horft til ákvæðis stjórnarskrárinnar sem heimildar forseta Íslands að neita að skrifa undir lög sem Alþingi hefur samþykkt og kalla þannig fram almenna atkvæðagreiðslu um viðkomandi mál.

25.ágú. 2016 - 15:00 Kristinn H. Gunnarsson

Uppboðsleiðin er framfaraskref

Enn á ný blossar upp umræða um stjórn fiskveiða í aðdraganda alþingiskosninga. Þetta mál hefur allt frá kosningunum 1991 verið eldfimt þjóðfélagsmál. Óréttlætið og ósanngirnin vegna ótímabundinnar úthlutun réttinda til þess nytja fiskistofna við landið til fyrirframvalinna útgerðarfyrirtækja birtist hverjum sem hefur opin augun eftir að framsalið var leyft. Í réttindunum eru mikil verðmæti, raunar miklu meiri en nokkur útgerðarmaður hefur unnið til.


Kristinn H. Gunnarsson
Kristinn Halldór er ritstjóri Vestfjarða, landshlutablaðs Vefpressunnar og skrifar frá Bolungarvík.

Hann var alþingismaður fyrir Vestfjarðakjördæmi og Norðvesturkjördæmi á árunum 1991-2009 fyrir Alþýðubandalagið, Framsóknarflokkinn, Frjálslynda flokkinn ásamt því að hafa setið utan flokka. 


Pressupennar
vinsælast í vikunni
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Fleiri pressupennar