18. apr. 2017 - 22:21Davíð Már Kristinsson

Undanúrslit Olís deildar kvenna að hefjast

Stjarnan - Grótta


Frábært tímabil hjá Stjörnunni. Deildarmeistarar og bikarmeistarar. Eru með besta hópinn í deildinni - með allsvakalega breidd. Það eru fullt af stelpum sem geta komið inná af bekknum og breytt gangi leiksins

Grótta byrjaði illa og endurheimti svo Önnu Úrsúlu úr fríinu sínu og þá hafa þær tekið smátt og smátt saman við sér. Lokakaflinn hjá þeim í deildinni var bara mjög góður og þær voru verðskuldað fjórða og síðasta liðið til að vinna sér sæti í úrslitakeppninni.

Grótta hefur mjög gott byrjunarlið en breiddin er lítil sem engin og fáar stelpur sem geta komið inn af bekknum og sett mark sitt allverulega á hlutina

Þar liggur fyrst og fremst munurinn á liðunum

Ég spái 3-1 sigri Stjörnunnar í þessu einvígi

Fram - Haukar

Fram missti af bæði deildarmeistaratitlinum og bikarmeistaratitlinum í hendur Stjörnustúlkna í vetur þannig að þær eiga harma að hefna

Sú staðreynd hlýtur að virka sem bensín fyrir Framstúlkur að ná í þann stóra

Þrátt fyrir það að þær hafi misst af 2 titlum þá hafa þær spilað heilt yfir mjög vel í vetur

Ef Haukar ná fram mikla stemmingu áður en þær kveðja þjálfarann sinn í vor og þær ná að stoppa Ragnheiði í sókninni þá eiga þær séns en þá þurfa Maria og Ramune hjá Haukum að eiga sína bestu leiki

Það er eitthvað sem segir mér það að þetta einvígi fari óvænt í oddaleik

Ég spái 3-2 sigri Fram í þessu einvígi



02.ágú. 2017 - 20:00 Davíð Már Kristinsson

Atlavík ´84

Stærsta ferðahelgi ársins nálgast nú óðfluga, sjálf verzlunarmannahelgin. Skemmtanaþyrstir unglingar, ungmenni og stundum fullorðið fólk þeisast á útihátíðir en fjölskyldurnar leita í fjölskylduhátíðir.
14.júl. 2017 - 19:41 Davíð Már Kristinsson

Jákvæð teikn á lofti

Nýlega bárust fregnir af því að Handknattleikssamband Íslands hefði framlengt samning sinn við Olís sem aðalstyrktar aðili efstu deildar á Íslandi. Efsta deild karla og kvenna mun því heita áfram Olís deildin en 1. deild karla og kvenna fær í fyrsta skipti nafn en þær munu heita Grill 66 deildin.
17.jún. 2017 - 22:37 Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45. Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.
10.maí 2017 - 17:28 Davíð Már Kristinsson

Rýnt í úrslitaeinvígi FH og Vals

Nú er komið að því að úrslitaeinvígið er að hefjast í Olís deild karla og eru það lið FH og Vals sem mætast í úrslitaeinvíginu þetta árið. FH endaði í 1. sæti í deildinni og urðu deildarmeistarar en Valur endaði í 7. sæti og unnu bikarmeistaratitlinn. Bæði þessi lið spila knallharða og gífurlega sterka 6-0 vörn þar sem vel er tekið á því og notaður til þess mikill þungi og kraftur. Valur spilar líka stundum með Ými Gíslason fyrir framan í 5-1 vörn og falla niður í 6-0 er lið leysa inn á móti þeim Sóknarlega eru þessi lið bæði mjög öguð og eru góð í þessu svokallaða framhaldsspili. Þau velja oft ekki fyrsta séns og láta boltann ganga 2-4 sinnum oftar til að fá opnun.
07.apr. 2017 - 18:25 Davíð Már Kristinsson

8-liða úrslit í Olís deild karla að hefjast

Eftir gríðarlega jafna og spennandi deildarkeppni í vetur þar sem á köflum allir gátu unnið alla er komið að úrslitakeppni

Þetta er mín spá fyrir 8 liða úrslit Olís deildar karla
14.des. 2016 - 11:17 Davíð Már Kristinsson

Spáin fyrir 16.umferðina í Olís-deildinni

Handknattleiksþjálfarinn Davíð Már spáir fyrir um 16. umferð Olís deildar karla sem hefst á morgun fimmtudag. Valsararnir hafa verið á fínni siglingu heilt yfir undanfarið en voru hundslappir í síðasta leik þar sem þeir töpuðu sannfærandi á móti Stjörnunni eftir að hafa komist m.a 11-4 yfir. Þeir geta notað Stjörnu leikinn sem mikla hvatningu til að snúa dæminu aftur við.



Davíð Már Kristinsson
Akureyskur Vesturbæingur. Starfsmaður Reykjavíkurborgar. Þjálfari. Leikari. Sjálfstætt starfandi. Pistlahöfundur fyrir Pressan.is
Híbýli fasteignasala KOSTANDI