Bubbi Morthens
06. maí 2011 - 16:00Bubbi Morthens

Þegar við Aggi reyktum rósir

 Hann Aggi vinur minn var magnaður náungi. Blessuð sé minning hans.
 
Hann var fíkill eins og ég og svo margir aðrir í vinahópnum. Einu sinni þegar ekkert hass fannst í bænum, þetta hefur verið svona  í kringum 1981, þá hringir Aggi í mig og segir að hann viti um leið til þess að komast í vímu. Ég tek leigubíl til hans upp á Leifsgötu. Þar bjó hann í kjallara en uppi bjuggu foreldrar hans. Móðir hans var frá Þýskalandi og talaði bjagaða íslensku, faðir hans rak heildsöluverslun.
 
Móðir Agga fékk þá hugmynd í kollinn að ég væri vondur félagsskapur fyrir Agga hennar. Þegar við vorum út úr „stónd“ þarna niðri í kjallaranum að hlusta á prógisíva pönktónlist var víman rofin með háværu banki: „Aggi minn, Aggi minn“ heyrðist kallað hinumegin við dyrnar, fjarri hassþokunni sem umlukti okkur: „Hvað tú að gera Aggi minn?“ 

„Mamma...“ kallaði Aggi til baka: „Við erum bara að hlusta á tónlist.“ Það næsta sem gerðist er að þegar við erum sokknir á bólakaf í dýpri vímuna þá hrökkvum við upp við það að mamma Agga er komin á kjallaragluggan og bankar ótt og títt. 

„Aggi minn, Aggi minn! Hvað tú að gera? 

„Mamma láttu ekki svona“, segir Aggi og stendur upp og kíkir bakvið gluggatjaldið. 

„Hver þarna hjá þér, Aggi minn?“ 

„Það er bara hann Bubbi,“ svarar Aggi. Þá segir mamman: „Hann ekki góður, hann hafa á tér vonda áhrif Aggi minn.“ Eftir stutta stund ákveður hún samt  að fara. Seinna meir kynntist ég henni og hún sá að ég var alla veganna ekki versti kosturinn fyrir hann Agga hennar.
 
En þetta var útúrdúr. Nú skulum við snúa okkur að rósunum. Þegar ég er sestur hjá Agga í kjallaranum þá sé ég líka þennan doðrant á borðinu: „Þetta er málið segir Aggi. Í þessari bók er leyndarmálið!“

„Ha?“ Segi ég. „Já,“ segir Aggi. Þessi bók var á þýsku og var þetta blóma lexikon um allt sem þú vilt vita um blóm. Nú er Aggi komin í stuð. Aggi sem var ljóngreindur hafði fundið það út að það væru jurtir sem hægt væri að reykja og komast í vímu með. Það væri ein ákveðin rósategund sem væri þessi virði að reykja og pottajurt  sem kallaðist passíublóm en rósirnar voru málið. 

Til að gera langa sögu stutta þá var hægt að fá þessar rósir í Blómaval. Við fórum og keyptum þessi lifandi ósköp af rósum og þurrkuðum í kjallaranum inni í ofni. Svo rann upp stundin. Nú skyldum við reykja þessi ilmandi rósablóð og nú höfðu aðrir vinir bæst í hópinn. Menn sem litu út eins og svangir hvolpar sem bókstaflega titruðu af löngun í að komast í blessaða vímuna. Við fyllum pípuna af þurrkuðum rósarblöðum og byrjum að reykja og þessi líka ilmur fyllir herbergið og pípu eftir pípu reykjum við en víman lét á sér standa. Einskonar doði, rósrauður doði lagðist á skynfæri okkar og mildur höfuðverkur fylgdi með, ekki ólíkur því að látin ættingi væri að berja okkur í höfuðið en ætti erfitt með að komast í gegnum heimsins gluggatjöld . 

Eftir þriggja tíma þrotlausar reykingar gafst ég upp og hrindi á leigubíl. Á leiðinni heim tek ég eftir því að leigubílstjórinn er farinn að gefa mér illt auga og eftir smá stund opnar hann gluggana og keyrir það sem eftir er með hann opinn. Ég fattaði þrátt fyrir þennan rósrauða doða sem lá yfir mér að ég ilmaði í orðsins fyllstu merkingu.
 
Daginn eftir þegar ég vaknaði fann ég daufan ilm af rósum af hörundi mínu. Þar var svo tveimur dögum seinna að við félagarnir ákváðum að fara í gufu á Loftleiðum eins og við gerðum oft á þessum tíma. 

Þegar við stígum inn í gufuna eru þarna fyrir tveir þýskir túristar sem Aggi tekur strax að tali og eftir skamma stund förum við að svitna og gufan fer að ilma. Ég tek eftir að túristarnir horfa á okkur ilmurinn verður sterkari og sterkari, rósailmur fyllir gufuna af þessum líka angann. Túristarnir færa sig frá okkur ég gef Agga merki um að stoppa, en nei ekki viðlit, þeir flúðu út. Að losna við ilminn tók okkur  eina til tvær vikur í viðbót - passíu blómið, það er önnur saga.



23.jan. 2015 - 14:35 Bubbi Morthens

Dómarasæti RÚV

Hvernig getur það verið að RÚV beiti þöggun þegar kemur að Gunnari Nelson og þeirri íþrótt sem hann stundar? Þetta er orðin ein vinsælasta íþrótt veraldar og fleiri þúsundir manna og kvenna mæta um hverja helgi allt árið um kring út um allan heim til þess að hvetja sitt fólk áfram. Stöð tvö Sport hefur sýnt frá bardögum Gunnars og Vísir.is sagt frá þeim. Þegar ég á sínum tíma talaði við fólk á 365 og sagði þeim að Gunnar Nelson yrði risi í heimi íþróttanna þá sögðu menn:
16.des. 2014 - 13:18 Bubbi Morthens

Baráttan um RÚV - Fólkið í landinu er að nálgast brúnina

Framsóknarflokkurinn og Sjálfstæðisflokkurinn vilja greinilega taka RÚV í sínar hendur og ráða hvernig fólk starfar þar – fólk sem þeim er þóknanlegt. Þá losna þeir við blaðamenn sem spyrja „nasty“ spurninga eins og Helga Seljan og Sigmar. Þetta virðast vera menn sem þeir vilja losna við. Það er hrollvekjandi að þingmaður geti hótað RÚV og komist upp með það án þess að þurfa hrökklast frá. Dýrasti leigupenni sögunnar hefur í nokkur ár ráðist á RÚV aftur og aftur í pistlum sínum. Þingmenn úr Framsókn hafa verið óhræddir við að tala um það opinberlega að RÚV sé þeim ekki þóknanlegt.
03.des. 2014 - 10:55 Bubbi Morthens

Náttúrupassinn er svívirðilegur

Náttúrupassi, þetta orð hljómar ekki vel. Náttúrupassi og nú er komið að því að við græðum og ekki munum við standa í vegi fyrir að einkaaðilar geti rukkað inn. Inn á hvað ? Á ábúandinn á Meðfelli í Kjós að standa niðri á vegi hér í Kjósinni við Meðalfellsvatn og rukka fólk fyrir að horfa á vatnið eða ganga upp fellið!
25.nóv. 2014 - 13:00 Bubbi Morthens

Lygin

Við gerum öll mistök. Ég hef gert svo mörg mistök að ég hef ekki tölu á þeim. Maður lærir að bera ábyrgð á mistökum sínum og stundum eru mistök manns þannig úr garði gerð að einhver lendir í öldu þeirra og fer á kaf. Þó maður biðjist afsökunar þá er afsökunarbeiðnin jafnvel ekki tekin til greina og maður sættir sig við það og axlar sína ábyrgð. Mistök geta verið allskonar. Að ljúga eru stór mistök og koma oftast í hausinn á manni jafnvel þó það komist ekki upp um mann því innst inni veit maður sjálfur að maður er lygari. Ef eitthvað er í mann spunnið þá líður manni illa með það og reynir að forðast eftir bestu getu að gera það aftur.
15.sep. 2013 - 18:01 Bubbi Morthens

Ungur þar til ég dey

Ég var með litlu stelpuna mína eitt kvöldið. Hún lá ofan á bringunni  minni og hún var sofnuð. Mér leið á einhvern dásamlegan hátt eins ég ég væri ósnertanlegur gagnvart öllu illu. Laus frá áhyggjum, veikindum, amstri og leiðindum. Mér fannst ég óendanlega stór inn í mér.
01.sep. 2013 - 19:00 Bubbi Morthens

Hvenær lýkur refsingu?

Hvenær er búið að refsa manni? Er það þegar afplánun lýkur eða þegar maður yfirgefur fangelsið? Lýkur þá refsingu eða heldur hún áfram?
24.ágú. 2013 - 16:20 Bubbi Morthens

Heiðarleikinn

Kannski er engin heiðarleiki til, bara sakleysingar sem fá skell þegar þeir reyna að vera ærlegir. Í dag eru heiðarlegar manneskjur sem upplýsa okkur um óheiðarleika Valdamanna dæmdar í fangelsi. Uppljóstrarar eru hundeltir og skotnir á færi.
07.ágú. 2013 - 10:49 Bubbi Morthens

Jóhannes vinur minn

Jóhannes vinur minn, oftast kenndur við Bónus, er látinn. Jóhannes var afreksmaður. Það sem hann náði að hrinda í framkvæmd er magnað. Ævistarf hans er og var magnað.
16.júl. 2013 - 20:30 Bubbi Morthens

Haftalandið

Við erum lokuð inni í haftalandi með ónothæfan gjaldmiðil. Við erum með elsta yngsta forsætisráðherra sögunnar.
10.júl. 2013 - 21:45 Bubbi Morthens

Spilling

Spilling  í íslenskri pólitík er staðreynd. Íslenskir pólitíkusar ljúga og kalla það hvíta lygi eða orð þeirra hafa verið á gráu svæði.
04.júl. 2013 - 13:00 Bubbi Morthens

Án listarinnar ríkti andlegt myrkur

Vigdís Hauksdóttir, formaður fjárlaganefndar talar um að leggja listamannalaun niður í þeirri mynd sem þekkist og í staðinn  styrkja unga og efnilega listamenn. Hvaðan þessi hugmynd kemur er ekki gott að segja, en slæm er hún.
19.jún. 2013 - 12:14 Bubbi Morthens

365 miðlar í fararbroddi

Ég er með útvarpsspjallþátt á mánudagskvöldum á Bylgjunni og hef unnið í fleiri verkefnum fyrir 365 miðla á liðnum árum og geri enn.
12.jún. 2013 - 12:20 Bubbi Morthens

Þegar hæfileikana vantar

Mikið er ég orðinn leiður á ásökunum um að íslenskir tónlistarmenn leggi ákveðna tónlistarkonu í einelti.
07.jún. 2013 - 15:48 Bubbi Morthens

Hemmi Gunn

Hemmi Gunn vinur minn er látinn langt fyrir aldur fram.
03.jún. 2013 - 22:10 Bubbi Morthens

Ísland über alles

Ég hef skrifað um það áður og skil ekki hversvegna það finnst ekki gæska og kærleikur hjá íslenskum yfirvöldum í garð flóttamanna sem hingað koma í von um að finna frið og sálarró.
21.maí 2013 - 09:42 Bubbi Morthens

Nú er nóg komið!

Fréttablaðið og Vísir  hringdu í mig daginn fyrir Eurovision og spurðu mig hvort ég væri ennþá þeirrar skoðunar að Eyþór Ingi ætti ekki að fara í keppnina, en á sínum tíma sagði ég við hann í sjónvarpsþættinum Bandið hans Bubba, að hann skyldi sleppa því að fara í Eurovision – til þess væri hann einfaldlega of góður söngvari.
19.maí 2013 - 10:48 Bubbi Morthens

Viktor Hólm

Ég vinn við það að spila og syngja. Það getur verið snúið að vera einn á sviðinu í tvo tíma kvöld eftir kvöld. Þá getur fylgt því talsvert álag að þvælast einn með kassagítar um landið á milli staða.
09.maí 2013 - 20:04 Bubbi Morthens

Barmafull kokteilglös full af fordómum

Ég er faðir fjögurra stelpna. Þær eru aldar upp við það að stelpur geti gert og orðið það sem þeim langar að verða. Ég reyni að blása þeim í brjósti þá hugsun að þeirra bíði dásamleg framtíð, það eina sem maður þurfi sé vilji, löngun og dugnaður.
02.maí 2013 - 20:48 Bubbi Morthens

Eftir kosningar

Niðurstöður kosninga munu líklega halda áfram að kosta sundrung, læti, öskur, reiði, bölv og ragn.
Þannig erum við virðist vera.
24.apr. 2013 - 10:36 Bubbi Morthens

Stíg ekki framar inn á Kaffi París

Kaffi París var kaffihúsið mitt um tíma, bæði eftir AA fundi og ófáa morgna sátum við Gunnar Dal heitinn ásamt öðrum félögum og drukkum kaffi og spjölluðum.
13.apr. 2013 - 10:10 Bubbi Morthens

Plott Hönnu Birnu

Hanna Birna getur sagt það sem hún vill en að það er næstum ógjörningur að trúa henni. Kjartan Gunnarsson, Davið Oddsson, Styrmir og Hannes eru bakland hennar.
07.apr. 2013 - 21:15 Bubbi Morthens

Niðurskurður

Hvað hefur gerst í heilbrigðismálunum okkar? Hvernig gat þetta farið svona? Spítalar eru næstum óstarfhæfir sökum niðurskurðar. Fólk liggur á göngum, laun eru of lág, læknar flýja land og tækjabúnaður er úreltur.
20.mar. 2013 - 08:18 Bubbi Morthens

Stormurinn

Ég er búin að vera í hljóðveri undanfarið að taka upp plötu.
11.mar. 2013 - 18:31 Bubbi Morthens

Stjórnvöld með frost í hjarta

Mary Luz Suarez Ortiz, heitir hún. Hennar  ástríða er að elda mat. Hún kom hingað til Íslands í boði stjórnvalda en nú neita þessi sömu stjórnvöld henni um ríkisborgararétt. Hroki og fyrirlitning eru orð sem manni dettur í hug. Fáviska, blinda, kuldi og skeytingaleysi eru önnur orð sem manni dettur í hug.
04.mar. 2013 - 10:38 Bubbi Morthens

Eigendur og fjölmiðlar

Ef menn vilja í alvöru tala um tengsl eiganda á fréttablöðum eða öðrum miðlum þá ættu menn að ræða líka  í fullri alvöru tengsl eigenda DV við blaðið. Sama á við um Viðskiptablaðið og Morgunblaðið. Það eru fleiri miðlar en bara þessi sem ég tel upp sem eru í eigu fólks sem vinnur á þeim sem ég nenni ekki að týna til.
27.feb. 2013 - 09:54 Bubbi Morthens

Krónan er 4 aura danskra virði

Stór hluti almennings blæðir vegna þessa, samt ætlar fólk að kjósa þá sem bjóða almenning pússaða hlekki, nýja hnúta og  svipu. Krónan er versti óvinur þjóðarinnar. Að tala niður krónuna er þjóðþrifamál, það er ekkert rangt við það - það er heilbrigð skynsemi. Krónan er hengingaról almennings.
13.feb. 2013 - 07:00 Bubbi Morthens

Fasismi

Ég skrifaði pistil hér um daginn sem ég kallaði tvískinnungur. Í pistlinum varpaði ég upp þeirri hugmynd að úr því að farið sé að setja starfsfólk fyrirtækja í fíkniefnapróf hvort það væri ekki gráupplagt að setja þá alla í áfengispróf líka.
09.feb. 2013 - 09:48 Bubbi Morthens

Tvískinnungur

Þegar ég var ungur þótti það eðlilegt að fara út á sjó drukkinn, hálfur eða vel þunnur eftir ball. Menn lögðu sig á útstíminu, vöknuðu veikir og ældu sumir hverjir. Menn glottu, drukku bleksvart kaffi sem var svartara en nóttin og reyktu filterslausan Camel og spurðu: ...gerði ég eitthvað af mér í gær?
06.feb. 2013 - 14:06 Bubbi Morthens

Íslandsmet í sjálftöku

Jæja, þá er það komið fram sem ég hef svo oft skrifað um. Slitastjórn Glitnis með Steinunni í farabroddi og Pál Eiríksson í eftirdragi hefur stimplað sig rækilega inn sem landsliðsfólk í græðgi.
27.jan. 2013 - 13:18 Bubbi Morthens

Dylgjumeistari DV

Ég sé að Heiða B. fótgönguliði á netinu, dylgjumeistari og starfsmaður DV sendir mér einskonar kveðju á blogginu vegna þess að að ég söng um vinnubrögð DV í Ísafjarðamálinu svokallaða.  Skoðun mín á DV hefur lítið breyst síðan og hefur ekkert með þolendur kynferðismála að gera. Hjá þeim liggur öll mín samúð enda reynt það á eigin skinni.
24.jan. 2013 - 09:41 Bubbi Morthens

Áætlun: Linur limur

Hvert er útspil VG fyrir kosningar til þess að bjarga ástandinu á Íslandi?
20.jan. 2013 - 21:22 Bubbi Morthens

Framtíð fyrir börnin okkar

Krónan veikist og heimili landsins veikjast. Börnin mín líða fyrir þetta, þjóðin líður fyrir þetta.  Skuldir mínar og þínar hækka. Gjaldeyrishöftin áttu að vera í 10 mánuði, já 10 fokking mánuði. Fólk verður að skilja að krónan er versti óvinur alþýðumanna hér á landi. Krónan veikist þrátt fyrir gjaldeyrishöftin. Þetta þýðir að að þeir sem eiga að stjórna því að hlutirnir gangi rétt fyrir sig, hafa misst tökin. Erlendir vogunarsjóðir voma yfir landinu líkt og soltnir hrafnar sem mæta á blóðvöllinn og ráðamenn láta sem lítið sé að.
16.jan. 2013 - 09:05 Bubbi Morthens

Handbolti og vælubíll Morgunblaðsins

Morgunblaðið hefur reynt að koma höggi á 365 miðla með því að gráta krókódílatárum yfir því að HM í handbolta sé sýnt á áskriftarstöð. Bæði hafa verið skrifað um það furðufréttir og tekið stutt viðtal við útvarpstjóra RÚV í Morgunblaðinu. Í löndum í kringum okkur er það nú þannig að áskriftarsjónvarpsstöðvar eru flest allar með stærri  íþróttaviðburði á sínum snærum með örfáum undantekningum.
31.des. 2012 - 12:28 Bubbi Morthens

Hin gömlu kynni...

Áramótin hafa aldrei verið minn tími ef svo má að orði komast. Áramótin voru alltaf vonbrigði í æsku minni , en ég elska hins vegar lagið  sem  svo oft er sungið um áramótin: „Hin gömlu kynni“.
24.des. 2012 - 09:58 Bubbi Morthens

Ég sakna mömmu

Ég sakna móður minnar alla daga en þó mest  á jólunum. Ég hugsa til hennar með hlýju og þakklæti. Núna er ég sex barna faðir og fæ að hafa öll börnin mín hjá mér þessi jól.
19.des. 2012 - 16:38 Bubbi Morthens

Reiðin

Reiðin tekur frá þér allan skilning. Reiðin sviptir þig fókus á málum sem mögulega gætu fengið þig til þess að sjá hluti í skýrara samhengi. Reiðin gerir þig blindan. Það er auðvelt að stjórna þeim sem er reiður. Það þarf bara að fóðra reiðibálið og hann er þinn.
28.nóv. 2012 - 18:41 Bubbi Morthens

Skrifblindur í landi hins heilaga ritaða máls

Að vera skrifblindur í landi þar sem hið skrifaða mál er talið heilagt og nánast ósnertanlegt er mikið böl fyrir þá sem eru haldnir þessari fötlun, ef svo má að orði komast.
21.nóv. 2012 - 17:00 Bubbi Morthens

Bara ef það hentar mér

Ef glæpamaður myndi brjótast inn hjá svokölluðum athafnarmanni og yrði dæmdur í framhaldinu, teldu menn þá dóminn bull og dómaainn hafi tekið sér stöðu við hliðina á athafnarmanninum? Og ef sá seki segir í fjölmiðlum að sér finnist hann ekki hafa gert neitt rangt og það sé í lagi að brjótast inn hjá athafnarmanni og hann muni hugsanlega og kannski bara gera það aftur – þætti mönnum það eðlileg viðbrögð?
16.nóv. 2012 - 16:30 Bubbi Morthens

Kastljósi er engin vorkunn

Ein fyrsta minning mín úr íslensku sjónvarpi er Savanna tríóið að spila í svarthvítri mynd.
11.nóv. 2012 - 20:05 Bubbi Morthens

RÚV á ekki að verða Stöð 2

Þegar lítið er af peningum í landinu má spyrja sig hvort ekki mætti nota eitthvað af þessum skattgreiðslum sem RÚV fær í að endurnýta tækjakost Landspítalans þar sem háir sem lágir þurfa að leggjast inn – og sumir á göngunum!
30.okt. 2012 - 12:10 Bubbi Morthens

Ég á mér draum

Áður en ég prufaði kókaín hafði ég misnotað hass í fjölda ára. Hvenær var það sem ég prufaði kókaín í fyrsta skipti? Það  var í Hafnafirði og árið var 1982 og mánuðurinn október. Ég var að taka upp plötu og áhrifin voru rosaleg.
25.okt. 2012 - 10:37 Bubbi Morthens

Göngin

Heilbrigðiskerfið okkar er í molum. Tæki eru biluð og langir biðlistar og þar er  skorið niður, hægri vinstri. Skólakerfið okkar er ekki það besta, leikskólar eru í vandræðum með fagfólk og við förum illa með gamalt fólk.
16.okt. 2012 - 16:15 Bubbi Morthens

Karlmennska árið 1974

Vertu stoltur yfir því að vera karlmaður, sagði kallinn við mig. Vertu stoltur yfir böllinum, vertu stoltur yfir skeggrótinni.Vertu karlmaður alla leið.
10.okt. 2012 - 10:52 Bubbi Morthens

Nelson

Í heimi hnefaleikanna og í heimi blandaðra bardagaíþrótta eru margir kallaðir en fáir útvaldir.  Af þeim  sem stunda þessar íþróttir sem atvinnumenn eru aðeins handfylli sem ná alla leið, auðgast og ganga  frá hringnum óskaddaðir. Hinn venjulegi maður getur æft hnefaleika eða blandaðar bardagaíþróttir án þess að þurfa fara í hringinn til að berjast; ef þú vilt komast í alvöru form farðu þá í Mjölni og birjaðu að æfa.
02.okt. 2012 - 20:01 Bubbi Morthens

Spangir á tönnum og annar sannleikur

Það eru magnað að sjá hvernig umræðan hefur breyst eftir hrun. Að mörgu leyti til batnaðar en líka á hinn veginn þar sem pólitískur rétttrúnaður ríkir.
18.sep. 2012 - 09:13 Bubbi Morthens

Baltasar klífur hæstu tinda

Allar þjóðir eiga afreksmenn í íþróttum. Allar þjóðir eiga listamenn sem hafa áhrif á samfélagið sem þeir lifa og hrærast í.
09.sep. 2012 - 10:38 Bubbi Morthens

Hégóminn er harður húsbóndi

Dag einn þegar ég kom heim sátu tvær konur við eldhúsborðið að tala við Hrafnhildi. Þær voru bókstaflega alveg uppljómaðar að ræða leyndardóma fegurðarinnar og allskonar krem og dót sem konur nota til þess að líta betur út. Ég hugsaði með mér að ástin mín þurfi ekki á neinum kremum eða dóti að halda.
15.ágú. 2012 - 10:00 Bubbi Morthens

Þú ert flottur!

Var að hlusta á Bylgjuna einn morguninn þar sem hlustendur voru spurðir hvort þeim þætti Jón Gnarr borgastjóri hafa farið yfir strikið með því að mótmæla í gleðigöngunni yfir því að hljómsveitin Pussy Riots sé höfð í fangelsi fyrir að mótmæla einræði Pútíns Rússlandsforseta. Sumum finnst hann hafa farið yfir strikið vegna þess að þeim þykir borgarstjóraembættið svo virðulegt.
30.júl. 2012 - 10:43 Bubbi Morthens

Flottasta tónlistarútihátíð landsins

Þjóðhátíð í Vestmannaeyjum á sér langa hefð. Nú á seinni árum er þjóðhátíðin orðin einn af stærstu viðburðum landsins hvað skemmtunarhaldi viðkemur og er orðin stærsta útitónlistarhátíð landsins.
25.júl. 2012 - 19:55 Bubbi Morthens

Jóhannes í Iceland

Jóhannes vinur minn kenndur við Bónus en verður  sennilega Jóhannes í Iceland í framtíðinni er að fara að opna verslun í Engihjallanum í Kópavogi þann 26. júlí. Hann er líka að opna netverslun þar sem  þú getur pantað og fengið sendar til þín vörur hvar sem þú býrð á landinu.

Hannes Hólmsteinn Gissurarson
Hannes Hólmsteinn Gissurarson - 07.10.2017
Voru bankarnir gjaldþrota?
Aðsend grein
Aðsend grein - 07.10.2017
Skilyrðislaus ást
- 07.10.2017
Stundarbilun
Vilhjálmur Birgisson
Vilhjálmur Birgisson - 10.10.2017
Þessu er ég ekki búinn að gleyma!
Brynjar Nielsson
Brynjar Nielsson - 09.10.2017
Blekkingin er algjör
Gunnlaugur Jónsson
Gunnlaugur Jónsson - 16.10.2017
Við hvaða tölu innflytjenda verður þú rasisti?
Brynjar Nielsson
Brynjar Nielsson - 11.10.2017
Bagalegt að Samfylkingin sé enn í henglum
Hannes Hólmsteinn Gissurarson
Hannes Hólmsteinn Gissurarson - 14.10.2017
Þriðja stærsta gjaldþrotið?
Brynjar Nielsson
Brynjar Nielsson - 18.10.2017
Einfaldur sannleikur setur allt á annan endann
Vilhjálmur Birgisson
Vilhjálmur Birgisson - 13.10.2017
Samfélagsbanki fyrir íslenskan almenning
Börkur Gunnarsson
Börkur Gunnarsson - 17.10.2017
Missti af þessum látum á Stundinni
Fleiri pressupennar
Tapasbarinn: Hvítlaukshumar sept 2017