29. sep. 2010 - 17:00Guðlaugur Þór Þórðarson
Stutt leikrit um Samfylkinguna
Leikritið gerist í þingflokksherbergi Samfylkingarinnar. Það er þungt yfir þingmönnunum tveimur sem þar eru. Þeim var falið af formanni sínum mjög erfitt verkefni.
Þingmaður eitt: Við verðum að ákæra einhvern, annað er ekki trúverðugt! Við fórum í þetta til að friða fólkið og það verður að fá eitthvað.
Þingmaður tvö: Við getum ekki ákært Ingibjörgu, þrátt fyrir að það hafi verið góð hugmynd, því að þá tekur hún Jóhönnu með sér. Og þá fellur ríkisstjórnin -- og hvað verður þá um okkur?
Þingmaður eitt: Nei, ekki kosningar, takk fyrir! Nú, Björgvin er okkar maður og við verðum að sleppa honum. En hvað með Árna Matt, er hann ekki svo óvinsæll? Hann kom verst út úr skoðanakönnuninni.
Þingmaður tvö: Það gengur samt eiginlega ekki að sleppa bæði Björgvin og Ingibjörgu, og negla bara sjálfstæðismennina.
Þingmaður eitt hugsaði sig um í smá stund og sagði: Ég veit! Fórnum Geir, það er enginn að verja hann, nema Sjálfstæðismennirnir. Síðan notum við bara samlíkinguna um skipstjórann. Það steinliggur.
Gleðibros færðist yfir andlit
þingmanns tvö: Já, þetta er málið, láttu VG vita og segið þeim að nota skipstjóra samlíkinguna í ræðunum sínum. Þetta er snilldarplan. Við getum sagt að við höfum gert eitthvað, við sefum hefndarþorsta VG og ríkisstjórnin lifir. Give me five!
Þingmaður eitt: Við verðum að gera þetta trúverðugt í atkvæðagreiðslunni án þess að fórna markmiðunum. Við verðum að láta líta út fyrir að við séum með mismunandi skoðanir á einstaka ákæruliðum.
Og það gerðu þingmenn Samfylkingarinnar af mikilli kúnst; Þrír vildu ákæra Björgvin, fimm vildu ákæra Ingibjörgu, sjö vildu ákæra Árna, og níu ákærðu Geir.
Það munaði tveimur atkvæðum þegar kom að Geir.
Mennirnir sem greiddu þau atkvæði heita Helgi og Skúli.
29.maí 2013 - 10:22
Guðlaugur Þór Þórðarson
Stærsta úrlausnarefnið í íslensku efnahagslífi í í dag er lausn á svonefndum snjóhengjuvanda. Snjóhengjan er að minnsta kosti 100% af VLF. Stærsti einstaki hlutinn er þrotabú gömlu bankanna og nemur um þriðjungi vandans.
26.apr. 2013 - 08:48
Guðlaugur Þór Þórðarson
Kostnaðarhlutdeild sjúklinga í almennum lyfjum hefur hækkað mjög á þessu kjörtímabili. Hann var um 30% 2007 en er núna um 40%.
17.feb. 2013 - 17:27
Guðlaugur Þór Þórðarson
Fjölmiðlar hafa upplýst um mjög há laun einstaklinga í einni slitastjórn. Einnig hefur komið fram að einstaklingarnir hafa átt viðskipti við eigin félög. Slitastjórnir á Íslandi eru 17, af einhverjum orsökum er ekki áhugi hjá stjórnvöldum og fjölmiðlum að kanna laun hinna 16.
19.des. 2012 - 11:12
Guðlaugur Þór Þórðarson
Það er alltaf að koma betur og betur í ljós hversu illa málin eru undirbúin af hálfu ríkisstjórnarinnar.
18.nóv. 2012 - 09:35
Guðlaugur Þór Þórðarson
Reykjavík hefur verið svelt hvað fjárveitingar til vegamála varðar. Fjárlög til framkvæmda og viðhalds vega í Reykjavík voru um 100 milljónir árið 2011, eða aðeins um 1% af þeirri fjárhæð sem ríkið lagði í þann málaflokk það ár. Sama var uppá teningnum árin 2009 og 2010. Samkvæmt samkomulagi ríkis og borgar á ekki að ráðast í neinar framkvæmdir í vegakerfi Reykjavíkur næstu tíu árin.
07.nóv. 2012 - 09:15
Guðlaugur Þór Þórðarson
Skuldavandi heimila er mikill en það er mikilvægt að koma fram með hugmyndir til að leysa þann vanda. Ég legg hér fram fimm hugmyndir.
01.nóv. 2012 - 11:07
Guðlaugur Þór Þórðarson
Stór hópur fólks stendur nú frammi fyrir alvarlegum vanda vegna þess að það skuldar of mikið í húsnæði sínu.
18.okt. 2012 - 21:02
Guðlaugur Þór Þórðarson
Dómur hæstaréttar í máli Borgarbyggðar gegn Arion banka er áfellsdómur yfir ríkisstjórn Jóhönnu Sigurðardóttur og eftirlitsstofnunum á fjármálamarkaði. Dómurinn er mikill sigur fyrir lántakendur. Hér er hæstiréttur í fyrsta skipti að dæma um endurútreikning.
16.okt. 2012 - 11:19
Guðlaugur Þór Þórðarson
Erlendar skuldir þjóðarinnar eru mjög miklar. Því miður vitum við ekki hve miklar þær eru. Það sem við vitum er að Seðlabankinn hefur augljóslega gert mistök við mat á skuldunum.
13.sep. 2012 - 11:35
Guðlaugur Þór Þórðarson
Ég legg því til að fólki verði gert heimilt að nýta séreignasparnaðinn sinn til að lækka húsnæðisskuldir. Bæði með því að nýta þá inneign sem að það á og einnig með því að greiða inn á höfuðstól lánanna næstu fimm árin í gegnum séreignasparnaðar fyrirkomulagið.
03.sep. 2012 - 20:18
Guðlaugur Þór Þórðarson
Nokkur umræða hefur farið fram um bloggfærslu Björns Vals Gíslasonar í kjölfar þess að kærunefnd jafnréttismála komst að þeirri niðurstöðu að ráðherrann hafi brotið jafnréttislög með skipun sýslumannsins á Húsavík.
28.ágú. 2012 - 10:32
Guðlaugur Þór Þórðarson
Nú fara stuðningsmenn ríkisstjórnarinnar mikinn og reyna sannfæra þjóðina um að árangur hafi náðst í atvinnumálum. Ekkert er fjær raunveruleikanum.
17.ágú. 2012 - 08:38
Guðlaugur Þór Þórðarson
Gera verður þá kröfu til stjórnvalda að ákvörðun um að setja 11 milljarða í einkafyrirtæki sé vandlega undirbúin. Í ljósi 4 milljarða taps ríkissjóðs á ákvörðuninni þarf að skoða hvaða forsendur Steingrímur og Jóhanna lögðu henni til grundvallar. Hvaða minnisblöð, útreikningar, rekstrar-og viðskiptaáætlanir og úttekt á áhrifum á samkeppni liggja fyrir vegna yfirtöku ríkisins Sjóvá?
27.jún. 2012 - 21:09
Guðlaugur Þór Þórðarson
Við Íslendingar erum sammála um margt. Eitt af því sem við erum sammála um er réttur fólks til að kjósa í leynilegum kosningum. Ég taldi að sá réttur væri virtur en hin mikla baráttukona Freyja Haraldsdóttir hefur bent á það í viðtali við Morgunblaðið að þar er pottur er brotinn.
16.maí 2012 - 16:00
Guðlaugur Þór Þórðarson
Það er samstaða um að fækka slysum. Það gerist hinsvegar ekki af sjálfu sér. Það verður að vinna skipulega að því. Við eigum ítarlegar upplýsingar um umferðarslys á Íslandi og er t.d. nýútgefin slysaskýrsla Umferðarstofu góð heimild.
09.maí 2012 - 09:00
Guðlaugur Þór Þórðarson
Forystumenn ríkisstjórnarinnar hafa gagnrýnt það að stjórnarandstæðingar hafi vakið athygli á augljósum göllum við þetta mál með ræðum í þinginu. Er það kaldhæðnislegt að málþófsmeistararnir Steingrímur Joð og Jóhanna Sigurðardóttir skuli ganga í það verk. Ég tek til máls í mörgum málum en er ekki enn búinn að ná þeim skötuhjúum í lengstu ræðum þeirra þrátt fyrir að ég leggi allar ræður mínar á þessu þingi saman.
19.apr. 2012 - 10:50
Guðlaugur Þór Þórðarson
Borgaryfirvöld hafa verið að hreykja sér af því að hafa náð samkomulagi við ríkið um að fresta vegaframkvæmdum. Fresta öllum stórum verkefnum til ársins 2022! Spurningin er hvernig er hægt að fresta einhverju sem er ekki í gangi?
11.apr. 2012 - 22:05
Guðlaugur Þór Þórðarson
Undirlægjuháttur ríkisstjórnar Jóhönnu Sigurðardóttur er algjör. Hún greip ekki til varna í Icesave. Talaði aldrei okkar máli hvorki við samningaborðið eða í erlendum fjölmiðlum.
04.apr. 2012 - 18:14
Guðlaugur Þór Þórðarson
Beint lýðræði er spennandi valkostur sem nýtur mikils stuðnings hér á landi. Mannkynssagan hefur bæði að geyma dæmi um vel heppnaða framkvæmd á beinu lýðræði og einnig dæmi um að slíkt fyrirkomulag hafi ekki gengið vel.
08.feb. 2012 - 09:00
Guðlaugur Þór Þórðarson
Gagnrýnin hugsun hefur ekki átt upp á pallborðið í íslenskri þjóðmálaumræðu. Umræða um málefni lífeyrissjóða hefur verið því marki brennd fram til þessa og það hefur verið áhugavert að fylgjast með henni í kjölfar þeirrar skýrslu sem lífeyrissjóðirnir létu sjálfir gera og var kynnt var nú fyrir helgi. Skýrslan sýnir að tap lífeyrissjóðanna var verulegt og augljóst er að það þarf að fara málefnalega og af yfirvegun yfir starfsemi þeirra og starfsumhverfi.