,,Hvar eru rónarnir"

Ennþá hefur hér um bil ekkert verið gert til að laga laskaða ímynd Íslands í útlöndum. Ég hef lóðsað hér um fréttamenn frá Bandaríkjunum, Japan og Bretlandi og allir eru þeir steinhissa á að finna ekki súpueldhús á hverju horni og fjölskyldur sem búa á götunni. Það tók mig 3 daga að sannfæra fréttamenn japanska ríkissjónvarpsins um að allir hefðu nóg að borða á Íslandi. Þeir trúðu því alls ekki. Þeir voru um það bil að fara að segja fréttir af Íslandi, sem meira en 200 milljónir manna horfa á.

Á fyrsta degi spurðu þau: ,,Hvar eru allir rónarnir? Getur þú fundið fyrir okkur fjölskyldur sem búa á götunni eftir kreppuna og eru til í að koma í viðtal?"

Á öðrum degi spurðu þau: ,,Getur þú farið með okkur í súpueldhúsin þar sem fólkið fær sér að borða?"

Á þriðja segi  sögðu þau: ,,Það er líklega rétt hjá þér, þetta er ekki alveg jafn slæmt og við héldum!"

Áttar fólk sig á því hver verðmiðinn er á því að mörg hundruð milljónir manna sitji uppi með þá tilfinningu að hér sé allt í algjörri rúst? Enginn mun þora að byrja hér með verkefni og allt ferðamenn verða miklu færri en ella.