20. apr. 2012 - 14:00Jón Ríkharðsson

Eru allar stjórnmálastefnur fallegar á blaði?

Þeir sem að hafa lesið pistlana mína gera sér grein fyrir því, að mitt höfuðmarkmið er að auka vegsemd sjálfstæðisstefnunnar og ég veit að engin stefna önnur getur dugað til að stjórna landinu.

Oft lendi ég í skemmtilegum rökræðum við vinstri menn og óflokksbundna og allir eru sammála mér um ágæti sjálfstæðisstefnunnar. Jafnvel örgustu vinstri menn segja að þetta sé góð stefna og sumir segja að allar stjórnmálastefnur séu fallegar og réttar á blaði, en þær gangi ekki upp í raunveruleikanum.

Það er einfaldlega rangt.

Jafnaðarstefnan felur í sér góða og fallega hugsun, en hún er full af hugsanavillum sem ganga aldrei upp í raunveruleikanum og þær gera ekkert annað en að rugla fólk.

Hvernig er hægt að fullyrða það, að allir hafi jöfn tækifæri að öllu leiti eða eigi að hafa þau?

Ef við skoðum tækifærin til menntunar og sköpunar auðæfa, þá geta aldrei allir setið þar við sama borð. Börn fæðast inn í mismunandi fjölskyldur og tækifæri þeirra mótast að miklu leiti af því.

Barn sem á vel menntaða og vel stæða foreldra á meiri möguleika á að vera vel menntað og vel stætt en börn sem eignast menntunarsnauða foreldra og blanka.

Foreldrar sem mennta sig og koma vel undir sig fótunum eru líklegri til að hvetja börnin sín til náms og kenna þeim að fara vel með peninga.

Hvernig ætlar jafnaðarstefnan að koma í veg fyrir þessar staðreyndir? Á að minnka möguleika þeira barna sem eiga menntaða og vel stæða foreldra og auka möguleika þeirra sem eiga ómenntaða og blanka foreldra?

Þessi hugsun gengur ekki upp, en hinsvegar eiga allir að hafa jafnan rétt til menntunar en réttur og möguleikar eru tvö óskyld atriði.

En  hinsvegar eiga allir eigi rétt á sömu virðingu. Sá sem að sinnir láglaunastörfum sem krefjast ekki menntunar á ekki að sætta sig við að hans starf sé metið minna en störf sem krefjast mikillar menntunar og sérhæfingar. Það væri ekki gott hjá okkur ástandið ef enginn væri til að vinna hreinsunarstörf af öllu tagi, svo dæmi sé tekið.

Virðing á að vera til staðar og öll störf eru jafn  mikilvæg, en af eðlilegum ástæðum, verður aldrei hægt að borga sömu laun fyrir öll störf.

Svo er það Kommúnisminn, sumir halda að hann sé fallegur á blaði, en þeir sem hafa lesið hann og skilið, geta aldrei fallist á það, hann er hryllilegur.

Kommúnisminn gengur m.a. út á það, að öreigarnir eigi að taka atvinnutækin í sínar hendur og njóta arðsins af þeim. Slíkt er þjófnaður og ekkert annað, kommúnismi er glæpastefna og það er undarlegt að nokkrum manni skuli detta til hugar að mæra hann.

Svo er það sjálfstæðisstefnan, hún er einföld og tær. Hún boðar sjálfstæði og fullveldi þjóðarinnar sem flestir ættu að vera ánægðir með. Sjálfstæðisstefnan boðar frelsi öllum til handa, það gera vinstri stefnurnar ekki. Manninum líður best í frjálsu umhverfi, þannig að flestir ættu að geta sæst á hana.

Lágir skattar eru besta kjarabótin, því það er réttlátt að fólk fái að njóta sinna tekna í sem mestum mæli, lágmarks ríkisrekstur er líka skynsamleg stefna.

Svo eru það hagsmunahóparnir, þegar vinstri menn komast í stuð þá fara þeir að ræða um sérhagsmunagæslu sjálfstæðismanna, en hún er nú ekki óþekkt í þeirra ranni.

Til að einfalda umræðuna er oft ágætt að gefa mikið eftir og samþykkja forendur hins aðilans, það hef ég oft gert í rökræðum við vinstri menn.

Hagsmunahópar verkalýðsins hafa haft mest áhrif á stefnur og verk vinstri flokkanna. Það leiddi til óðaverðbólgu vegna þess að vinstri flokkarnir stóðu með verkalýðsfélögunum í kjarabaráttunni og hún gekk að mestu leiti út á það, að pína hærri laun út úr atvinnurekendum en framleiðslan stóð undir. þetta er staðreynd sem enginn neitar.

Svo skulum við bara samþykkja það hjá vinstri mönnum, að Sjálfstæðisflokkurinn hafi stutt við bakið á auðvaldinu og gert þá mikið ríkari en þeir voru (þótt ég sé ekki sammála því). Hvor leiðin er þá betri, af tveimur slæmum leiðum? Við höfum ekki um aðra kosti að velja.

Þá komum við alltaf aftur að þeirri staðreynd að Sjálfstæðisflokkurinn hefur vinninginn. Því meira sem auðvaldið græðir því öruggari getur verkalýðurinn verið um sinn hag, því auðvaldið getur ekki grætt mikið án þess að launamenn komi að málum.

Það er alveg sama hvernig umræðunni er snúið fram og til baka, alltaf kemur hún að sama endapunktinum, Sjálfstæðisflokkurinn hefur alltaf vinninginn, vegna þess að hann hefur langbestu stefnuna og af því að ég tala fyrir henni, þá get ég leyft mér að gefa eftir og ræða málin á forsendum vinstri manna.

Seint finnum við hinn endanlega lífsins sannleik, en hluti af honum er vissulega sá, að Sjálfstæðisflokkurinn er bestur allra flokka hér á landi.

Hvenær skyldi forysta hans og hinir kjörnu fulltrúar vera tilbúnir til að segja þjóðinni frá því? Það má ekki fara með þetta sem trúnaðarmál öllu lengur, þjóðin hefur ekki efni á því.




26.apr. 2016 - 15:05 Jón Ríkharðsson

Er markmiðið löglaus þjóð?

Það sem er verst á okkar tímum er að kjörnir þingmenn virðast ekki skilja margt sem flestu hugsandi fólki er augljóst. Heyrst hefur í ræðustól þingsins að stjórnvöldum beri skylda til að samþykkja tillögur stjórnlagaráðs.
03.apr. 2016 - 14:52 Jón Ríkharðsson

Afsögn ráðamanna - nei takk!

Ekki fer ég dult með þá staðreynd að vera í hópi hörðustu sjálfstæðismanna landsins og með eindæmum flokkshollur maður. Þess vegna er það yfirlýst markmið mitt að efla Sjálfstæðisflokkinn eins og mögulegt er - því ég kæri mig ekki um ríkisstjórn án þáttöku Sjálfstæðisflokksins. 
29.mar. 2016 - 09:29 Jón Ríkharðsson

Píratar taka upplýsta afstöðu

Þrátt fyrir alla þessa peninga sem frúin á hefur Sigmundur Davíð barist hart fyrir hagsmunum íslensku þjóðarinnar - skaðað hagsmuni eiginkonunnar og væntanlega sína um leið amk. hefur enginn hrakið það með trúverðugum hætti.
14.mar. 2016 - 08:21 Jón Ríkharðsson

Í tilefni aldarafmælis ASÍ.


Okkar verkamanna helsta böl er að jafnaðarstefnan tók ástfóstri við okkur fyrir hundrað árum - án þess að gert sé lítið úr góðum hug og miklum framfaramálum sem kratar þó náðu í gegn.
07.mar. 2016 - 15:30 Jón Ríkharðsson

„Góða fólkið“ og ríka réttlætiskenndin

„Góða fólkið“ hikar ekki við að saka nafngreinda stjórnmálamenn um mannvonsku og illar hvatir. Engu virðist skipta þótt vitað sé að saklaus börn, makar, aldraðir foreldrar lesi gífuryrðin á netinu - góða fólkið missir ekki svefn vegna þess.
29.feb. 2016 - 11:33

„Jón Jónsson vill einangra Ísland frá umheiminum“

Fjölmiðlamenn ýmsir ásamt virtustu álitsgjöfum þjóðarinnar hafa sagt frá fólki sem vill einangra landið frá umheiminum. Þar sem ég er svag fyrir kynlegum kvistum hefur maður beðið með öndina í hálsinu eftir viðtali við einstakling sem vill að Ísland hafi engin samskipti við önnur lönd.
02.des. 2013 - 15:41 Jón Ríkharðsson

Áhrifarík auglýsing frá Vlfa.

Verkalýðsfélagið á Akranesi útbjó auglýsingamyndband sem dreift var víða á netinu og hún stuðaði SA, enda var það tilgangurinn.
29.júl. 2013 - 15:50 Jón Ríkharðsson

Óþægilegur sannleikur?

Maður er nefndur Jóhann Hauksson og fékk hann það hlutverk að miðla upplýsingum fyrir ríkisstjórn Jóhönnu Sigurðardóttur.
08.jún. 2013 - 11:25 Jón Ríkharðsson

Er þörf fyrir nýtt Ísland?

Í Ameríku eru allskyns hópar sem halda fram skoðunum þvert á vísindin. Sérviska ýmiskonar litar gráma hversdagsins og gefur lífinu gildi.
13.mar. 2013 - 14:59 Jón Ríkharðsson

Engin pólitík, ég er bara áhorfandi að því sem fyrir augu ber

Fyrirsögnin er höfð eftir Stefáni Ólafssyni þar sem hann svarar athugasemd við pistil sinn, er hann ritaði m.a. um gjöf sem Björn Bjarnason átti að hafa fært Háskóla Íslands, eða lofað í tilefni af hundrað ára afmæli skólans.
28.nóv. 2012 - 18:19 Jón Ríkharðsson

Hvers vegna að hjóla í Stefán Ólafsson?

Miðað við málflutning sumra vinstri manna, þá telja þeir að allir sem skammist út í þá séu annað hvort hræddir við það sem þeir segja eða hafi eitthvað að fela.
26.nóv. 2012 - 17:54 Jón Ríkharðsson

Hversu góður fræðimaður er Stefán Ólafsson?

Ekki þarf langan tíma til að þekkja sófískar aðferðir vinstri manna, auðvelt er að reikna út svörin frá þeim og til þess að einfalda umræðuna skal í upphafi leitast við að svara því sem líklegast kemur frá Stefáni, ef hann bregst á einhvern hátt við skrifum mínum.
23.nóv. 2012 - 14:57 Jón Ríkharðsson

Fræðimaður og kennari á daginn, besserwisser á kvöldin

Stefán Ólafsson mun kenna félagsfræði við Háskóla Íslands og líklega er hann með doktorsgráðu í þeirri grein. Væntanlega kann hann skil á því sem hann kennir sínum nemendum og ekki skal efast um að hann sinni starfi sínu með sóma.
27.apr. 2012 - 17:00 Jón Ríkharðsson

Það þarf að sigrast á hjarðeðlinu

Hjarðeðlið hefur fylgt mannkyni frá upphafi og það er ekki alslæmt, en varasamt er að láta það stjórna  hugsunum okkar og gjörðum.
18.apr. 2012 - 21:24 Jón Ríkharðsson

Fylgið við Sjálfstæðisflokksins er óásættanlegt

Því miður deili ég ekki gleði margra félaga minna og vina innan Sjálfstæðisflokksins, þótt fygistölur í könnunum skríði upp á við, því þær eru tilkomnar vegna óánægju fólks með ríkisstjórnina. Við eigum að hugsa stórt, því við eigum innistæðu fyrir því, allt undir 50% í skoðnanakönunum er alls ekki gott.
31.mar. 2012 - 16:00 Jón Ríkharðsson

Vilja sjálfstæðismenn ekki að fiskurinn sé sameign þjóðarinnar?

Ríkisstjórnin og spunameistarar hennar, ásamt dyggum stuðningi Hreyfingarinnar keppast við að skrökva því að þjóðinni, að sjálfstæðismenn vilji ekki að þjóðin eigi fiskinn í sjónum.
29.mar. 2012 - 15:00 Jón Ríkharðsson

Þau geta ekki fundið raunhæfa lausn fyrir sjávarútveginn

Vanhæfni ríkisstjórnarinnar á sér margar birtingarmyndir, tilraunir þeirra til að koma með raunhæfar lausnir fyrir sjávarútveginn eru gjörsamlega misheppnaðar.
28.mar. 2012 - 09:00 Jón Ríkharðsson

Landsfundarræðan stendur enn

Í lok landsfundar Sjálfstæðisflokksins í nóvember á síðasta ári, sté ég í pontu og flutti stutta ræðu.
25.mar. 2012 - 10:00 Jón Ríkharðsson

Hef ég eitthvað nýtt fram að færa?

Eðlilegt er, að fólk spyrji að því hvort ég hafi eitthvað nýtt fram að færa, í ljósi þess að ég tilkynni þá ákvörðum mína að sækjast eftir þingsæti fyrir Sjálfstæðisflokkinn.

Jón Ríkharðsson
Togarasjómaður, haldinn þeirri óskiljanlegu áráttu að þurfa að leyfa sem flestum að heyra sínar pólitísku skoðanir. Hann lifir í þeirri von, að þessi kækur hans geti haft jákvæð áhrif á samfélagið, svo undarleg sem sú hugsun er. Jón hefur lítil afrek unnið á sviði menntamála, en lagði samt stund á trésmíðanám fyrir mörgum árum.
Hann hefur skrifað nokkra greinar í Þjóðmál og verið virkur félagi í Sjálfstæðisflokknum um árabil. Netfang Jóns er: katrinsj@hotmail.com

Sigrún Dóra Jónsdóttir
Sigrún Dóra Jónsdóttir - 30.1.2018
Til varnar sonum mínum
Hannes Hólmsteinn Gissurarson
Hannes Hólmsteinn Gissurarson - 27.1.2018
Andmælti Davíð, en trúði honum samt
Ingrid Kuhlman
Ingrid Kuhlman - 31.1.2018
Hvenær ertu búinn að aðlagast?
Lovísa María Emilsdóttir
Lovísa María Emilsdóttir - 31.1.2018
Æfðu þig í að finna fyrir gleði, þakklæti og hamingju!
Sara Pálsdóttir
Sara Pálsdóttir - 05.2.2018
Ríkari mannréttindavernd barna á Íslandi
Vilhjálmur Birgisson
Vilhjálmur Birgisson - 09.2.2018
Uppgjör í verkalýðshreyfingunni!
Hannes Hólmsteinn Gissurarson
Hannes Hólmsteinn Gissurarson - 12.2.2018
Spurning drottningar
Hannes Hólmsteinn Gissurarson
Hannes Hólmsteinn Gissurarson - 12.2.2018
Hún líka
Brynjar Nielsson
Brynjar Nielsson - 16.2.2018
Viðkvæmir Píratar
Davíð Már Kristinsson
Davíð Már Kristinsson - 15.2.2018
Spáð í spilin
Hannes Hólmsteinn Gissurarson
Hannes Hólmsteinn Gissurarson - 19.2.2018
Hugleiðingar á 65 ára afmælinu
Sara Pálsdóttir
Sara Pálsdóttir - 22.2.2018
Umskurður drengja
Þórhallur Heimisson
Þórhallur Heimisson - 22.2.2018
Gyðingdómur í sögu og samtíð - námskeið
Hannes Hólmsteinn Gissurarson
Hannes Hólmsteinn Gissurarson - 24.2.2018
Hann kaus frelsið
Fleiri pressupennar