Að ná hárinu alveg ljósu

Þær stelpur sem eru með náttúrulega dökkt hár eða skollitað hár eins og ég og vilja lita það ljóst, hafa ábyggilega flestar komist að því að það getur tekið tíma og kostar pening. Oft er erfitt að ná því alveg ljósu og ná gula litnum úr hárinu.

Ég hef litað hárið á mér oft síðan ég byrjaði fyrir sirka 8 árum. Ég fæ mjög fljótt leið á flestu og þarf oft að gera smá breytingu og það gildir líka um hárið á mér. Ég hef oft verið búin að lita hárið alveg ljóst, svo breyti ég aftur og lita það dökkt. Svo eftir smá tíma er ég komin hring og vil aftur fá ljóst. Kannast einhver við þetta?

Þetta er auðvitað ekki sniðugt. Og núna hef ég verið ljóshærð í rúmlega ár, en það er fyrst núna sem ég hef náð því nánast alveg ljósu og náð gula litnum úr. Ég mun ekki breyta um hárlit á næstunni vegna þess að ég hreinlega má það ekki.  En ég verð ábyggilega einhvern daginn dökkhærð aftur ef ég þekki mig rétt. En ég ætla að segja frá því hvernig ég náði því alveg ljósu og náði gula litnum nánast alveg úr.

Ég hafði heyrt af góðu sjampói sem er fljólublátt á litinn og á að taka gula litinn úr og lýsa hárið. Ég keypti nú aldrei þetta sjampó og hafði svona takmarkaða trú á því. Svo fór ég í litun um daginn og ég fór bara í rótarlitun og hárið varð rosalega ljóst í rótina en svo voru ennþá gulir lokkar í hárinu. Svo að ég ákvað að prófa bara og kaupa þetta sjampó.

Mér var bent á að sjampó sem heitir joico – color endure violet shampoo. Þetta sjampó er fjólublátt á litinn og það er litur í því.

Þú ferð bara í sturtu og setur sjampóið í. Láttu það til að byrja með bíða í svona 10 mínutur en það fer bara allt eftir litnum á hárinu þínu. Ef þú ætlar að nota þetta sjampó mæli ég með að þú farir til fagmanns og fáir hans álit á hversu lengi þú átt að láta sjampóið bíða í.

Þú þarft að passa að hafa það ekki of lengi í hárinu því þá getur það orðið grátt hreinlega.

Ég hafði það í fyrst í um10 mínútur og svo aftur í 10 mínútur og svo hef ég notað það einu sinni aftur í 5 mínútur og ég er komin með fallegan ljósan lit. Ekkert gult í hárinu lengur

Þetta svínvirkar! Mun betra en að þurfa endalaust að vera að lita. Sjampóið er líka ekki dýrt miðað við professional shampoo, kostaði að mig minnir um 3000 krónur :)
Það er hægt að fá svona sjampó á mörgum hárgreiðslustofum í Reykjavík.

Go blondes !