26. nóv. 2012 - 17:54Jón Ríkharðsson

Hversu góður fræðimaður er Stefán Ólafsson?

Ekki þarf langan tíma til að þekkja sófískar aðferðir vinstri manna, auðvelt er að reikna út svörin frá þeim og til þess að einfalda umræðuna skal í upphafi leitast við að svara því sem líklegast kemur frá Stefáni, ef hann bregst á einhvern hátt við skrifum mínum.

Líklegt er að hann hæðist að mér og segi mig vera með sig á heilanum, því ég hef skrifað tvo pistla á Pressuna um hann og stöku sinnum nefnt hans nafn á öðrum stöðum.

Svarið við því er einfalt, persóna hans skiptir engu máli og ég hugsa ekkert um hann dags daglega, óska honum hins besta og hann sem slíkur ergir mig ekki neitt.

Hinsvegar skiptir það mig og okkur öll miklu máli, að hafa sterka háskóla og að kennarar við þá njóti virðingar og trausts. Óhætt er að segja að bloggskrif Stefán séu tæpast í anda fræðimanna sem stúdera og kenna félagsfræði. Þegar ég lagði stund á nám í húsasmíði var kennd félagsfræði og það sem heillaði mig við þá grein, þótt mér hafi þótt óþarfi að kenna húsasmiðum það fag, var að félagsfræðingar leitast við að skoða heiminn út frá fræðilegu sjónarmiði og iðnskólakennarinn lagði áherslu á, að við skoðuðum hvert mál fyrir sig og útilokuðum tilfinningar og fyrri reynslu.

Talandi um húsasmíðina, það þætti eflaust undarlegt ef fagmaður í þeirri grein gæti ekki hitt skammlaust á nagla þegar hann er ekki í vinnunni.

Kannski dettur honum eða einhverjum vinstri manni, sem svarar fyrir hans hönd, að nefna Hannes Hólmstein því hann er í sama stjórnmálaflokki og ég og hann er líka frjálshyggjumaður, eins og ég.

Það er stór munur á Stefáni Ólafssyni og Hannesi Hólmsteini. Stefán hefur aldrei sagt opinberlega að hann hafi rangt fyrir sér, ekki hreint út, en það hefur Hannes gert. Hannes sagðist hafa gert stór mistök er hann ritaði fyrsta bindið um Halldór Laxness, einnig hefur hann oft sagt, á opinberum vettvangi, að hann hafi verið afar bláeygur þegar útrásartíminn var í algleymi, ég var á sömu slóðum og Hannes í því máli, trúði því miður á útrásina og vöxt fjármálafyrirtækja. Einnig má nefna máli mínu til stuðnings fyrirlestur sem Hannes flutti á vegum frjálshyggjufélagsins varðandi bók sína um kommúnismann.

Í upphafi tók Hannes það fram að hann hafi þurft að hafa talsvert fyrir því að skrifa bókina út frá fræðilegum forsendum og leggja sínar skoðanir til hliðar, það fannst mér bera vott um einlægan vilja til að standa sig sem fræðimaður. Einn ungur og ákafur frjálshyggjumaður spurði Hannes hvort VG væri ekki bara kommúnistaflokkur.

Hannes sagði það nauðsynlegt að hafa hófstillta og vitræna umræðu um þessi mál, rangt væri að segja að VG væri kommúnistaflokkur því Alþýðubandalagið hafi formlega sagt sig úr bandalagi við kommúnismann fyrir áratugum síðan, þannig að VG væri sósíalistaflokkur en alls ekki kommúnistaflokkur. Líklegt er að hafi Stefán verið spurður sambærilegrar spurningar um Sjálfstæðsiflokkinn, þá hafi hann frekar eflt ranghugmundir spyrjandans, í ljósi reynslunnar af hans sérstæðu fræðistörfum í bloggheimum

Auðvelt er að fyrirgefa fræðimönnum að fara fram úr sér og gera mistök, draga stundum rangar ályktanir. Fræðimenn eru jú bara menn eins og við hin, en þegar menn hafa ekki kjark til að viðurkenna sín mistök þá er lítil von um að þeir batni.

Menn og þjóðir eru í stöðugri mótun, við erum stöðugt að þroskast og uppgötva nýjar hliðar, þ.e.a.s. ef við erum fús til að viðurkenna okkar mistök.

Fyrir skömmu hitti ég unga menn úr frjálshyggjuarmi Sjálfstæðisflokksins, við ræddum skrif Stefán Ólafssonar um frjálshyggjuna. Urðum við sammála um að best væri að efna til fundar, þar sem Stefán myndi rökstyðja sínar skoðanir á fræðilegum nótum. Hinsvegar virðist vera ansi erfitt að fá prófessorinn til þess að taka þátt í rökræðum, maður á mann. Ekki vildi hann mæta Hannesi þegar Pressan óskaði eftir því og það er undarleg afstaða. Sá sem að berst fyrir hugsjónum hlýtur að vilja boða þær sem víðast.

Til stendur að skora á Stefán að mæta á fund og rökstyðja það sem hann setti fram á blogginu varðandi frjálshyggjuna. Best væri að fundurinn færi fram í húsnæði Háskóla Íslands því þar ætti Stefán að vera á heimavelli og þangað geta allir mætt sem vilja heyra báðar hliðar.

Vilji Stefán Ólafsson ekki mæta og færa rök fyrir sínum bloggskrifum, með fræðilegum hætti þá er hæpið að hann sé góður fræðimaður því góðir fræðimenn geta rökstutt það sem þeir setja fram og þeir fara aldrei viljandi með fleipur.



26.apr. 2016 - 15:05 Jón Ríkharðsson

Er markmiðið löglaus þjóð?

Það sem er verst á okkar tímum er að kjörnir þingmenn virðast ekki skilja margt sem flestu hugsandi fólki er augljóst. Heyrst hefur í ræðustól þingsins að stjórnvöldum beri skylda til að samþykkja tillögur stjórnlagaráðs.
03.apr. 2016 - 14:52 Jón Ríkharðsson

Afsögn ráðamanna - nei takk!

Ekki fer ég dult með þá staðreynd að vera í hópi hörðustu sjálfstæðismanna landsins og með eindæmum flokkshollur maður. Þess vegna er það yfirlýst markmið mitt að efla Sjálfstæðisflokkinn eins og mögulegt er - því ég kæri mig ekki um ríkisstjórn án þáttöku Sjálfstæðisflokksins. 
29.mar. 2016 - 09:29 Jón Ríkharðsson

Píratar taka upplýsta afstöðu

Þrátt fyrir alla þessa peninga sem frúin á hefur Sigmundur Davíð barist hart fyrir hagsmunum íslensku þjóðarinnar - skaðað hagsmuni eiginkonunnar og væntanlega sína um leið amk. hefur enginn hrakið það með trúverðugum hætti.
14.mar. 2016 - 08:21 Jón Ríkharðsson

Í tilefni aldarafmælis ASÍ.


Okkar verkamanna helsta böl er að jafnaðarstefnan tók ástfóstri við okkur fyrir hundrað árum - án þess að gert sé lítið úr góðum hug og miklum framfaramálum sem kratar þó náðu í gegn.
07.mar. 2016 - 15:30 Jón Ríkharðsson

„Góða fólkið“ og ríka réttlætiskenndin

„Góða fólkið“ hikar ekki við að saka nafngreinda stjórnmálamenn um mannvonsku og illar hvatir. Engu virðist skipta þótt vitað sé að saklaus börn, makar, aldraðir foreldrar lesi gífuryrðin á netinu - góða fólkið missir ekki svefn vegna þess.
29.feb. 2016 - 11:33

„Jón Jónsson vill einangra Ísland frá umheiminum“

Fjölmiðlamenn ýmsir ásamt virtustu álitsgjöfum þjóðarinnar hafa sagt frá fólki sem vill einangra landið frá umheiminum. Þar sem ég er svag fyrir kynlegum kvistum hefur maður beðið með öndina í hálsinu eftir viðtali við einstakling sem vill að Ísland hafi engin samskipti við önnur lönd.
02.des. 2013 - 15:41 Jón Ríkharðsson

Áhrifarík auglýsing frá Vlfa.

Verkalýðsfélagið á Akranesi útbjó auglýsingamyndband sem dreift var víða á netinu og hún stuðaði SA, enda var það tilgangurinn.
29.júl. 2013 - 15:50 Jón Ríkharðsson

Óþægilegur sannleikur?

Maður er nefndur Jóhann Hauksson og fékk hann það hlutverk að miðla upplýsingum fyrir ríkisstjórn Jóhönnu Sigurðardóttur.
08.jún. 2013 - 11:25 Jón Ríkharðsson

Er þörf fyrir nýtt Ísland?

Í Ameríku eru allskyns hópar sem halda fram skoðunum þvert á vísindin. Sérviska ýmiskonar litar gráma hversdagsins og gefur lífinu gildi.
13.mar. 2013 - 14:59 Jón Ríkharðsson

Engin pólitík, ég er bara áhorfandi að því sem fyrir augu ber

Fyrirsögnin er höfð eftir Stefáni Ólafssyni þar sem hann svarar athugasemd við pistil sinn, er hann ritaði m.a. um gjöf sem Björn Bjarnason átti að hafa fært Háskóla Íslands, eða lofað í tilefni af hundrað ára afmæli skólans.
28.nóv. 2012 - 18:19 Jón Ríkharðsson

Hvers vegna að hjóla í Stefán Ólafsson?

Miðað við málflutning sumra vinstri manna, þá telja þeir að allir sem skammist út í þá séu annað hvort hræddir við það sem þeir segja eða hafi eitthvað að fela.
23.nóv. 2012 - 14:57 Jón Ríkharðsson

Fræðimaður og kennari á daginn, besserwisser á kvöldin

Stefán Ólafsson mun kenna félagsfræði við Háskóla Íslands og líklega er hann með doktorsgráðu í þeirri grein. Væntanlega kann hann skil á því sem hann kennir sínum nemendum og ekki skal efast um að hann sinni starfi sínu með sóma.
27.apr. 2012 - 17:00 Jón Ríkharðsson

Það þarf að sigrast á hjarðeðlinu

Hjarðeðlið hefur fylgt mannkyni frá upphafi og það er ekki alslæmt, en varasamt er að láta það stjórna  hugsunum okkar og gjörðum.
20.apr. 2012 - 14:00 Jón Ríkharðsson

Eru allar stjórnmálastefnur fallegar á blaði?

Þeir sem að hafa lesið pistlana mína gera sér grein fyrir því, að mitt höfuðmarkmið er að auka vegsemd sjálfstæðisstefnunnar og ég veit að engin stefna önnur getur dugað til að stjórna landinu.
18.apr. 2012 - 21:24 Jón Ríkharðsson

Fylgið við Sjálfstæðisflokksins er óásættanlegt

Því miður deili ég ekki gleði margra félaga minna og vina innan Sjálfstæðisflokksins, þótt fygistölur í könnunum skríði upp á við, því þær eru tilkomnar vegna óánægju fólks með ríkisstjórnina. Við eigum að hugsa stórt, því við eigum innistæðu fyrir því, allt undir 50% í skoðnanakönunum er alls ekki gott.
31.mar. 2012 - 16:00 Jón Ríkharðsson

Vilja sjálfstæðismenn ekki að fiskurinn sé sameign þjóðarinnar?

Ríkisstjórnin og spunameistarar hennar, ásamt dyggum stuðningi Hreyfingarinnar keppast við að skrökva því að þjóðinni, að sjálfstæðismenn vilji ekki að þjóðin eigi fiskinn í sjónum.
29.mar. 2012 - 15:00 Jón Ríkharðsson

Þau geta ekki fundið raunhæfa lausn fyrir sjávarútveginn

Vanhæfni ríkisstjórnarinnar á sér margar birtingarmyndir, tilraunir þeirra til að koma með raunhæfar lausnir fyrir sjávarútveginn eru gjörsamlega misheppnaðar.
28.mar. 2012 - 09:00 Jón Ríkharðsson

Landsfundarræðan stendur enn

Í lok landsfundar Sjálfstæðisflokksins í nóvember á síðasta ári, sté ég í pontu og flutti stutta ræðu.
25.mar. 2012 - 10:00 Jón Ríkharðsson

Hef ég eitthvað nýtt fram að færa?

Eðlilegt er, að fólk spyrji að því hvort ég hafi eitthvað nýtt fram að færa, í ljósi þess að ég tilkynni þá ákvörðum mína að sækjast eftir þingsæti fyrir Sjálfstæðisflokkinn.

Jón Ríkharðsson
Togarasjómaður, haldinn þeirri óskiljanlegu áráttu að þurfa að leyfa sem flestum að heyra sínar pólitísku skoðanir. Hann lifir í þeirri von, að þessi kækur hans geti haft jákvæð áhrif á samfélagið, svo undarleg sem sú hugsun er. Jón hefur lítil afrek unnið á sviði menntamála, en lagði samt stund á trésmíðanám fyrir mörgum árum.
Hann hefur skrifað nokkra greinar í Þjóðmál og verið virkur félagi í Sjálfstæðisflokknum um árabil. Netfang Jóns er: katrinsj@hotmail.com

Sigrún Dóra Jónsdóttir
Sigrún Dóra Jónsdóttir - 30.1.2018
Til varnar sonum mínum
Hannes Hólmsteinn Gissurarson
Hannes Hólmsteinn Gissurarson - 20.1.2018
Líftaug landsins
Þórhallur Heimisson
Þórhallur Heimisson - 22.1.2018
Átökin um landið helga
Brynjar Nielsson
Brynjar Nielsson - 25.1.2018
Þjóðviljinn var hlutlausari en Kjarninn
Hannes Hólmsteinn Gissurarson
Hannes Hólmsteinn Gissurarson - 27.1.2018
Andmælti Davíð, en trúði honum samt
Ingrid Kuhlman
Ingrid Kuhlman - 31.1.2018
Hvenær ertu búinn að aðlagast?
Lovísa María Emilsdóttir
Lovísa María Emilsdóttir - 31.1.2018
Æfðu þig í að finna fyrir gleði, þakklæti og hamingju!
Sara Pálsdóttir
Sara Pálsdóttir - 05.2.2018
Ríkari mannréttindavernd barna á Íslandi
Vilhjálmur Birgisson
Vilhjálmur Birgisson - 09.2.2018
Uppgjör í verkalýðshreyfingunni!
Hannes Hólmsteinn Gissurarson
Hannes Hólmsteinn Gissurarson - 12.2.2018
Spurning drottningar
Hannes Hólmsteinn Gissurarson
Hannes Hólmsteinn Gissurarson - 12.2.2018
Hún líka
Brynjar Nielsson
Brynjar Nielsson - 16.2.2018
Viðkvæmir Píratar
Davíð Már Kristinsson
Davíð Már Kristinsson - 15.2.2018
Spáð í spilin
Fleiri pressupennar