17. jún. 2017 - 22:37Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45.

Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.

Síðasti leikur á móti Tékkum ytra var í heildina ekki góður.
Fyrri hálfleikur var arfaslakur, tempóið í sóknarleiknum var hægt, spilið var þröngt og leitaði mjög mikið inn á miðjusvæðið.

Samspil varnar og markmanns var ekki gott og flestir söknuðu þess að sjá Björgvin Pál láta vörnina heyra það til að brýna þá sem þar stóðu enn betur.

Í seinni hálfleik komu þeir ungu Ómar Ingi og Janus Daði inná og óhætt að segja að þeir hafi breytt leik liðsins svo um munar.  Innkoma þeirra tveggja og að liðið hafi skipt yfir í 5-1 vörn gaf liðinu allt aðra heildarmynd.

Með tilkomu Ómars og Janusar á völlinn jókst hraðinn í leik liðsins, þeir sóttu breiðar á völlinn og á bakverðina, sendingarnar voru fastari og betri, takturinn og flæðið var allt annað, boltinn fékk að fljóta 2-3 sendingum oftar sem bjó til opnanir sem leiddi til færa og marka.

Seinni hálfleikurinn reyndist vera mun betri en sá fyrri og hann gefur vonandi góð fyrirheit fyrir leikinn á móti Úkraínu.

Það er sama hvar stigið er niður fæti. Markvarslan, varnarleikurinn og sóknarleikur þarf allur að vera betri til að liðið vinni. Ekki má gleyma því að Úkraína vann Ísland sannfærandi úti og þeir eru á mikilli uppleið á sinni vegferð.

Leikmenn eins og Björgvin Páll, Arnór Atlason, Rúnar Kárason og síðastur en ekki sístur Aron Pálmarsson þurfa að stíga upp og skila meiru til liðsins en í síðasta leik. Og ég þykist vita að þeir muni svo sannarlega gera það í þessum leik.

Fyrir liggur að leikurinn er eins og áður segir, úrslitaleikur fyrir Ísland að komast á HM.

Stútfull Laugardalshöll, strákarnir okkar með bakið upp við vegg, úrslitaleikur, hefna þarf fyrir tapið úti á móti Úkraínu ytra. Hversu oft höfum við séð Íslenska landsliðið í handbolta stíga vel á bensíngjöfina og vinna í þessum aðstæðum? Alloft. Ég hef trú á að þeir muni gera það og stimpla sig inn í sumarfríið sitt með eins besta móti og mögulegt er.

Nú fjölmenna allir í Laugardalshöllina og öskra strákana áfram á enn eitt stórmótið!

Áfram Ísland!



02.ágú. 2017 - 20:00 Davíð Már Kristinsson

Atlavík ´84

Stærsta ferðahelgi ársins nálgast nú óðfluga, sjálf verzlunarmannahelgin. Skemmtanaþyrstir unglingar, ungmenni og stundum fullorðið fólk þeisast á útihátíðir en fjölskyldurnar leita í fjölskylduhátíðir.
14.júl. 2017 - 19:41 Davíð Már Kristinsson

Jákvæð teikn á lofti

Nýlega bárust fregnir af því að Handknattleikssamband Íslands hefði framlengt samning sinn við Olís sem aðalstyrktar aðili efstu deildar á Íslandi. Efsta deild karla og kvenna mun því heita áfram Olís deildin en 1. deild karla og kvenna fær í fyrsta skipti nafn en þær munu heita Grill 66 deildin.
10.maí 2017 - 17:28 Davíð Már Kristinsson

Rýnt í úrslitaeinvígi FH og Vals

Nú er komið að því að úrslitaeinvígið er að hefjast í Olís deild karla og eru það lið FH og Vals sem mætast í úrslitaeinvíginu þetta árið. FH endaði í 1. sæti í deildinni og urðu deildarmeistarar en Valur endaði í 7. sæti og unnu bikarmeistaratitlinn. Bæði þessi lið spila knallharða og gífurlega sterka 6-0 vörn þar sem vel er tekið á því og notaður til þess mikill þungi og kraftur. Valur spilar líka stundum með Ými Gíslason fyrir framan í 5-1 vörn og falla niður í 6-0 er lið leysa inn á móti þeim Sóknarlega eru þessi lið bæði mjög öguð og eru góð í þessu svokallaða framhaldsspili. Þau velja oft ekki fyrsta séns og láta boltann ganga 2-4 sinnum oftar til að fá opnun.
18.apr. 2017 - 22:21 Davíð Már Kristinsson

Undanúrslit Olís deildar kvenna að hefjast

Frábært tímabil hjá Stjörnunni. Deildarmeistarar og bikarmeistarar. Eru með besta hópinn í deildinni - með allsvakalega breidd. Það eru fullt af stelpum sem geta komið inná af bekknum og breytt gangi leiksins
07.apr. 2017 - 18:25 Davíð Már Kristinsson

8-liða úrslit í Olís deild karla að hefjast

Eftir gríðarlega jafna og spennandi deildarkeppni í vetur þar sem á köflum allir gátu unnið alla er komið að úrslitakeppni

Þetta er mín spá fyrir 8 liða úrslit Olís deildar karla
14.des. 2016 - 11:17 Davíð Már Kristinsson

Spáin fyrir 16.umferðina í Olís-deildinni

Handknattleiksþjálfarinn Davíð Már spáir fyrir um 16. umferð Olís deildar karla sem hefst á morgun fimmtudag. Valsararnir hafa verið á fínni siglingu heilt yfir undanfarið en voru hundslappir í síðasta leik þar sem þeir töpuðu sannfærandi á móti Stjörnunni eftir að hafa komist m.a 11-4 yfir. Þeir geta notað Stjörnu leikinn sem mikla hvatningu til að snúa dæminu aftur við.



Davíð Már Kristinsson
Akureyskur Vesturbæingur. Starfsmaður Reykjavíkurborgar. Þjálfari. Leikari. Sjálfstætt starfandi. Pistlahöfundur fyrir Pressan.is
Esprit: Nýjar vörur ágúst 2017
Húðfegrun: 15% afsláttur af öllum meðferðum - ágúst