10. maí 2017 - 17:28Davíð Már Kristinsson

Rýnt í úrslitaeinvígi FH og Vals

Nú er komið að því að úrslitaeinvígið er að hefjast í Olís deild karla og eru það lið FH og Vals sem mætast í úrslitaeinvíginu þetta árið. FH endaði í 1. sæti í deildinni og urðu deildarmeistarar en Valur endaði í 7. sæti og unnu bikarmeistaratitlinn. Bæði þessi lið spila knallharða og gífurlega sterka 6-0 vörn þar sem vel er tekið á því og notaður til þess mikill þungi og kraftur.

Valur spilar líka stundum með Ými Gíslason fyrir framan í 5-1 vörn og falla niður í 6-0 er lið leysa inn á móti þeim.

Sóknarlega eru þessi lið bæði mjög öguð og eru góð í þessu svokallaða framhaldsspili. Þau velja oft ekki fyrsta séns og láta boltann ganga 2-4 sinnum oftar til að fá opnun.

Það verður gaman að sjá nokkra hluti:

Hvernig munu FH-ingar bregðast við all harðri vörn Valsmanna þegar að því kemur?

Í FH liðinu er einn 17 ára að spila mikið fyrir utan og hornamaður í skyttustöðu. Þeir mega ekki bogna ef þeir verða lamdir.

Munu Valsmenn eiga þrek í FH-ingana ef Óðinn Þór fær endalaust af hraðaupphlaupum?

Mun markvarslan hjá Val eiga roð í markvörsluna hjá FH?

Valur hefur rúllað mannskapnum sínum mjög vel í allan vetur útaf miklu álagi og það mun hjálpa þeim mikið núna FH spilar svolítið á sömu 9-10 leikmönnunum en Ísak Rafnsson sýndi í sókninni í einum leiknum í undanúrslitum að hann gæti orðið þeirra leynivopn í einvíginu FH koðnuðu svolítið niður á stóra sviðinu er bikarhelgin var í febrúar og það einmitt á móti Val.

Það verður stór prófraun fyrir þá að stíga aftur á stóra sviðið og sjá hvernig spennustigið verður þá Þetta verður frábært einvígi og flott auglýsing fyrir handboltann. Vonandi fer það í 5 leiki.

Erfitt að spá í sigurvegara en ég ætla að skjóta á Valsarana. Þeir eru ennþá með óbragð í munninum eftir Evrópuævintýrið og þeir munu nota það mikið sem hvatningu í þessu einvígi. Einnig gæti ég trúað að þeir muni hafa meiri sálrænan styrk.

Ég spái Val sigri 3-2 og Íslandsmeistartitlinum.




17.jún. 2017 - 22:37 Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45. Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.
18.apr. 2017 - 22:21 Davíð Már Kristinsson

Undanúrslit Olís deildar kvenna að hefjast

Frábært tímabil hjá Stjörnunni. Deildarmeistarar og bikarmeistarar. Eru með besta hópinn í deildinni - með allsvakalega breidd. Það eru fullt af stelpum sem geta komið inná af bekknum og breytt gangi leiksins
07.apr. 2017 - 18:25 Davíð Már Kristinsson

8-liða úrslit í Olís deild karla að hefjast

Eftir gríðarlega jafna og spennandi deildarkeppni í vetur þar sem á köflum allir gátu unnið alla er komið að úrslitakeppni

Þetta er mín spá fyrir 8 liða úrslit Olís deildar karla
14.des. 2016 - 11:17 Davíð Már Kristinsson

Spáin fyrir 16.umferðina í Olís-deildinni

Handknattleiksþjálfarinn Davíð Már spáir fyrir um 16. umferð Olís deildar karla sem hefst á morgun fimmtudag. Valsararnir hafa verið á fínni siglingu heilt yfir undanfarið en voru hundslappir í síðasta leik þar sem þeir töpuðu sannfærandi á móti Stjörnunni eftir að hafa komist m.a 11-4 yfir. Þeir geta notað Stjörnu leikinn sem mikla hvatningu til að snúa dæminu aftur við.