Heiðarleikinn kom úr cheerios pakka

Þegar minnst var á spillingu á Íslandi á árunum þegar allt gekk vel var jafnan vísað til alþjóðlegra úttekta sem sýndu að hér væri spilling sú minnsta í vestrænum heimi. Oftar en einu sinni og oftar en tvisvar tók ég viðtöl við ráðamenn sem vísuðu í þetta.

Það sem var hins vegar minna rætt um var áreiðanleiki þessarra mælinga á spillingu. Hvaðan komu þær? Jú stofnun nokkur sem heitir Transparency international mælir spillingu í heiminum og það voru úttektir hennar sem íslenskir ráðamenn voru alltaf að vísa í.

Nú er komið á daginn að þessar úttektir hefði allt eins verið hægt að fá í Cheerios pakka. Pappírinn sem í þær fór hefði betur nýst í annað!

Mælingarnar eru framkvæmdar þannig að listar þar sem spurt er um spillingu eru sendir á lykilmenn í embættismannakerfinu. Sem Transparency International kallar ,,experts“. Þessir svokölluðu sérfræðingar eiga síðan að tikka við það hve spilltir þeir sjálfir og þeirra kollegar eru. Ég ræddi þetta töluvert við Jón Baldvin Hannibalson fyrrverandi utanríkisráðherra þegar ég ræddi við hann í sumar. Jón hló mikið þegar hann talaði um þessa lista og sagði þá gjörsamlega tilgangslausa með öllu.

Í mynd Gunnars Sigurðssonar maybe I should have sem verður frumsýnd í næstu viku er fjallað um þetta fyrirbæri og Gunnar segir einum af talsmönnum stofunarinnar til syndanna.

Látum okkur þetta að kenningu verða. Það er ekki nóg að vísa í útlendinga til að þagga niður umræðu. Þar fylgir líka ýmislegt með þegar þú kaupir cheerios og cocoa puffs.