Yfirlýsing frá Hreiðari Má Sigurðssyni

Vegna færslu minnar hér í morgun hefur mér borist póstur frá Hreiðari Má Sigurðssyni, fyrrverandi forstjóra Kaupþings:

Yfirlýsing Hreiðars

,,Vegna greinar þinnar sem ber yfirskriftina „Þetta er viðbjóður“ er rétt að benda þér á nokkrar staðreyndir.

Þegar Kaupþing eignaðist Kaupthing Singer & Friedlander (KSF) og þar með starfsemina á Mön voru innstæðurnar á Mön undir stjórn KSF í Lundúnum. Síðar var ákveðið að færa þessar innstæður til móðurfélagsins á Íslandi. Það var svo í sumarbyrjun 2008 sem að Fjámálaeftirlitið á Mön fór fram á að þessar innstæður yrðu færðar aftur yfir til Lundúna.

Það er því algjörlega fráleit fullyrðing að halda því fram að þessi ákvörðun Fjármálaeftirlitsins á Mön sé svartasti bletturinn á hruninu sem varð á Íslandi. Þá er rétt að benda á að nú þegar hefur innstæðueigendum á Mön verið greiddar út 40% innstæðna sinna í reiðufé. Þá eru eignir búsins á Mön það miklar að útlit er fyrir að innstæðueigendur muni fá yfir 90% af innstæðum sínum til baka.

Allt tal um að innstæðueigendur á Mön hafi tapað öllu sínu er því fráleitt."

Ég véfengi ekki orð Hreiðars um að ákvörðunin um millifærslurnar hafi komið frá fjármálaeftirlitinu á Mön.

Rétt skal vera rétt.