27. feb. 2014 - 15:27Gunnlaugur Jónsson

Banani segir meira en 40 orð

Ég benti á í 40 orða grein að ef Ísland gengi í Evrópusambandið yrði ómögulegt að halda þjóðaratkvæðagreiðslur sem þýðingu hefðu um flest mikilvæg mál.

Þetta er vegna þess að í mjög víðfeðmum málaflokkum ræður Evrópusambandið – en ekki aðildarríkin sjálf. Þjóðaratkvæðagreiðslur myndu því ekki hafa þýðingu í þeim.

Þess má geta að um er að ræða um 90 þúsund blaðsíður af lögum og reglum. Hér er hlekkur á yfirlit yfir málaflokkana víðfeðmu. Í sumum málaflokkum er löndunum beinlínis óheimilt að setja reglur. Í öðrum málaflokkum þurfa lög þeirra að víkja fyrir reglum ESB ef þau stangast á við eitthvað á þessum 90 þúsund blaðsíðum. Þeim er því sniðinn þröngur stakkur.

Í stað þess að taka þessari staðreynd, hafa margir snúið út úr – eða í besta falli misskilið þetta. Þeir hafa talið upp nokkrar þjóðaratkvæðagreiðslur sem hafa verið haldnar í ESB-löndum! Hér er t.d. grein eftir Semu Erlu Serdar. Margir hafa tekið í sama streng á Fasbókinni. Sumir hafa sakað mig um blekkingar og óheiðarleika.

Nú skal gripið til banana. Hérna er skýringarmynd sem mjög grafískur hönnuður útbjó (ég sjálfur), þar sem banana hefur verið skipt í ESB-hluta og frjálsan hluta. Frjálsi hlutinn stendur fyrir það sem hægt er að halda þjóðaratkvæðagreiðslur um. Eða ákveða á annað borð innanlands. ESB-hlutinn stendur fyrir það sem ESB ákveður.

ESB ræður í flestu. Löndin ráða sumu og geta svosem haldið margar þjóðaratkvæðagreiðslur um það.

Þess má geta að frjálsi hlutinn smakkaðist betur.

Af þessu er ljóst að það má halda hversu margar þjóðaratkvæðagreiðslur sem fólk vill um þau mál sem ESB stjórnar ekki. Sem er ágætt fyrir þá sem sækjast eftir þjóðaratkvæðagreiðslum þjóðaratkvæðagreiðslna vegna.

Við gætum til dæmis, eins og Malta, kosið um það hvort við eigum að leyfa hjónaskilnaði. Eða eins og Austurríki um herskyldu. Og jafnvel ýmsa hluti sem eru raunveruleg álitamál á Íslandi. En ekki það sem ESB ákveður. Og það er flest.

Þess má geta að ef nýir samningar eru gerðir um að þenja enn frekar út mikið vald ESB, mun þurfa samþykki landanna. Þá verður enginn skortur á þjóðaratkvæðagreiðslum, því ef niðurstaðan er ekki ESB að skapi er kosið aftur þangað til „rétt“ niðurstaða fæst, eins og reynslan sýnir.

En svo er ekkert kosið þegar Evrópudómstóllinn þenur út vald ESB – sem er raunhæfur möguleiki, enda eru margir dómarar „framsæknir“ í lögskýringum eins og það heitir þegar menn dæma ekki eftir lögunum.

Eftir þetta stendur að það er mjög hjákátlegt hjá Evrópusambandshreyfingunni að stilla sér upp sem miklir grasrótarmenn: á móti valdi, með sem beinustu lýðræði og með mótmælum. Þetta er dálítið eins og þegar pabbi reynir að vera kúl*.

Þeir eru líka svo reiðir yfir sviknum kosningaloforðum að þeir vilja undirgangast vald Herman van Rompuy forseta og félaga hans. Hann mun aldrei svíkja kosningaloforð. Enda væri hálf kjánalegt hjá manni sem ekki þarf að bjóða sig fram í kosningum að gefa slík loforð.

Að lokum finnst mér kannski magnaðasti lærdómurinn af málinu vera þessi:

Ef það er svona auðvelt fyrir ESB-sinna að mistúlka það sem stendur í 40 orða grein á skýru máli, hvernig mun þá ganga að túlka og þekkja 90 þúsund blaðsíðurnar af regluverki? – Ég bara spyr svona af því að við þurfum að fara eftir þessum lögum og vanþekking á þeim er engin vörn.

Gunnlaugur Jónsson

*Ég er sjálfur pabbi, þannig að ég geri mér grein fyrir því að sennilega noti börnin annað orð en kúl núorðið. Sennilega segja þau eitthvað eins og „meitlað“. Já. Ég mun nota það framvegis.




(26-30) NRS Fossberg Metabo septt 2016
11.maí 2015 - 14:20 Gunnlaugur Jónsson

Vinstri slagsíða í kennslu

Þessa útskýringu á vinstri og hægri stjórnmálum var að finna á glæru í kennslu í stjórnmálafræði við Fjölbrautaskólann við Ármúla.
25.feb. 2014 - 19:51 Gunnlaugur Jónsson

Hreyfing fólksins

Ef við göngum í Evrópusambandið verður ómögulegt að halda þjóðaratkvæðagreiðslur sem þýðingu hafa um flest mikilvæg mál á Íslandi.
28.jan. 2014 - 07:00 Gunnlaugur Jónsson

Um Icesave-daginn og hvernig bankar falla eins og býflugur

Í dag er Icesave-dagurinn, 28. janúar. Nú er ár síðan Icesave-dómurinn féll, þar sem í ljós kom að ætluð ríkisábyrgð á Icesave-innistæðunum átti ekki við rök að styðjast. Ég lagði til í grein fyrir ári síðan að þessi dagur mætti hér eftir teljast baráttudagur gegn ríkisábyrgð.
18.nóv. 2013 - 10:54 Gunnlaugur Jónsson

Að elska sjálfan sig

Það er engin synd að elska sjálfan sig. Sá sem elskar sjálfan sig getur líka elskað náungann og fundið til samúðar með ókunnugum. Það virðist jafnvel stundum vera forsenda þess að geta elskað aðra einlæglega, að elska sjálfan sig. Þeir sem eru plagaðir af lágu sjálfsmati og minnimáttarkennd koma stundum illa fram við fólk til að upphefja sjálfa sig.
02.júl. 2013 - 10:20 Gunnlaugur Jónsson

Stefán Ólafsson birtir loksins fleiri myndir af hippum

Eins og stundum áður skrifaði Stefán Ólafsson prófessor pistil á Eyjuna á sunnudag. Flest hefur hann sagt áður. Hann kallar þá sem eru ósammála honum vúdú-skáld, auðmenn, mykjudreifara og hippa. Ég er víst hippinn. Hann heldur uppteknum hætti og birtir mynd af hippa með greininni.
28.jan. 2013 - 12:54 Gunnlaugur Jónsson

28. janúar: Baráttudagur gegn ríkisábyrgð

Ríkisábyrgð á bönkum hefur ýtt undir fjármálabólur og óábyrga hegðun á Íslandi og um allan heim. Hún er líka ranglát, því hún lætur almenning borga brúsann þegar illa fer. Aðferðin við að stemma stigu við óábyrgri meðferð peninga er að láta menn bera bera kostnaðinn af henni sjálfir.
25.jan. 2013 - 10:27 Gunnlaugur Jónsson

Af hverju má þá ekki banna klám?

Hneykslan á hugmyndum Ögmundar Jónassonar innanríkisráðherra um að banna klám virðist vera nokkuð útbreidd.
22.nóv. 2012 - 13:00 Gunnlaugur Jónsson

Allt sem hægt er að finna upp, hefur verið fundið upp

Jón Steinsson, dósent við Columbia-háskóla í New York, skrifaði grein fyrir nokkru á Eyjuna, þar sem hann mótmælti boðskap mínum um frjálshyggju í ræðu sem ég flutti skömmu áður
15.nóv. 2012 - 09:49 Gunnlaugur Jónsson

Er Stefán Ólafsson mamman?

Stefán Ólafsson hefur staðið fyrir einhverri bestu herferð í þágu frjálshyggju sem sést hefur lengi. Aðferð hans er sú að ráðast gegn hugmyndafræðinni á léttvægan hátt, sem auðvelt er að bregðast við, ef yfirleitt nokkur þörf er á.
12.nóv. 2012 - 11:28 Gunnlaugur Jónsson

Sannleikurinn er öfugur

Stefán Snævarr er prófessor í heimspeki við Háskólann í Lillehammer í Noregi.
02.nóv. 2012 - 14:50 Gunnlaugur Jónsson

Elska skaltu Stefán Ólafsson

Á síðustu dögum hefur mér hlotnast tvenns konar heiður. Fyrst hlaut ég heiðursverðlaun Frjálshyggjufélagsins á aðalfundi þess. Þau komu mér á óvart þar sem ég hélt að ég ætti bara að flytja þar ávarp. Eftir að ræða mín birtist svo á Pressunni hlaut ég hin verðlaunin, sem komu mér ekki síður á óvart. Stefán Ólafsson, prófessor við bráðum einn af 100 bestu háskólum í heimi, svaraði ræðu minni.

Gunnlaugur Jónsson
Gunnlaugur Jónsson er framkvæmdastjóri.
 
Bók hans, Ábyrgðarkver, kom út vorið 2012. Fjallar hann þar um lærdóminn um ábyrgð, sem draga má af bankahruninu.
Pressupennarvinsælast í vikunni
Vilhjálmur Birgisson
Vilhjálmur Birgisson - 25.9.2016
Vissir þú þetta?
Tara Margrét Vilhjálmsdóttir
Tara Margrét Vilhjálmsdóttir - 24.9.2016
10 mýtur um magaband
Ragnheiður Eiríksdóttir
Ragnheiður Eiríksdóttir - 21.9.2016
Í tilefni endaloka Brangelinu
Tara Margrét Vilhjálmsdóttir
Tara Margrét Vilhjálmsdóttir - 23.9.2016
Herför gegn offitu byggist á veikum grunni
Ragnheiður Eiríksdóttir
Ragnheiður Eiríksdóttir - 26.9.2016
Virkar aðgerðir til að efla íslenska karlmenn
Indíana Ása Hreinsdóttir
Indíana Ása Hreinsdóttir - 22.9.2016
Göngum í málið
Björgvin G. Sigurðsson
Björgvin G. Sigurðsson - 24.9.2016
Fátækragildrur á fasteignamarkaði
Magnús Þór Hafsteinsson
Magnús Þór Hafsteinsson - 25.9.2016
Kjósum um framtíðina
Fleiri pressupennar