14. júl. 2009 - 23:41Sigurður G. Guðjónsson
Rannsókn einkavæðingar ríkisbankanna
Samkvæmt Eyjubloggi Egils Helgasonar frá 14. júlí vill hann að einkavæðing ríkisbankanna árið 2002 verði rannsökuð af rannsóknarnefnd Alþingis.
Ég er Agli hjartanlega sammála, enda hef ég lengi reynt að komast til botns í því bralli öllu saman.
Þess má þó geta hér, að Rendi (Sigurður Þórðarson fyrrum ríkisendurskoðandi) hefur gefið einkavæðingu ríkisbankanna heilbrigðisvottorð Ríkisendurskoðunar, eins og honum einum var lagið að gefa þegar mál snertu forystu Sjálfstæðisflokksins. En eins og margoft hefur komið fram átti Rendi bæði starfsframa og fjárhagslega áhyggjulaust ævikvöld undir Matthíasi Á. Mathiesen fyrrum leiðtoga sjálfstæðismanna í Hafnarfirði.
Í bloggfærslu Egils segir:
,,Fyrir nefndina yrðu kallaðir arkitektar einkavæðingarinnar, Davíð Oddsson, Halldór Ásgrímsson, Kjartan Gunnarsson, Baldur Guðlaugsson, Finnur Ingólfsson, Valgerður Sverrisdóttir, Geir Haarde, Hreinn Loftsson – og einnig Steingrímur Ari Arason sem sagði sig úr einkavæðingarnefnd með þeim orðum að hann hefði aldrei séð önnur eins vinnubrögð.Jú og líka Björgólfur Guðmundsson, Björgólfur Thor Björgólfsson, Ólafur Ólafsson og Sigurður Einarsson. Þessar yfirheyrslur ætti að senda út í beinni útsendingu í sjónvarpi. Í einkavæðingunni liggur upphafið að því sem síðar gekk yfir Ísland. Þar var verðmætum eignum almennings stýrt í hendurnar á fámennum klíkum vildarvina stjórnarflokkanna.Þeir voru ekki einu sinni borgunarmenn fyrir þessu, heldur fengu lánað í bönkunum sem verið var að einkavæða á þessum tíma.Blekkingin var algjör og það var logið að þjóðinni. Og reyndar er spurning hvort ekki þurfi líka að kanna hvort hægt sé að koma lögum yfir þá sem stóðu fyrir þessu svikabralli.“
Það sem vantar í bloggfærslu Egils er, að stýrimaður einkavæðingar ríkisbankanna er gamall vildarvinur Sjálfstæðisflokksins. Sá heitir Ólafur Davíðsson. Hann fékk að launum þægilega innivinnu sem sendiherra í Þýskalandi með tilheyrandi skattfríðindum.
Fáum Ólaf fyrir rannsóknarnefnd Alþingis; höfum yfirheyrsluna opna og reynum þannig að upplýsa hvað fór fram í einkavæðingarnefnd undir hans stjórn. Sigrún Davíðsdóttir gæti líka flutt þjóðinni pistla frá London af yfirheyrslum Ólafs.
27.jan. 2010 - 09:47
Sigurður G. Guðjónsson
Rannsóknarnefnd Alþingis hefur enn á ný frestað því að skila Alþingi skýrslu um aðdraganda og orsakir hruns íslensku bankanna 2008 og tengda atburði. Formaður nefndarinnar hefur látið það eitt uppi um efni skýrslunnar að engir íslendingar hafi áður þurft að færa þjóðinni jafn slæmar fréttir og hann og meðnefndarmenn munu þurfa að gera þegar tvöþúsund síðna skýrslan kemur út.
06.jan. 2010 - 14:00
Sigurður G. Guðjónsson
Í Staksteinum ritstjórnar Morgunblaðsins þann 9. desember var mér og forsetanum líkt við Baldur og Konna. Ástæða þess var sú að ég hafði nokkru áður látið þá skoðun mína í ljós opinberlega að forsetinn ætti að staðfesta svokölluð Icesavelög samþykkti Alþingi frumvarp fjármálráðherra þar um. Moggaritstjórnin tók þessi orð mín sem vísbendingu um afstöðu forsetans, sem talaði í gegnum mig til þjóðarinnar, eins og Baldur í gegnum brúðuna Konna forðum.
12.des. 2009 - 20:00
Sigurður G. Guðjónsson
Prófessor Hannes er enn við sama heygarðshornið. Fyrir nokkru stal hann í bók sína um rithöfundinn Laxnes stórum köflum úr verkum skáldsins. Nú telur Hannes að ólögleg útvarpsstarfssemi hans og nokkurra annarra sjálfstæðismanna í upphafi níunda áratugar síðustu aldar hafi rutt einkareknu útvarpi hér á landi braut.
11.des. 2009 - 08:50
Sigurður G. Guðjónsson
Í pistli mínum hér á Pressunni í gær um danshöfundinn Hannes fór ég eftir gögnum frá setu minni í stjórn Glitnis og vék að Illuga Gunnarssyni núverandi þingmanni Sjálfstæðisflokksins og björgun sjóðs 9 hjá Glitni á kostnað ríkissjóðs.
10.des. 2009 - 09:25
Sigurður G. Guðjónsson
Það fór sem mig grunaði, að grein mín á Pressunni um Icesave kæmi til með að fara illa í Davíð Moggaritstjóra. Ég vissi líka að úr hans ranni væri ekki að vænta efnislegrar andsvara. Efnislega umræða er og hefur verið honum ofviða alla hans pólitísku tíð. Þennan vanmátt sinn hefur hann falið með spaugsyrðum í tíma og ótíma; nú hefur hann Staksteina Moggans, sem umfangs sín vegna kalla hvorki á mikið hand- né hugverk. Ég vissi líka að argi prófessorinn í Háskóla Íslands, Hannes Hólmsteinn Gissurarson, mundi verja fóstra sinn Davíð og Flokkinn, sem fóstrað hefur þá lagsbræður lengi.
08.des. 2009 - 09:50
Sigurður G. Guðjónsson
Sú spurning hlýtur að vakna hvort seðlabankastjórinn hafi með ákvörðunum sínum um stórfelldar lánveitingum til gjaldþrota bankakerfis gerst sekur um umboðssvik í skilningi 249. gr. almennra hegningarlaga.
14.nóv. 2009 - 19:23
Sigurður G. Guðjónsson
Las á dögunum bókina JÓNAS KRISTJÁNSSON FRJÁLS OG ÓHÁÐUR. Vægast sagt mjög sérstæð bók, enda skrifuð af skrítnum og sjálfhverfum fýr um hann sjálfan og hina óendanlegu snilld hans á öllum sviðum blaða- og hestamennsku.
31.okt. 2009 - 09:50
Sigurður G. Guðjónsson
Fjölmiðlar hafa á umliðnum dögum flutt fréttir af því, að Hagar Bónusfjölskyldunnar séu við það að komast í eigu ríkisbankans, Nýja Kaupþings. Bankinn á líka að tapa alveg helling af núllum við þessa yfirtöku.
Bónusfjölskyldan er þekkt fyrir annað en að gefast upp og vonandi tekst henni að öngla saman þeim sjö milljörðum, sem að sögn þarf til að hún haldi Högum.
24.okt. 2009 - 11:41
Sigurður G. Guðjónsson
Undir þessari fyrirsögn auglýsir samkeppniseftirlitið eftir lögfræðingi, viðskiptafræðingi eða hagfræðingi í Morgunblaðinu 24. október. Samkvæmt auglýsingunni á sá sem verður ráðinn að bera ábyrgð á úrlausnum samkeppnismála á fjölbreyttum sviðum atvinnulífsins, greina og fylgjast með samkeppnisstöðu fyrirtækja á tilteknum mörkuðum.
19.okt. 2009 - 12:06
Sigurður G. Guðjónsson
Skjöl Framkvæmdarnefndar um einkavæðingu varðandi sölu ríkisbankanna 2002 til 2003 eru fyrir margar sakir fróðleg lesning. Fyrst og fremst vegna þess að þau opinbera hina miklu leiksýningu, sem einkavæðing bankanna var. Aðalleikarar skúespilsins var Framkvæmdanefnd um einkavæðingu, sem var listilega stýrt af forsætisráðherra og utanríkisráðherra.
09.okt. 2009 - 08:30
Sigurður G. Guðjónsson
Leiðarahöfundur Morgunblaðsins er óánægður með pukrið og leyndina sem hvílt hefur yfir og hvílir enn yfir Icesave-samningnum. Það er gott til þess að vita að Morgunblaðið vilji nú standa vörð um upplýsta umræðu í samfélaginu, það hefur ekki verið aðalsmerki þess hingað til.
28.ágú. 2009 - 07:22
Sigurður G. Guðjónsson
Félagsmálaráðherra var í Kastljósi ríkisins í gærkveldi. Ráðherrann endurtók þar orð sín úr morgunútvarpi ríkisins fyrr í þessari viku, að ekki kæmi til greina að leiðrétta húsnæðislán allra lántakenda heldur aðeins þeirra, sem ekkert ættu og ekkert gætu borgað.
26.ágú. 2009 - 09:23
Sigurður G. Guðjónsson
Félagsmálaráðherra virðist með öllu ómeðvitaður um þann mikla vanda, sem almenningur er í vegna húsnæðislána, hvort heldur þau eru verð- eða gengistryggð.
23.jún. 2009 - 16:58
Sigurður G. Guðjónsson
Svavar Gestsson fyrrum ráðherra -nú sendiherra- tilkynnti þjóðinni í byrjun þessa mánaðar að hann hefði náð samkomulagi um Icesave við bresk og hollensk stjórnvöld. Af viðtölum við Svavar í kjölfarið hefur helst mátt ráða að Icesave-samningurinn sé tær snilld, sem Alþingi eigi að samþykkja. Almenn umræða um samninginn sé óþörf. Sendiherrann afgreiðir gagnrýni lögfræðinga á samninginn sem draugasögur að sumri. Ekki liggur enn fyrir hvort Svavar er snúinn úr hinni diplómatísku útlegð líkt og Jón Baldvin Hannibalsson fyrrum ráðherra gerði fyrir nokkru.
16.jún. 2009 - 14:44
Sigurður G. Guðjónsson
Samkvæmt fjölmiðlum hafa liðlega þúsund manns sameinast um þá kröfu á fésbókinni að Valtýr Sigurðsson ríkissaksóknari verði settur af.
13.jún. 2009 - 10:37
Sigurður G. Guðjónsson
Eva Joly norskættaður franskmenntaður lögfræðingur var á liðnum vetri kostuð hingað til lands af Agli Helgasyni og fleirum til að spjalla um bankahrunið í Silfri Egils. Þjóðin heillaðist af málflutningi Joly, enda sagði hún að endurheimta mætti fjármuni, sem geymdir væru á fjarlægum eyjum og væru ávöxtur afbrota óheiðarlegra íslenskra bankamanna og útrásarvíkinga.