27. jún. 2012 - 12:00Brynjar Nielsson

Hvenær eru sakaðir menn saklausir?

Í kjölfar niðurfellingar máls, þar sem Egill Einarsson var sakaður um nauðgun, hefur orðið undarleg umræða í fjölmiðlum og vefsíðum. Það er svo sem ekkert nýtt enda bloggarar sérfræðingar í öllu öðru fremur, ekki bara í sakamálaréttarfari heldur einnig í réttlæti, sanngirni, mannréttindum og fleiru. Nú er ljóst að þeir sem vonuðu innilega að Egill yrði ákærður eru miður sín yfir þessum málalokum, þannig að hefndin og vandlætingin fær takmarkaða útrás hjá þeim. Hamast þeir því enn og halda því fram að Egill sé samt sekur eða að minnsta kosti ekki sannað að hann sé saklaus. Þetta er sérkennileg nálgun og nýmæli að sakleysi þurfi að sanna.

Það er enginn munur á því að vera sýknaður í dómsmáli eða mál látið falla niður hjá ákæruvaldi vegna þess að sök telst ekki sönnuð eða gögn benda til hins gagnstæða. Egill er því, eins og allir aðrir, saklaus þar til sekt hans er sönnuð. Auðvitað er það þannig að sekir menn geta verið sýknaðir - alveg eins og saklausir menn geta verið sakfelldir. Það hefur hins vegar engan tilgang að vera velta sér upp úr slíku.

Eigum við bara ekki að gleðjast yfir því að gögn málsins benda ekki til sektar Egils. Þá hefur stúlkunni kannski ekki verið nauðgað og saklaus maður ekki verið ákærður. Það er gleðiefni hefði maður haldið. En svo er ekki hjá mesta ofstækisfólkinu. Það skal djöflast í manninum fram í rauðan dauðann. Allt, að því er virðist, vegna gamallar bloggfærslu hans sem fabrikeruð persóna, þar sem gert var grín að einhverjum íslenskum femínistum sem trúa því að karlmenn almennt kúgi konur og beiti þær kynferðislegu og andlegu ofbeldi eftir hentugleika. Það grín var óviðeigandi að mati margra og þess vegna baðst Egil afsökunar á því. Það er ekki nýtt að menn hafi gert grín að einstaklingum og hópum með grófum hætti. Mér er minnistætt grín borgarstjórans í Reykjavík að fötluðu fólki í nafni gervipersónu, sem mörgum misbauð. Kannski eru fatlaðir ekki eins hefnigjarnir og ofstækisfullir og margir aðrir.

Sérfræðingar í sekt og sakleysi hafa svarað spurningu minni í fyrirsögn pistils þessa. Þeir sem einu sinni hafa verið sakaðir um brot eru aldrei saklausir, að minnsta kosti ekki þeir sem sakaðir eru um kynferðisbrot. Og þá höfum við það og við skulum vona að þessir sömu sérfræðingar verði aldrei sakaðir um slík brot.




23.apr. 2014 - 16:43 Brynjar Nielsson

Lágt lagst

Ekki er nýjung í samkvæmum að gera grín að eða heimfæra brandara upp á þjóðþekkta Íslendinga. Á það bæði við klúra og óklúra brandara.
13.apr. 2014 - 15:30 Brynjar Nielsson

Dýrkeypt mistök stjórnmálamanna eftir hrun

Nú virðist margt benda til að mestu og dýrkeyptustu mistök stjórnmálamanna hafi verið eftir hrun. Þess vegna eru stjórnarandstæðingar farnir að hamra aftur á ábyrgð Sjálfstæðisflokksins á hruni bankanna. Og alls ekki má nefna ríkisvæðingu skulda einkaaðila upp á þúsund milljarða í icesave I heldur bara ríkisvæðingu verðtryggðra skulda heimilanna, sem er hið mesta hneyksli að mati stjórnarandstæðinga.

09.apr. 2014 - 16:51 Brynjar Nielsson

Ríkisvæðing einkaskulda

Ég hef aldrei farið í launkofa með litla hrifningu mína af skuldaniðurfellingaleið á verðtryggðum skuldum. Ég hef hins vegar lýst yfir stuðningi mínum að fara þessa blönduðu leið stjórnarflokkanna sem efnahagsaðgerð til að efla millistéttina í landinu sem fór verst út úr hruninu.
07.apr. 2014 - 17:25 Brynjar Nielsson

Getur verið að hrokinn sé meiri hjá prestinum?

Ég sá einhvers staðar að séra Hildur Eir Bolladóttir sálgreindi forsætisráðherra sem hrokafullan mann sem skorti samlíðan og samhygð með þjóðinni. Sé að margir vinstri menn taka undir þessa greiningu. Ekki er það nýtt að vinstri menn sálgreini pólitíska andstæðinga sína á þennan hátt og venjulega bætt við að þeir séu heimskari en aðrir.
05.mar. 2014 - 11:50 Brynjar Nielsson

Ragnar Reykás varð ekki til úr engu

Umræða í Íslandi er oft sérkennilega mótsagnakennd. Stundum eru þingmenn skammaðir fyrir að taka ekki afstöðu eftir sannfæringu sinni heldur eftir skipunum af ofan. Nú heitir það loforðasvik og jafnvel svik við þjóðina að greiða ekki atkvæði í samræmi við túlkun sumra á orðum forystumanna Sjálfstæðisflokksins fyrir síðustu kosningar.
01.mar. 2014 - 15:52 Brynjar Nielsson

Hvar voru þá Hallgrímarnir og Illugarnir?

Ég get skilið óánægju margra með þingsályktunartillögu um að slíta formlega aðildarviðræðunum án þess að spyrja þjóðina, sérstaklega með hliðsjón af orðum forsvarsmanna ríkisstjórnarflokkanna undanfarin misseri.
18.feb. 2014 - 08:35 Brynjar Nielsson

Er sannleikurinn vandræðalegur?

Eins og segir í sígildri sögu um nakinn keisara, er engu líka en að við Íslendingar séum allsberir, í sama skilningi, þegar kemur að svokölluðum Evrópumálum. Þess vegna verðum við mörg ægilega hissa þegar á það er bent.  Á það bæði við um þá sem vilja ganga í ESB og þá sem utan þess vilja standa. Rétt er því að benda á nokkrar staðreyndir í von um að keisarinn komi sér allavega í nærföt.
17.feb. 2014 - 20:36 Brynjar Nielsson

Ég hef skilning á viðbrögðum forsætisráðherra

Mörgum finnst að forsætisráðherra eigi bara að vera embættismaður sem eigi helst ekki að hafa miklar skoðanir og alls ekki gagnrýna aðra sem völd og áhrif hafa.
13.feb. 2014 - 19:37 Brynjar Nielsson

Ætlar Mörður að sitja áfram?

Mörður Árnason lét að því liggja í þinginu í dag að í gangi væri sakamálarannsókn í þessu undarlega „lekamáli" og að innanríkisráðherra, meðal annarra, lægi undir grun. Því ætti ráðherrann að segja af sér.
10.feb. 2014 - 09:23 Brynjar Nielsson

Ljóðskáldið ljúfa

Af einhverjum ástæðum er í gangi einkennilega rík þörf margra manna til að rita mér opin bréf. Nú síðast hið kærleiksríka og umburðarlynda ljóðskáld, Bragi Páll Sigurðarson, á fésbókarsíðu sinni. Svo algengt er þetta að verða að  ætla mætti að það væri hluti af einhverju sporakerfi að rita opin bréf til mín. Ef þannig er í pottinn búið vona ég að  það geri mönnum gagn.
16.jan. 2014 - 14:57 Brynjar Nielsson

Pólitískir ákafamenn og dómstóll götunnar

Ég ritaði fyrir skemmstu rökstudda gagnrýni á dóm héraðsdóms Reykjavíkur í svokölluðu Al- Thani máli. Ástæðan var ekki eingöngu sú, að ég væri ósammála niðurstöðu dómsins heldur einnig að almenningur fengi að sjá röksemdir og sjónarmið ákærðu, en á það skorti mjög í héraðsdómnum.
11.jan. 2014 - 09:46 Brynjar Nielsson

Al Thanímálið: Úttekt

Frá fyrirtöku málsins í Héraðsdómi. Eftir uppkvaðningu dóms Héraðsdóms Reykjavíkur í svokölluðu Al Thani-máli gerðist ég svo djarfur að lýsa því yfir að ég væri ósammála niðurstöðunni og teldi dóminn rangan.  Það var eins og við manninn mælt, margir risu upp á afturlappirnar vegna þessarar afstöðu minnar.
05.jan. 2014 - 17:26 Brynjar Nielsson

Sérfræðingar að sunnan

Það er ekki nýtt að nýútskrifaðir lögfræðingar telji sig sérfræðinga, jafnvel þótt þeir hafi sjaldan eða aldrei í dómsal komið. Það er ekki langt síðan einn slíkur taldi sig þurfa að kenna mér sitthvað í sakamálaréttarfari , um skjalafals og réttindi flóttamanna og jafnvel fleira. Á endanum kom í ljós að Hæstiréttur var jafnvitlaus og ég.
04.jan. 2014 - 16:44 Brynjar Nielsson

Svar til Sigurðar Hólm

Í hvert sinn sem ég tjái mig um kristna trú og kristindóm rjúka æðstuprestar Vantrúar og Siðmenntar til og senda mér bréf. Nú síðast Siðmenntarmaðurinn, Sigurður Hólm og bregst hart við ræðu minni sem ég flutti í Seltjarnarneskirkju á nýársdag.
29.des. 2013 - 12:00 Brynjar Nielsson

Tímagjald lögmanna

Talsverð umræða hefur orðið um „laun“ lögmanna vegna tímagjalds þeirra sem tóku að sér slitastjórn föllnu bankanna. Áður en lengra er haldið er rétt að minna á að tímagjald útseldrar vinnu er ekki sú fjárhæð sem situr eftir í vasa lögmannsins.
17.des. 2013 - 15:57 Brynjar Nielsson

Sungið um vondu flokkana

Það var athyglisverður leiðari hjá Friðriku Benónýsdóttur í Fréttablaðinu í gær. Þar rifjar hún upp tónlistargjörning Ragnars Kjartansson fyrir kosningarnar í vor þar sem hann söng í síbylju "Ekki kjósa Framsókn eða Sjálfstæðisflokkinn, því ef þú gerir það þá fer allt til helvítis". Friðrikka telur greinilega að listamaðurinn hafi verið sannspár enda slíkir menn með gáfur sjáandans og hæfni til að greina samfélagið skarplegar en aðrir að hennar mati. Síðan skilur Friðrikka ekkert í því að þetta forríka samfélag skuli ekki skattleggja mikilvægastu atvinnugrein þjóðarinnar meira og hætti að taka eignir þeirra í ríkissjóð sem eiga meira en þeir þurfi.
16.des. 2013 - 16:55 Brynjar Nielsson

Rugluð umræða

Þau komu nú ekkert á óvart heiftarleg viðbrögð margra við þeirri skoðun minni að dómurinn í Al-Thani málinu hafi verið rangur. Hefði dómurinn sýknað ákærðu hefði reiðin beinst gegn dómurunum.
12.des. 2013 - 16:30 Brynjar Nielsson

Merkilegur dómur í Al-Thani málinu

Merkilegur dómur í Al Thani málinu.
11.des. 2013 - 09:07 Brynjar Nielsson

Það er svo geggjað...

Að eitthvað sé „geggjað“ heyrist stundum í orðræðu ungmenna. Þetta orð kom upp í huga minn þegar ég hlustaði á stjórnarandstöðuna í umræðunni á þinginu í gær um fyrirhugaðar breytingar á fjárlagafrumvarpinu. Þó ekki í þeirri jákvæðu merkingu sem unglingarnir leggja í orðið. Ég geri enga kröfu um að hin pólitíska umræða sé alltaf vitræn, sanngjörn og heiðarleg. En ég vissi samt ekki að hún gæti verið svona geggjuð.
04.des. 2013 - 17:18 Brynjar Nielsson

Endalaus uppstokkun

Lilja Mósesdóttir talaði um nauðsyn uppstokkunar á vinstri væng stjórnmálanna eftir fjögurra ára stjórnartíð þeirra, svo hræðilega hafi vinstri stjórnin staðið sig.
01.des. 2013 - 15:10 Brynjar Nielsson

Fram úr björtustu vonum

Alla tíð hef ég verið mjög skeptískur  á almenna höfuðstólslækkun verðtryggðra húsnæðislána í boði ríkissjóðs til að auðvelda fólki að ná endum saman um hver mánaðarmót. Aðrar leiðir væru betri og sanngjarnari. Ég sjálfur alltaf talið mikilvægast að allir þeir fjármunir sem fengjust hugsanlega vegna skattlagningu á fjármálafyrirtæki í slitameðferð og vegna lausnar á „sjóhengjunni“ færi að mestu í niðurgreiðslu á skuldum ríkissjóðs. Það gæfi möguleika á verulegri skattalækkun og þar með auknum ráðstöfunartekjum.
21.nóv. 2013 - 09:43 Brynjar Nielsson

Nú eru þeir í essinu sínu

Gamlir sósíalistar eru enn í essinu sínu fimm árum eftir bankahrunið. Orð eins og yfirstéttin og auðvaldið eru aftur orðin vinsæl.
17.nóv. 2013 - 18:28 Brynjar Nielsson

Svona geta hlutirnir verið öfugsnúnir

Það var einkum tvennt sem vakti athygli mína í þætti Gísla Marteins í morgun. Annars vegar mat Svandísar Svavarsdóttur að það væri óeðlileg valdbeiting stjórnarmeirihlutans að hafa kjark og þor til að framkvæma fyrirliggjandi tillögur um hagræðingu og niðurskurð. Þetta er sama manneskjan og ætlaði að þvinga fram ábyrgð skattgreiðenda á skuldum annarra í krafti stjórnarmeirihluta og án þess að spyrja þessa sömu skattgreiðendur. Og sama manneskjan sem þótti rétt að beita valdi til fara gegn sátt um Rammaáætlun og þvinga fram tilhæfulausa ákæru gegn pólitískum andstæðingum.
14.nóv. 2013 - 09:51 Brynjar Nielsson

Ekkert kjaftshögg á framsókn

Einhverjum finnst ég gefa Framsóknarflokknum kjaftshögg vegna ummæla minna um niðurfærslutilögur hans á verðtryggðum lánum. Í kosningabaráttunni í vor lýsti ég þeirri skoðun minni að ég teldi tilllögur framsóknarmanna óskýrar og tæplega framkvæmanlegar og sennilega óskynsamar þó svo væri. Skoðun mín er því ekki ný af nálinni og skil því ekki að hún komi mönnum á óvart nú.
28.okt. 2013 - 20:50 Brynjar Nielsson

Refsingar fyrir kynlífskaup

Undarlega heiftúðug viðbrögð við þeirri skoðun minni að ekki eigi að refsa fyrir kynlífsviðskipti. 
27.okt. 2013 - 20:22 Brynjar Nielsson

Er engin forgangsröðun hjá lögreglu?

Fyrir nokkrum árum þótti þingmönnum rétt að hafa afskipti af kynlífi fullráða fólks með því að refsa kaupendum kynlífs þar sem seljandinn væri fórnarlamb hans. Tilgangurinn var sá að stemma stigu við vændi og ýmsum óæskilegum fylgifiskum þess.
21.okt. 2013 - 12:00 Brynjar Nielsson

Tillögur stjórnlagaráðs vondar

Nú streymir tölvupóstur til mín og annarra þingmanna þar sem við erum spurðir að því hvort við teljum það siðferðilega og pólitíska skyldu okkar að virða niðurstöðu þjóðaratkvæðagreiðslu um tillögur stjórnalagaráðs að nýrri stjórnarskrá. Svar mitt er neitandi af eftirfarandi ástæðum:
19.okt. 2013 - 09:00 Brynjar Nielsson

Ekki boðlegur málflutningur

Mikið er aumt að sjá fólk gera lítið úr hæfni ráðherra með niðurlægjandi hætti. Það var lenska þegar fyrrverandi forsætisráðherra átti í hlut og nú skal það vera utanríkisríkisráðherra.
14.okt. 2013 - 12:23 Brynjar Nielsson

Spillingin

Mér skilst að Davíð Oddson eigi nokkur þúsund skyldmenni. Það gengur auðvitað ekki að þetta fólk sæki um störf. Djö... er þetta mikil spilling.
11.okt. 2013 - 15:39 Brynjar Nielsson

Hvar var Illugi síðustu ár?

Illugi Jökulsson spurði í pistli á Eyjunni hvað Brynjar Níelsson hafi gert í sumar á sama tíma og hann vilji nú  auka framlag til Landspítalans umfram það sem gert er ráð fyrir í fjárlagafrumvarpinu.  Illugi svarar því síðar í pistlinum hvað Brynjar gerði í sumar. Hann nefnilega afsalaði ríkinu miklum tekjum af óbreyttu auðlindagjaldi og auðlegðarskatti og hinni blómstrandi ferðaþjónustu. Þessi gjafmildi Brynjars til hinna forríku geri það að verkum að ekki er hægt að auka við fé til Landspítalans nema skera niður nauðsynlega þjónustu sem komi illa við þá verst settu.
06.okt. 2013 - 11:11 Brynjar Nielsson

Skil ekkert í fjármálaráðherra

Ég skil ekkert í fjármálaráðherra að ætla afsala ríkissjóði tekjum með því að taka ekki fjármuni af fyrirtækjum og fólki sem er aflögufært.Ég skil ekkert í fjármálaráðherra að ætla afsala ríkissjóði tekjum með því að taka ekki fjármuni af fyrirtækjum og fólki sem er aflögufært.
01.okt. 2013 - 21:05 Brynjar Nielsson

Veikburða gagnrýni vegna fjárlagafrumvarpsins

Afskaplega hefur mér fundist gagnrýni stjórnarandstöðunnar á fjárlagafrumvarpið verið veikburða í dag. VG-liðar finna helst að því að meiri áhersla sé lögð á niðurskurð en tekjuöflun (m.ö.o hækkun skatta) og þetta sé frumvarp stöðnunar.
01.okt. 2013 - 12:42 Brynjar Nielsson

Af mótmælum

Hverju ætla ungir jafnaðarmenn að mótmæla við þingsetninguna í dag?
09.sep. 2013 - 11:45 Brynjar Nielsson

Karp um flugvöll

Það er enginn ágreinigur um að sveitarfélög fara með skipulagsvaldið. Borgaryfirvöld fara því með skipulagsvaldið í Reykjavík. Samgöngur til og frá höfuðborginni eru samt ekki einkamál Reykvíkinga.
01.sep. 2013 - 17:44 Brynjar Nielsson

Brennuvargarnir

Fólk á mínum aldri las flest í menntaskóla bók eftir Max Frisch sem heitir Biedermann und die Brandstifter. Hún fjallar um hugleysi Biedermanns (smáborgarans) og sjálfsblekkingu þess, sem reynir að geðjast þeim sterku. Biedermann vill vera talinn góður en eins og oft með slíkt fólk er hann huglaus. Á endanum verður hann svo meðvirkur að hann er tilbúinn að láta brennuvörgunum í té eldspýtur.
26.ágú. 2013 - 11:38 Brynjar Nielsson

Bogin spillingarumræða

Jóhanna og Steingrímur lögðu á auðlegðarskatt þótt flesti önnur lönd Evrópu væru búin að afleggja slíka skattlagningu. Er hann lagður á heildareignir viðkomandi og ekkert undanskilið nema lífeyrissjóðsinneignir.
21.ágú. 2013 - 07:00 Brynjar Nielsson

Hvað er að því að leggja RÚV niður?

Margir virðast trúa því að allt fari hér í kaldakol verði RÚV ekki rekið áfram í óbreyttri mynd.
20.ágú. 2013 - 13:39 Brynjar Nielsson

Allt í fári

Nú er allt í fári í þessari ESB umræðu.
15.ágú. 2013 - 13:46 Brynjar Nielsson

Formaður Vantrúar og frjálshyggjan

Þess vegna geri ég engar athugasemdir við það að trúlausir stofni sérstakt félag. Mér finnst hins vegar skrýtið að stofna félag með það að markmiði að berjast gegn trúfélögum „eða vinna gegn boðun hindurvitna“ eins og Vantrú orðar það. Það er svona eins og að „antisportistar“ stofni sérstakt félag til að berjast gegn íþróttafélögum í landinu.
03.ágú. 2013 - 13:58 Brynjar Nielsson

Skrítið viðtal á Eyjunni

Ég las á Eyjunni skrítið viðtal við Björn Bjarnason í tilefni af pistli mínum um árangur sérstaks saksóknara og fréttum af þeim árangri. Björn Bjarnason, sem ég tel einn af bestu ráðherrum sem við höfuð átt, segir að stjórnmálamenn eigi ekki að hafa afskipti af einstökum ákvörðunum ákæruvalds. Þar erum við Björn fullkomlega sammála enda var ég ekki að fjalla um eða gagnrýna ákvarðanir sérstaks saksóknara í einstökum málum í pistli mínum.

Brynjar Níelsson
Hæstaréttarlögmaður. Alþingismaður Sjálfstæðisflokksins.
Brynjar Nielsson
Brynjar Nielsson - 13.4.2014
Dýrkeypt mistök stjórnmálamanna eftir hrun
Hannes Hólmsteinn Gissurarson
Hannes Hólmsteinn Gissurarson - 18.4.2014
Nýjar upplýsingar um gamalt trúnaðarbrot
Sigurður G. Guðjónsson
Sigurður G. Guðjónsson - 18.4.2014
Frjálst fall
Brynjar Nielsson
Brynjar Nielsson - 23.4.2014
Lágt lagst
Guðlaugur Þór Þórðarson
Guðlaugur Þór Þórðarson - 21.4.2014
Hvers konar fréttamennska er þetta?
Hannes Hólmsteinn Gissurarson
Hannes Hólmsteinn Gissurarson - 10.4.2014
Eru háskólakennarar í pólitískri krossferð?
Hannes Hólmsteinn Gissurarson
Hannes Hólmsteinn Gissurarson - 12.4.2014
Ritaskrá mín fyrir 2013
Sigurður G. Guðjónsson
Sigurður G. Guðjónsson - 21.4.2014
Þarf sérstakan til að rannsaka Sérstakan?
Hannes Hólmsteinn Gissurarson
Hannes Hólmsteinn Gissurarson - 11.4.2014
Lesendur geta sjálfir staðreynt málið
Þórhallur Heimisson
Þórhallur Heimisson - 13.4.2014
Hallgrímur Pétursson – fimmti hluti
Ingrid Kuhlman
Ingrid Kuhlman - 22.4.2014
Vá-tilfinningin
Þórhallur Heimisson
Þórhallur Heimisson - 20.4.2014
María Magdalena og páskaeggin
Fleiri pressupennar