20. mar. 2012 - 09:00Jón Ríkharðsson

Uppgjör þarf að eiga sér stað innan Sjálfstæðisflokksins

Sú mynd sem ég hef af forystu Sjálfstæðisflokksins er mjög góð. Ég þekki ágætlega til allra kjörinna fulltrúa flokksins og hef átt ánægjuleg samskipti við þau.

Ekki hef ég ástæðu til að ætla að þar sé óheiðarlegt fólk á ferð, heldur þvert á móti, afskaplega heiðarlegt fólk sem vill af einlægni stjórna landinu vel og þau hafa fulla getu til þess.

En mitt álit hefur lítið vægi, sjálfstæðismenn þurfa að brúa gjána sem hefur myndast á milli Sjálfstæðisflokksins og þjóðarinnar, einnig þarf að brúa gjána sem myndast hefur á milli forystunnar og hins almenna flokksfélaga. Það eru margir sjálfstæðismenn mjög óánægðir með sína fulltrúa, sumir íhuga að segja sig úr flokknum og aðrir eru nú þegar búnir að því.

Gjáin hefur verið marga áratugi að myndast. Ástæðan er þess vegna ekki vegna þess,  að hrunið átti sér stað, hún er heldur ekki vegna þess að flokkurinn þáði háa styrki. Ástæðan er margþætt og segja má að hún sé vegna uppsafnaðs fortíðarvanda.

Í upphafi stjórnmálaþróunar á Íslandi á fyrri hluta síðustu aldar urðu til nokkrir flokkar. Ekki skal farið náið út í þá sálma, en staðreyndin er sú að Sjálfstæðisflokkurinn er eini flokkurinn sem stofnaður var sem stjórnmálaflokkur.

Framsóknarflokkurinn var stofnaður sem hagsmunasamtök bænda, en hann hefur færst í þá átt að vera alvöru stjórnmálaflokkur. Forverar vinstri flokkanna voru stofnaðir sem hagsmunabandalög verkalýðsins, þannig að þeir geta ekki talist alvöru stjórnmálaflokkar.

Sjálfstæðisflokkurinn höfðaði strax til allra stétta, það líkaði vinstri flokkunum ekki. ASÍ studdi Alþýðuflokkinn og sjálfstæðismenn komust aldrei að í stjórn þess, það gat enginn gengt ábyrgðarstöðu fyrir ASÍ á fyrri hluta tuttugustu aldar nema að vera krati.

Vinstri flokkarnir hafa aldrei þolað velgengi Sjálfstæðisflokksins. Þeir reyndu að koma höggi á Ólaf Thors á fjórða áratug tuttugustu aldar, með því að gera Kveldúlf tortryggilegan. Ólafur var baráttujaxl, þannig að hann hafði sigur í því máli.

Allar götur síðan hafa vinstri flokkarnir leitast við að eyðileggja fylgi Sjálfstæðisflokksins og þeir hafa beitt óvönduðum meðulum í því skyni, nýjasta dæmið er Landsdómsmálið.

Og hvað hafa sjálfstæðismenn gert í gegn um tíðina til að verjast þessum hörðu og ómaklegu árásum?

Þeir hafa tekið þann pól í hæðina, að vonast til þess að almenningur tryði ekki lygaáróðri vinstri manna, þeir trúðu því í einlægni að þjóðin myndi átta sig á því, að Sjálfstæðisflokknum væri einum treystandi fyrir stjórn landsins. Enda er það staðreynd, en fólk þekkir ekki staðreyndir nema að einhver segi frá þeim.

Það er hlutverk stjórnmálamanna og fjölmiðla að upplýsa fólk. Fjölmiðlar hafa brugðist og Sjálfstæðisflokkurinn líka.

Vissulega er það rétt hjá formanni Sjálfstæðisflokksins, betra er að horfa til framtíðar og hætta að horfa í baksýnisspegilinn.

En það er ekki hægt á meðan hinn almenni flokksmaður og stór hluti þjóðarinnar vill ræða meira um fortíðina og gera hana upp.

Því miður er lífið ekki alltaf réttlátt, en við sjálfstæðismenn berum sök á þessu. Við höfum þagað of lengi.

Þess vegna þarf forystan og kjörnir fulltrúar flokksins að standa í reiðistorminum miðjum og fá á sig ómaklega gagnrýni. Þau þurfa að svara öllum spurningum og kalla eftir umræðu um öll mál sem brenna á fólki.

Því miður er forysta flokksins grunuð um vafasama hluti, fyrrverandi og núverandi forysta. Það er sárt að vera dæmdur sekur og þurfa að sanna sakleysi sitt, slíkt ætti enginn maður að þurfa að ganga í gegn um.

En til þess að gera öll mál upp, í eitt skipti fyrir öll, þá er það nauðsynlegt fyrir Sjálfstæðisflokkinn og framtíð íslensku þjóðarinnar.

Annars erum við flæmd til þess að þola lygi vinstri flokkanna um ókomna framtíð. Viðreisnarstjórnin byggði þjóðina upp, þegar utanaðkomandi aðstæður ollu erfiðleikum í þjóðarbúinu þá komu vinstri flokkarnir eins og hrægammar og plötuðu þjóðina til að kjósa sig. Sama gerðist þegar hrunið kom árið 2008.

Sjálfstæðisflokkurinn þarf að kannast við sín mistök, það hefur sannarlega hann gert. En hann á ekki að viðurkenna mistök sem hann á ekki, flokkurinn olli ekki hruninu en hann jók ríkisútgjöld og þandi út ríkisbáknið.

Sjálfstæðisflokkurinn þarf stöðugt að ræða við þjóðina á hreinskilnum nótum, útskýra sín verk og sína stefnu. Um leið og vinstri flokkarnir hefja árás, þá þarf að svara fullum hálsi og kveða lygina niður, um leið og hún kemur fram.

Ef Sjálfstæðisflokkurinn verður öflugur í vörn bæði og sókn, þá er framtíð íslensku þjóðarinnar borgið um ókomna tíð. Annars þurfum við stöðugt að þola vinstri stjórnir í kjölfar efnahagserfiðleika sem koma alltaf annað slagið.



26.apr. 2016 - 15:05 Jón Ríkharðsson

Er markmiðið löglaus þjóð?

Það sem er verst á okkar tímum er að kjörnir þingmenn virðast ekki skilja margt sem flestu hugsandi fólki er augljóst. Heyrst hefur í ræðustól þingsins að stjórnvöldum beri skylda til að samþykkja tillögur stjórnlagaráðs.
03.apr. 2016 - 14:52 Jón Ríkharðsson

Afsögn ráðamanna - nei takk!

Ekki fer ég dult með þá staðreynd að vera í hópi hörðustu sjálfstæðismanna landsins og með eindæmum flokkshollur maður. Þess vegna er það yfirlýst markmið mitt að efla Sjálfstæðisflokkinn eins og mögulegt er - því ég kæri mig ekki um ríkisstjórn án þáttöku Sjálfstæðisflokksins. 
29.mar. 2016 - 09:29 Jón Ríkharðsson

Píratar taka upplýsta afstöðu

Þrátt fyrir alla þessa peninga sem frúin á hefur Sigmundur Davíð barist hart fyrir hagsmunum íslensku þjóðarinnar - skaðað hagsmuni eiginkonunnar og væntanlega sína um leið amk. hefur enginn hrakið það með trúverðugum hætti.
14.mar. 2016 - 08:21 Jón Ríkharðsson

Í tilefni aldarafmælis ASÍ.


Okkar verkamanna helsta böl er að jafnaðarstefnan tók ástfóstri við okkur fyrir hundrað árum - án þess að gert sé lítið úr góðum hug og miklum framfaramálum sem kratar þó náðu í gegn.
07.mar. 2016 - 15:30 Jón Ríkharðsson

„Góða fólkið“ og ríka réttlætiskenndin

„Góða fólkið“ hikar ekki við að saka nafngreinda stjórnmálamenn um mannvonsku og illar hvatir. Engu virðist skipta þótt vitað sé að saklaus börn, makar, aldraðir foreldrar lesi gífuryrðin á netinu - góða fólkið missir ekki svefn vegna þess.
29.feb. 2016 - 11:33

„Jón Jónsson vill einangra Ísland frá umheiminum“

Fjölmiðlamenn ýmsir ásamt virtustu álitsgjöfum þjóðarinnar hafa sagt frá fólki sem vill einangra landið frá umheiminum. Þar sem ég er svag fyrir kynlegum kvistum hefur maður beðið með öndina í hálsinu eftir viðtali við einstakling sem vill að Ísland hafi engin samskipti við önnur lönd.
02.des. 2013 - 15:41 Jón Ríkharðsson

Áhrifarík auglýsing frá Vlfa.

Verkalýðsfélagið á Akranesi útbjó auglýsingamyndband sem dreift var víða á netinu og hún stuðaði SA, enda var það tilgangurinn.
29.júl. 2013 - 15:50 Jón Ríkharðsson

Óþægilegur sannleikur?

Maður er nefndur Jóhann Hauksson og fékk hann það hlutverk að miðla upplýsingum fyrir ríkisstjórn Jóhönnu Sigurðardóttur.
08.jún. 2013 - 11:25 Jón Ríkharðsson

Er þörf fyrir nýtt Ísland?

Í Ameríku eru allskyns hópar sem halda fram skoðunum þvert á vísindin. Sérviska ýmiskonar litar gráma hversdagsins og gefur lífinu gildi.
13.mar. 2013 - 14:59 Jón Ríkharðsson

Engin pólitík, ég er bara áhorfandi að því sem fyrir augu ber

Fyrirsögnin er höfð eftir Stefáni Ólafssyni þar sem hann svarar athugasemd við pistil sinn, er hann ritaði m.a. um gjöf sem Björn Bjarnason átti að hafa fært Háskóla Íslands, eða lofað í tilefni af hundrað ára afmæli skólans.
28.nóv. 2012 - 18:19 Jón Ríkharðsson

Hvers vegna að hjóla í Stefán Ólafsson?

Miðað við málflutning sumra vinstri manna, þá telja þeir að allir sem skammist út í þá séu annað hvort hræddir við það sem þeir segja eða hafi eitthvað að fela.
26.nóv. 2012 - 17:54 Jón Ríkharðsson

Hversu góður fræðimaður er Stefán Ólafsson?

Ekki þarf langan tíma til að þekkja sófískar aðferðir vinstri manna, auðvelt er að reikna út svörin frá þeim og til þess að einfalda umræðuna skal í upphafi leitast við að svara því sem líklegast kemur frá Stefáni, ef hann bregst á einhvern hátt við skrifum mínum.
23.nóv. 2012 - 14:57 Jón Ríkharðsson

Fræðimaður og kennari á daginn, besserwisser á kvöldin

Stefán Ólafsson mun kenna félagsfræði við Háskóla Íslands og líklega er hann með doktorsgráðu í þeirri grein. Væntanlega kann hann skil á því sem hann kennir sínum nemendum og ekki skal efast um að hann sinni starfi sínu með sóma.
27.apr. 2012 - 17:00 Jón Ríkharðsson

Það þarf að sigrast á hjarðeðlinu

Hjarðeðlið hefur fylgt mannkyni frá upphafi og það er ekki alslæmt, en varasamt er að láta það stjórna  hugsunum okkar og gjörðum.
20.apr. 2012 - 14:00 Jón Ríkharðsson

Eru allar stjórnmálastefnur fallegar á blaði?

Þeir sem að hafa lesið pistlana mína gera sér grein fyrir því, að mitt höfuðmarkmið er að auka vegsemd sjálfstæðisstefnunnar og ég veit að engin stefna önnur getur dugað til að stjórna landinu.
18.apr. 2012 - 21:24 Jón Ríkharðsson

Fylgið við Sjálfstæðisflokksins er óásættanlegt

Því miður deili ég ekki gleði margra félaga minna og vina innan Sjálfstæðisflokksins, þótt fygistölur í könnunum skríði upp á við, því þær eru tilkomnar vegna óánægju fólks með ríkisstjórnina. Við eigum að hugsa stórt, því við eigum innistæðu fyrir því, allt undir 50% í skoðnanakönunum er alls ekki gott.
31.mar. 2012 - 16:00 Jón Ríkharðsson

Vilja sjálfstæðismenn ekki að fiskurinn sé sameign þjóðarinnar?

Ríkisstjórnin og spunameistarar hennar, ásamt dyggum stuðningi Hreyfingarinnar keppast við að skrökva því að þjóðinni, að sjálfstæðismenn vilji ekki að þjóðin eigi fiskinn í sjónum.
29.mar. 2012 - 15:00 Jón Ríkharðsson

Þau geta ekki fundið raunhæfa lausn fyrir sjávarútveginn

Vanhæfni ríkisstjórnarinnar á sér margar birtingarmyndir, tilraunir þeirra til að koma með raunhæfar lausnir fyrir sjávarútveginn eru gjörsamlega misheppnaðar.
28.mar. 2012 - 09:00 Jón Ríkharðsson

Landsfundarræðan stendur enn

Í lok landsfundar Sjálfstæðisflokksins í nóvember á síðasta ári, sté ég í pontu og flutti stutta ræðu.
25.mar. 2012 - 10:00 Jón Ríkharðsson

Hef ég eitthvað nýtt fram að færa?

Eðlilegt er, að fólk spyrji að því hvort ég hafi eitthvað nýtt fram að færa, í ljósi þess að ég tilkynni þá ákvörðum mína að sækjast eftir þingsæti fyrir Sjálfstæðisflokkinn.

Jón Ríkharðsson
Togarasjómaður, haldinn þeirri óskiljanlegu áráttu að þurfa að leyfa sem flestum að heyra sínar pólitísku skoðanir. Hann lifir í þeirri von, að þessi kækur hans geti haft jákvæð áhrif á samfélagið, svo undarleg sem sú hugsun er. Jón hefur lítil afrek unnið á sviði menntamála, en lagði samt stund á trésmíðanám fyrir mörgum árum.
Hann hefur skrifað nokkra greinar í Þjóðmál og verið virkur félagi í Sjálfstæðisflokknum um árabil. Netfang Jóns er: katrinsj@hotmail.com

Sigrún Dóra Jónsdóttir
Sigrún Dóra Jónsdóttir - 30.1.2018
Til varnar sonum mínum
Hannes Hólmsteinn Gissurarson
Hannes Hólmsteinn Gissurarson - 20.1.2018
Líftaug landsins
Þórhallur Heimisson
Þórhallur Heimisson - 22.1.2018
Átökin um landið helga
Brynjar Nielsson
Brynjar Nielsson - 25.1.2018
Þjóðviljinn var hlutlausari en Kjarninn
Hannes Hólmsteinn Gissurarson
Hannes Hólmsteinn Gissurarson - 27.1.2018
Andmælti Davíð, en trúði honum samt
Ingrid Kuhlman
Ingrid Kuhlman - 31.1.2018
Hvenær ertu búinn að aðlagast?
Lovísa María Emilsdóttir
Lovísa María Emilsdóttir - 31.1.2018
Æfðu þig í að finna fyrir gleði, þakklæti og hamingju!
Sara Pálsdóttir
Sara Pálsdóttir - 05.2.2018
Ríkari mannréttindavernd barna á Íslandi
Vilhjálmur Birgisson
Vilhjálmur Birgisson - 09.2.2018
Uppgjör í verkalýðshreyfingunni!
Hannes Hólmsteinn Gissurarson
Hannes Hólmsteinn Gissurarson - 12.2.2018
Spurning drottningar
Hannes Hólmsteinn Gissurarson
Hannes Hólmsteinn Gissurarson - 12.2.2018
Hún líka
Brynjar Nielsson
Brynjar Nielsson - 16.2.2018
Viðkvæmir Píratar
Davíð Már Kristinsson
Davíð Már Kristinsson - 15.2.2018
Spáð í spilin
Fleiri pressupennar