14. júl. 2017 - 19:41Davíð Már Kristinsson

Jákvæð teikn á lofti

Nýlega bárust fregnir af því að Handknattleikssamband Íslands hefði framlengt samning sinn við Olís sem aðalstyrktar aðili efstu deildar á Íslandi. Efsta deild karla og kvenna mun því heita áfram Olís deildin en 1. deild karla og kvenna fær í fyrsta skipti nafn en þær munu heita Grill 66 deildin.
Ekki nóg með það heldur ákvað HSÍ að venda kvæði sínu í kross og semja við 365 miðla um samstarf um að koma inn með umfjöllunarþátt og beinar útsendingar og er því 22 ára samstarfi RÚV og HSÍ um sjónvarpsútsendingar á deildarkeppni og úrslitakeppni lokið, altént í bili.

Gríðarleg ánægja er í hreyfingunni um þessi vistaskipti. Að handboltinn sé kominn yfir á Sportrás sem fær og hefur bolmagn fjárhagslega og svigrúm tímanlega til að geta einsett sér það að setja hita, þunga og einbeitingu í að sinna þessari íþrótt með sem allra besta móti

Nýráðinn framkvæmdarstjóri HSÍ, Róbert Geir Gíslason, sagði einmitt í viðtali við undirritun samnings að eitt af markmiðum Sambandsins með þessum samning væri að búa til fleiri stjörnur og landsliðsmenn og landsliðskonur framtíðarinnar.

Handboltinn verður margfalt sýnilegri, meira í umræðunni, fleiri fréttir og fleiri flettingar á Visir.is, fleiri leikir sýndir, allir leikir teknir upp, greindir í umfjöllunarþætti, umræður og bollaleggingar fram og til baka um hitt og þetta í leikjunum og tengt félögunum.

Allt þetta hefur auðvitað áhrif og er ég viss um að félögin gætu séð heilmikla fjölgun iðkenda í yngri flokkum karla og kvenna þegar líða tekur á veturinn



17.jún. 2017 - 22:37 Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45. Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.
10.maí 2017 - 17:28 Davíð Már Kristinsson

Rýnt í úrslitaeinvígi FH og Vals

Nú er komið að því að úrslitaeinvígið er að hefjast í Olís deild karla og eru það lið FH og Vals sem mætast í úrslitaeinvíginu þetta árið. FH endaði í 1. sæti í deildinni og urðu deildarmeistarar en Valur endaði í 7. sæti og unnu bikarmeistaratitlinn. Bæði þessi lið spila knallharða og gífurlega sterka 6-0 vörn þar sem vel er tekið á því og notaður til þess mikill þungi og kraftur. Valur spilar líka stundum með Ými Gíslason fyrir framan í 5-1 vörn og falla niður í 6-0 er lið leysa inn á móti þeim Sóknarlega eru þessi lið bæði mjög öguð og eru góð í þessu svokallaða framhaldsspili. Þau velja oft ekki fyrsta séns og láta boltann ganga 2-4 sinnum oftar til að fá opnun.
18.apr. 2017 - 22:21 Davíð Már Kristinsson

Undanúrslit Olís deildar kvenna að hefjast

Frábært tímabil hjá Stjörnunni. Deildarmeistarar og bikarmeistarar. Eru með besta hópinn í deildinni - með allsvakalega breidd. Það eru fullt af stelpum sem geta komið inná af bekknum og breytt gangi leiksins
07.apr. 2017 - 18:25 Davíð Már Kristinsson

8-liða úrslit í Olís deild karla að hefjast

Eftir gríðarlega jafna og spennandi deildarkeppni í vetur þar sem á köflum allir gátu unnið alla er komið að úrslitakeppni

Þetta er mín spá fyrir 8 liða úrslit Olís deildar karla
14.des. 2016 - 11:17 Davíð Már Kristinsson

Spáin fyrir 16.umferðina í Olís-deildinni

Handknattleiksþjálfarinn Davíð Már spáir fyrir um 16. umferð Olís deildar karla sem hefst á morgun fimmtudag. Valsararnir hafa verið á fínni siglingu heilt yfir undanfarið en voru hundslappir í síðasta leik þar sem þeir töpuðu sannfærandi á móti Stjörnunni eftir að hafa komist m.a 11-4 yfir. Þeir geta notað Stjörnu leikinn sem mikla hvatningu til að snúa dæminu aftur við.