01. feb. 2010 - 15:53Jón Sigurðsson

Steingrímur Hermannsson

Steingrímur Hermannsson, fyrrum alþingismaður og forsætisráðherra, er látinn á 82. aldursári. Með honum er genginn glæsilegur stjórnmálaforingi íslensku þjóðarinnar, leiðtogi Framsóknarmanna og framúrskarandi fulltrúi umbótastefnu og frjálslyndrar félagshyggju.

Eitt skýrasta einkenni Steingríms í forystustörfum var samningalipurð hans, þolinmæði við samstarfsmenn, óendanlegur dugnaður og elja og loks vilji hans til að leyfa öðrum að njóta athygli og sviðsljóss. Þetta síðastefnda kom skýrt fram í aðdraganda og gerð þjóðarsáttarinnar.

Steingrímur mótaðist af fyrirmynd föður síns og gekk síðar í slóð Hermanns sem stjórnmálamaður. Hann trúði á þjóðina og landið og hélt því fram að ævinlega væru næg verkefni fyrir umbótasinnuð öfl sem gengju að verki án fordóma eða öfga og án lokaðra fræðikenninga um samfélagsmálin.  

Hann var verkfræðingur að mennt og hafði starfað á þeim vettvangi áður en stjórnmálin kölluðu hann til sín. Hann gekk að hverju verki með hugarfari verkfræðingsins, að því leyti að hann sá öll verkefni í athöfnum og úrlausnum. Eftir því sem lengra leið á ævina tók hann þó að vara við stórframkvæmdum sem ekki miðuðust við fyllsta tillit til landsins og hreinnar náttúru, andrúmslofts og vatns.

Steingrímur varð fyrir miklum áhrifum sem ungur maður við háskólanám vestan hafs. Hann flutti með sér fersk sjónarmið frjálslyndra umbótafla í Bandaríkjunum og hreyfði við ýmsu því sem orðið var staðnað hér. Hann vakti nýja athygli á því að um fleiri og betri kosti er að velja en aðeins hægristefnu annars vegar eða lokaðar sósíalistahugmyndir hins vegar. Aftur á móti varaðist Steingrímur alltaf að sveipa málflutning sinn í hástemmdan fræðibúning.

Það var eitt einkenni Steingríms Hermannssonar hve vel honum féll að umgangast ungt fólk og örva það til dáða og forystu. Hann var óþreytandi í félagsstarfi og ævinlega reiðubúinn til að hlusta og taka tillit til þeirra sem hann starfaði með. Hann ávann sér traust og hollustu manna með því að umgangast alla á sama hátt sem samherja, samstarfsmenn og jafningja.

Steingrímur Hermannsson var glæsimenni, röskleikamaður og mikill útivistarmaður meðan heilsan leyfði. Hann var skógræktarmaður og skíðamaður. Hann hafði í sér keppnislund og hafði gaman af leik sem unninn var af fullum drengskap. Hann var opinskár og hreinskilinn og  nógu mikill maður til að viðurkenna mistök þegar svo bar við. Fyrir þetta allt varð hann ákaflega vinsæll maður meðal þjóðarinnar - að vonum og verðleikum.

Fjölskyldu Steingríms Hermannssonar fylgja bænir og hlýjar hugsanir allra þeirra fjöldamörgu sem standa í þakkarskuld við þenna góða Íslending. 




Svanhvít - Mottur
01.ágú. 2015 - 16:00 Jón Sigurðsson

Um ,,barnatrú" Jóns Gnarrs

Ég er aðdáandi Jóns Gnarrs og hef um margra ára skeið reynt að lesa sem mest eftir hann. Ég kynntist honum nokkuð sem borgarstjóra og gat séð störf hans á mikilvægu sviði. Þetta breytti skoðun minni á honum ekki. Laugardaginn 1. ágúst sl. skrifar Jón grein í Fréttablaðið, um barnatrú. Ég er ekki sammála öllu sem þar segir.
15.júl. 2015 - 13:15 Jón Sigurðsson

Grikkland: Margir leikir framundan

Þegar þetta er skrifað (15. júlí 2015) getur enginn séð fyrir um niðurstöður í brýnum málefnum Grikkja innan evrusamstarfsins. Og enginn getur sagt fyrir um áhrif á framtíð evrusamstarfsins eða á ESB. Margir og tímafrekir leikir eru enn framundan. Taflmennirnir sem sitja andspænis Grikkjum hafa á ný skipt með sér verkum. Þjóðverjar og Finnar hafa tekið að sér ,,vonda“ hlutverkið og nú síðast hefur Alþjóðagjaldeyrissjóðurinn tekið að sér að leika ,,góðan“ leik.
09.júl. 2015 - 14:46 Jón Sigurðsson

Hvað má læra af Grikklandi?

Nú spyrja menn víða: Hvað má læra af hörmungum Grikkja og stöðu Grikklands innan Evrópusambandsins (ESB)? Málinu er alls ekki lokið. Nokkrar hugleiðingar geta átt rétt á sér, en ná varla langt.
08.apr. 2015 - 15:50 Jón Sigurðsson

„Ástandið“ í Evrópu

Stöðugt berast fregnir af vandræðum Evrópusambandsins og evrunnar. Varla líður svo dagur um þessar mundir að forystumenn Grikkja gefi ekki tilefni til frétta. En þetta virðist allt á fallanda fæti. Hér verður ekki reynt að lýsa þessu eða skýra þetta allt, en nokkur dæmi tekin.
31.mar. 2015 - 19:03 Jón Sigurðsson

Lofsverð viðleitni - en miklir agnúar

Frosti Sigurjónsson alþingismaður á hrós skilið fyrir að sökkva sér niður í fjármálafræðin og leita eftir valkosti til að leysa af hólmi það fjármálakerfi sem við höfum búið við. Framtak hans í þessu er lofsvert, og ný skýrsla hans allrar athygli verð. Aftur á móti er íslenska opinbert mál og störf Alþingis og stjórnsýslunnar eiga að fara fram á íslensku. Því hneyksli og þeirri skömm verður ekki trúað að það sé annað en hugsunarleysi og fljótræði að skýrslan er birt á ensku.
22.mar. 2015 - 20:36 Jón Sigurðsson

Fullveldisumræða

Engan hef ég heyrt eða séð halda því fram að Írar, Danir, Eistar, Hollendingar, Finnar, Svíar eða aðrar þjóðir Evrópusambandsins hafi afsalað sér fullveldi sínu. Þvert á móti líta þjóðhyggjumenn í þessum löndum svo á að aðild að Evrópusambandinu styrki, efli og tryggi fullveldi þjóðanna. Aðild að Evrópusambandinu felur ekki í sér afsal fullveldis, heldur aðeins skilyrt framsal stjórnvaldsþátta til sameiginlegrar umsjónar.
20.mar. 2015 - 15:24 Jón Sigurðsson

Athyglisverð ummæli í Morgunblaðinu

Jón Steinar Gunnlaugsson ritar athyglisverða grein í Mbl. föstud. 20. mars um aðildarviðræður að Evrópusambandinu. Þar segir hann m.a.:
14.feb. 2015 - 19:49 Jón Sigurðsson

Trú og siður Jóns Gnarrs

Jón Gnarr skrifar athyglisverðan pistil í Fréttablaðið laugardaginn 14. febrúar 2015. Eins og jafnan er Jón einlægur, opinskár og hugkvæmur - og hefur gaman af að ögra með óvæntum ábendingum og samlíkingum. Sumir hneykslast á þessu, aðrir fagna, og enn aðrir fá skemmtilegt tækifæri til að velta málum fyrir sér frá nýju sjónarmiði.

21.des. 2014 - 12:15 Jón Sigurðsson

Kirkjuferðir barna

Enn einu sinni verða deilur um kirkjuferðir barna. Sem fyrr verður meirihlutinn alveg dolfallinn yfir þessu, því að fátt hollara eða betra geta flestir foreldrar hugsað börnum sínum. Kolbrún Bergþórsdóttir skrifaði um þetta stutta grein í Morgunblaðið (Er boðskapur Krists hættulegur - 18.12.2014) af þeirri snilld, hófsemi og réttsýni sem henni er af Guði sjálfum gefin.
01.nóv. 2014 - 13:13 Jón Sigurðsson

Burt með betl og væl

Sumir halda að viðskiptasvæði eigi að vera það sama og þjóðríki eða þjóðmenning. Svo er öllu ruglað saman. Þá vakna gamlar spurningar: Væri ekki ódýrara að Íslendingar verði fylki í Noregi? Áttum við nokkuð að afsegja Danakonung? Væri ekki þægilegara að sameina Norðurlöndin? Verðum við ekki að fá útlendinga sem Seðlabankastjóra, sem dómendur um efnahagsbrot, sem Hæstaréttardómara?
01.okt. 2014 - 11:45 Jón Sigurðsson

Ályktunarhæfni kristinna manna

Við sem teljum okkur kristin höfum fyrir löngu staðfest ályktunarhæfni okkar. Við höfum sakað alþýðu Gyðinga um krossfestingu Krists, - ekki Pontíus Pílatus, ekki æðstu prestana, ekki Rómverja, íbúa Rómar eða Ítali, heldur alla Gyðinga nær og fjær. Þá sögu þekkja margir og skammast sín.
28.ágú. 2014 - 09:26 Jón Sigurðsson

Eiga ekki og mega ekki

Átökin á Gazaströnd vekja athygli. Stofnuð eru samtök til að vinna gegn innflutningi varnings frá Ísrael. Fréttastofur flytja endalausar frásögur um fjöldadráp á Gaza, og endurtaka tölurnar dag eftir dag.
05.jún. 2014 - 09:17 Jón Sigurðsson

Þetta má almenningur ekki sjá

Margir telja að aðildarsamningur við Evrópusambandið hljóti að verða okkur óhagstæður. Margir trúa því líka að meirihluti þjóðarinnar sé andvígur aðild Íslands yfirleitt.
19.mar. 2014 - 11:02 Jón Sigurðsson

Enn um þjóðhyggju

Í bókinni er margsinnis vikið að þeim róttæka mun sem er á hófsamri þjóðhyggju og ofstækisfullri þjóðernisstefnu. Nýleg reynsla víðs vegar um Evrópu sýnir að raunveruleg og alvarleg ógn stafar af öfgum og ofstæki. En ekki síður stafar hætta af yfirborðslegum tilhneigingum stjórnmálamanna til að nýta sér og misnota heilbrigðar þjóðrækilegar tilfinningar almennings í þágu valdastreitu og stundarhagsmuna.
12.mar. 2014 - 11:26 Jón Sigurðsson

Já, það er hægt að lækka vextina

Mikill þrýstingur er nú á stjórnendur Seðlabankans vegna peningamálastefnunnar. Margir telja fráleitt að þurfa samtímis að þola gjaldeyrishöft og hæstu vexti. Þessar raddir eru háværar meðal fjárfesta og innan atvinnulífsins, og margir stjórnmálamenn taka undir.
02.mar. 2014 - 09:00 Jón Sigurðsson

Beint lýðræði

Ýmsir tala fyrir því að þjóðaratkvæðagreiðslur verði virkur þáttur stjórnkerfisins. En þær eru þó aðeins hluti hugmyndanna um beint lýðræði. Mikilvægt er að taka alla þætti beins lýðræðis með í umræðunum.
27.feb. 2014 - 17:16 Jón Sigurðsson

Staða aldraðra í öryggisíbúðum

Tæpan aldarfjórðung hefur sjálfseignarstofnunin Eir, sem rekur hjúkrunarheimili og öryggisíbúðir í Reykjavík og Mosfellsbæ, staðið í fararbroddi í velferðarkerfinu. Eir er glæsilegt dæmi um félagslegt framtak á vegum almannasamtaka og sveitarfélaga, um óarðsækna þjónustu við aldraða.
22.feb. 2014 - 11:38 Jón Sigurðsson

Afturköllun umsóknar

Nú liggur fyrir tillaga á Alþingi um afturköllun aðildarumsóknar Íslands að Evrópusambandinu. Væntanlega styður meirihluti þjóðarinnar þessa tillögu. Meirihluti er fyrir henni á Alþingi, jafnvel þótt þingmenn Vinstrigrænna verði ekki taldir með. Hér verða málalyktir.
18.feb. 2014 - 19:29 Jón Sigurðsson

Skýrsla Hagfræðistofnunar um ESB

Skýrsla Hagfræðistofnunar staðfestir og ítrekar það sem allir vissu áður. Evrópusambandið (ESB) vill engar varanlegar undanþágur eða sérlausnir aðildarlanda. Samt er ýmislegt slíkt í gildi. Hér skulu aðeins nokkur dæmi nefnd.
16.feb. 2014 - 17:22 Jón Sigurðsson

Fjölgun seðlabankastjóra

Margvísleg rök mæla gegn fjölgun seðlabankastjóra - og margvísleg rök mæla með. Reynsla þjóðanna um þetta er líka fjölbreytileg.

Jón Sigurðsson
Fv. ráðherra, seðlabankastjóri, formaður Framsóknarflokksins og rektor.
Ragnheiður Ragnarsdóttir
Ragnheiður Ragnarsdóttir - 19.7.2015
Ragga í LA: Lífið síðustu mánuði
Hannes Hólmsteinn Gissurarson
Hannes Hólmsteinn Gissurarson - 23.7.2015
Myndir af mér í Séð og heyrt
Hannes Hólmsteinn Gissurarson
Hannes Hólmsteinn Gissurarson - 20.7.2015
Líkfundur í Strassborg
Hannes Hólmsteinn Gissurarson
Hannes Hólmsteinn Gissurarson - 27.7.2015
Óvandvirkur rannsóknarblaðamaður
Hannes Hólmsteinn Gissurarson
Hannes Hólmsteinn Gissurarson - 23.7.2015
Þorvaldur: Taglhnýtingur auðsins
Hannes Hólmsteinn Gissurarson
Hannes Hólmsteinn Gissurarson - 18.7.2015
Dularfulli ræðismaðurinn
Hannes Hólmsteinn Gissurarson
Hannes Hólmsteinn Gissurarson - 18.7.2015
Hæpin notkun úrfellingarmerkisins
Hannes Hólmsteinn Gissurarson
Hannes Hólmsteinn Gissurarson - 21.7.2015
Íslandsgrein Matts Ridleys
Hannes Hólmsteinn Gissurarson
Hannes Hólmsteinn Gissurarson - 26.7.2015
Gjöf frá Seðlabankanum
Ragnheiður Ragnarsdóttir
Ragnheiður Ragnarsdóttir - 27.7.2015
Augnhárin hafa aldrei verið lengri né sterkari
Hannes Hólmsteinn Gissurarson
Hannes Hólmsteinn Gissurarson - 29.7.2015
Árás Sigrúnar á Ridley
Guðlaugur Þór Þórðarson
Guðlaugur Þór Þórðarson - 29.7.2015
Eigum við að loka SÁÁ og Hjartavernd?
Hannes Hólmsteinn Gissurarson
Hannes Hólmsteinn Gissurarson - 30.7.2015
Churchill, de Gaulle og íslenskir kommúnistar
Bergljót Björk Halldórsdóttir
Bergljót Björk Halldórsdóttir - 30.7.2015
Sumarsalat með rækjum og sítrónudressingu
Guðrún Margrét Guðmundsdóttir
Guðrún Margrét Guðmundsdóttir - 01.8.2015
Mun '15 kynslóðin breyta heiminum?
Fleiri pressupennar