12. mar. 2012 - 15:00Jón Ríkharðsson

Hvers vegna er ég sjálfstæðismaður?

Sumum þykir harla kynlegt, að maður sem er alinn upp í verkalýðstétt og státar af forfeðrum sem unnu verkamannavinnu til sjós og lands, ásamt landbúnaðarstörfum skuli vera í hópi hörðustu sjálfstæðismanna íslensku þjóðarinnar.

Svarið er mjög einfalt, ég ólst upp á tímum vinstristjórna,það voru eilíf verkföll og verðbólga alltaf í hæstu hæðum. Menn hefðu hoppað hæð sína af gleði og talið sig búa í Paradís, ef verðbólga sú, sem fólk er að fárast yfir um þessar mundir hefði komið þá. Á þeim tíma mældist verðbólga alltaf í tveggja stafa tölum og tölustafirnir urðu einnig þrír um skamma hríð.

Sú staðreynd að Sjálfstæðisflokkurinn hefur ávallt staðið fyrir eða tekið þátt í öllum jákvæðum framförum á Íslandi er líka ein af ástæðum þess að ég styð hann alltaf, í gegn um þykkt og þunnt.

Vinstri flokkarnir eru fyrst og fremst stofnaðir sem hagsmunabandalög verkalýðsins, en hvaða flokkur hefur unnið best fyrir verkalýðinn?

Sjálfstæðisflokkurinn að sjálfsögðu.

Verkalýðsbaráttan var afskaplega vanþroskuð í upphafi, það voru engin lög til um vinnudeilur, en slík lög voru til í flestum okkar nágrannalöndum. Það voru boðuð verkföll með engum eða skömmum fyrirvara og slagsmál innan verkalýðshreyfingarinnar voru algeng. Þá voru vinstri flokkarnir að berjast sín á milli, sagan endurtekur sig stöðugt.

Það var ekki fyrr en sjálfstæðismaðurinn Thor Thors lagði fram frumvarp um vinnudeilur á alþingi að málin þokuðust í rétta átt, en hann þurfti að flytja það fjórum sinnum. Vinstri flokkarnir voru vitanlega ósammála um frumvarpið, þeir hafa aldrei getað verið sammála um neitt jafnvel þótt þeir þykist boða sömu stefnuna. En það tókst að lokum og því skal til haga haldið, að sjálfstæðismenn stóðu fyrir því.

Engum verkalýðforingja nútímans kæmi til hugar að taka undir sjónarmið Héðins Valdimarssonar, en hann taldi lög um vinnudeilur koma í veg fyrir það, að launþegar gætu barist fyrir bættum kjörum.

Ekki má gleyma hinni frægu þjóðarsátt, en hún var sannarlega og er í anda sjálfstæðisstefnunnar.

Einhverjir spunameistarar vinstri flokkanna hafa sagt að sjálfstæðismenn ættu engan hlut þar að máli, þjóðarsáttin hafi verið verk Steingríms Hermannssonar sem þá var forsætisráðherra. Gott og vel, gefum okkur það, að Steingrímur hafi átt veg og vanda að henni og sleppum þeirri staðreynd, að Einar Oddur hafi verið einn af þungavigtarmönnum þjóðarsáttarinnar.

Ráðherra er nefnilega aldrei einn að verki, hann treystir á sína aðstoðarmenn og hver var aðstoðarmaður Steingríms á þessum tíma?

Hann hafði vit til að fá sjálfstæðismann sem efnahagsráðgjafa, Þórð Friðjónsson. Vinstri menn gera nefnilega aldrei neitt af viti, án aðkomu sjálfstæðismanna.

Svo er það okkar góða velferðarkerfi sem við erum svo stolt af, hvaða flokkur skyldi hafa séð til þess að það yrði að veruleika?

Það var jú Sjálfstæðisflokkurinn, að sjálfsögðu.

Árið 1944 var hin svokallaða "Nýsköpunarstjórn" mynduð og voru það sjálfstæðismenn ásamt sósíalistum og krötum sem mynduðu þá stjórn. En hvernig var samkomulagið á milli vinstri flokkanna þá, varðandi það að stofna fyrirmyndarvelferðarkerfi á Íslandi?

Jú, sjálfstæðismenn sáu til þess að það tókst, Emil Jónsson, sem var ráðherra Alþýðuflokksins sagði frá því í bók sinni "Milli Moskvu og Washington", að það hefði verið gott að eiga við sjálfstæðismenn varðandi uppbyggingu velferðarkerfisins, sósíalistar voru ekki eins jákvæðir á það að sögn Emils.

Vinstri flokkarnir komu höftunum á, en þau voru mjög slæm fyrir íslenskt efnahagslíf og héldu þjóðinni í fjötrum áratugum saman.

Vitanlega voru höftin afnumin í tíð sjálfstæðismanna, vinstri flokkarnir höfðu ekki dug til að gera það, kannski ekki viljann heldur, því höftin juku ítök stjórnmálamanna á flestum sviðum og vinstri mönum leiðast ekki völdin, eins og dæmin sanna.

Sjálfstæðisflokkurinn var veikur og brotinn í tuttugu ár, þess vegna var öll þessi verðbólga og úlfúð í þjóðfélaginu. Á þessum tíma komu sjálfstæðismenn reyndar með framsæknar og góðar tillögur sem þeir nefndu "Leiftursókn gegn verðbólgu".

Leiftursóknin miðaði m.a. að því, að koma á hallalausum ríkisbúskap án þess að auka erlendar lántökur, lækka ríkisútgjöld um 35. ma. og ýmislegt fleira gagnlegt.

Vinstri menn brjálast alltaf þegar kemur að lækkun ríkisútgjalda, þannig að þeir kölluðu þetta "Leiftursókn gegn lífskjörum".

Þeir sem hafa gullfiskaminni verða eflaust hvumsa, því vinstri stjórnin hefur lækkað ríkisútgjöld. En það var til þess að fá lán, vinstri flokkarnir eru tilbúnir til að gera nánast hvað sem er, ef þeir geta fengið lánsfé til að sýna fram á viðunandi stöðu þjóðarbúsins, ekki vilja þeir efla atvinnuvegina, því þá geta einhverjir orðið ríkir.

Hægt er að skoða þetta í sögulegu samhengi til að sýna fam á gild rök.

Hræðslubandalagið var vinstri stjórn sem fékk nafnið vegna þess að þeir óttuðust yfirburði Sjálfstæðisflokksins. Vinstri flokkarnir lofuðu því, að reka herinn úr landi, en herinn fékk að vera áfram, vegna þess að vinstri stjórnin gat fengið lán á þokkalegum kjörum.

Steingrímur var andvígur AGS, en gerðist þeirra besti vinur því AGS sá til þess, að ríkisstjórnin gat fengið lán.

Hafandi lesið stjórnmálasögu lýðveldistímans og séð hræsni og óþverrahátt vinstri manna, þá er eki hægt annað en að vera sjálfstæðismaður. Sjálfstæðisflokkurinn er langt frá því að vera gallalaus, enda búum við í meingölluðum heimi. Sjálfstæðismenn hafa gert mistök og þeir munu áræðanlega gera mistök í framtíðinni. Það er ekki hægt að stjórna landi án þess að gera mistök.

Mistökin varða leið til framfara ef þau eru aðeins gerð einu sinn. Svo koma alltaf ný mistök til að læra af, það er eðli lífsins.

Ef velja á milli flokka sem gera stöðug mistök og halda á lofti stefnu sem ekki stenst, því ekkert ríki í víðri veröld hefur byggst upp af jafnaðarstefnu eða sósíalisma, eða flokk sem virðir hagsmuni allra stétta, boðar frelsi og hagsæld, þá er valið auðvelt.

Sjálfstæðisstefnan er sú stefna sem kom okkur úr sárri fátækt til undraverðra framfara á öllum sviðum. Það er staðreynd sem enginn getur neitað með neinum rökum.



26.apr. 2016 - 15:05 Jón Ríkharðsson

Er markmiðið löglaus þjóð?

Það sem er verst á okkar tímum er að kjörnir þingmenn virðast ekki skilja margt sem flestu hugsandi fólki er augljóst. Heyrst hefur í ræðustól þingsins að stjórnvöldum beri skylda til að samþykkja tillögur stjórnlagaráðs.
03.apr. 2016 - 14:52 Jón Ríkharðsson

Afsögn ráðamanna - nei takk!

Ekki fer ég dult með þá staðreynd að vera í hópi hörðustu sjálfstæðismanna landsins og með eindæmum flokkshollur maður. Þess vegna er það yfirlýst markmið mitt að efla Sjálfstæðisflokkinn eins og mögulegt er - því ég kæri mig ekki um ríkisstjórn án þáttöku Sjálfstæðisflokksins. 
29.mar. 2016 - 09:29 Jón Ríkharðsson

Píratar taka upplýsta afstöðu

Þrátt fyrir alla þessa peninga sem frúin á hefur Sigmundur Davíð barist hart fyrir hagsmunum íslensku þjóðarinnar - skaðað hagsmuni eiginkonunnar og væntanlega sína um leið amk. hefur enginn hrakið það með trúverðugum hætti.
14.mar. 2016 - 08:21 Jón Ríkharðsson

Í tilefni aldarafmælis ASÍ.


Okkar verkamanna helsta böl er að jafnaðarstefnan tók ástfóstri við okkur fyrir hundrað árum - án þess að gert sé lítið úr góðum hug og miklum framfaramálum sem kratar þó náðu í gegn.
07.mar. 2016 - 15:30 Jón Ríkharðsson

„Góða fólkið“ og ríka réttlætiskenndin

„Góða fólkið“ hikar ekki við að saka nafngreinda stjórnmálamenn um mannvonsku og illar hvatir. Engu virðist skipta þótt vitað sé að saklaus börn, makar, aldraðir foreldrar lesi gífuryrðin á netinu - góða fólkið missir ekki svefn vegna þess.
29.feb. 2016 - 11:33

„Jón Jónsson vill einangra Ísland frá umheiminum“

Fjölmiðlamenn ýmsir ásamt virtustu álitsgjöfum þjóðarinnar hafa sagt frá fólki sem vill einangra landið frá umheiminum. Þar sem ég er svag fyrir kynlegum kvistum hefur maður beðið með öndina í hálsinu eftir viðtali við einstakling sem vill að Ísland hafi engin samskipti við önnur lönd.
02.des. 2013 - 15:41 Jón Ríkharðsson

Áhrifarík auglýsing frá Vlfa.

Verkalýðsfélagið á Akranesi útbjó auglýsingamyndband sem dreift var víða á netinu og hún stuðaði SA, enda var það tilgangurinn.
29.júl. 2013 - 15:50 Jón Ríkharðsson

Óþægilegur sannleikur?

Maður er nefndur Jóhann Hauksson og fékk hann það hlutverk að miðla upplýsingum fyrir ríkisstjórn Jóhönnu Sigurðardóttur.
08.jún. 2013 - 11:25 Jón Ríkharðsson

Er þörf fyrir nýtt Ísland?

Í Ameríku eru allskyns hópar sem halda fram skoðunum þvert á vísindin. Sérviska ýmiskonar litar gráma hversdagsins og gefur lífinu gildi.
13.mar. 2013 - 14:59 Jón Ríkharðsson

Engin pólitík, ég er bara áhorfandi að því sem fyrir augu ber

Fyrirsögnin er höfð eftir Stefáni Ólafssyni þar sem hann svarar athugasemd við pistil sinn, er hann ritaði m.a. um gjöf sem Björn Bjarnason átti að hafa fært Háskóla Íslands, eða lofað í tilefni af hundrað ára afmæli skólans.
28.nóv. 2012 - 18:19 Jón Ríkharðsson

Hvers vegna að hjóla í Stefán Ólafsson?

Miðað við málflutning sumra vinstri manna, þá telja þeir að allir sem skammist út í þá séu annað hvort hræddir við það sem þeir segja eða hafi eitthvað að fela.
26.nóv. 2012 - 17:54 Jón Ríkharðsson

Hversu góður fræðimaður er Stefán Ólafsson?

Ekki þarf langan tíma til að þekkja sófískar aðferðir vinstri manna, auðvelt er að reikna út svörin frá þeim og til þess að einfalda umræðuna skal í upphafi leitast við að svara því sem líklegast kemur frá Stefáni, ef hann bregst á einhvern hátt við skrifum mínum.
23.nóv. 2012 - 14:57 Jón Ríkharðsson

Fræðimaður og kennari á daginn, besserwisser á kvöldin

Stefán Ólafsson mun kenna félagsfræði við Háskóla Íslands og líklega er hann með doktorsgráðu í þeirri grein. Væntanlega kann hann skil á því sem hann kennir sínum nemendum og ekki skal efast um að hann sinni starfi sínu með sóma.
27.apr. 2012 - 17:00 Jón Ríkharðsson

Það þarf að sigrast á hjarðeðlinu

Hjarðeðlið hefur fylgt mannkyni frá upphafi og það er ekki alslæmt, en varasamt er að láta það stjórna  hugsunum okkar og gjörðum.
20.apr. 2012 - 14:00 Jón Ríkharðsson

Eru allar stjórnmálastefnur fallegar á blaði?

Þeir sem að hafa lesið pistlana mína gera sér grein fyrir því, að mitt höfuðmarkmið er að auka vegsemd sjálfstæðisstefnunnar og ég veit að engin stefna önnur getur dugað til að stjórna landinu.
18.apr. 2012 - 21:24 Jón Ríkharðsson

Fylgið við Sjálfstæðisflokksins er óásættanlegt

Því miður deili ég ekki gleði margra félaga minna og vina innan Sjálfstæðisflokksins, þótt fygistölur í könnunum skríði upp á við, því þær eru tilkomnar vegna óánægju fólks með ríkisstjórnina. Við eigum að hugsa stórt, því við eigum innistæðu fyrir því, allt undir 50% í skoðnanakönunum er alls ekki gott.
31.mar. 2012 - 16:00 Jón Ríkharðsson

Vilja sjálfstæðismenn ekki að fiskurinn sé sameign þjóðarinnar?

Ríkisstjórnin og spunameistarar hennar, ásamt dyggum stuðningi Hreyfingarinnar keppast við að skrökva því að þjóðinni, að sjálfstæðismenn vilji ekki að þjóðin eigi fiskinn í sjónum.
29.mar. 2012 - 15:00 Jón Ríkharðsson

Þau geta ekki fundið raunhæfa lausn fyrir sjávarútveginn

Vanhæfni ríkisstjórnarinnar á sér margar birtingarmyndir, tilraunir þeirra til að koma með raunhæfar lausnir fyrir sjávarútveginn eru gjörsamlega misheppnaðar.
28.mar. 2012 - 09:00 Jón Ríkharðsson

Landsfundarræðan stendur enn

Í lok landsfundar Sjálfstæðisflokksins í nóvember á síðasta ári, sté ég í pontu og flutti stutta ræðu.
25.mar. 2012 - 10:00 Jón Ríkharðsson

Hef ég eitthvað nýtt fram að færa?

Eðlilegt er, að fólk spyrji að því hvort ég hafi eitthvað nýtt fram að færa, í ljósi þess að ég tilkynni þá ákvörðum mína að sækjast eftir þingsæti fyrir Sjálfstæðisflokkinn.

Jón Ríkharðsson
Togarasjómaður, haldinn þeirri óskiljanlegu áráttu að þurfa að leyfa sem flestum að heyra sínar pólitísku skoðanir. Hann lifir í þeirri von, að þessi kækur hans geti haft jákvæð áhrif á samfélagið, svo undarleg sem sú hugsun er. Jón hefur lítil afrek unnið á sviði menntamála, en lagði samt stund á trésmíðanám fyrir mörgum árum.
Hann hefur skrifað nokkra greinar í Þjóðmál og verið virkur félagi í Sjálfstæðisflokknum um árabil. Netfang Jóns er: katrinsj@hotmail.com

Sigrún Dóra Jónsdóttir
Sigrún Dóra Jónsdóttir - 30.1.2018
Til varnar sonum mínum
Hannes Hólmsteinn Gissurarson
Hannes Hólmsteinn Gissurarson - 20.1.2018
Líftaug landsins
Þórhallur Heimisson
Þórhallur Heimisson - 22.1.2018
Átökin um landið helga
Brynjar Nielsson
Brynjar Nielsson - 25.1.2018
Þjóðviljinn var hlutlausari en Kjarninn
Hannes Hólmsteinn Gissurarson
Hannes Hólmsteinn Gissurarson - 27.1.2018
Andmælti Davíð, en trúði honum samt
Ingrid Kuhlman
Ingrid Kuhlman - 31.1.2018
Hvenær ertu búinn að aðlagast?
Lovísa María Emilsdóttir
Lovísa María Emilsdóttir - 31.1.2018
Æfðu þig í að finna fyrir gleði, þakklæti og hamingju!
Sara Pálsdóttir
Sara Pálsdóttir - 05.2.2018
Ríkari mannréttindavernd barna á Íslandi
Vilhjálmur Birgisson
Vilhjálmur Birgisson - 09.2.2018
Uppgjör í verkalýðshreyfingunni!
Hannes Hólmsteinn Gissurarson
Hannes Hólmsteinn Gissurarson - 12.2.2018
Spurning drottningar
Hannes Hólmsteinn Gissurarson
Hannes Hólmsteinn Gissurarson - 12.2.2018
Hún líka
Brynjar Nielsson
Brynjar Nielsson - 16.2.2018
Viðkvæmir Píratar
Davíð Már Kristinsson
Davíð Már Kristinsson - 15.2.2018
Spáð í spilin
Fleiri pressupennar