10. okt. 2011 - 11:00Guðlaugur Þór Þórðarson
Embættis og stjórnmálamanna bandalagið
Ég fór í til Strassbourgar þann 26.-29. september og heimsótti þing Evrópusambandsins. Það eru ekki allir sem vita að Evrópuþingið skiptir fundunum sínum á milli Brussel og Strassbourgar. Þannig fara um 3500 manns, þingmenn og aðstoðarfólk reglulega á milli borganna. Það þarf ekki útskýra hversu dýrt þetta fyrirkomulag er en svona er þetta og því verður ekki breytt.
Markmið mitt með ferðinni var tvenns konar annars vegar að fræðast um innistæðutilskipun ESB og vekja athygli á þeirri stöðu sem að tilskipunin mun koma íslenskri þjóð í og einnig til að kynna fyrir breskum þingmönnum niðurstöðu skýrslu fjármálaráðherra um kostnað vegna hryðjuverkalaganna.
Ræða Barosso forseta framkvæmdastjórnar ESB
Ég notaði tækifærið og tók viðtal við Daniel Hannan þingmann á Evrópuþinginu sem að hefur vakið athygli fyrir gagnrýni sína á ESB. Daniel er mörgum á Íslandi að góðu kunnur þar sem að hann hefur tekið upp málstað Íslendinga í mörgum málum. Má þar nefna beytingu hryðjuverkalaganna og makríldeiluna svo eitthvað sé nefnt.
Viðtalið er tekið þann 28. september. Þann sama dag hafði Barosso forseti framkvæmdastjórnar ESB haldið ræðu í Evrópuþinginu þar sem að hann fór yfir þá alvarlegu stöðu sem að ESB er í . Hann fór yfir það að ESB væri í þeim mesta vanda sem að bandalagið hefði séð í sinni sögu.
Þetta vær ekki einungis fjárhagslegur og félagslegur vandi heldur einnig skortur á sjálfstrausti og lítil trú á framtíðinni. Honum var tíðrætt um vöntun á pólitískri leiðsögn.
Lausnina taldi hann liggja í að selja Evruskuldabréf fyrir 2 trilljónir (2.000.000.000.000 ) evra.
Einnig vildi hann setja á fjármagnsflutningaskatt en þeirri hugmynd hefur verið mjög illa tekið. En þær þjóðir sem að eiga að borga þann skatt eru ekki aðilar að Evrunni.
Þá vill Borosso færa aukin völd til stofnana ESB og dýpka samstarfið enn frekar.
Daniel Hannan
Hannan er ekki að skafa af hlutunum. Hann telur að ESB hafi orðið að hagsmunabandalagi fyrir embættismenn og stjórnmálamenn. Í upphafi hafi hugsjónafólk komið að málum og talið sig vera að vinna að friði og ýmsum góðum málum. Það hefur breyst sem m.a. lýsir sér í því að í þessari stærstu kreppu ESB þá er verið að undirbúa að stækkun á skrifstofum fyrir þingmenn sem mun kosta gríðarlegar fjárhæðir, stofnun ,,Evrópsks safns“ osfrv.
Hann gagnrýnir lausnir Barosso sem að hann lýsir sem svo að hann vilji taka á skuldavandanum með því að auka skuldir og samrunavandanum með auknum samruna.
Hér er er viðtalið í heild vonandi hafið þið gagn af.
26.apr. 2013 - 08:48
Guðlaugur Þór Þórðarson
Kostnaðarhlutdeild sjúklinga í almennum lyfjum hefur hækkað mjög á þessu kjörtímabili. Hann var um 30% 2007 en er núna um 40%.
17.feb. 2013 - 17:27
Guðlaugur Þór Þórðarson
Fjölmiðlar hafa upplýst um mjög há laun einstaklinga í einni slitastjórn. Einnig hefur komið fram að einstaklingarnir hafa átt viðskipti við eigin félög. Slitastjórnir á Íslandi eru 17, af einhverjum orsökum er ekki áhugi hjá stjórnvöldum og fjölmiðlum að kanna laun hinna 16.
19.des. 2012 - 11:12
Guðlaugur Þór Þórðarson
Það er alltaf að koma betur og betur í ljós hversu illa málin eru undirbúin af hálfu ríkisstjórnarinnar.
18.nóv. 2012 - 09:35
Guðlaugur Þór Þórðarson
Reykjavík hefur verið svelt hvað fjárveitingar til vegamála varðar. Fjárlög til framkvæmda og viðhalds vega í Reykjavík voru um 100 milljónir árið 2011, eða aðeins um 1% af þeirri fjárhæð sem ríkið lagði í þann málaflokk það ár. Sama var uppá teningnum árin 2009 og 2010. Samkvæmt samkomulagi ríkis og borgar á ekki að ráðast í neinar framkvæmdir í vegakerfi Reykjavíkur næstu tíu árin.
07.nóv. 2012 - 09:15
Guðlaugur Þór Þórðarson
Skuldavandi heimila er mikill en það er mikilvægt að koma fram með hugmyndir til að leysa þann vanda. Ég legg hér fram fimm hugmyndir.
01.nóv. 2012 - 11:07
Guðlaugur Þór Þórðarson
Stór hópur fólks stendur nú frammi fyrir alvarlegum vanda vegna þess að það skuldar of mikið í húsnæði sínu.
18.okt. 2012 - 21:02
Guðlaugur Þór Þórðarson
Dómur hæstaréttar í máli Borgarbyggðar gegn Arion banka er áfellsdómur yfir ríkisstjórn Jóhönnu Sigurðardóttur og eftirlitsstofnunum á fjármálamarkaði. Dómurinn er mikill sigur fyrir lántakendur. Hér er hæstiréttur í fyrsta skipti að dæma um endurútreikning.
16.okt. 2012 - 11:19
Guðlaugur Þór Þórðarson
Erlendar skuldir þjóðarinnar eru mjög miklar. Því miður vitum við ekki hve miklar þær eru. Það sem við vitum er að Seðlabankinn hefur augljóslega gert mistök við mat á skuldunum.
13.sep. 2012 - 11:35
Guðlaugur Þór Þórðarson
Ég legg því til að fólki verði gert heimilt að nýta séreignasparnaðinn sinn til að lækka húsnæðisskuldir. Bæði með því að nýta þá inneign sem að það á og einnig með því að greiða inn á höfuðstól lánanna næstu fimm árin í gegnum séreignasparnaðar fyrirkomulagið.
03.sep. 2012 - 20:18
Guðlaugur Þór Þórðarson
Nokkur umræða hefur farið fram um bloggfærslu Björns Vals Gíslasonar í kjölfar þess að kærunefnd jafnréttismála komst að þeirri niðurstöðu að ráðherrann hafi brotið jafnréttislög með skipun sýslumannsins á Húsavík.
28.ágú. 2012 - 10:32
Guðlaugur Þór Þórðarson
Nú fara stuðningsmenn ríkisstjórnarinnar mikinn og reyna sannfæra þjóðina um að árangur hafi náðst í atvinnumálum. Ekkert er fjær raunveruleikanum.
17.ágú. 2012 - 08:38
Guðlaugur Þór Þórðarson
Gera verður þá kröfu til stjórnvalda að ákvörðun um að setja 11 milljarða í einkafyrirtæki sé vandlega undirbúin. Í ljósi 4 milljarða taps ríkissjóðs á ákvörðuninni þarf að skoða hvaða forsendur Steingrímur og Jóhanna lögðu henni til grundvallar. Hvaða minnisblöð, útreikningar, rekstrar-og viðskiptaáætlanir og úttekt á áhrifum á samkeppni liggja fyrir vegna yfirtöku ríkisins Sjóvá?
27.jún. 2012 - 21:09
Guðlaugur Þór Þórðarson
Við Íslendingar erum sammála um margt. Eitt af því sem við erum sammála um er réttur fólks til að kjósa í leynilegum kosningum. Ég taldi að sá réttur væri virtur en hin mikla baráttukona Freyja Haraldsdóttir hefur bent á það í viðtali við Morgunblaðið að þar er pottur er brotinn.
16.maí 2012 - 16:00
Guðlaugur Þór Þórðarson
Það er samstaða um að fækka slysum. Það gerist hinsvegar ekki af sjálfu sér. Það verður að vinna skipulega að því. Við eigum ítarlegar upplýsingar um umferðarslys á Íslandi og er t.d. nýútgefin slysaskýrsla Umferðarstofu góð heimild.
09.maí 2012 - 09:00
Guðlaugur Þór Þórðarson
Forystumenn ríkisstjórnarinnar hafa gagnrýnt það að stjórnarandstæðingar hafi vakið athygli á augljósum göllum við þetta mál með ræðum í þinginu. Er það kaldhæðnislegt að málþófsmeistararnir Steingrímur Joð og Jóhanna Sigurðardóttir skuli ganga í það verk. Ég tek til máls í mörgum málum en er ekki enn búinn að ná þeim skötuhjúum í lengstu ræðum þeirra þrátt fyrir að ég leggi allar ræður mínar á þessu þingi saman.
19.apr. 2012 - 10:50
Guðlaugur Þór Þórðarson
Borgaryfirvöld hafa verið að hreykja sér af því að hafa náð samkomulagi við ríkið um að fresta vegaframkvæmdum. Fresta öllum stórum verkefnum til ársins 2022! Spurningin er hvernig er hægt að fresta einhverju sem er ekki í gangi?
11.apr. 2012 - 22:05
Guðlaugur Þór Þórðarson
Undirlægjuháttur ríkisstjórnar Jóhönnu Sigurðardóttur er algjör. Hún greip ekki til varna í Icesave. Talaði aldrei okkar máli hvorki við samningaborðið eða í erlendum fjölmiðlum.
04.apr. 2012 - 18:14
Guðlaugur Þór Þórðarson
Beint lýðræði er spennandi valkostur sem nýtur mikils stuðnings hér á landi. Mannkynssagan hefur bæði að geyma dæmi um vel heppnaða framkvæmd á beinu lýðræði og einnig dæmi um að slíkt fyrirkomulag hafi ekki gengið vel.
08.feb. 2012 - 09:00
Guðlaugur Þór Þórðarson
Gagnrýnin hugsun hefur ekki átt upp á pallborðið í íslenskri þjóðmálaumræðu. Umræða um málefni lífeyrissjóða hefur verið því marki brennd fram til þessa og það hefur verið áhugavert að fylgjast með henni í kjölfar þeirrar skýrslu sem lífeyrissjóðirnir létu sjálfir gera og var kynnt var nú fyrir helgi. Skýrslan sýnir að tap lífeyrissjóðanna var verulegt og augljóst er að það þarf að fara málefnalega og af yfirvegun yfir starfsemi þeirra og starfsumhverfi.