14. jan. 2010 - 15:28Sölvi Tryggvason
Jón Ásgeir var ekki kallaður fyrir rannsóknarnefndina
Rannsóknarnefnd Alþingis kallaði Jón Ásgeir Jóhannesson ekki til yfirheyrslu. Þetta hef ég fengið staðfest með öruggum hætti. Jón Ásgeir bað hins vegar um að fá að koma gögnum til nefndarinnar og við því var orðið. Þau gögn snúa einkum að yfirtökunni á Glitni.
Það verður mikið um þjóðnýtingu Glitnis og Icesave í skýrslu rannsóknarnefndarinnar. Þetta byggi ég á samtölum við fólk sem var kallað fyrir nefndina og spurt í þaula út í þessi mál og eins heimildarmönnum sem þekkja vel til starfa nefndarinnar. Meðal annars lagði nefndin nokkra áherslu á að finna gögn um þjóðnýtinguna. Hvernig var verðmatið á Glitni ákveðið og hver tók þá ákvörðun? Eru til gögn um það? Hvaða gögn eru til um undirbúninginn að þjóðnýtingunni? Hvers vegna hættu stjórnvöld allt í einu við þjóðnýtinguna og hvenær var það ákveðið?
,,Ég hef setið tvívegis held 7 klukkutíma í törn. Sem var ansi mikil törn“ sagði Davíð Oddsson í viðtali við mig í lok september, þegar ég spurði hann hvort hann hefði verið kallaður fyrir nefndina. Hér að neðan má sjá þessi orð Davíðs á 21. mínútu í viðtalinu.
Það er ekki skrýtið að Davíð hafi þótt þetta vera törn, enda er ekki vitað til að nokkur maður hafi verið jafn lengi í yfirheyrslum hjá nefndinni. Lárus Welding, sem var bankastjóri Glitnis þegar yfirtakan átti sér stað, var kallaður til yfirheyrslu, en hún var öllu styttri en yfirheyrslurnar yfir Davíð, eða rétt um klukkustund.
Rannsóknarnefnd Alþingis kallaði fjölmiðlamenn líka fyrir. Samkvæmt öruggum heimildum mínum voru þessir meðal annars kallaðir fyrir nefndina: Jón Kaldal, ristjóri fréttablaðsins, Sigmundur Ernir Rúnarsson, fyrrverandi fréttastjóri Stöðvar 2, Óðinn Jónsson, fréttastjóri RÚV, Reynir Traustason, ritstjóri DV og Styrmir Gunnarsson fyrrverandi ritstjóri Moggans.
Ég hef áður sagt það hér að skýrslan verður áfellisdómur yfir stjórnmálamönnum og einhverjum bankamönnum, en því miður bind ég ekki allt of miklar vonir við fjölmiðlahlutann, þar sem margt þyrfti að koma fram. En vonum það besta.
14.mar. 2010 - 07:30
Sölvi Tryggvason
Það er jákvætt að allir fjölmiðlarnir í landinu og fleiri en einn Alþingismaður séu byrjuð að skoða það sem ég hef bent á hér á síðunni ítrekað síðan í janúar.
13.mar. 2010 - 08:30
Sölvi Tryggvason
Í yfirheyrslum saksóknara yfir Milestone mönnum eru þeir allir spurðir um hvernig fjárhagsstaða þeirra sé eftir hrunið.
12.mar. 2010 - 17:57
Sölvi Tryggvason
ég held að þessi ákvörðun forsetans hafi skapað ákveðna nýja stöðu,
segir Katrín Jakobsdóttir menntamálaráðherra. Í Spjallinu síðasta miðvikudag viðurkenndi hún jafnframt að undanfarnir mánuðir hefðu tekið á innan raða
12.mar. 2010 - 07:30
Sölvi Tryggvason
Jón Óttar Ragnarsson er stórmerkilegur náungi. Hann er með doktorspróf í næringarfræði og stýrði næringarfræðideild Háskóla Íslands áður en hann stofnaði Stöð 2 fyrir rúmum tuttugu árum.
11.mar. 2010 - 12:32
Sölvi Tryggvason
Í framhaldi af því sem ég hef skrifað hér um afskriftir á lánasöfnum nýju bankanna vil ég spyrja einfaldrar spurningar og beina henni til Landsbankans, Íslandsbanka og Arion banka.
11.mar. 2010 - 07:30
Sölvi Tryggvason
Félagarnir Pálmi Gestsson og Örn Arnarsson voru fjörugir að vanda í Spjallinu á Skjá Einum. Þeir sögðu þar meðal annars sögu af því þegar Steingrímur Hermannsson, þáverandi forsætisráðherra stoppaði ríkisstjórnarfund til að leika í atriði með Spaugstofunni.
10.mar. 2010 - 13:37
Sölvi Tryggvason
Aðalgesturinn í Spjallinu á Skjá Einum í kvöld er hinn stórmerkilegi Jón Óttar Ragnarsson, en í þættinum verður einnig viðtal við félagana Arnar Grant og Ívar Guðmundsson.
10.mar. 2010 - 07:30
Sölvi Tryggvason
Í yfirheyrslum sérstaks saksóknara yfir Milestone mönnum síðasta sumar var Karl Wernersson spurður um eigið fé sem kom inn í fjármögnun á Invik.
09.mar. 2010 - 19:08
Sölvi Tryggvason
Hvað er í gangi? Rétt í þessu fékk ég póst með þessum skemmtilega titli:
,,Hot sex pills"
09.mar. 2010 - 07:00
Sölvi Tryggvason
Ég hef skrifað hér um afskriftirnar sem þegar hafa átt sér stað í bankakerfinu og leita nú svara við því hvernig þessar afskriftir hafa verið nýttar.
08.mar. 2010 - 07:00
Sölvi Tryggvason
Það hefur mikið verið rætt um vinnubrögð bankanna og gegnsæi innan raða þeirra. Það er ljóst að eftir krísuna í bankakerfinu á Íslandi árið 2006 breyttist margt.
07.mar. 2010 - 07:30
Sölvi Tryggvason
Nýju bankarnir tóku lánasöfnin um fasteigna- og bílalán yfir með miklum afskriftum.
06.mar. 2010 - 10:34
Sölvi Tryggvason
Eitt af því sem kom inn á borð rannsóknarnefndar Alþingis á síðustu metrunum var mikið magn af gögnum um Milestone og Sjóvá og öll félög þeim tengd.
05.mar. 2010 - 07:20
Sölvi Tryggvason
Bjargvætturinn hefur stigið fram á sjónvarsviðið. Maðurinn sem getur bjargað Íslandi úr ógöngunum. Einar Karl Haraldsson.
04.mar. 2010 - 21:33
Sölvi Tryggvason
Þorsteinn J. Vilhjálmsson og Vera Sölvadóttir hafa sett kreppuna í rétt samhengi í myndinni Burkina Faso 8600km.
04.mar. 2010 - 14:00
Sölvi Tryggvason
Steingrímur Wernersson fór mikinn í fyrstu yfirheyrslunum hjá sérstökum saksóknara. Hann ræddi þar meðal annars um fjármögnunarfyrirtækið Avant:
04.mar. 2010 - 07:30
Sölvi Tryggvason
Ísland er stjórnlaust. Ástæðan er einföld. Stjórnmálamenn eru orðnir svo vanir að stinga hvorn annan í bakið að þeir kunna ekki að vinna saman.
03.mar. 2010 - 13:49
Sölvi Tryggvason
Félagarnir Kormákur og Skjöldur klæða af sér kreppuna. Manni líður eins og maður sé kominn fimmtíu ár aftur í tímann þegar maður gengur inn í verslun þeirra á Laugaveginum. Sjón er sögu ríkari:
03.mar. 2010 - 07:45
Sölvi Tryggvason
Félagarnir Felix Bergsson og Gunni Helga fóru á kostum í Spjallinu á Skjá Einum. Þar var meðal annars sýndur bútur úr hinum ógleymanlega þætti
,,Fyrirgefðu," sem var á dagskrá Skjás Eins fyrir nokkrum árum síðan.
02.mar. 2010 - 21:00
Sölvi Tryggvason
Í Spjallinu á Skjá Einum annað kvöld sjáum við nótt í miðborg Reykjavíkur með augum lögreglumanna. Við vorum á vaktinni frá 11 til 7 um morguninn. Hér að neðan má sjá smá brot úr þættinum.