Tíu skotheld ráð til að léttast hraðar

Getty Images

Þegar þú hefur tekið ákvörðun um að losna við aukakílóin þá viltu sjá árangur strax! Hér eru 10 ráð hvernig hægt er að léttast hraðar.

1. Haltu matardagbók

Hafðu matardagbók við hendina og skráðu jafn óðum í hana allt sem þú borðar. Það hefur ótrúlega mikil áhrif á sjálfsagann, þegar maður ætlar sér að losna við aukakílóin, að skrá strax allt sem maður borðar.  Það fær þig til að hugsa ÁÐUR en þú færð þér auka sælgætis bitann eða viðbótar vínglasið  í lok dagsins þegar þú ert kannski búin að gleyma helmingnum af  því sem þú innibyrgðir yfir daginn.

2. Vigtaðu það sem þú borðar

Upplýsingar um skammtastærðir geta verið villandi, auktu meðvitund þína á skammtastærð og settu því á vigtina skammtinn af morgunkorninu/hrísgrjónunum/pastanu sem þú neytir.  Ef þú gerir skynsamlegar breytingar á matarneyslu þinni  munu aukakílóin hverfa hratt.  En EKKI – ef þú svindlar!

3. Hreyfðu þig

Þegar þú situr eyðir þú helmingi færri hitaeiningum en ef þú stendur og fjórðungi af þeim he. sem þú eyðir ef þú gengur.  Með því að stunda reglulega þjálfun og hreyfa þig almennt meira getur þú stóraukið brennslu líkamans og þú léttist mun hraðar.  Fáðu þér skrefmæli og reyndu  að ná 10.000 skrefum á dag. Það gæti reynst erfitt í fyrstu en ef þú gerir smá breytingar á daglegum venjum  þá ætti að vera auðvelt að ná því. Skrefmælirinn er gott hjálpartæki því hann gerir mann miklu meðvitaðri um daglega hreyfingu og hefur hvetjandi áhrif.

4. Þjálfun, þjálfun, þjálfun!

Það liggur í augum uppi... ef þú vilt léttast hratt – byrjaðu í líkamsrækt.  Allar tegundir af líkamsþjálfun sem fá  þig til að hækka hjartsláttinn þinn, BRENNA FITU!  Hreyfðu þig af krafti í 20 mínútur á góðum hraða þannig að þú verðir móð/ur og heit/ur og þú munt brenna hitaeiningum af krafti.  Regluleg styrktarþjálfun eykur grunnbrennslu líkamans  sem þýðir að þú brennir fleiri hitaeiningum allan sólarhringinn. Líkamleg þjálfun gefur þér aukinn styrk, betri líðan, eykur brennsluna og þar með fjúka kílóin fyrr.

5. Líkaminn sem fitubrennsluvél

Regluleg þolfimiþjálfun hjálpar til við að auka framleiðslu brennsluhvata vöðvanna.  Með vel þjálfaða, sterka vöðva virkar líkaminn eins fitubrennsluvél sem vinnur jafnvel þó þú sért ekki í þjálfun.  Líkaminn brennir fitu í stað þess að geyma fitu.  Og þegar kjörþyngd er náð og þú heldur áfram að viðhalda góðu líkamsástandi, þá vinnur líkaminn með þér til að viðhalda réttu þyngdinni.

6. Ekki svindla!

Ef þú neytir fleiri hitaeininga en mataráætlunin segir til um, svindlarðu á sjálfum þér. Ef þú villt léttast hratt og örugglega – haltu þig þá við þann hitaeininga fjölda sem áætlaður er fyrir hvern dag. Gerðu þér grein fyrir því að ef þú borðar eina súkkulaðikexköku á dag til viðbótar við það sem þú borðar venjulega þá eru líkur á því að þú bætir á þig 5 kílóum á einu ári.

7. Eldaðu hollt og forðastu harða og herta fitu

Með því að nota teflonhúðaðar pönnur  er auðvelt að elda allt sem maður vill án þess að bæta smjöri eða olíu á pönnuna eða í uppskriftina.  Fullt af hitaeiningum sparast ef smjöri/olíu er sleppt án þess að hafa áhrif á stærð matarskammtsins.  Minnkaðu fituneysluna, veldu aðeins holla fitu í hófi og þú grennist hraðar!

8. Borðaðu mat með lágum sykurstuðli

Fæða með lágum sykurstuðli er mun hollari og gefur betri fyllingu. Hún hefur því letjandi áhrif á matarlystina því það  líður lengri tími þar til þú verður svöng/svangur aftur og minni líkur eru á löngun vakni í  fitu- og hitaeiningaríkan millimálabita.  Ef þú eykur daglega neyslu á fæðu með lágum sykurstuðli  finnurðu að matarlystin minnkar til muna.

9. Eldaðu sjálf/ur

Tímaskortur getur orðið til þess að við neytum tilbúna rétta í auknum mæli. En með því að elda sjálf/ur hefur þú meiri möguleika á að gera máltíðina hollari og betri. Það þarf ekki að taka svo langan tíma - hægt er að finna fjölmargar góðar uppskriftir að réttum sem er einfalt og fljótlegt að matreiða. Svo er um að gera að virkja börnin , fá þau með í eldamennskuna og fræða þau um mikilvægi þess að elda holla fæðu.

10. Neyttu áfengis í hófi!

Hóflegt magn af áfengi er ekki skaðlegt  en mikil neysla þess hefur án efa slæm áhrif á heilsuna. Áfengi ekki aðeins veikir mótstöðuaflið heldur eykur einnig matarlyst. Neyttu því áfengis í hófi ef þú vilt léttast hratt. Vatnsdrykkja, aftur á móti, er góð  fyrir heilsuna. 

Drekktu því meira af vatni - það verður aldrei of oft sagt!