Skotið úr línubyssum á lögreglumenn í miðbæ Reykjavíkur

Vignir Már Lýðsson

Af því að ég hef verið að rifja upp hina örlagaríku daga þegar bylting varð á Íslandi fyrir ári, langar mig að birta póst sem lögreglumaður sem var á staðnum sendi mér. Hann sendi mér þennan póst eftir að ég hafði sagt frá upplifun minni af dögunum þegar mótmælin við Austurvöll stóðu sem hæst.

Hér er frásögn hans:

Mikill minnihluti fólksins var "venjulegt" fólk, fólk sem manni fannst "eðlilegt" að væri statt á Austurvelli til þess að nýta sér tjáningarfrelsið sitt og lýsa vanþóknun sinni á algeru gjaldþroti stjórnmálamanna. Fólk sem maður fann til samkenndar við. Ég er alls ekki að segja að ungt fólk eigi ekki að mótmæla né hafi til þess þroska. Ég er eingöngu að segja að upplifun mín (staðfest af mörgum félaga minna) var sú að mikið af unga fólkinu þarna var eingöngu komið til þess að djöflast í lögreglunni.