Íslenskt barn frétti af skilnaði pabba síns á Facebook

Ég sagði í gær frá frétt varðandi vandamál í samböndum vegna facebook. Öllu stærri frétt af feisbókinni er hins vegar saga íslensks sálfræðings sem vinnur með fólki alla daga. Dagsönn.

Íslenskt barn frétti af skilnaði pabba síns í gegnum facebook. Barnið vissi ekki betur en að allt væri í stakasta lagi á milli pabba síns og fósturmömmu og þegar það var einn daginn í tölvunni. Eins og allir vita er fólk á facebook á öllum aldri. Allt frá ungum krökkum upp í gamalmenni. Barninu brá heldur betur í brún þegar það loggaði sig inn á feisbókina og kíkti á síðuna hjá pabba. Þar var glænýr status: ,,xxxxx.... is now single.“

Pabbinn hafði sem sagt ákveðið að skilja, en facebook og tölvuheimurinn var settur í forgang fram yfir barnið, sem frétti af skilnaðinum í gegnum ráf sitt á feisbókinni. Í mínum huga sínir þetta svart á hvítu hve mikil firring getur skapast í kringum þetta annars magnaða fyrirbæri, sem tröllríður nú samfélaginu. Ég spái því hér með að þetta sé aðeins toppurinn á ísjakanum. Við eigum eftir að fá mikið af svona fréttum árið 2010.