30. jan. 2012 - 18:00Björn Jón Bragason
Trúverðugleiki fjölmiðlamanna
Sigrún Davíðsdóttir, fréttaritari ríkisútvarpsins í Bretlandi, tilkynnti ekki fyrir löngu að hún hefði fengið svör um það hjá nefndarmönnum í rannsóknarnefnd Alþingis hver væri „réttur skilningur“ á tiltekinni umfjöllun í rannsóknarskýrslunni löngu eftir að nefndin lauk störfum.
Í kjölfar þessa hafa nefndarmennirnir allir þrír gefið frá sér skriflegar yfirlýsingar þess efnis að enginn þeirra hafi tjáð sig við fjölmiðla um skýrsluna frá því að nefndin lauk störfum í aprílmánuði 2010.
Í framhaldi af því kvaðst Sigrún hér í samtali við Pressuna um þetta mál „að sjálfsögðu ekki gefa upp heimildarmenn sína“ – þrátt fyrir að hafa áður tiltekið að hún hefði upplýsingar frá nefndarmönnum, en svo er að sjá sem sú fullyrðing hennar hafi ekki átt við rök að styðjast.
Sigrún Davíðsdóttir og ýmsir fjölmiðlmenn vísa ítrekað til ónafngreindra heimildarmanna í umfjöllun sinni. Í því dæmi sem hér er nefnt virðist sem Sigrún hafi farið með rangt mál, þegar hún kvaðst hafa fengið tiltekin atriði staðfest hjá nefndarmönnum í rannsóknarnefnd Alþingis. Það hlýtur óhjákvæmilega að rýra traust á ríkisútvarpinu að slíkt sé látið óátalið og að sama skapi hlýtur háttalag af þessu tagi að draga úr trúverðugleika annarra fjölmiðlamanna sem oft þurfa að reiða sig á heimildarmenn sem kjósa að láta ekki nafns síns getið.
Fróðlegt verður að sjá hvort siðanefnd Blaðamannafélagsins sjái ástæðu til að fjalla um málið, ellegar hvort Blaðamannafélagið álykti í tilefni þessa.
Sigrún ritaði skáldsögu sem kom út fyrir jólin og minnir efni hennar um margt á pistla þá sem hún flytur í ríkisútvarpinu. Heimur skáldsögunnar er eitt en í veruleikanum gilda önnur og strangari viðmið.
24.apr. 2012 - 10:57
Björn Jón Bragason
Borgaryfirvöld hafa undanfarið kynnt áform sín um að loka Laugavegi fyrir bílaumferð, án þess þó að þær fyrirætlanir hafi verið rökstuddar að neinu marki. Sjálfur hef ég starfað í verslun við Laugaveginn í bráðum tólf ár. Síðastliðin ár hefur götunni stundum verið lokað, til að mynda á laugardögum, og hefur verslunin varla verið svipur hjá sjón umrædda daga
21.mar. 2012 - 09:00
Björn Jón Bragason
Í nýjasta hefti tímaritsins Þjóðmála er grein eftir undirritaðan um falið eignarhald Ólafs Ólafssonar í Samskipum, en hann var á dögunum ákærður vegna markaðsmisnotkunar og fleiri brota sem tengjast meintum kaupum sjeiksins Mohamed bin Khalifa Al-Thani á 5,01 prósentum hlutafjár í Kaupþingi.
19.mar. 2012 - 14:00
Björn Jón Bragason
Gunnar Þ. Andersen hefur mikið verið til umfjöllunar í fjölmiðlum síðustu daga eftir að stjórn Fjármálaeftirlitsins rak hann úr starfi forstjóra stofnunarinnar.
05.mar. 2012 - 18:00
Björn Jón Bragason
Forseti lýðveldisins sækist eftir endurkjöri fimmta sinni, svo sem kunnugt er. Leiksýning hans hófst í véfréttastíl á nýársdag, en fyrsta þætti lauk í gær með tilkynningu forsetans. Þar sagði hann meðal annars:
02.mar. 2012 - 14:00
Björn Jón Bragason
Nú er helgin framundan og þá reyna flestir að gera betur við sig í mat og drykk en aðra daga. Nautakjöt er eftirlæti margra, en verðlag á því er það hátt hérlendis að almenningur hefur vart efni á leyfa sér slíkan munað. Nautasteikur eru þó hversdagsmatur í ýmsum nágrannalandanna, en í Bandaríkjunum má meðal annars fá fyrsta flokks nautakjöt fyrir brot af því sem það kostar út úr búð hérlendis. Þá hafa matreiðslumenn haft á orði að íslenskt nautakjöt standist engan veginn samjöfnuð við erlenda framleiðslu og að beinlínis sé skortur á bestu bitunum.
21.feb. 2012 - 17:30
Björn Jón Bragason
Gunnar Þ. Andersen, forstjóri Fjármálaeftirlitsins, er mjög til umræðu þessa dagana. Gunnar starfaði áður fyrr erlendis og var um skeið forstjóri dótturfyrirtækis Hafskips hf. í Bandaríkjunum, Cosmos Shipping Co. Gunnari var sagt upp störfum þar vegna megnrar óreiðu í rekstri Cosmos. Í kjölfar uppsagnarinnar gerðist hann einn heimildarmanna Helgarpóstsins, en í því blaði birtust sumarið 1985 greinar sem voru uppfullar af rangfærslum um rekstur Hafskips.
24.jan. 2012 - 16:00
Björn Jón Bragason
Í nýjasta hefti tímaritsins Sögu birtist grein mín um kaup S-hópsins á kjölfestuhlut ríkisins í Búnaðarbankanum í ársbyrjun 2003. Meðal félaga í S-hópnum var Egla sem skráð var í helmingseigu þýska einkabankans Hauck & Aufhäuser. Fátt bendir þó til þess að þýski bankinn hafi verið raunverulegur eigandi hlutarins í Eglu.
14.jan. 2012 - 11:00
Björn Jón Bragason
Ráðherrar Framsóknarflokks settu sölu á VÍS frá Landsbankanum til S-hópsins sem skilyrði fyrir því að einkavæðingin ríkisbankanna héldi áfram. Þetta kemur fram í grein minni um einkavæðingu Búnaðarbankans sem birtist í nýjasta hefti tímaritsins Sögu.
09.jan. 2012 - 14:00
Björn Jón Bragason
Jón Sigurðsson, fyrrverandi formaður Framsóknarflokksins, ritaði
pistil sem birtist á gamlársdag hér á
Pressunni. Þar gerði hann að umtalsefni rannsóknargrein mína um einkavæðingu Búnaðarbankans sem birtist í nýjasta hefti tímaritsins
Sögu. Ég þakka Jóni fyrir þann áhuga sem hann sýnir grein minni en mér þykir miður að hann skuli vart gera efnisatriði greinarinnar að umtalsefni. Svargrein hans fjallar nær einvörðungu um persónu mína annars vegar og það sem grein mín fjallar ekki um hins vegar, en Jón finnur sérstaklega að því að ég segi ekki frá einkavæðingu Landsbankans. Í upphafi greinar minnar í Sögu geri ég skilmerkilega grein fyrir því hvers vegna ég kaus að gera einkavæðingu Búnaðarbankans sérstök skil í fræðilegri grein, enda full ástæða til að kanna rækilega þá sögu. Það eru býsna fjarræn rök að álasa mér fyrir að fjalla ekki um efnisatriði sem eru utan þess viðfangsefnis sem greinin fjallar um.