15. maí 2017 - 07:00Kristinn H. Gunnarsson

Stofnanaofbeldi

Enn er fyrirhuguð vegarlagning í Gufudalssveit komin í uppnám. Enn er það Skipulagsstofnun sem gerir allt sem í valdi stofnunarinnar er til þess að koma í veg fyrir framkvæmdina. Þetta er orðinn langur tími. Allt frá 2004 hefur verið ljóst að Skipulagsstofnun ætlaði sér að ráða því hvaða leið yrði farin þegar kæmi að því að færa vegakerfið í Austur Barðastrandarsýslu til nútímahorfs. Stofnunin hafði sterka stöðu þar sem lög færðu henni valdi til þess að banna og leyfa. Fyrir 13 árum hafnaði Skipulagsstofnun vegalagningu þar sem hinn nýi vegur fór um Teigsskóg.

Umhverfisráðherra, sem þá var Jónína Bjartmars felldi úrskurðinn úr gildi og heimilaði vegagerðinina með ákveðnum skilyrðúm þó, með sérstakri vísan til umferðaröryggis. Málið var lært til dómstóla og felldi Hæstiréttur úrskurð ráðherrans út gildi með þeim rökum að aukið umferðaröryggi væri ávinningur af framkvæmdinni en varðaði ekki umhverfisáhrif og væri því ekki gild rök.

Þessi niðurstaða Hæstaréttar í október 2009 ætti að vera landsmönnum mikið umhugsunarefni. Í raun eru þá lögin ,sem Hæstiréttur dæmir eftir, þannig úr garði gerð að bætt öryggi vegfarenda má ekki skiptir ekki máli, heldur er einblínt þröngt á náttúruna án tillits til þess að mannfólkið er hæuti af lífríkinu. Í þessu felst alveg ótrúleg firring og þeir sem mestu hafa ráðið um löggjöfina bera mesta ábyrgð á henni. Stofnanir eins og Skipulagsstofnun og Umhverfisstofnun og ráðandi embættismenn þar hafa verið mjög áhrifamiklir um lagasetninguna og eru það enn. Alþingismenn hafa ekki megnað að halda aftur af áköfustu hreintrúarnáttúruverndarsinnunum og fyrir vikið hafa einstakar stofnanir of mikil völd þrátt fyrir breytingar sem gerðar hafa verið á lögunum. Það er hreint stofnanaofbeldi sem birtist í því að almennum hagsmunum vegfarenda um öryggi sitt er fleygt á haugana en einstakir þættir gróðurfars eru hafnir upp til skýjanna sem það mikilvægasta í veröldinni.

Utan Elliðaár náttúruverndin

Það skal á engan hátt gert litið úr þeim sjónarmiðum að varðveita gróðurfar og aðra viðkvæma náttúru en það verður ávallt að gæta þess að hagsmunir fólks eru meiri hagsmunir í heildarmatinu. Það hefur líka verið meginreglan þegar opinberar stofnanir eins og Skipulagsstofnun metur framkvæmdir á höfuðborgarsvæðinu, í nágrenni heimkynna embættismannanna. Það hefur ekki verið nein fyrirstaða sett við samgöngu- og byggingaframkvæmdir hversu umfangsmiklar þær hafa verið. Það er eins og ekkert sé það mikilvægt á því svæði að það trufli ró stofnunarinnar. Það má leggja vegi þvers og kruss, umbylta landi, fara yfir það sem fyrir er, byggja á hvaða reit sem er og Skipulagsstofnun segir ávallt amen á eftir efninu. Meira að segja hrökk enginn við þótt gamall grafreitur í hjarta borgarinnar, sem geymir elstu minjar um byggð á landinu var rifinn upp og beinun genginna safnað í gamla strigapoka.

En þegar komið er upp fyrir Ártúnsbrekkuna, að ekki sé talað um inn á Vestfirði verður náttúran svo viðkvæm og einstök að mannfólkið sem þar er á ferð á engan tilverurétt þegar litið er á málið frá skrifborði Skipulagsstofnunar. Það er næsta víst að ráðmenn á þeim bænum telja sig vera krossfara réttlætisins til varnar Jerúsalem náttúrunnar, Teigsskógi í Þorskafirði. Vestfirðingar eru ekki einir um það að gera athugasemdir við hina tvöföldu náttúruverndarstefnu sem rekin er.

1% varanleg skerðing

Hin efnislegu röksemdir Skipulagsstofnunar eru veikari en ætla mætti. Vegagerðin sem liggur að hluta um Teigsskóg veldur því að tímabundið raskast 18,9 ha svæði skógarins af 667 ha. Skipulagsstofnun vill frekar aðra leið, jarðgöng í gegnum Hjallaháls sem veldur þó 2 ha raski á sama skógi. Þegar tekið er tillit til þess skóglendis sem verður endurheimt að framkvæmdum loknum verður varanleg skerðin aðeins 7,8 ha á Teigsskógi ef farin er sú leið sem Skipulagsstofnun hefur í hálfan annan áratug barist á móti. Skerðingin með Teigsskógarleiðinni verðir aðeins 1% af skóglendinu umfram þá leið sem Skipulagsstofnun bendir á. Þetta er óveruleg röskun á skóglendinu sem verður enn auðveldara að bæta úr á hlýnandi tímum þar sem gróðurfar á Íslandi sækir fram. Er nema von að spurt sé: hvað á þessi meinbægni að þýða?




26.jún. 2017 - 20:30 Eyjan/Kristinn H. Gunnarsson

Kvótakerfið veldur hörðum stéttaátökum

Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn útgerðarinnar gera sér grein fyrir stöðunni og keppast við að bera lofi á kerfið og vara við öllum hugmyndum um breytingar. 
26.jún. 2017 - 14:55 Kristinn H. Gunnarsson

Gengishækkun krónunnar er kjarabót fyrir almenning

Undanfarnar vikur hafa hellst yfir landsmenn grátstafir forsvarsmanna í sjávarútvegi og ferðaþjónustu. Það er engu líkara en að hækkandi gengi íslensku krónunnar sé stórfellt efnahagslegt vandamál sem sé við það gera út af við afkomu fyrirtækjanna. Þannig hefur til dæmis framkvæmdastjóri LÍÚ sagt berum orðum að til greina komi að flytja fiskvinnslu til útlanda og forystumenn ferðaþjónustunna bera sig enn verr   yfir því óréttlæti stjórnvalda að ætla þeim að greiða sama virðisaukaskatt og almennt gildir í landinu.
28.apr. 2017 - 07:00 Kristinn H. Gunnarsson

Áfram vestur

Fyrir réttri viku var undiritaður formlegur verksamningur um Dýrafjarðargöng. Þar með er í höfn áratugalangt baráttumál Vestfirðinga fyrir greiðum heilsárssamgöngum milli norður og suðursvæðis Vestfjarða. Jarðgöngin verða að öllu forfallalausu tekin í notkun eftir rúm þrjú ár, líklega síðla árs 2020. Vissulega geta enn brugðist góð áform og fögur fyrirheit og jarðgöngunum gæti verið seinkað, en það verður að teljast mjög ólíklegt og ekki eru fordæmi fyrir því að brugðið hafi verið af ásettu ráði frá tímasettri verkáætlun eftir að samningar hafa verið undirritaðir. Því er hér því slegið föstu að Dýrafjarðargöngin séu í höfn.
13.mar. 2017 - 07:00 Kristinn H. Gunnarsson

Kjósendur blekktir

Nýjustu axarsköft ríkisstjórnarinnar eru þau að kasta samgönguáætluninni út um gluggann.  Áætlunin var samþykkt fáum vikum fyrir Alþingiskosningarnar á síðasta ári og nú að þeim afloknum  er látið eins og yfirlýsing þingisins til kjósenda hafi verið siðlaus skrípaleikur að því er fjármálaráðherrann lét sig hafa að segja í útvarpsþætti í vikunni.
10.feb. 2017 - 17:00 Kristinn H. Gunnarsson

Lög á útgerðarmenn

Árum saman hefur ekki tekist að ná kjarasamningum milli sjómanna og útvegsmanna. Síðasti samningur var gerður í janúar 2009 og rann út tveimur árum síðar. Síðan hefur ekki verið  gerður kjarasamningur. Þetta ástand er einsdæmi og þekkist ekki í neinni annarri atvinnugrein. Það sem næst þessu kemst er kjaradeilda útvegsmanna við smábátasjómenn. Þar voru ekki kjarasamningar í gildi í 3 - 4 ár. Samningar náðust um síðir á forsendum útgerðarinnar.  Sjómenn hafa mátt þola verulegar kjararskerðingar þrátt fyrir hlutaskiptakerfið sem á að tryggja að aflahlutir fylgi afurðaverði.
28.jan. 2017 - 07:00 Kristinn H. Gunnarsson

Ójöfnuður vex með hnattvæðingunni en sár fátækt minnkar

Hnattvæðingin er umdeild. Alþjóðavæðing kapítalismans hefur á sér ýmsar myndir, sumar hverjar óásættanlegar. Taumlaus græðgi,  vaxandi ójöfnuður í dreifingu eigna og tekna, á köflum yfirgengileg ósvífni og alger firring á samfélagslegri ábyrgð og skyldum hafa valdið óróa og vaxandi vantrú á kapitalismanum sem efnahagskerfi.
19.des. 2016 - 07:00 Kristinn H. Gunnarsson

Það þarf enga ríkisstjórn

Það er komin upp pattstaða varðandi ríkisstjórnarmyndun.  Þrír flokkar hafa fengið umboð til stjórnarmyndunar og öllum hefur mistekist. Það er ekki í augsýn nein ríkisstjórn sem hefur meirihluta þingmanna á bak við sig.  Þessi staða er afleiðing af úrslitum kosninganna. Línur voru nokkuð skýrar hvað varðar megindrætti. Annars vegar voru flokkar sem bentu á landlæga spillingu og hins vegar flokkar sem vildu litlu breyta. Fyrrnefndi hópurinn vísaði í kerfislægan vanda þar sem hagsmunaaðilar fá að ráða miklu um sína hagsmuni.

02.des. 2016 - 07:00 Vestfirðir

Landsbyggðarskattur útgerðarmannanna

Í aðdraganda Alþingiskosninganna mátti enn einu sinni sjá og heyra hræðsluáróður útgerðarauðvaldsins í þeim búningi að veiðigjöldin, sem ríkið innheimtir fyrir veittan einkarétt til veiða á Íslandsmiðum, væru landsbyggðaskattur. Áróðurinn gengur út á að deila álögðum veiðigjöldum niður á kjördæmi landsins og halda því fram að íbúar landsbyggðarinnar séu að greiða þessar fárhæðir suður og sér ekki til gagns.
19.nóv. 2016 - 07:00 Kristinn H. Gunnarsson

Alþingiskosningarnar: Krafa um breytingar en hikandi þó

Úrslit Alþingiskosninganna í síðasta mánuði eru skýr krafa um breytingar á ýmsum sviðum þjóðlífsins. En kjósendur voru samt hikandi þegar kom að því að velja þá sem hrinda ættu breytingunum í framkvæmd. Fyrir vikið er framhaldið óljóst. Næsta ríkisstjórn getur verið borin uppi af fráfarandi ríkisstjórnarflokki og hún getur líka verið  byggð á stjórnarandstöðunni.
28.okt. 2016 - 07:00 Kristinn H. Gunnarsson

Kosið um spillinguna á Íslandi

Í komandi Alþingiskosningum um næstu helgi verður fyrst og fremst gert upp við landlæga spillingu í íslensku þjóðfélagi. Hrun viðskiptabankana haustið 2008 opnaði augu almennings fyrir því að ekki væri allt með felldu. Fram að því voru landsmenn þeirrar skoðunar að bæði stjórnsýsla og stjórnmálin væru nánast óspillt og bæru af flestum öðrum þjóðum.
16.okt. 2016 - 18:00 Kristinn H. Gunnarsson

Stóra byggðastefnan

Í íslensku hagkerfi verða til mikil verðmæti á hverju ári. Hversu mikil hverju sinni má ráða af því hver hagvöxturinn er.  Almennt má segja að með vaxandi kaupmætti almennings hækka ýmis eftirsótt gæði í verði.  Verð á fiskikvóta á Íslandsmiðum fylgir bættum efnahag í viðskiptalöndum íslensks sjávarútvegs.
04.okt. 2016 - 07:00 Kristinn H. Gunnarsson

Píratar ræna lýðræðinu

Hinir hefðbundnu stjórnmálaflokkar hafa komið sér í þá stöðu að stuðningur við þá er í algeru lágmarki og hefur aldrei verið rýrar að vöxtum síðustu 100 árin. Í síðustu könnunum eru flokkarnir fjórir, Sjálfstæðisflokkur, Framsóknarflokkur, Samfylking og Vinstri græn með samtals innan við 60% af fylginu.  Í síðustu könnun Gallup eru Framsóknarflokkur og Sjálfstæðisflokkur samtals með aðeins 35% fylgi og hinir tveir Samfylking og Vinstri græn enn minna eða aðeins 24%. Í könnun MMR er mælingin svipuð. Sjálfstæðisflokkur og Framsóknarflokkur mælast samanlagt með 32% fylgi og Samfylkingin og Vinstri græn eru með 21% fylgi. Í annarri könnunnini eru flokkarnir fjórir samanlagt eða 53% fylgisins og í hinni eilítið meira eða 59%.  Til samanburðar má nefna að Sjálfstæðisflokkurinn og Framsóknarflokkurinn höfðu allt fram til kosninganna 2009 aðeins einu sinni mistekist að fá hreinan meirihluta á Alþingi.

15.sep. 2016 - 13:53 Kristinn H. Gunnarsson

Röng fjölmiðlaumfjöllum bjargar Sjálfstæðisflokknum


04.sep. 2016 - 15:00 Kristinn H. Gunnarsson

Flokkarnir hafna almenningi

Endurbætur á lýðræðinu hefur borið hæst í stjórnmálunum frá bruni viðskiptabankanna. Einkum á þann hátt að auka áhrif almennings á endanlegar ákvarðanir í mikilvægum og umdeildum málum. Hefur verið horft til ákvæðis stjórnarskrárinnar sem heimildar forseta Íslands að neita að skrifa undir lög sem Alþingi hefur samþykkt og kalla þannig fram almenna atkvæðagreiðslu um viðkomandi mál.

25.ágú. 2016 - 15:00 Kristinn H. Gunnarsson

Uppboðsleiðin er framfaraskref

Enn á ný blossar upp umræða um stjórn fiskveiða í aðdraganda alþingiskosninga. Þetta mál hefur allt frá kosningunum 1991 verið eldfimt þjóðfélagsmál. Óréttlætið og ósanngirnin vegna ótímabundinnar úthlutun réttinda til þess nytja fiskistofna við landið til fyrirframvalinna útgerðarfyrirtækja birtist hverjum sem hefur opin augun eftir að framsalið var leyft. Í réttindunum eru mikil verðmæti, raunar miklu meiri en nokkur útgerðarmaður hefur unnið til.


Kristinn H. Gunnarsson
Kristinn Halldór er ritstjóri Vestfjarða, landshlutablaðs Vefpressunnar og skrifar frá Bolungarvík.

Hann var alþingismaður fyrir Vestfjarðakjördæmi og Norðvesturkjördæmi á árunum 1991-2009 fyrir Alþýðubandalagið, Framsóknarflokkinn, Frjálslynda flokkinn ásamt því að hafa setið utan flokka. 


Híbýli fasteignasala KOSTANDI
Pressupennar
vinsælast í vikunni
Hannes Hólmsteinn Gissurarson
Hannes Hólmsteinn Gissurarson - 12.8.2017
Ný syndaaflausn
Börkur Gunnarsson
Börkur Gunnarsson - 15.8.2017
KFC er mitt framhjáhald
Fleiri pressupennar